இனப்படுகொலையாளி ராசபக்சேவை தண்டிக்கக்கோரி தஞ்சாவூரில் 5000 மாணவர்கள் திரண்ட பிரம்மாண்ட பேரணி! (ஏனைய போராட்ட செய்திகளும் இங்கு உடனுக்குடன் இணைக்கப்படும்.)

[துளசி]

பேரணிக்கு தமிழக அரசு அனுமதி மறுத்த நிலையில் "தமிழீழத்திற்கான மாணவர் போராட்டக் குழு"வினர் அதை சேப்பாக்கம் அரசு விருந்தினர் மாளிகையின் முன்பு நினைவேந்தலாக நடத்தியுள்ளனர்.

 

 

 

 

 

 

 

 

 

 

 

 

 

 

 

 

(facebook)

[துளசி]

தமிழீழ விடுதலைக்கான மாணவர்கள் கூட்டமைப்பு சார்பாக கடலூரில் நடைபெற இருந்த பேரணி மற்றும் போதுகூட்டதிற்கு கடைசி நேரத்தில் அனுமதி மறுக்கப்பட்டது , காவல்துறையினரின் பல்வேறு நெருக்கடிகளை மீறி ஈழத்தில் இறந்த உறவுகளுக்கு மெழுகுவர்த்தி ஏற்றி அஞ்சலி செலுத்தும் நிகழ்வு நடந்தது இதில் ஏரளாமான பொதுமக்கள் கலந்து கொண்டு தம் உறவுகளுக்கு மெழுகு வர்த்தி ஏந்தி அஞ்சலி செலுத்தினர் ..

 

 

(facebook)

[துளசி]

திருநெல்வேலி மாவட்ட தமிழீழ விடுதலைக்கான மாணவர்கள் கூட்டமைப்பின் சார்பாக மே 18 உலக இனப்படுகொலை தினமான முள்ளிவாய்க்கால் இனப்படுகொலை நினைவேந்தல், தமிழக திறந்த வெளி சிறை கூடங்களில் 24 வருடங்களாக அடைபட்டு கிடக்கும் ஈழத்தமிழர்களுக்கு சம குடியுரிமை அந்தஸ்து வழங்கப்பட வேண்டும் என்ற ஒற்றைக்கோரிக்கையுடன் நடைபெற்றது.

 

 

 

 

 

 

(facebook)

[துளசி]

மே 18 2013 ஜேர்மனில் நடைபெற்ற பேரணி.

 

 

 

 

 

 

 

(facebook)

[தமிழ் சிறி]

@  VENDAN : (19 May 2013 - 02:04 PM) பல்லாயிரகணக்கான தமிழர்ளும், தமீழீழ ஆதரவு அரசியல் தலைவர்களும் மெரீனாவில் திரண்டுள்ளனர்.

 

http://dinaithal.com...nadu&Itemid=102

 

 

 

[துளசி]

மே 17 இயக்கத்தினரால் சென்னை மெரீனாவில் நடத்தப்பட்ட நினைவேந்தல் தொடர்பான மேலும் ஒரு படம்

 

 

 

(facebook)

[துளசி]

மே 18 ஜேர்மனில் நடைபெற்ற பேரணி தொடர்பான மேலும் சில படங்கள்

 

 

 

 

 

 

 

 

 

 

(facebook)

[துளசி]

402f6417ed58036d1210be1d5836bbfc

[துளசி]

அதிமுக ஆட்சியின் அடக்குமுறையும் ஒடுக்குமுறையும்

 

மே-18 அன்று கடலூரில் நடந்த நாம் தமிழர் கட்சியின் பொதுக்கூட்டத்தில் கலந்துகொள்வதற்காக சேலம் மாவட்டத்தில் இருந்து மாவட்ட ஒருங்கிணைப்பாளர் சி.அருண் அவர்களின் தலைமையில் சென்ற பொதுமக்களையும், கல்லூரி மாணவர்களையும், நாம் தமிழர் கட்சியின் தோழர்களையும் அக்கூட்டத்திற்கு செல்லவிடாமல் சேலம் ஆத்தூர்-யை அடுத்து கூட்டுச்சாலை (கூட்டுரோடு) சுங்கச் சாவடியில் காவல்துறையினரால் தடுத்து 200 க்கும் மேற்பட்ட நாம் தமிழரை இரவு 9 மணிவரை மண்டப்பத்தில் சிறை வைத்து திருப்பி அனுப்பினர்.

