கனடாவின் பச்சைக் கிளி முத்துச் சரம்

May 23, 200718 yr

சாம் (உண்மையான பெயர் அல்ல) என்ற தமிழர் கனடாவின் ரொறன்ரோ பிரதேச பீற்சா உணவகம் ஒன்றின் விநியோகத் தொழிலாளி. ஏதேச்சையாக, தனக்கு நடந்த சம்பவத்தை சாம் எனக்குக் கூறக் கேட்டபோது, இந்தப் பதிவினை இங்கே இடவேண்டும் என்று தோன்றியது. இதோ சாமின் கதை.

ஓரு இரவு, வழமைபோல் சாம் தனது உணவகத்தில் இருந்து தான் விநியோகம் செய்யவேண்டிய பீற்சாவுடன் வெளியேறியபோது ஒரு பி.எம்.டபிள்யூ எக்ஸ்-5 ரக வாகனம் இவரது வாகனத்தை வழிமறித்து அவசரமாக வந்து நின்றதாம். அதிலிருந்து ஒரு இளம் தமிழ் பெண் பதைபதைப்புடன் இறங்கி இவரிடம் நீங்கள் தமிழரா என ஆங்கிலத்தில் வினவினாராம். இவரும் ஆம் என்று கூறவே அந்தப் பெண் தான் ஒரு சிக்கலில் மாட்டிக் கொண்டுள்ளதாகவும் தனக்கு உதவமுடியுமா எனவும் மிகுந்த பதைபதைப்புடனும் வெளிப்படையான முகக் கலவரத்துடனும் கேட்டாராம். அந்த இரவில் அந்தத் தமிழ்ப் பெண் அவ்வாறு நடுங்கிக் கொண்டு நிற்பதைப் பாhத்த சாமால் முடியாது என்று கூறிவிட்டுப் போக முடியவில்லையாம். எனவே, அந்தப் பெண்ணின் பிரச்சினை என்னவென்று விரைவாகக் கூறும்படியும் தான் பீற்சாவை நேரத்திற்குள் விநியோகிக்க வேண்டிய தேவை உள்ளமை பற்றியும் சாம் கூறினாராம். பெண்ணும் தனது சிக்கலை விபரித்தாராம்.

அதாவது, தன்னிடம் இரண்டு கார்கள் உள்ளதாகவும். தனது இரண்டாவது காரினை அன்றிரவு இரவல் வாங்கிச் சென்றிருந்த தனது சிநேகிதி, பிறிதொரு வாகனத்தோடு சாதுவாக மோதிவிட்டார் எனவும், மோதப்பட்ட கார் காரர் தனக்கு 1200 டொலர்கள் பணம் தந்தால் காப்புறுதி நிறுவனத்திற்கு அறிவிக்காது செல்வதாகக் கூறுவதாகவும், தன்னிடம் ஆயிரம் டொலர்கள் மட்டும் தான் காசாக உள்ளது எனவும், தனது வங்கியில் இருந்து தான் ஒரு நாளைக்குப் வங்கி அட்டை மூலம் பெறக்கூடிய உச்ச பணத்தை அன்று தான் ஏற்கனவே பெற்றிருந்தமையால் அந்த இரவு நேரத்தில் மேலதிக பணத்தைத் தன்னால் வங்கி இயந்திரத்தில் இருந்து பெற முடியவில்லை எனவும், ஒரு 200 டொலர்கள் இந்த நேரத்தில் ஒரு தமிழர் இன்னுமொரு தமிழரிற்குச் செய்யும் உதவியாக சாம் தனக்குச் தந்துதவினால் தான் காப்புறுதி தொடர்பான சிக்கல்களில் இருந்து தப்பிக் கொள்ளலாம் எனவும் மன்றாடிக் கேட்டாராம். மேலும், தனது கைப்பையினை எடுத்து அதற்குள் தான் வைத்திருந்த 1000 டொலர்களை சாமிற்குக் காட்டியதோடு, குறிப்பிட்ட உணவகத்தின் அருகிருந்த வங்கி இயந்திரத்திற்கு சாமினை மன்றாடி அழைத்துச் சென்று அங்கு தனது வங்கி அட்டையின் நாளாந்த வரையறை ஏற்கனவே அடையப்பட்டு விட்டதனையும் உறுதிப்படுத்தினாராம். மேலும் தனது வாகன ஓட்டுனர்; பத்திரத்தைக் காட்டி அதிலிருந்து தனது உண்மையான பெயர், முகவரி முதலியவற்றையும் மேலும் தனது கைத்தொலைபேசி இலக்கத்தையும் சாமிடம் கொடுத்து மன்றாடினாராம்.

