நெத்திலி மீன் தொக்கு

 

பலருக்கும் மீனை எப்படி சமைத்து சாப்பிடுவதென்று தெரியாது. அப்படியே தெரிந்தாலும் சுவையாக சமைக்க தெரியாது. அதிலும் குட்டியாக இருக்கும் நெத்திலி மீனை பலரும் குழம்பு தான் செய்து சுவைத்திருப்பார்கள். ஆனால் அதனை தொக்கு செய்தால், இன்னும் சுவையாக இருக்கும் என்பது தெரியாது. உங்களுக்கு நெத்திலி மீன் தொக்கு எப்படி செய்வதென்று தெரியாவிட்டால் தொடர்ந்து படியுங்கள். ஏனெனில் இங்கு நெத்திலி மீன் தொக்கின் செய்முறை தெளிவாக கொடுக்கப்பட்டுள்ளது. அதைப் படித்து இந்த விடுமுறையன்று செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். \

தேவையான பொருட்கள்:

 

 நெத்திலி மீன் - 300 கிராம்

 

எண்ணெய் - 1/4 கப் + 1/4 கப்

 

வெந்தயம் - 1 டீஸ்பூன்

 

பூண்டு - 2 பற்கள் (பொடியாக நறுக்கியது)

 

மிளகாய் தூள் - 2 டீஸ்பூன்

 

மல்லித் தூள் - 1 டேபிள் ஸ்பூன்

 

மஞ்சள் தூள் - 1 டீஸ்பூன்

 

உப்பு - தேவையான அளவு

 

புளிச்சாறு - 4 டேபிள் ஸ்பூன்

 

கறிவேப்பிலை - 1 கைப்பிடி

 

அரைப்பதற்கு...

 

சின்ன வெங்காயம் - 20 (தோலுரித்தது)

 

தக்காளி - 2 (பெரியதாக நறுக்கியது)

 

பூண்டு - 10 பற்கள்

 

மிளகு - 1 டீஸ்பூன்

 

பச்சை மிளகாய் - 2

 

செய்முறை:

 

முதலில் அரைப்பதற்கு கொடுத்துள்ள பொருட்களை மிக்ஸியில் போட்டு நன்கு மென்மையாக அரைத்து, தனியாக வைத்துக் கொள்ள வேண்டும்.

 

பின் நெத்திலி மீனை நன்கு சுத்தம் செய்து கொள்ள வேண்டும். பின்னர் ஒரு வாணலியை அடுப்பில் வைத்து, அதில் 1/4 கப் எண்ணெய் ஊற்றி காய்ந்ததும், வெந்தயம், பூண்டு சேர்த்து வதக்கி, பின் அரைத்து வைத்துள்ள மசாலாவை சேர்த்து 2 நிமிடம் வதக்க வேண்டும்.

 

பின்பு அதில் தேவையான அளவு உப்பு மற்றும் மசாலாப் பொருட்கள் அனைத்தையும் சேர்த்து நன்கு 2 நிமிடம் கிளறி, எண்ணெய் தனியாக பிரியும் வரை வதக்க வேண்டும்.

 

பிறகு அதில் புளிச்சாற்றினை ஊற்றி கிளறி, குழம்பானது மசாலா போன்று சற்று கெட்டியாக வரும் போது, அதில் நெத்திலி மீனை சேர்த்து பிரட்டி, 5-8 நிமிடம் மூடி வைத்து வேக வைக்க வேண்டும்.

 

அடுத்து அதில் மீதமுள்ள எண்ணெயை ஊற்றி, மீண்டும் 5-8 நிமிடம் வேக வைக்க வேண்டும். மீன் நன்கு மென்மையாக வெந்ததும், அதில் ஒரு கைப்பிடி கறிவேப்பிலையைத் தூவி குறைவான தீயில் பிரட்டி, எண்ணெய் தனியாக பிரியும் வரை வேக வைத்து இறக்கினால், நெத்திலி மீன் தொக்கு ரெடி!!!

Read more at: http://tamil.boldsky.com/recipes/non-veg/nethili-meen-thokku-009431.html

இதை தேடிக் கொண்டிருந்தேன். நன்றி.