பெண்களும் குழந்தைகளும் இதில் இருக்கிறார்களே என்று பாராமல் கூட நமது காவல்துறையினர் இரவு 9 மணி வரை ஒருவரையும் வீட்டிற்கோ பொதுக்கூட்டத்திற்கோ செல்ல அனுமதிக்கவில்லை. அக்கூட்டத்தில் பெரும்திரளாக கலந்து கொள்ளவேண்டும் என்று எண்ணி கடந்த ஒரு மாதகாலமா பெரும் பாடுபட்டு நிதி சேகரித்து, விளம்பரங்கள் செய்து, வீடு வீடாக பிரச்சாரம் செய்து சேர்த்த மக்களின் உணர்வுகளை இந்த ஆட்சியாளர்கள் வீணாக்கிவிட்டனர்.

ஏன் இந்த அடக்குமுறை, ஒடுக்குமுறை?

 

 

 

 

 

 

 

 

 

 

 

 

 

 

 

 

 

 

 

 

(facebook)

[துளசி]

காவல்துறையின் முற்றுகைக்கு மத்தியிலும் திரண்ட தமிழர்கள் நம்பிக்கை அளிக்கிறார்கள்.

நினைவேந்தல் நிகழ்வின் முகப்புப் பகுதியில் ‘அதிரடிப்படையை’ குவித்து எங்களுக்கு பாதுகாப்பு தருகிறோம் என்று மக்கள் பங்கேற்பினை தடுத்து முற்றுகை வளையத்தினை ஏற்படுத்தினார்கள். 3.30 மணியில் ஆரம்பித்த முற்றுகை 7.30 மணிவரை இருந்தது.

நினைவு நடுகல்லினை வைக்ககூடாது, தடுப்பு கட்டைகள் ’பயங்கரமான ஆயுதமாக’ இருக்கிறது ஆகவே அகற்றவேண்டும் என கொடுத்த நெருக்கடிகள் என காவல்துறையின் நோக்கம் மக்கள் பங்கெடுப்பினை தடுப்பதாகவே அமைந்தது.

 

நினைவேந்தல் நடுகல்லிற்கு அஞ்சலி செலுத்த வந்த மக்களை காவல்துறை தடுத்து அனுப்பிய நிகழ்வும் நடந்தது.

இன்னும் பலவிடயங்களை பகிரவேண்டும். தொகுத்து எழுதுகிறோம்.
 

- திருமுருகன் காந்தி -

 

(facebook)

[துளசி]

சென்னை மெரீனாவில் மே 18 ஆம் திகதி மாணவர்கள் நடத்திய போராட்டமும் மாணவர்கள் காவல்துறையினரால் கைது செய்யப்பட்ட காட்சியும்.

 

"ஒரு தலைவன் வரவுக்காய் காத்திருந்தோம் எங்கள் தலைவன் பிறந்தான்" என்ற பாடலை ஒருவர் பாடுகிறார்.

 

 

(facebook)

 

 

 

[துளசி]

மெரினாவில் மே 17 இயக்கத்தினரால் மே 19 ஆம் திகதி ஒழுங்குசெய்யப்பட்ட முள்ளிவாய்க்கால் நினைவேந்தல் நிகழ்வில் வைகோ ஐயா உட்பட பலர் பால சந்திரன் படத்துக்கு மலர் தூவி அஞ்சலி செலுத்தி கோஷமிடும் காட்சி...

 

 

(facebook)

 

 

 

 

[துளசி]

நோர்வே ஒஸ்லோவில் நடைபெற்ற இன அழிப்பு நினைவுநாள்.

 

 

 

 

 

(facebook)

[துளசி]

நீதி கேட்டு மாணவர் எழுச்சி நாள் லண்டனில் 23.06.2013

 

 

(facebook)

[துளசி]

மே 18 இன அழிப்பு நினைவு நாள் - பிரான்ஸ்

 

 

 

 

 

 

 

 

 

 

 

 

 

 

 

(facebook)

[துளசி]

நேற்றைய நினைவேந்தல் நிகழ்விற்கு எப்போழுதும் போல அரசின் அனுமதி கிடையாது. மே பதினேழு இயக்கம் நிகழ்த்திய பெரும்பாலான போராட்டங்கள் அரசின் அனுமதியை மீறியே நிகழ்ந்திருக்கிறது. சென்னை மெரினாவில் இதுவரை நிகழ்ந்த நிகழ்வுகளும், ஐ. நா அலுவலக, காங்கிரஸ் அலுவலக, சுப்ரமணியசாமி, கமலஹாசன் அலுவலகம், காலச்சுவடு, சென்னை புத்தகதிருவிழா உட்பல நிகழ்ந்த பல்வேறு முற்றுகை- எதிர்ப்பு போராட்டங்களும் அரசின் அனுமதியில்லாமலேயே, அனுமதி மறுக்கப்பட்ட நிலையில் தான் நிகழ்ந்தது.

