ரயில் விபத்தில் இருவர் பலி

கிளிநொச்சியில் நேற்று இரவு இடம்பெற்ற ரயில் விபத்தில் இரு இளைஞர்கள் உயிரிழந்துள்ளதாக பொலிஸார் தெரிவித்துள்ளனர்.

குறித்த விபத்து சம்பவம் நேற்று இரவு 8.50 மணியளவில் கிளிநொச்சி அறிவியல்நகர் பகுதியில் இடம்பெற்றுள்ளது. யாழ்ப்பாணத்திலிருந்து கொழும்பு நோக்கி பயணித்த தபால் ரயிளோடு மோதி குறித்த விபத்து இடம்பெற்றள்ளது.

குறித்த இளைஞர்கள் இருவரும் விபத்த இடம்பெற்ற பகுதியில் தமது வீட்டுக்கு அருகில் ரயில் கடவையில் அமர்ந்திருந்து சம்பாசித்துக்கொண்டிருந்ததாகவும், ரயில் வருவதை அவதானிக்காமையாலேயே குறித்த விபத்து இடம்பெற்றிருக்கலாம் எனவும் ஆரம்பகட்ட விசாரணைகளில் தெரியவந்துள்ளது.

குறித்த விபத்தில் உயிரிழந்தவர்களில் ஒருவர் முல்லைத்தீவு மாவட்டத்தின் முறிகண்டி செல்வபுரம் பகுதியை சேர்ந்தவர் எனவும், மற்றயவர் தொடர்பில் அடையாளம் காணப்படவில்லை எனவும் தெரிவிக்கப்படுகின்றது.

உயிரிழந்தவர்களின் சடலங்கள் புகையிர அதிகாரிகளினால் கிளிநொச்சி புகையிரத நிலையத்தில் ஒப்படைக்கப்பட்டுள்ளது.

குறித்த சம்பவம் தொடர்பாக மேலதிக விசாரணைகளை  மாங்குளம் பொலிஸார் மேற்கொண்டு வருகின்றனர். 

 

 

https://www.virakesari.lk/article/60805

நவீன ரக ஆயுதங்கள் வாங்கி மனித உரிமைக்காக போரடியவர்களை அழிக்க முடியுது
மற்றவன் நிலபுலங்களை அடாவடித்தனமாக அபகரிக்க முடியுது.
சம்பந்தமே இல்லாத இடத்தில் விகாரத்தனமாக விகாரைகள் கட்டியெழுப்ப முடியுது.
தொட்டது பட்டதுக்கெல்லாம் சூடுசுரணையில்லாமல் கண்டவன் கிண்டவனிட்டையெல்லாம் கடன் வாங்க முடியுது.
ஆனால் தானியங்கி ரயில்கடவை மட்டும் வாங்க முடியேல்லை.
ஏன்???
போட்டி போட்டுக்கொண்டு கடன் குடுக்கிற சர்வதேச புண்ணாக்கு நாடுகள் அதை செய் இதை செய் எண்டு சொல்ல உரிமை இருக்குத்தானே?
அதையேன் பேசுவான்......ரயில் ரோட்டு போட்டுக்குடுத்த கிந்திய நாட்டுக்கு எங்கை போச்சுது புத்தி?உதுகள் எல்லாம் வெளிநாடுகளுக்கு வந்து என்னத்தை படிச்சிட்டு அங்கை போய் கிழிக்குதுகள் எண்டு தெரியேல்லை?????????

 

2 hours ago, குமாரசாமி said:

ஆனால் தானியங்கி ரயில்கடவை மட்டும் வாங்க முடியேல்லை.
ஏன்???

உங்கள் கருத்தில் 100% நியாயங்கள்  இருந்தாலும் இதற்கு எதுவும் செய்ய முடியாது.

4 hours ago, கிருபன் said:

குறித்த இளைஞர்கள் இருவரும் விபத்த இடம்பெற்ற பகுதியில் தமது வீட்டுக்கு அருகில் ரயில் கடவையில் அமர்ந்திருந்து சம்பாசித்துக்கொண்டிருந்ததாகவும், ரயில் வருவதை அவதானிக்காமையாலேயே குறித்த விபத்து இடம்பெற்றிருக்கலாம் எனவும் ஆரம்பகட்ட விசாரணைகளில் தெரியவந்துள்ளது.

 

அந்த இரண்டு விடலைகளுக்கும் உலகில் வேறு இடமின்றி ரயில் கடவையில இருந்து கதைக்கேக்க ரயில் வந்து வந்து மோதினது யார்ட குற்றம்?

அதுவும் அந்த இரவு நேரத்தில ரயில் சத்தமே போடாமல் லைட்டும் போடாமல் வந்து மோதினது யார்ட குற்றம்?

ஸ்மார்ட் போன்ல ஹெட்செட் போடுற வசதி செய்த ஆக்கள் செய்த குற்றமா இருக்கோணும்!

மதுபோதையில் பேசிப்பேசி நித்திரையா போச்சினம் என்றும் ஒரு பேச்சு உலாவுது.