இந்த மூன்றையும் சேர்த்து எங்கட தூள் 3 கரண்டி என்று எடுத்துக் கொள்ளலாம் அல்லவா. மூன்றும் அதில் உள்ளனவே.

 

 

 

தேவையான பொருட்கள்:

 

1. மிளகாய் தூள் - 2 டீஸ்பூன்
2. மல்லித் தூள் - 1 டேபிள் ஸ்பூன்
3. மஞ்சள் தூள் - 1 டீஸ்பூன்

 

 

 

Edited October 4, 201510 yr by Nathamuni

நாதமுனியர் இது என்ன கேள்வி நீங்கள் விரும்பியமாதிரி செய்து அதன்பின் ஒரு படத்தையும் போட்டு விடுங்கள்.

 

இதை தேடிக் கொண்டிருந்தேன். நன்றி.

இந்த மூன்றையும் சேர்த்து எங்கட தூள் 3 கரண்டி என்று எடுத்துக் கொள்ளலாம் அல்லவா. மூன்றும் அதில் உள்ளனவே.

 

 

அது அவ்வளவாய் சரிவராது நாதமுனியர்...!

மிளகாய்த்தூள் வீட்டோட இருந்து உபசரிக்கும்  மனைவி மாதிரி , எல்லா உபசரிப்பும் ஒரே மாதிரியாய் இருக்கும் வித்தியாசம் தெரியாது. இதுவே நீங்கள் மனிசியோட மாமியார் வீட்டுக்கு போய்ப் பாருங்கள்..., மாமியார் , மாமா , மச்சாள்மார், மச்சான் மார் எல்லோருடைய உபசரிப்பும் ஆளுக்காள் வித்தியாசமாய் செமையாய் இருக்கும்.

அப்படியே மிளகாய்த்தூள் இருந்தாலும் , ..., பொதுவாக மிளகாய்த்தூள் 1 1/2 கரண்டி, மல்லித்தூள் 1 கரண்டி, மிளகுதூள் 3/4 கரண்டி, மஞ்சள்தூள் 1/2 கரண்டி போட்டால்தான் குழம்பு சும்மா கில்லி மாதிரி இருக்கும்...! 

தேவையான பொருட்கள்:

 

நெத்திலி மீன் - 1/2 கிலோ

சின்ன வெங்காயம் - 150 கிராம்

தக்காளி - 1/2 கிலோ

பச்சை மிளகாய் - 6 எண்ணிக்கை

மிளகாய்த் தூள் - 1/2 தேக்கரண்டி

மஞ்சள் தூள் - 1/4 தேக்கரண்டி

தனியாத் தூள் - 1/2 தேக்கரண்டி

பூண்டு - 6 பல்

கறிவேப்பிலை - ஒரு கீற்று

வெந்தயம் - 1/2 தேக்கரண்டி

சீரகம் - 1/2 தேக்கரண்டி

கடுகு - தேவையான அளவு

எண்ணெய் - தேவையான அளவு

புளி - நெல்லிக்காய் அளவு

தேங்காய்பால் - கால் கப்

உப்பு - தேவையான அளவு
 

 

 

செய்முறை:

 

நெத்திலி மீனை சுத்தம் செய்து கொள்ளவேண்டும். வெங்காயம், தக்காளியை பொடியாக நறுக்கிக் கொள்ளவும்.

 

எண்ணெய் ஊற்றி காய்ந்ததும் கடுகு, வெந்தயம், சீரகம் போட்டு சிவந்ததும் பூண்டை தட்டி போடவும். சிறிது வதங்கியதும், வெங்காயம் போட்டு வதக்கவும்.

 

பிறகு தக்காளி போட்டு வதக்கி, பச்சை மிளகாய், மிளகாய்த் தூள், மஞ்சள் தூள், தனியாத் தூளை சேர்த்து நன்கு வதக்கவும். புளித்தண்ணீரை சேர்த்து கொதிக்க விட்டு பின்னர் நெத்திலி மீனையும், தேங்காய் பாலையும் சேர்க்க வேண்டும்.