மே பதினேழு தோழர்கள் மீது பல்வேறு வழக்குகள் பதியப்பட்டு இருக்கின்றன. என் மீது இதுவரை 6 நிகழ்வுகளுக்கும் மேல் வழக்கு பதியப்பட்டு இருக்கிறது. சுவரொட்டி ஒட்டுவதில் இருந்து அச்சடிப்பது, துண்டறிக்கைகள் விநியோகம் செய்வதில் இருந்து அனைத்திலும் நெருக்கடிகளை எதிர்கொண்டே இதுவரை நிகழ்த்தி இருக்கிறோம்.
பொதுமக்களை அரசின் அனுமதியை மீறிய நிகழ்விற்கு பங்கெடுக்க வைத்ததும் மே பதினேழு இயக்கத்தின் செயலே.

போராட்டம் செய்யவேண்டுமென முடிவெடுத்த பிறகு அனுமதிக்காக மட்டும் காத்திருப்பதில்லை.

 

- திருமுருகன் காந்தி -

 

(facebook)

[துளசி]

இன்று காலை பத்திரிக்கையாளர் தோழர் ஒருவர் தொடர்பு கொண்டு “ தோழரே நேற்று நினைவேந்தல் நடந்ததா?” என்றார்.

“ ஏன் தோழர், நேற்று நினைவேந்தல் நடந்ததே” என்றேன்...

” இல்லை தோழர், காவல்துறையில் சொன்னார்கள், நிகழ்ச்சி தடை செய்யப்பட்டிருக்கிறது “ என்றார்..
பிறகு தோழர்களிடம் விசாரித்தபொழுது இதே செய்தியை பல இடங்களில் செய்தியாக பரப்பி இருந்திருக்கிறார்கள்...

என்னுடைய செல்பேசி நேற்றுக் காலை 6 மணிக்கு வந்த அழைப்பிற்கு பிறகு செயல்படவே இல்லை. மாலை 5 மணிக்கு பிறகே சில அழைப்புகள் வந்தன.

அரண் போல நின்ற காவல்துறையினர், ஒன்று கூட வந்த மக்களை திருப்பி அனுப்பினார்கள். மேலும் சிலரிடம் விலகி வெளியே செல்லுமாறு சொன்னார்கள்.இதுபோல பல தோழர்கள், நண்பர்கள் இம்மாதிரிச் செய்தியை பகிர்ந்துகொண்டிருக்கிறார்கள்...

நினைவேந்தல் எனும் நிகழ்வினை நடக்க விடாமல் தடுப்பது என்கிற விருப்பம் அரசுக்கு மட்டும் இருக்கவில்லை..

அந்த நிகழ்வினை வெற்றிகரமாக நிகழ்த்துவதும், பெரும் திரளாய் மக்கள் திரண்டு நினைவஞ்சலி செலுத்துவதையும் தடுப்பதை நோக்கமாக வைக்கும் அரசுக்கும் இதர நபர்களுக்கும் சொல்ல விரும்புவது ஒரே ஒரு செய்தியை தான்..

நாங்கள் அரசியல் கட்சியல்ல.. கூட்டம் கூட்டி காட்டி வலிமையை நிரூபிப்பதற்கு, அதிகாரத்தினை கைப்பற்றுவதற்கு. அடக்கி விடுவதால் போராட்டம் அடங்கிவிடுவதில்லை. 2009இல் துரோகம் செய்தவர்கள் வீழ்ந்த வரலாறு இன்னும் மறைந்து விடவில்லை..

காவல்துறையினர் கவனிக்க வேண்டியத்; இயக்கங்கள், அரசியல் கட்சியை மட்டுமே எதிர்த்துப் போராடப் போவதில்லை. போராடியதும் இல்லை.. சிங்கள அரசிடம் நீங்கள் சம்பளம் பெற்று வேலை செய்வதாக நீங்கள் நடந்து கொண்டால், சிங்களத்திற்கு என்ன எதிர்ப்பினை பதிவு செய்தார்களோ அதை சிங்கள ஆதரவு அதிகாரிகளுக்கும் செய்யவே செய்வார்கள் இயக்கங்கள்.

நாங்கள் கடுமையான ஒடுக்குமுறை காலமான திமுக காலத்தினையும் கடந்து வந்து இருக்கிறோம். ஒடுக்குமுறைகளை எதிர்கொள்வது கடினமல்ல.. ஆனால் கடந்த காலத்தினை விட தற்போது தமிழக மக்கள் எங்கள் பக்கம் இருக்கிறார்கள்.. உங்கள் ஒடுக்குமுறை உங்களை மட்டுமே பலவீனமாக்கும்.

 

- திருமுருகன் காந்தி -

 

(facebook)

[விசுகு]

பிரான்சில் மே 18 பேரணி மழைக்கு மத்தியிலும் நடைபெற்றது.