மேற்படி பெண்ணின் நிலைமை கண்டு இரங்கிய சாம், தான் ஒரு விநியோகத்திற்கு வெறும் 2.50 டொலர்களை மட்டுமே ஊதியமாகப் பெற்று ரிப்சை நம்பி பீற்சா விநியோக உத்தியோகம் செய்வதாயும், மிஞ்சி மிஞ்சிப் போனால் தனக்கு ஒரு நாளைக்கு 80 டொலர்கள் தான் வருமானம் வரும் என்றும், தன்னைப் பொறுத்த வரை 200 டொலர்கள் மிகப்பெரிய தொகை என்றும் அந்தப் பெண்ணிடம் தெளிவாகக் கூறி விட்டு, தன்னிடம் வங்கியில் பணமில்லாததால் தனது கடனட்டையில் இருந்து தான் தான் பணம் பெறுவதாக அப்பெண்ணின் முன்னிலையிலேயே பணம் பெற்று அப்பெண்ணிடம் கொடுத்து விட்டு சாம் அவசரஅவசரமாகத் தனது பீற்சாவினை விநியோகிக்கச் சென்றுவிட்டாராம். பெண்ணும், எப்படியும் தான் நாளைக் காலையில் அவரது பணத்தைக் கொண்டு வந்து தருவதாக உறுதி அளித்தாராம். ஓரு பி.எம்.டபிள்யூ எக்ஸ்-5 வாகன ஒட்டுனர் 200 டொலர்கள் பற்றி அளித்த வாக்குறதியை சாமும் ஏற்றுக் கொண்டாராம்.

எனினும் அடுத்த நாள் முழுவதும் அந்தப் பெண் வராததால் அன்றிரவு சாம் அப்பெண்ணிற்கு அவர் தந்த தொலைபேசி இலக்கத்தில் தொடர்பு கொண்டாராம். அந்தத் தொலைபேசி அழைப்பை எடுத்த அந்தப் பெண், தான் அன்று மிகவும் பிசியாக இருந்ததால் வரமுடியவில்லை என்று மன்னிப்புக் கேட்டு நிச்சயம் நாளை வருவதாகக் கூறி, சாமின் வீட்டு முகவரியினைக் கேட்டாராம். வீட்டு முகவரி கொடுக்கத் தயங்கிய சாம் உணவகத்திற்கே வருமாறு அந்தப் பெண்ணிடம் கூறினாராம். ஆனால் நாட்கள் கிழமையான போதும் கூட பணம் மீழவில்லையாம். சாமிற்கும் வாடகை முதலிய சிக்கல்கள் இருந்தமையால் அந்தப் பெண் தந்த அவரது முகவரிக்கு நேரடியாக சாம் சென்றாராம். முகவரியை அடைந்த சாம் அதிர்ந்து போனாராம். அந்த வீட்டில் ஒரு பெரிய அறிவித்தல் ஒட்டப்பட்டிருந்ததாம். யாரேனும் அந்த வீட்டிற்கு வருவதனை அயலவர்கள் கண்டால் உடனடியாகக் காவல் துறைக்கு அறிவிக்கவும் என்பதே அறிவித்தலாம். இதைப் பாhத்த சாம் உடனடியாக அங்கிருந்து சென்று விட்டாராம்.

