http://www.yarl.com/forum3/topic/185803-வைகோவிற்கு-கிடைத்துள்ள-சந்தர்ப்பம்/#comment-1223338

தகுதி, திறமை இருந்ததும் வைக்கோ ஒரு அதிஷ்டாமில்லா அரசியல் வாதி.

திமுகவின் உண்மையான தொண்டராக, கலைஞர் மேல் விசுவாசம் மிக்க ஒருவராக இருந்த இவர், எதிர்காலத்தில் தனது வாரிசுகளுக்கு தடையாக இருக்கும் அளவு வளர்ந்து வருகிறார் என்றவுடன், வீண் பழி சுமத்தி வெளியே திருத்தி அடிக்கப் பட்டார்.

கட்டுமரத்தின் வாரிசுகள் சண்டையே அவரையும், அவரது கட்சியையும் அழிக்கப் போகின்றது என்பது வேறு கதை.

தனியே கட்சி தொடங்கினாலும், அதை கரை சேர்க்க தேவையான பணம் அவரிடம் இருந்ததில்லை. பணத்தினை எறிந்து  அவரையே கட்டுமரம் விழுத்திய போது, வேறு வழி இன்றி, சிறையில் அடைத்த அம்மாவுடன் கூட்டு சேர்ந்தார்.

அதுவே அவரது இமேஜினை கவிழ்த்தது.

இன்று தமிழகத்தில் ஒரு அரசியல் வெற்றிடம் உருவாக்கி உள்ளது.

அம்மாவின் மறைவும், ஐயாவின் முடக்கமும் அடுத்து யார் என்ற பெரும் கேள்வியை மக்கள் முன் வைத்து உள்ளது.

இந்த சிறு இடைவெளியில், பன்னீரு, அரசியலே தெரியாத சின்னம்மா,  தீபா என பல பேருக்கு முதல்வர் கனவு.

மறுபக்கம், கட்டுமரம் எப்ப காலியாகும். தலைமை பதவி பிடித்து முதல்வராலாம் என்ற கனவில் கட்டுமரத்தின் வாரிசுகள்.

இதனிடையே, தமிழகத்தில் காலூன்ற துடிக்கும் பாஜக ஒரு வெகுஜன அறிமுகம் கொண்ட ஒருவரை தேடுகின்றது.

சில நாட்களுக்கு முன் டெல்லி சென்று மோடியை சந்தித்து வந்தார் வைகோ. இன்று மக்கள் நலக் கூட்டணியில் இருந்து வெளியேறுவதாக அறிவித்து உள்ளார்.

அடுத்தது என்ன?

தமிழக ஊடகங்கள், ஒன்று கட்சியை களைத்து பாஜக யில் தொண்டர்களுடன் சேர்வார் அல்லது பாஜக உடன் கூட்டணி அமைப்பார் என்றும் கூறுகின்றன. அவ்வாறு சேர்ந்தால், அவரிடம் தமிழக தலைமைப் பொறுப்பு வந்து சேரும்.

எந்த வகையில் பார்த்தாலும், வைகோவிட்கு இதைவிட சிறந்த வழி இல்லை என்றே படுகின்றது.

மத்திய அரசின் கெடுபிடிகளினால், அதிமுக என்னும் ஊழல் கட்சி அரசின் தலைவிதி மோடியின் கையில். மறுபக்கம் கனிமொழி, தயாநிதி மாறன், ராசா வழக்குகளில் திமுக வும் சிக்கி விட்டது. கட்டுமரத்தின் பின், வாரிசு சண்டையிலே மீதமுள்ளது அழியும்.

தலைமை செயலகத்தில் ரெய்டு நடந்த போது, நம்ம பக்கம் வராமல் இருந்தாலே போதும் என்ற நிலையில் பன்னீர்.

எல்லோரும் அச்சத்தில் இருக்கிறார்கள்.

பன்னீர் உள்ளான  பல அமைச்சர்கள், சசிகலா, ஏன் மறைந்த அம்மா  வரை செய்த ஊழல்களை வைத்தே ஒன்று ஆட்சியை டிஸ்மிஸ் பண்ணவோ, அல்லது, சட்டமன்ற உறுப்பினர்களை தமது பக்கம் இழுத்தோ புதிய அரசினை நிறுவ பாஜக யினால் முடியும்.

இதில் எதை செய்தாலும், கறை படாத கரங்களுக்கு சொந்தக் காரர் என்ற முறையில், மக்களிடம் நியாயமும், காரணமும் சொல்ல வைகோவினால் முடியும்.

புதிய தேர்தலானால், பண பலம், அம்மா இல்லாத அதிமுக வெல்லப் போவது இல்லை.

கட்டுமரம் இல்லாத திமுகவும் பெரிதாக வெல்லக் கூடிய அளவு உறுதியாக இல்லாமல் மூன்று வாரிசுகளினால் உதிரிக் கட்சியாக பிரிந்திருக்கும்.

இந்த வைகோவின் புதுக் கணக்கு எவ்வாறு போகப் போகின்றது என்று பார்க்கலாம்.

Edited December 27, 20169 yr by Nathamuni

வைகோ பற்றி ஒரு நல்ல இமேஜ் இருந்தது ஒரு காலத்தில்.... சமீபகாலத்தில் அவரின் நடவடிக்கைகள் பெரும் அதிருப்தியையும் அவநம்பிக்கையையும்  உண்டாக்கி இருக்கின்றது....! மொத்தத்தில் "சோ " மாதிரி மாபெரும் அறிவுஜீவி ஆனால் வெறும் கொமடி பீஸ்....! 

1 hour ago, suvy said:

வைகோ பற்றி ஒரு நல்ல இமேஜ் இருந்தது ஒரு காலத்தில்.... சமீபகாலத்தில் அவரின் நடவடிக்கைகள் பெரும் அதிருப்தியையும் அவநம்பிக்கையையும்  உண்டாக்கி இருக்கின்றது....! மொத்தத்தில் "சோ " மாதிரி மாபெரும் அறிவுஜீவி ஆனால் வெறும் கொமடி பீஸ்....! 

உண்மைதான்.......
இவர்களின் அண்மைக்கால சம்பவங்களையும் நடவடிக்கைகளையும் பார்க்கும் போது.......

ஏன் இவர்களெல்லாம்  ஈழத்தமிழர்களுக்கு ஆதரவுகொடுத்தார்கள் என சிந்திக்க தோன்றுகின்றது.

7 hours ago, Nathamuni said:

அடுத்தது என்ன?

தமிழக ஊடகங்கள், ஒன்று கட்சியை களைத்து பாஜக யில் தொண்டர்களுடன் சேர்வார் அல்லது பாஜக உடன் கூட்டணி அமைப்பார் என்றும் கூறுகின்றன. அவ்வாறு சேர்ந்தால், அவரிடம் தமிழக தலைமைப் பொறுப்பு வந்து சேரும்.

எந்த வகையில் பார்த்தாலும், வைகோவிட்கு இதைவிட சிறந்த வழி இல்லை என்றே படுகின்றது.

இந்தத் முடிவை, வைக்கோ.... எடுப்பதே, புத்திசாலித்தனமாக இருக்கும். 

பாஜகவில் இணைவார் என நான் நினைக்கவில்லை. பிறகு பட்டை, நாமம் எல்லாம் போட்டுக்கொண்டு போஸ் குடுக்க வேண்டி வரும்..