பேரணிக்கு நானும் சென்றிருந்தேன். கையில் பதாகைகளுடன் அனைவரும் ரோஜா மலர் ஏந்தி சென்றோம். பலர் "arrêter le génocide tamouls" என்று பொறிக்கப்பட்ட தமிழீழ வரைபடத்துடன் கூடிய t-shirt அணிந்து சென்றோம். அனைத்தும் பேரணி ஒழுங்கு செய்தவர்களால் இலவசமாகவே தரப்பட்டது. பலர் புலிக்கொடிகளை பிடித்திருந்தார்கள். ஒரு புலிக்கொடியும் பிரான்ஸ் நாட்டு கொடியும் ஐரோப்பா கொடியும் மிக உயரமாக பிடிக்கப்பட்டன.

école miliitaire இலிருந்து பேரணி ஆரம்பமானது. "முள்ளிவாய்க்கால் மண்ணே வணக்கம்" என்ற பாடல், "பூக்கள் எரிகிறதே எம் வேர்கள் கருகிறதே" மற்றும் பல பாடல்கள் ஒலிபரப்பப்பிக்கொண்டிருந்தார்கள். பிரெஞ்சு மொழியிலும் பாடல், பிரச்சாரங்கள் ஒலிபரப்பப்பட்டன. பேரணியின் இடையில் மழை வந்து விட்டது. மழைக்கு மத்தியிலும் அனைவரும் பேரணியில் பயணித்தோம். ஆங்காங்கே வேற்றின மக்கள் எமது போராட்டத்தை படமெடுத்தார்கள். eiffel tower அருகே பேரணி பயணித்த போது அங்கு சுற்றுலா வந்த பல மக்கள் எமது போராட்டத்தை படமெடுத்தார்கள். சிலர் வீடியோவும் எடுத்தார்கள். சில வெள்ளைக்கார பெண்மணிகள் எமது முதுகில் தட்டி ஆறுதல் கூறி சென்றார்கள்.

 

பேரணி இறுதி இடத்தை அடைந்ததும் இறந்த மக்களுக்காக மௌன அஞ்சலி செலுத்தினோம். பின்னர் அங்கு அமைக்கப்பட்டிருந்த நினைவு தூபியில் பூக்களை வைத்து அஞ்சலி செலுத்தினோம். பின்னர் பலர் உரையாற்றினார்கள். ஒரு எழுச்சிப்பாடலுக்கு சிலர் சேர்ந்து நடனமாடினார்கள். மழை தூறலின் மத்தியிலும் நிலம் ஈரமாக இருந்த போதும் அவர்கள் எழுச்சி நடனமாடியது பாராட்டப்பட வேண்டியது. இலங்கையில் சைவ, இஸ்லாமிய, கிறிஸ்தவ ஸ்தலங்கள் அழிக்கப்பட்டு அவ்விடத்தில் புத்தர் சிலைகள் வைக்கப்படுவதை சொல்லும் வகையில் ஒரு சிறு நாடகம் இடம்பெற்றது. பின்னரும் சிலர் உரையாற்றினார்கள். அத்துடன் நான் அங்கிருந்து வெளியேறி விட்டேன். அதன் பின்னர் நடைபெற்றவை பற்றி தெரியவில்லை.

 

படங்கள் கிடைத்தால் பின்னர் இணைக்கிறேன்.

 

மே 18 இன அழிப்பு நினைவு நாளில் கலந்து கொண்ட அனைவருக்கும் நன்றி.

 

"பூக்கள் எரிகிறதே எம் வேர்கள் கருகிறதே" என்ற பாடலை நீங்களும் கேளுங்கள்.

 

 

 

நன்றி  துளசி

யாழின் ஒரு நிருபர் போல வளர்வது குறித்த சந்தோசம்

நானும் வந்து இறுதிவரை நடந்து 7 மணிவரை நின்று வந்தேன்.

மழையாலும் உட்காரமுடியாமையாலும் கூட்டம சிறி)து கலைந்தாலும்  மிகவும் ஆக்கபூர்வமாக இருந்தது

அனைவருக்கும் நன்றிகள்

(பேசிய  அநேகமானவர்கள் பிரெஞ்சுக்காறர்கள் அதிலும் அரசியலில் முக்கியமானவர்கள்)

[மகம்]

Thirumurugan Gandhi

 

திமுகவினை எதிர்க்குமளவிற்கு அதிமுகவினை எதிர்க்கவில்லையே என்கிறார்கள். திமுகவினை விமர்சிக்கிறீர்கள், ஆனால் அதிமுகவிடம் அடக்கி வாசிக்கிறீர்கள் என்றார்கள்..

இது உண்மையல்ல..