சாம் அந்தப் பெண்ணைத் தனது வீட்டுத் தொலைபேசியில் இருந்தும் ஒரு நாள் அழைத்திருந்தாராம். இவ்வழியாக, சாமின் வீட்டுத் தொலைபேசி இலக்கத்தைப் பெற்றுக் கொண்ட பெண் சாமின் வீட்டிற்கு பகல் வேளைகளில் தொடர்பு கொண்டு அங்கு அந்நேரத்தில் தனியாக இருக்கும் சாமின் வயதான மாமியாருடன் அன்பாகப் பேசி நட்பினை வளர்க்க முயன்றாராம். எனினும் சாம் உசாரான காரணத்தால் அந்தப் பெண்ணின் மேற்படி முயற்சி பலனளிக்கவில்லையாம்.

இந்நிலையில், சாம், தனது வீட்டின் அயலவரான காவல் துறை அதிகாரியிடம் நட்பு ரீதியில் தனக்கு நடந்த சம்பவத்தைக் கூறி அந்தப் பெண்ணின் வாகன ஓட்டுனர் அனுமதிப்பத்திர இலக்கம் முதலிய விபரங்களைக் கொடுத்தாராம். அவற்றை வைத்து விசாரித்த சாமின் அயல் வீட்டுப் போலிஸ் காரர் அதிர்ந்து போனாராம். குறிப்பிட்ட பெண், இதுவரை அரை மில்லியன் கனேடியன் டொலர்கள் வரை மோசடி செய்துள்ளதாகவும், பல போலிஸ் பதிவுகள் அவர் மீது உள்ளதாகவும் சாமிற்குத் தெரிய வந்ததாம். அந்த வகையில் வெறும் 200 டொலர்களை இழந்த சாம் உண்மையிலேயே அதிர்ஸ்ரசாலி தான் என காவல்துறை நண்பர் சாமிற்குக் குறிப்பிட்டாராம்.

இதுபடி மேலதிகமாக சாம் திரட்டிய தகவல்களின் பிரகாரம், பொதுவாக இந்தப் பெண், பச்சைக் கிளி முத்துச் சரம் திரைப்படத்தில் வருவது போன்று ஆட்களை அடையாளம் கண்டு மோசடி செய்வாராம். ஓரு குறிப்பிட்ட சம்பவத்தில் ஒரு வீட்டில் பாரிச வாதத்தால் பாதிக்கப்பட்டிருந்த வயதானவரை படிப்படியாகப் பழக்கம் செய்து, அங்கு சென்று அவரை குளிப்பாட்டிப் பராமரிப்பது முதல் அப்பப்போ பெருந் தொகை பணங்களையும் கட்டாயப்படுத்தி அவரின் செலவிற்குக் கொடுப்பாராம். ஆந்த வயதானவரின் மகன்கள் தலையிட்ட போதும் கூட அந்த வயதானவரைத் தான் தன் தாயாகப் பார்ப்பதாய் ஏகப்பட்ட சென்ரிமென்ராம். அத்தோடு தான் அடிக்கடி கொடுக்கும் பெருந்தொகை பணங்களிற்குக் காரணம் தான் ஈடுபட்டிருக்கும் ஒரு இலாபகரமான வியாபார முதலீடு என்று கூறி, விருப்பமிருந்தால் அந்த வயதானவரின் மகன்களும் அம்முதலீட்டில் பங்கெடுத்துப் பணம் சேர்க்கத் தான் உதவுவதாயும் ஆசை காட்டி, பல மாதங்கள் நடித்து இறுதியில் அவர்களின் நம்பிக்கையைப் பெற்று, அக்குடும்பத்திடமும் அவர்களின் உறவினர்களிடமும் இருந்து தான் அரை மில்லியன் டொலர்களை மோசடி செய்தாராம்.