 

தேவையான அளவு உப்பு சேர்த்து, திக்காக வந்ததும் கொத்தமல்லி இலையை தூவி இறக்கவும்.

 

குறிப்பு:

 

நெத்திலிமீனில் உள்ள முள்ளை எடுத்து விடுவது நல்லது. அல்லது அப்படியே போட்டும் செய்யலாம்.

 

http://tamil.webdunia.com/article/non-veg-recipes/netthili-meen-thokku-anchovy-fish-116011900026_1.html

சூப்பரான நெத்திலி மீன் தொக்கு

 

சம்பார் சாதம், பழைய சாதத்திற்கு தொட்டு கொள்ள நெத்திலி மீன் தொக்கு அருமையாக இருக்கும். இன்று இந்த தொக்கு செய்வது எப்படி என்று பார்க்கலாம்.

 

 

தேவையான பொருட்கள் :

நெத்திலி மீன் - 1/2 கிலோ
சின்ன வெங்காயம் - 150 கிராம்
தக்காளி - 1/2 கிலோ
பச்சை மிளகாய் - 5
மிளகாய்த் தூள் - 1 1/2 டீஸ்பூன்
மஞ்சள்தூள் - 1/2 டீஸ்பூன்
மல்லித்தூள் - 1/2 டீஸ்பூன்
பூண்டு - 10 பல்
கறிவேப்பிலை - சிறிதளவு
வெந்தயம் - 1/4 டீஸ்பூன்
சீரகம் - 1/2 டீஸ்பூன்
கடுகு - 1/2 டீஸ்பூன்
எண்ணெய் - 3 மேஜைக்கரண்டி
புளி - சிறிய எலுமிச்சை அளவு
தேங்காய்ப் பால் - அரை கோப்பை
உப்பு - தேவையான அளவு



செய்முறை :

நெத்திலி மீனில் இருந்து முள்ளெடுத்து, உப்பு போட்டு நன்றாக கழுவி, தண்ணீரை வடித்து வைக்கவும்.

புளியை சிறிதளவு தண்ணீர் சேர்த்து கரைத்து கொள்ளவும்.

சின்ன வெங்காயம், தக்காளியை பொடியாக நறுக்கிக் கொள்ளவும்.

அடுப்பில் அகன்ற பாத்திரத்தை வைத்து எண்ணெய் ஊற்றி காய்ந்ததும், கடுகு, வெந்தயத்தை போட்டு தாளித்த பின்னர் பூண்டை தட்டி போடவும்.

பூண்டு லேசாக வதங்கியதும் வெங்காயம், கறிவேப்பிலை சேர்த்து பொன் நிறமாக வதக்கவும்.

வெங்காயம் நன்றாக வதங்கியதும் எல்லா மசாலா தூள் வகைகளையும் சேர்த்து இரண்டு நிமிடம் வதக்கிய, பின்னர் நறுக்கிய தக்காளி, நீளவாக்கில் இரண்டாக நறுக்கிய பச்சை மிளகாய் சேர்த்து மிதமான தீயில் ஐந்து நிமிடம் நன்கு வதக்கவும்.

தக்காளி நன்றாக வதங்கியதும் கரைத்த புளியை ஊற்றி பச்சை வாடை போகும் வரை கொதிக்க விடவும்.



நன்றாக கொதிக்க ஆரம்பித்தவுடன் கழுவி வைத்திருக்கும் நெத்திலி, உப்பு சேர்க்கவும்.

அடுத்து அதில் தேங்காய்ப்பால் சேர்த்து குறைந்த தீயில் ஐந்து நிமிடம் வேக விடவும்.

நெத்திலி கொதித்து கெட்டியாகி தொக்கு பதம், வந்தவுடன் கொத்துமல்லித்தழை தூவி அடுப்பிலிருந்து இறக்கி வைக்கவும்.

சூப்பரான நெத்திலி மீன் தொக்கு ரெடி.

குறிப்பு :

1. நெத்திலியை கழுவும் போது தலை பகுதியை பிடித்து கொண்டு விரலால் நடுவில் கீறினால் முள்ளை அப்படியே எடுத்து விடலாம்.சாப்பிடும் போது ஒரு
முள் கூட இருக்காது.