திமுகவிற்கு கிடைத்த எதிர்ப்பு என்பது அதிமுகவிற்குமான பாடமாகவே இருந்தது. அதனால் தான் அதிமுக அரசில் , ஈழ ஆதரவு புத்தகங்கள், சுவரொட்டிகள், துண்டறிக்கைகள், கூட்டங்கள், கருத்தரங்கங்கள், வீதி பிரச்சாரங்கள், தெருமுனை பிரச்சாரங்கள், ஆர்பாட்டங்கள், பொதுக்கூட்டங்கள் என திமுகவினால் தடுக்கப்பட்ட அனைத்திற்கும் தடைகள் தளர்த்தப்பட்டன.(உதாரணமாக சர் பிட்டி தியாகராயர் அரங்கும், நூலக கட்டிடமும் கூட்டங்களுக்கு அனுமதி மறுக்கப்பட்ட இடங்களாகவே இருந்தன.சென்னையில் தி. நகர் பள்ளிக்கூடத்தினை தவிர்த்த ஏனைய இடங்களில் கூட்டம் நடத்த இயலாது)

தொடர்ச்சியான மக்கள் திரள் போராட்டங்களும், எதிர்ப்புணர்ச்சியும், தமிழீழ ஆதரவு நிலைப்பாடும் அரசினை நெருக்கடிக்குள்ளாக்கின. இதுவே அதிமுகவினை தமிழீழ ஆதரவு நிலைப்பாட்டினை எடுக்கவேண்டிய ஒரு நாடக நிலைக்கு தள்ளியது. தமிழீழ எதிர்ப்பு நிலைப்பாட்டினை எடுக்க அதிமுக சற்று அஞ்சியே இருந்தது. எந்த ஒரு போராட்டத்திற்கும் எதிர்ப்பினை தெரிவிக்கவோ, உளவுத்துறையை அனுப்பி மிரட்டவோ செய்யவில்லை. திமுக செய்த அடக்குமுறை அயோக்கியத்தனத்தினை ஒருபொழுதும் மறக்கவோ, மன்னிக்கவோ இயலாது. அதிமுகவின் காலம் இப்பொழுது ஆரம்பித்திருக்கிறது.

அதிமுக அரசு மக்களை ஒடுக்குவதற்கான காலத்திற்காக காத்திருக்கவே செய்திருக்கிறது. அதை ஆரம்பித்திருக்கிறது எனலாம்.
தமிழீழ விடுதலை போராட்ட ஆதரவுகளத்தில் தமக்கான வலிமையை அதிகரிக்கும் ஒவ்வொரு இயக்கமும், கட்சியும் இந்த இரண்டு கட்சிகளாலும் நெருக்கடிக்குள்ளாக்கப்பட்டன/படுகின்றன.

அதிமுகவினை எதிர்த்து நிகழ்ந்த போராட்டங்களை விமர்சகர்கள் கவனமாக தவிர்க்கவே செய்கிறார்கள். உதாரணமாக செங்கொடி ஊர்வலம் முதல் முல்லைப்பெரியாரில் நிகழ்ந்த போராட்டமும், பரமகுடி துப்பாக்கிசூடும், கூடன்குள எதிர்ப்பு போராட்டமும் இவ்வாறே அதிமுக எதிர்ப்பு நிகழ்வாகவே நிகழ்ந்தன.

தற்போது நிகழும் தமிழீழ போராட்ட ஒடுக்குமுறையை அதிமுகஅரசும், அரசு அதிகாரிகளும், இந்திய அரசு வர்க்கமும் இணைந்து செயல்படுத்துகின்றன. மஞ்சள் பாசிசம், பச்சை பாசிசம் , காவி பாசிசமும், காங்கிரஸு பாசிசமும், சிபிஎம் பாசிசமும் இணைந்து நிற்கும் இக்காலத்தில் சேர்ந்து செயலாற்ற நமக்குள் விரிவான புரிதல் அவசியம்.

 

திருமுருகன் காந்தி [முகநூல்]

 

[துளசி]

கனடா Queens park இல் மே 18 இன அழிப்பு நாள்

 

 

 

 

 

 

 

 

 

 

 

 

 

 

(facebook)

 

[துளசி]

கனடா Queens park இல் மே 18 இன அழிப்பு நாள் தொடர்பான மேலும் சில படங்கள்

 

 

 

 

 

 

 

 

 

 

 

(facebook)

[துளசி]

மே 18 இன அழைப்பு நினைவு நாள் - அவுஸ்திரேலியா Melbourne

 

 

 

 

(facebook)

[துளசி]

தமிழின அழிப்பு நினைவு நாள் மொரீஷியாவில் 17.05.2013

 