அதுபோலத் தான் சாமையும் சாம் தொழில் புரியும் உணவகத்தின் முன் மடக்கியதும் எதேச்சையானது அல்லவாம். குறிப்பிட்ட சம்பவத்திற்கு இரண்டு வாரங்களிற்கு முன்னர் அதே உணவகத்திற்கு அதே கதையுடன் அந்தப் பெண் வந்து அங்கிருந்த முகாமையாளரிடம் உதவி கேட்டாராம். அவர் மறுத்த போது அந்த பீற்சா உணவகத்தில் ஆரேனும் தமிழர் விநியோக வேலை செய்கிறார்களா என வினாவினாராம். அப்போது, இரக்கப்பட்ட முகாமையாளர் தற்சமயம் அவ்வாறு ஒருவரும் இல்லை ஆனால் இரவில் உண்டு என்று எதேச்சையாகக் கூறினாராம். அவ்வாறு தான் சாம் கண்காணிக்கப்பட்டு மடக்கப்பட்டாராம்.

மேலும் இந்தப் பெண்ணின் பெயரில் இரண்டு வீடுகள் உள்ளனவாம். ஆந்த வீடுகளை இப்பெண் பெற்றுக் கொண்டதும் சுவாரசியமான விதத்தில் தானாம். இங்கு உள்ள தமிழ் வீடு விற்பனை முகவர்களில் சிலருடன் சிருங்காரத் தொனியில் பேசி, பி.எம்.டபிள்யூ வைக் காட்டி, தனது தந்தை பற்றி பில்டப்புக்கள் செய்து, வீட்டினை பணக்கார இடத்தில் முற்றுச் செய்து. வாங்கும் நாளிற்கு முதல் நாள், பதைபதைப்புடன் முகவரிற்குத் தொலைபேசியில் அழைத்து, தனது தந்தை அனுப்ப வேண்டிய பணம் ஒரு நாள் பிந்தி விட்டது அதனால் வீட்டு ஒப்பந்தத்தை முடிக்க முடியாது என்று அழுது, தனது சுளையான கொமிசன் கைநழுவிப் போகின்றதே என்று வீடு விற்பனை முகவரை ஏங்க வைத்து, அதே முகவர் தனது நண்பர்களிடம் இருந்து இந்தப் பெண்ணின் பணக்கார வெளித்தோற்றத்தை நம்பி ஒரு நாள் கடன் பெற வைத்து, அவ்வழியே வீட்டினைத் தனது பெயரில் பெற்றுக் கொண்டாராம். எனினும் அடுத்த மாதமே வீட்டை றீமோட்கேச் செய்து அதன் மூலம் பணத்தைப் பெற்றுக் கொண்டு வங்கிக்குக் கம்பி நீட்டி விட்டாராம். இவ்வாறே இரு வீடுகளும் தற்போது வங்கியால் பறிமுதல் செய்யப்பட்டு குறித்த பெண் தேடப் படுகின்றாராம். ஏனினும் அந்தப் பெண்ணின் வங்கிக்க கணக்கில் எந்தப் பணமும் வைப்பில் இல்லையாம். அது தான் சாம் சென்ற போது அந்த வீட்டில் ஆரெனும் அங்கு வந்தால் காவல் துறைக்கு அறிவிக்கும் படியான அறிவித்தல் ஒட்டப்பட்டிருந்ததாம்.

சாம் கூறுகின்றார், தான் தற்போது அறிந்துள்ளவற்றின் அடிப்படையில் இந்தப் பெண் வெறும் கருவி மட்டுமே தானாம். அவரிற்குப் பின்னால் ஒரு பெரிய தமிழ் மோசடிப் பட்டாளம் உள்ளதாம். இப்பெண்ணின் தந்தை உண்மையிலேயே இலங்கையில் தற்போதும் ஒரு மதிக்கப்படும் பெரும் புள்ளியாம். கனடாவின் வன்கூவர் பிரதேசத்திற்கு வந்த இந்தப் பெண் சில தவறான பழக்கவழக்கங்களாலும் சில அடிமைத்தனங்களாலும் ஆபத்தான சகவாசங்களை ஏற்படுத்திக் கொண்டாராம். இந்நிலையில், ரொறன்ரோவில் தான் அதிக தமிழர்கள் வாழ்வதனால், ரொறன்ரோ பிரதேச தமிழ் காடையர்கள் சிலரோடு வன்கூவர் காடையர்கள் ஒப்பந்தம் செய்து இந்தப் பெண் குறிப்பிட்ட காடையர்களால் ரொறன்ரோவிற்கு திட்டமிடப்பட்டு மோசடிக்காக அனுப்பி வைக்கப்பட்டுள்ளாராம்.

