அமெரிக்க செனட் தேர்தலில் போட்டியிடும் தமிழர் மீது தாக்குதல்

 

 

அமெரிக்க செனட் தேர்தலில் சுயேட்சையாக போட்டியிடும் தமிழகத்தை பூர்வீகமாக கொண்ட சிவா அய்யத்துரை மீது இனவாத சொற்களை கூறி தாக்குதல் நடத்திய நபரை பொலிஸார் கைது செய்துள்ளனர். 

தமிழகத்தின் சிவகாசியை பூர்வீகமாக கொண்டவர் சிவா அய்யத்துரை. தன்னுடைய 7 வயதில் அமெரிக்காவிற்கு சென்ற அய்யாத்துரை, சைட்டோசல்வ் என்ற நிறுவனத்தின் தலைமை செயல் அதிகாரியாக பணியாற்றி வருகிறார். மேலும், அங்கு தற்போது முன்னனி தொழில் முனைவராக உள்ளார்.

இ-மெயில் அனுப்பும் தொழில்நுட்பத்தை அய்யத்துரை கண்டுபிடித்தாலும், அதற்கான அங்கீகாரம் அவருக்கு மறுக்கப்பட்டது. இன ரீதியான பாகுபாடே காரணம் என அவர் குற்றம் சாட்டியிருந்தார்.

இந்நிலையில், மாசாசூசெட்ஸ் மாகாணத்தின் செனட் உறுப்பினர் பதவிக்கு இடம்பெறவுள்ள தேர்தலில் அவர் சுயேட்சையாக போட்டியிடுகிறார். குடியரசு கட்சி சார்பில் அவர் போட்டியிடுவார் என முன்னர் கூறப்பட்ட நிலையில், அவர் தனித்து களமிறங்கியுள்ளார்.

ஜனநாயகக் கட்சி வேட்பாளரும் தற்போதைய செனட் உறுப்பினருமான எலிசபெத் வாரென்-ஐ எதிர்த்து அவர் தேர்தலில் நிற்கிறார். இந்நிலையில், கடந்த சில நாட்களுக்கு முன்னர் டவுண் ஹோல் பகுதியில் அவர் சிறிய ஒலிபெருக்கி மூலம் பிரசாரம் செய்து கொண்டிருந்தார்.

அப்போது, அங்கு வந்த எலிசபெத் வாரென்னின் ஆதாரவாளர், சிவா அய்யத்துரையிடம் கடும் வாக்குவாதம் செய்தார். அவரை இனவாத சொற்கள் கூறி திட்டிய அந்த நபர், ஒலிபெருக்கியை கையால் தள்ளினார். இதனால், ஒலிபெருக்கி சிவா அய்யத்துரையின் முகத்தில் பலமாக தாக்கியது.

இதனையடுத்து, அங்கிருந்த பொலிஸார் அந்த நபரை கைது செய்து அழைத்துச் சென்றனர்.

http://www.virakesari.lk/article/37458

 

மின்னஞ்சலை கண்டுபிடித்த சிவாஅய்யாதுரை மீது தேர்தல் பிரச்சாரத்தின் போது எதிர் வேட்பாளர் எலிசபெத்வாரன் தொண்டர்கள் தாக்குதல் முயற்சி
 

 

அமெரிக்க சன நாயகம் இப்படித்தான் உள்ளது இன்று உலகெங்கும். ??

1 hour ago, nedukkalapoovan said:

அமெரிக்க சன நாயகம் இப்படித்தான் உள்ளது இன்று உலகெங்கும். ??

இந்த வீடியோ காட்சியைப் பொருத்தவரை மக்கள் தங்கள் விருப்பு வெறுப்புகளை வெளியிடுகிறார்கள், வன்முறையைத் தூண்ட முனைந்தவரை காவலர்கள் கைதுசெய்கிறார்கள், இது சனநாயகத்தில் ஒரு அங்கம்தானே.! 

இதே நிகழ்வு தென்னிலங்கையில், அரசியல் பிரசாரம் செய்யும் ஒரு தமிழரை சிங்களவர் ஒருவர் அவதூறுபேசித் தாக்க முற்பட்டிருந்தால் அந்தத் தமிழருக்கும் அவரது ஆதரவாளர்களுக்கும் ஏற்படக்கூடிய நிலை என்ன? காவற்துறை என்ன செய்திருக்கும்??

1 hour ago, nunavilan said:

 

மின்னஞ்சலை கண்டுபிடித்த சிவாஅய்யாதுரை மீது தேர்தல் பிரச்சாரத்தின் போது எதிர் வேட்பாளர் எலிசபெத்வாரன் தொண்டர்கள் தாக்குதல் முயற்சி
 

 

இவரிடம் சொந்த சரக்கு  எதுவும் இல்லை ....
சொந்தமாக ஏதும் இருந்தால் அதை 
தாம் மேடை போட்டு சோலா முடியும்.

அவர்கள் ஒரு நிகழ்வை ஒழுங்கு பண்ணி செய்கிறார்கள் 
இவர்கள் ஒரு 5-6 பேர் ஒரு ஸ்பீக்கரில் கத்தி குழப்புகிறார்கள்.
இறுதியில் போலீஸ் இவர்களை வெளியேற சொல்லி அனுப்பி விடுகிறது.

இவர் காசுக்கு ஆசைப்பட்டு 
இருப்பதையும் இல்லாமல் செய்வதுக்குத்தான் முக்குகிறார். 

3 hours ago, Paanch said:

இந்த வீடியோ காட்சியைப் பொருத்தவரை மக்கள் தங்கள் விருப்பு வெறுப்புகளை வெளியிடுகிறார்கள், வன்முறையைத் தூண்ட முனைந்தவரை காவலர்கள் கைதுசெய்கிறார்கள், இது சனநாயகத்தில் ஒரு அங்கம்தானே.! 

இதே நிகழ்வு தென்னிலங்கையில், அரசியல் பிரசாரம் செய்யும் ஒரு தமிழரை சிங்களவர் ஒருவர் அவதூறுபேசித் தாக்க முற்பட்டிருந்தால் அந்தத் தமிழருக்கும் அவரது ஆதரவாளர்களுக்கும் ஏற்படக்கூடிய நிலை என்ன? காவற்துறை என்ன செய்திருக்கும்??

கருத்தை கருத்தால் வெல்வது சனநாயகம். கருத்தை வன்முறையால் முடக்குவது அல்லது மூடுவது சனநாயகமா..?!

அதில் தோன்றும் ஒரு வெள்ளை நண்பரே சொல்கிறார்.. கருத்தை கருத்தால் எதிர்கொள்ளுவதை விட்டு வன்முறை செய்வது தவறென்பதாக..!! அவர் அதனை சனநாயகப் பண்பாக காட்டவில்லை.. என்பதையும் கவனிக்கனும் பாஞ்ச் அண்ணா. ?