மே 17 ஆம் திகதி மௌரிசியஸ் நாட்டின் தலைநகர் போர்ட் லூயிஸில் மௌரிசியஸ் தமிழ் கோயில்களின் கூட்டமைப்பு, அங்கு இருக்கும் அனைத்து தமிழ் அமைப்புகளுடன் சேர்ந்து முள்ளிவாய்காலில் படுகொலை செய்யப்பட்ட மக்களுக்கான நினைவேந்தல் எங்கு உள்ள அனைத்து ஆலயங்களிலும் செய்தபின் அந்நாட்டு பாராளுமன்றம், மற்றும் இந்திய, அமெரிக்க துதராலயங்களை நோக்கி பல்லாயிரம் மக்கள் உணர்வு பூர்வமாக தமிழீழ தேசிய கோடியை ஏந்தியவண்ணம் தமிழ் ஈழம் தான் இறுதி முடிவு என்று உணர்த்து முகமாக எமது தேசிய நிறமான சிவப்பு மஞ்சள் கோடியில் தமிழ் ஈழம் என்று பொறித்து எல்லோரும் ஏந்தி சென்றனர்.

அத்துடன் சிறி லங்கா சர்வதேச அமைப்புகளில் இருந்து புறக்கணிக்கப்பட வேண்டும் என்றும் வலியுறுத்தினர்.

மே 18 சர்வதேச எங்கும் உள்ள தமிழீழ மக்கள் அவைகள், தமிழ் தேசிய அமைப்புகளுடன் கைகோர்த்து Beau Bassin என்ற இடத்தில் இருந்து Rose Hill Plaza நோக்கி சென்று அங்கு முள்ளிவாய்கால் தமிழின அழிப்பு நினைவாக நினைவு தூபி ஒன்றை திறத்து வைக்க இருக்கின்றனர்.

- செய்தி தமிழீழ மக்கள் பேரவை பிரான்சு - (17-05-2013)

 

 

 

 

 

 

 

 

 

 

 

 

 

(facebook)

[துளசி]

முள்ளிவாய்க்கால் நினைவு தினம் இடிந்தகரையில் 18-05-2013

 

 

 

 

 

 

 

 

 

 

 

 

(facebook)

[மகம்]

மதிப்புமிக்க தா.பா.வுக்கு மாணவர்களின் வேண்டுகோள்....

செம்பியன்....
நான் மேடைகளில் உணர்ச்சிபொங்க பேசியதுண்டு. ஆனால் தங்களைப் போல அச்சுபிசகாமல் அர்த்தத்தோடும் நையாண்டியோடும் பேச நினைத்து முடியாமல் போனதுண்டு. அதே போல் ஈழக்கொள்கையில் மாறுபட்டிருந்தாலும் இந்திய கம்யூனிஸ்ட் கட்சியின் மீது ஒரு மதிப்பு இருந்தது. ஆனால் கடந்த இரண்டு மாதங்களாக ....

நான் செம்பியன், லயோலா கல்லூரி இரண்டாமாண்டு மாணவன். ஈழத்தில் நம் இனம் படும் துன்பங்களைக் கண்டு, தம்பி பாலச்சந்திரன் கொல்லப்பட்ட காட்சிகளைக் கண்டு தமிழக மாணவர்களை ஒன்றிணைத்துக் கொண்டு இதற்கு ஏதாவது செய்தாக வேண்டும் என்றெண்ணி சாகும்வரை உண்ணாவிரதம் தொடங்கிய மாணவர்கள் எண்வரில் நானும் ஒருவன்.

உண்ணாவிரதத்தை லயோலா கல்லூரியைச் சேர்ந்த மாணவர்கள் தொடங்கியிருந்தாலும் இது இனத்துக்கான போராட்டம். இதில் அனைத்து தமிழக மாணவர்களும் 'தனித்தமிழீழம் ஒன்றே தீர்வு' என்ற முழக்கத்தோடு எடுத்துச் செல்லும் விதமாக பொதுவான பெயரில் 'தமிழீழ விடுதலைக்கான மாணவர் கூட்டமைப்பு' என்று உருவாக்கினோம்.

ஆனால் எதிர்பாராவிதமாக எந்த காரணமும் இல்லாமல் 'தமிழீழத்திற்கான மாணவர் போராட்டக் குழு' என்ற பெயரில் ஒரு அரசியல் கட்சி தங்களது மாணவர் படையை வைத்து தமிழக மாணவர்களிடையே முதல் பிரிவினையை ஏற்படுத்தியது. இன்றுவரை அவர்கள் ஈழத்துக்கான மாணவ போராட்டத்தில் தனி அணியை உருவாக்கிய காரணம் என்ன என்று புரியவில்லை? நிற்க.