எல்லாம் சரி. ஆனால் இந்த நேரத்தில் எனக்கு ஒரு கேள்வி எழுந்தது. அதாவது, சாமிற்கே இவ்வளவு தரவுகள் இந்த மோசடிக்காரி பற்றித் தெரிந்திருக்கையில்; கனேடிய காவல்துறை ஏன் இன்னமும் அவளை வெளியே விட்டு வைத்துள்ளது என்பது தான் கேள்வி.

எனினும் கேள்வி எழுந்த வேகத்திலேயே பதிலும் கிடைக்கின்றது:

காவல் துறையைப் பொறுத்தவரை, ஒரு வெள்ளையர் அல்லது ஒரு பணக்காரர் அல்லது ஒரு செல்வாக்குடையோர் எவரும் பாதிக்கபடாத வரை (ஒரு வெள்ளை இன நபர் இவளின் பிடியில் அகப்பட்டால் பேர்தும் அடுத்த நாள் அம்மையார் உள்ளே இருப்பார். காவல் துறை பற்றி இந்த முனையில் ஒரு புத்தகமே எழுதலாம்), இந்தப் பெண்ணை வைத்து இயன்ற வரை அவளது மொத்தக் கூட்டத்தையும் கைது செய்வதே நோக்கமாக இருக்கும் ||ஓடு மீன் ஓட உறுமீன் வரும் வரை...|

குறிப்பு: இந்தப் பெண்ணின் பெயரினை சாம் எனக்குத் தெரிவித்திருந்தார் என்ற போதிலும், பிரத்தியேகமாக என்னால் இந்தச் சம்பவத்தை நான் ஊர்ஜிதப்படுத்தாதனால், அந்தப் பெண்ணின் பெயரினை இங்கு குறிப்பிடுவதைத் தவிர்த்துள்ளேன்.

Edited May 23, 200718 yr by Innumoruvan

May 23, 200718 yr

தகவலுக்கு நன்றி

இசைக்கலைஞன்

கருத்துக்கள உறவுகள்

22.1k posts
10 Badges
3.2k Reputation

Gender:Male
Location:கனடா
Interests:இசை, வேலை, யாழ்களம், புத்தகம் படிக்காமல் இருப்பது, தொ.கா. பார்ப்பது, தொ.பேசியில் அலட்டாமல் இருப்பது.. :D

May 23, 200718 yr

கருத்துக்கள உறவுகள்

தகவலுக்கு நன்றி

இன்னுமொருவன்,

நீங்கள் விபரிக்கும் சம்பவத்தால் எனக்கு ஒரு இன்னுமொரு சம்பவம் ஞாபகம் வருகிறது. எனக்குத்தெரிந்த தமிழ் வீட்டு முகவர் ஒருவர் இதே போல் ஒரு பெண்ணால் பெரிய அளவில் பாதிக்கப்பட்டவர். அவரிடமும் ஏதோ சுத்துமாத்துப் பண்ணி இந்தப் பெண் அவரிடம் கிட்டத்தட்ட ஒரு லட்சம் டொலர்களை அபேஸ் பண்ணிவிட்டார். முகவரோ நொந்து நூலாகி எதிலும் பிடிப்பில்லாமல் இருக்கிறார்.