2. நெத்திலி மீன் சீக்கிரம் வெந்து விடும் ஆகையால் கடைசியில் போட வேண்டும்.

http://www.maalaimalar.com

3 hours ago, நவீனன் said:

1. நெத்திலியை கழுவும் போது தலை பகுதியை பிடித்து கொண்டு விரலால் நடுவில் கீறினால் முள்ளை அப்படியே எடுத்து விடலாம்.சாப்பிடும் போது ஒரு
முள் கூட இருக்காது.
 

அப்படியே எடுக்கும் முள்ளை வெங்காய தோலுடன் சேர்த்து வறை வறுக்கலாம்.. விருந்தினர்கள் வரும் போது அதை கொடுத்தால் அவர்கள் உங்களை என்றென்றும் மறக்க மாட்டார்கள்

39 minutes ago, நிழலி said:

அப்படியே எடுக்கும் முள்ளை வெங்காய தோலுடன் சேர்த்து வறை வறுக்கலாம்.. விருந்தினர்கள் வரும் போது அதை கொடுத்தால் அவர்கள் உங்களை என்றென்றும் மறக்க மாட்டார்கள்

உண்மையாகவா நிழலியண்ணா..?

 

45 minutes ago, நிழலி said:

அப்படியே எடுக்கும் முள்ளை வெங்காய தோலுடன் சேர்த்து வறை வறுக்கலாம்.. விருந்தினர்கள் வரும் போது அதை கொடுத்தால் அவர்கள் உங்களை என்றென்றும் மறக்க மாட்டார்கள்

அப்படியே நெத்தலியில் உள்ள செதிலையும் சேர்த்து வறை வறுத்து கொடுக்கலாம்..

நீங்கள்தானே அனுபவஸ்தர் ஆச்சே மீன் செதில் வறையில்

11 minutes ago, யாயினி said:

உண்மையாகவா நிழலியண்ணா..?

இதில் என்ன டவுட் .... அடுத்த முறை விருந்தினர்கள் வரும் போது கண்டிப்பாக செய்து கொடுத்து பாருங்கள்

 

10 minutes ago, நவீனன் said:

 

அப்படியே நெத்தலியில் உள்ள செதிலையும் சேர்த்து வறை வறுத்து கொடுக்கலாம்..

நீங்கள்தானே அனுபவஸ்தர் ஆச்சே மீன் செதில் வறையில்

இல்லை செதிலை இதில் கலக்க கூடாது.. பிறகு அது தோஷம் ஆகி விடும். விரும்பினால் தேங்காய் சிரட்டைய அரிஞ்சு அதை  செதிலுடன் கலந்து செய்யலாம் (கொஞ்சம் மஞ்சள் தூளும் அவசியம்)

On 10/5/2015 at 1:19 AM, suvy said:

அது அவ்வளவாய் சரிவராது நாதமுனியர்...!

மிளகாய்த்தூள் வீட்டோட இருந்து உபசரிக்கும்  மனைவி மாதிரி , எல்லா உபசரிப்பும் ஒரே மாதிரியாய் இருக்கும் வித்தியாசம் தெரியாது. இதுவே நீங்கள் மனிசியோட மாமியார் வீட்டுக்கு போய்ப் பாருங்கள்..., மாமியார் , மாமா , மச்சாள்மார், மச்சான் மார் எல்லோருடைய உபசரிப்பும் ஆளுக்காள் வித்தியாசமாய் செமையாய் இருக்கும்.

அப்படியே மிளகாய்த்தூள் இருந்தாலும் , ..., பொதுவாக மிளகாய்த்தூள் 1 1/2 கரண்டி, மல்லித்தூள் 1 கரண்டி, மிளகுதூள் 3/4 கரண்டி, மஞ்சள்தூள் 1/2 கரண்டி போட்டால்தான் குழம்பு சும்மா கில்லி மாதிரி இருக்கும்...! 

இந்த ம்னுசன் வீட்டில சமைக்கிற்த எவ்வளவு சூட்சிமமா சொல்லுது பார்த்தீர்களா