இந்திய பார்ப்பனீயம், தங்களது மொழியில் சொல்வதானால் இந்திய ஏகாதிபத்தியம் எங்களது உண்ணாவிரதத்தை வலுக்கட்டாயமாக பல தந்திரங்களை கையாண்டு முடிவுக்கு கொண்டுவந்தது. ஆனாலும் மாணவத் தீ பரவிவிட்ட செய்தி அறிந்து, சென்னை அல்லாது பிற மாவட்டங்களில் எங்களைப்போல் உண்ணாவிரதம் இருந்து தொடர்ந்து தீயை அணையாமல் பாதுகாத்த மற்ற கல்லூரி மாணவர்களைச் சந்தித்து, ஈழத் தமிழர்களுக்கு ஒரு நிரந்தர தீர்வு காண வலுவான தொடர்ச்சியான போராட்டங்களை முன்னெடுக்கும் பொருட்டு, தமிழக மாணவர்களை ஒன்றிணைப்பதற்காக நாங்கள் வெளிமாவட்டங்கள் சென்றிருந்தோம்.

அதுசமயம் இங்கு சென்னையில் பல கல்லூரி மாணவர்கள், கூட்டமைப்பின் சார்பாக ஒன்றாக இருந்து செயல்பட்டது மகிழ்ச்சியளிக்கக்கூடிய செயல். இதில் பல இயக்கங்களின் மாணவரணி செயல்பட்டது. அதில் ஒருவர்தான் இந்திய கம்யூனிஸ்ட் கட்சியின் மாணவர் பெருமன்றத்தைச் (AISF) சேர்ந்த சி.தினேஷ்.

செயல்பட்ட அணைத்து மாணவர்களும் தனித் தமிழீழம் ஒன்றே தீர்வு என்றே முழக்கமிட்டனர். கூட்டத்தோடு கூட்டமாக வந்த உங்கள் மாணவரணி பெருமன்றத்தின் தோழர் தினேஷும் தனித் தமிழீழமே தீர்வு என்று கூறுவது உண்மையிலேயே மட்டற்ற மகிழ்ச்சி.

ஏனென்றால் கடந்த மார்ச் மாத ஐ.நா. தீர்மானத்தின் போது நாடாளுமன்றத்தில் ஈழத்திற்கு எதிராக உரக்க குரல் கொடுத்தார் இந்திய கம்யூனிஸ்ட் கட்சியின் தாஸ்குப்தா. தோழர் தினேஷ் சொல்வது போல் தனித்தமிழீழமே தீர்வு என்று நீங்கள் கூட கூறியதாக கேள்விப்பட்டதில்லை.

இவ்விடத்தில் நாங்கள் தங்களிடம் கேட்பது, ஒன்று தில்லியில் உங்களது முழக்கத்தை தனித்தமிழீழம் என்று முன்வையுங்கள். அப்படி செய்தால் தமிழகத்தில் அனைவரும் மகிழ்வர். ஏறக்குறைய 90 ஆண்டு அனுபவமுள்ள அரசியல் கட்சி தனித்தமிழீழ கோரிக்கையை முன்வைத்தால் மகிழ்ச்சிதானே?! இல்லையென்றால் தமிழீழ விடுதலைக்கான மாணவர் கூட்டமைப்பின் பெயரை வைத்துக்கொண்டு தங்களது கட்சியின் மாணவரணி தோழர் தினேசை பயன்படுத்தாமல் இருக்க வழிவகை செய்யுங்கள்.

மார்க்சியத்தைப் புரிந்துகொண்டோமோ இல்லையோ ஆனால் தங்கள் கட்சியைப் போல போராட்ட செயல்பாடுகளை, முடிவுகளை தலைநகர் சென்னை என்பதால் ஓரிடத்திலிருந்து எடுக்காமல் எல்லாமாவட்டத்திலும் கலந்தாலோசித்து மண்டல ரீதியாக மாணவர்கள் ஒன்றிணைந்து குழு அமைத்து முடிவெடுப்பது என்று திட்டமிட்டுள்ளோம். ஆனால் தோழர் தினேசோ மொத்த தமிழ்நாட்டையும் ஒற்றையாளாக நின்று போஸ்டர்களிலும், பத்திரிக்கையாளர் சந்திப்பிலும் தமிழீழ விடுதலைக்கான மாணவர் கூட்டமைப்பின் தமிழக ஒருங்கிணைப்பாளர் என்று கூறிக்கொண்டுள்ளார்.

கூட்டமைப்பு சார்பாக ஒரு போராட்டத்தை அறிவித்தால் இலட்சங்களில் செலவு செய்து போட்டியாக மாநாடு ஒன்றை அறிவிக்கிறார்! சக மாணவர்களோ, ஊடகவியலாளர்களோ எங்களிடம் வந்து மாணவர்களாகிய உங்களுக்கு ஏது இவ்வளவு பணம் என்கின்றனர். மாநாட்டிலோ கம்யூனிஸ்ட் தோழர்களின் பங்கே அதிகம். முள்ளிவாய்க்கால் இனப்படுகொலை நாளுக்கு மாவட்டங்களில் பேரணி அறிவித்தால் போட்டியாக சுடர் பயணம் என்கிறார். மற்ற மாணவர்கள், உணர்வாளர்கள் குழப்பமடைந்து ஏன் தனித்தனியே செய்கிறீர்கள் என கேள்வி எழுப்புகின்றனர்.

