தியாக தீபமே

தாயகம் தந்தநற் புதல்வர்கள் வரிசையில்

தனக்கென இடத்தினைப் பிடித்தஎம் திலீபனே

அவனியில் தமிழினம் வாழ்ந்திடும் வரையினில்

அடிக்கடி உன்பெயர் நினைவினில் வந்திடும்

ஊரே எழுந்திடில் உரிமைகள் கிடைத்திடும்

ஊரெழு மண்ணினில் பிறந்தவன் நம்பினான்

ஊரினை எழுப்பிட உண்மையாய் உழைத்தவன்

கூரிய நாவினைக் கருவியாய் ஆக்கினான்

தனித்துவம் இழந்ததோர் இனமதாய் வாழ்ந்ததால்

மருத்துவம் மனதினில் படிந்திட மறுத்தது

இனத்துவம் காத்திடும் பணியினில் இணைந்தவன்

இளைத்துமே சாய்ந்தனன் நல்லையுூர் மண்ணிலே

சுந்தரப் பெண்களைச் சதந்திரப் பெண்களாய்

கண்டிடும் பணியிலே முன்னிலை நின்றவன்

தந்திர இந்தியச் சதியினால் நொந்துமே

தந்தனன் உயிரினை காந்தியும் நாணவே

அண்ணலின் வழியினில் வந்தவர் செய்கையால்

ஆத்திரம் கொண்டவன் அஹிம்சையை நாடினான்

அஹிம்சையே கொள்கையாம் சொன்னவர் செய்கையால்

அருமருந் தானஎம் திலீபனும் தூங்கினான்

அடிதடி மட்டுமே அறிந்தவர் இவரென

அயலுள நாடுகள் எள்ளிய வேளையில்

அறவழிப் போரிலும் அசையா இனமென

அகிலமே கண்டிட அமரனாய் ஆகினான்

வாய்களில் வார்த்தைகள் வந்திட மறுத்தது

விழிகளும் நீரினைச் சொரிந்துமே களைத்தது

தமிழரெம் தலைகளும் ஒருநொடி சரிந்தது

தவப்பெரும் புதல்வனின் மறைவினால் பதைத்தது

இருக்கையில் பிறர்பணி செய்திட மறுப்பவர்

இருக்குமிப் புூமியில் இருந்துமே வந்தவன்

இறந்துமே உடல்தனை அடுத்தவர்க் கீந்தவன்

இருக்கிறான் தமிழரெம் இதயச் சிறையிலே

தியாகி தீலிபன் தியாகம்..வரலாறுகள் தாண்டிய காவியம்..

உங்கள் கவிமாலைக்கு தலைவணங்குகிறேன் மணிவாசகன் அண்ணா..

தியாக தீபம் தீலீபன் அண்ணாவை நினைவுகூர்ந்து கவிக்கு நன்றிகள் அங்கிள்.

நல்லை நகர்

வீதியிலே

நாமெல்லாம்

பார்த்திருக்க

இராறு

நாட்க்கள்

நீராகம்

அருந்தாமல்

நயவஞ்சகர்

கூட்டத்திற்க்கு

நற் பாடம்

புகட்டி

தமிழீழ

மண் காக்க

தன;;;

உயிரை

அற்ப்பனித்த

தியாக

தீபத்தின்

மகத்துவம்

தனை

நல்லதொரு

கவியில்

தந்தாய்

உந்தனுக்கு

நன்றிகள்....

- வன்னி மைந்தன் -

தீலிபன் அண்ணாவின் தியாகத்திற்கு ஈடு ஏதுவும் இல்லை. அவர் சிறுவயதில் படித்த பாடசாலையில் நானும் படித்தேன் என்றா பெருமையில் உங்கள் கவிக்கு நன்றி கூறுகின்றேன்.

விகடகவி, ரசிகை, வன்னிமைந்தன், ரமா

உங்கள் அனைவருடைய கருத்துக்களுக்கும் நன்றி.

தியாகி திலீபனை நினைவுகூர்ந்து எழுதிய கவி நன்று

நன்றி பாலன்

எனது வேண்டுகோள் இக் கவியை http://www.yarl.com/forum3/viewtopic.php?p...p=217814#217814 ல் இணையுங்கள்

நன்றி ஈழவன்,

இணைத்திருக்கிறேன்.

நன்றி என் வேண்டுகோள ஏற்றதுக்கு

தியாக தீபம் திலிபன் அண்ணாவை நினைவுகூறும் கவிதைக்கு வாழ்த்துக்கள்

நன்றி இலக்கியன்

தியாக தீபம் திலீபன் பற்றிய கவிவரிகள் அபாரம், வாழ்த்துக்கள்.

நன்றி தேவேந்தி

நீண்ட நாட்களுக்குப் பிறகு மண்ணியின் அழகான கவிதை வந்திருக்கிறது.

பாராட்டுக்கள்.

தியாக தீபம் திலீபன் பற்றிய கவிவரிகள் அபாரம்

நன்றி காவியா, கறுப்பி

கவி வரிகள் மிகவும் நன்றாக உள்ளது வாழ்த்துகள்.

நன்றி யமுனா

திலீபன் அண்ணாவைப் பற்றிய கவிதை நன்றாக இருக்கிறது. வாழ்த்துக்கள்.

நன்றி மாயாவி

காவியம் ஒன்றைக் கவிதையில் வடித்திருக்கின்றீர்கள். சிறப்பாக வந்துள்ளது.

என்னிடம் வார்த்தைகள் இல்லை மணிவாசகன் தலைவணங்குகிறேன்.

வணக்கம் சுஜிந்தன், வாசகன்

உங்கள் கருத்துக்களுக்கு நன்றி