அரசியல் தீர்வு விடயத்தில் அரசாங்கம் இனியும் தமிழர்களை ஏமாற்றக்கூடாது - சம்பந்தன்

(ஆர்.யசி)

தமிழர்களின் நீண்டகால அரசியல் தீர்வு விடயத்தில் அரசாங்கம் கொடுத்த வாக்குறுதிகளை நிறைவேற்றியாக வேண்டும். அரசியல் தீர்வு விடயத்தில் இனியும் தமிழர்களை அரசாங்கம் ஏமாற்றக்கூடாது என தமிழ் தேசிய கூட்டமைப்பின் தலைவர் ஆர்.சம்பந்தன் தெரிவித்தார்.

தமிழ் தேசிய கூட்டமைப்பின் உறுப்பினர்கள் நேற்று பிரதமர் ரணில் விக்கிரமசிங்கவை அலரிமாளிகையில் சந்தித்து பேச்சுவார்த்தை நடத்தினர். இதன்போதே அவர் இதனை குறிப்பிட்டார்.

கடந்த முப்பது ஆண்டுகால யுத்தத்தில் பாதிக்கப்பட்ட எமது மக்களின் வாழ்வாதார மேம்பாடுகள் மற்றும் வடக்கு கிழக்கின் அபிவிருத்திகள்  குறித்த விடயத்தில்  அரசாங்கம் எமது மக்களுக்கு கொடுத்த வாக்குறுதியளித்ததன் பிரகாரம்  அரசியல் தீர்வும்  அதனுடன் கூடிய அபிவிருத்தியும் சமநிலையில்  பயணிக்க வேண்டும். வடக்கில் அபிவிருத்தி வேலைத்திட்டங்கள் முன்னெடுக்கப்படுகின்றது, ஆனால் வெறுமனே அபிவிருத்தியைக் காட்டி எமது மக்களின் நீண்டகால அரசியல் தீர்வைப் பின்தள்ள முயற்சிக்கக் கூடாது எனவும் குறிப்பிட்டார்.

 

http://www.virakesari.lk/article/56926

வடகிழக்கு தமிழ் மக்களை உங்களை விட ஒருத்தரும் மோசமா ஏமாத்தி விடவில்லை . 

நீங்க வேலையே செய்யாம இருக்க ஒரு ஐடியா சொல்லட்டுமாண்ணே..!

சரி சொல்லு..

பேசாம வேலை வேண்டாம்னு எழுதி கொடுத்துருங்கண்ணே..! 😊

4 hours ago, கிருபன் said:

அரசியல் தீர்வு விடயத்தில் இனியும் தமிழர்களை அரசாங்கம் ஏமாற்றக்கூடாது என தமிழ் தேசிய கூட்டமைப்பின் தலைவர் ஆர்.சம்பந்தன் தெரிவித்தார்.

தமிழர்களுக்கு கூட்டமைப்புப் போன்ற ஒரு அரசியல்க் கட்சி உண்மையில் தேவைதானா?  இப்படியொரு கட்சியில்லையென்றால், இப்போதிருக்கும் தமிழரின் நிலை இதைவிடக் கேவலமாக இருந்திருக்கும் என்று நான் சிறிதும் நினைக்கவில்லை.
இவர்கள் தமிழர்களை ஏமாற்றுவதாக நினைத்துக்கொண்டு தம்மைத்தாமே ஏமாற்றிக் கொண்டிருக்கிறார்கள்.

4 hours ago, கிருபன் said:

தமிழ் தேசிய கூட்டமைப்பின் உறுப்பினர்கள் நேற்று பிரதமர் ரணில் விக்கிரமசிங்கவை அலரிமாளிகையில் சந்தித்து பேச்சுவார்த்தை நடத்தினர். இதன்போதே அவர் இதனை குறிப்பிட்டார்.

அனைத்து அதிகாரங்களையும் கொண்ட சனாதிபதியைத் துணிவோடு எதிர்த்து, எதிர்கொண்டு ரணிலின் பிரதமர் பதவியை அவருக்குத் தக்கவைத்து உதவிய தமிழ் தேசிய கூட்டமைப்பு.... இன்று தமிழர்கள் பிரச்சனையைத் தீர்ப்பதற்கு அந்தப் பிரதமரின் காலடியிலேயே வீழவேண்டிய அவலம். 

கொடுக்கனுக்கு உதவிசெய்தாலும், அதனால் தன் நன்றியைக் கொட்டித்தான் காட்ட முடியும் என்பதைக்கூட அறியமுடியாதவரா சம்.? எப்படி அரசியலுக்கு வந்தார்....?? 🤔

5 hours ago, கிருபன் said:

அரசியல் தீர்வு விடயத்தில் அரசாங்கம் இனியும் தமிழர்களை ஏமாற்றக்கூடாது - சம்பந்தன்

அரசு இதுவரை தமிழரை ஏமாற்ற பேருதவி செய்துவிட்டு சதிகார சம்மந்தன் இப்போது தேர்தல் வருடம் என்பதினால் என்னவோ தமிழரை தொடர்ந்து ஏமாற்ற இதுபோன்ற உப்புச்சப்பில்லாத அறிக்கைகள் விடுகிறார்.

பாதுகாப்பு சபை கூட்டத்திற்கு சென்று, அவர்கள் வழங்கிய சிற்றுண்டிகளை மிச்சம் விடாமல் உண்டுகளித்து, அவர்கள் கூறியதற்கு தலையாட்டிய சதிகார சம்மந்தன், திருகோணமையில் கன்னியா வெந்நீரூற்று பிரச்சினைகளைப் பற்றியோ, வடக்கில் மட்டும் பல சோதனைச் சாவடிகளை அமைத்து தமிழர் மீது மேற்கொள்ளப்படும் சிங்கள-பௌத்த அரச பயங்கரவாதத்தின் மிக அப்பட்டமான சித்திரவதையைப் பற்றியோ கதைக்கவில்லை! 

Edited May 28, 20196 yr by போல்