எங்கள் கல்லூரிக் கல்வியை பணயம் வைத்து, பெற்றோர்களை பகைத்துக்கொண்டு மாபெரும் இந்திய அரசை எதிர்கொண்டு சாகும்வரை உண்ணாநிலை என்று போராட்டக்களத்திற்கு வந்த எங்களை 'இனத்துரோகி பாதிரியார்' ஒருவரின் பின்புலத்தில் இயங்குவதாக பரப்புரையில் ஈடுபட்டுள்ளன‌ர். இதை செய்வது களத்தில் இருக்கும் சக மாணவர்கள் என்னும்போது இந்த சமூகம் எங்களைப் போன்றவர்களுக்கு சூட்டும் பட்டத்தை கண்டு அகமகிழ்கிறோம்.

அரசியல் வாழ்வில் தூய்மையைக் கடைபிடிக்கும் நெடுமாறன், ஐயா நல்லக்கண்ணு போன்றோர்களை முன்னுதாரணமாகக் கொண்டு சுயநலமில்லா மாணவர் போராட்டத்தை வைத்து தமிழீழ விடுதலையை நோக்கி பயணிக்கிறோம். முடியாதவகையில் அடுத்த கல்வியாண்டு மாணவர்களிடம் தமிழீழ விடுதலைக்கான மாணவ போராட்டத்தை மாணவ போராட்டமாகவே கொடுத்துச் செல்ல எண்ணுகிறோம். இதில் கட்சி சாயல் பூசவேண்டாமே!

இன்று தெலுங்கானா போராட்டம் வெற்றிபெறும் நிலையில் இருப்பதற்கு அங்குள்ள ஒஸ்மானியா பல்கலைக்கழக மாணவர்களின் பங்கை யாராலும் மறுக்க முடியாது. வேறுவேறு கொள்கை கொண்ட பலதரப்பட்ட மாணவர்களாக அவர்கள் இருந்தாலும் தனித் தெலுங்கானா என்று வந்துவிட்டால் எல்லா மாணவர்களும் ஒன்றிணைந்து போராடுகின்றார்கள். இதற்கு முக்கிய காரணம் அங்குள்ள அரசியல் கட்சிகள் மாணவர்களை மாணவர்களாகவே செயல்பட வைப்பதுதான். ஆனால் சபிக்கப்பட்ட தமிழினத்திலோ எதிரிகளை விட வேகமாக துண்டாடுவது உணர்வாளர்களாகவே உள்ளனர்.

இன்னும் ஓரீரு ஆண்டுகளில் மாணவ பருவத்திலிருந்து வெளிவந்தபிறகு தங்களைப் போன்ற கட்சிகள் தங்களது சித்தாந்தங்களை, கொடிகளை எங்கள் மீது திணிக்கலாமே? அதுவரை ஈழப்போராட்டம் மட்டிலுமாவது மாணவப் போராட்டத்தை கட்சி சாயல் பூசாமல் விட்டுவையுங்களேன்?!

நாங்கள் உங்களிடமும் மற்ற அரசியல் கட்சிகளிடம் கேட்பதெல்லாம் ஒன்றுதான். உங்களுக்கு என்று உங்களது கொள்கைகளை சுமந்து செல்ல ஓர் அரசியல் கட்சி, தொழிலாளர் அணி, மகளிர் அணி, இளைஞர் அணி, மாணவர் அணி என பல உள்ளது. எங்களுக்கென்று இருப்பது மாணவர் கூட்டமைப்பு ஒன்றுதான். மாணவர் பெருமன்றத்தைச் சேர்ந்த தினேசை தமிழீழ விடுதலைக்கான மாணவர் கூட்டமைப்பு சார்பாக எந்த விதமான அறிக்கையும் கொடுத்து ஊடகவியலாளர்களையும் சக மாணவர்களையும் குழப்ப வேண்டாம் என தாங்கள் அறிவுறுத்த வேண்டும் என்று பணிவுடன் கேட்டுக் கொள்கிறோம்.

தமிழீழ விடுதலைக்கான மாணவர் கூட்டமைப்பு சார்பாக

செம்பியன் (லயோலா கல்லூரி, இரண்டாம் ஆண்டு) - 96000 94493, tamizhnaesan@gmail.com

      Loyolahungerstrike   [முகநூல்]