முகவருக்குப் பெண்பிள்ளையில்லாத குறையிருந்தது. அதைப்பயன்படுத்தி அவருக்கும் அவரது மனைவிக்கும் தூண்டில் போட்டு மகளாக நடித்து பணத்தைக் கறந்துள்ளார். இது முடிந்த பிறகு அவர் வீட்டில் 6 மாதங்களுக்கு முன் திருட்டும் போயுள்ளது. அதிலும் அந்தப்பெண்ணுக்குத் தொடர்புள்ளதோ தெரியாது.

வான்கூவரிலிருந்து இந்தப்பெண் வந்ததையும் கேள்வியுற்றேன். ஒருவேளை நீங்கள் சொல்லும் பெண்ணும் நான் சொல்லும் பெண்ணும் ஒரே ஆளாக இருக்கலாம்.

தகவலுக்கு நன்றி.

May 23, 200718 yr

பெண்களில் இப்படியும் ஆட்களா....

May 23, 200718 yr

தொடங்கியவர்

வான்கூவரிலிருந்து இந்தப்பெண் வந்ததையும் கேள்வியுற்றேன். ஒருவேளை நீங்கள் சொல்லும் பெண்ணும் நான் சொல்லும் பெண்ணும் ஒரே ஆளாக இருக்கலாம்.

தகவலுக்கு நன்றி.

வெங்கட்,

உங்கள் கருத்துக்கு நன்றி.

Danguvaar,

இது போன்று நன்கு திட்டமிடப்பட்ட சம்பவங்கள் அரிதாகத் தான் இடம் பெறுவதாலும் இதர ஒற்றுமைகளாலும் அநேகமாக நீங்கள் குறிப்பிடும் நபரும் இவரும் ஒருவராகத் தான் இருக்கலாம் என்றே எனக்கும் படுகின்றது.

May 23, 200718 yr

தொடங்கியவர்

பெண்களில் இப்படியும் ஆட்களா....

இந்தப் பெண்ணின் பின்னணியில் ஆண்கள் தான் அவரை இவ்வாறு செயற்படுத்துவதாகவும் கூறுகின்றார்கள்...

இசைக்கலைஞன்

கருத்துக்கள உறவுகள்

22.1k posts
10 Badges
3.2k Reputation

Gender:Male
Location:கனடா
Interests:இசை, வேலை, யாழ்களம், புத்தகம் படிக்காமல் இருப்பது, தொ.கா. பார்ப்பது, தொ.பேசியில் அலட்டாமல் இருப்பது.. :D

May 23, 200718 yr

கருத்துக்கள உறவுகள்

பெண்களில் இப்படியும் ஆட்களா....

விகடகவி,

பெண்களைப் பற்றிய கற்பனை உலகிலிருந்து நிஜ உலகுக்கு வாருங்கள்.! :P :P

பின்குறிப்பு: எல்லோரும் அப்படியல்லர். ஆனால் கவிஞர்கள் போற்றுமளவுக்கு அவர்கள் ஒன்றுமில்லை. யாழ் சகபாடிக்கள் மன்னிக்கவும்..

May 23, 200718 yr

கருத்துக்கள உறுப்பினர்கள்

நல்ல பதிவு.

ஒரு சந்தேகம்,அவர் சாமையும் திட்டம் போட்டு அணுகியிருந்தால் அவரின் 200 ரூபாய்களை உடனே கொடுத்து நல்ல பேர் வாங்கியல்லவா தனது நாடகத்தை தொடர்ந்திருப்பார்?

இசைக்கலைஞன்

கருத்துக்கள உறவுகள்

22.1k posts
10 Badges
3.2k Reputation

Gender:Male
Location:கனடா
Interests:இசை, வேலை, யாழ்களம், புத்தகம் படிக்காமல் இருப்பது, தொ.கா. பார்ப்பது, தொ.பேசியில் அலட்டாமல் இருப்பது.. :D

May 23, 200718 yr

கருத்துக்கள உறவுகள்

நல்ல பதிவு.

ஒரு சந்தேகம்,அவர் சாமையும் திட்டம் போட்டு அணுகியிருந்தால் அவரின் 200 ரூபாய்களை உடனே கொடுத்து நல்ல பேர் வாங்கியல்லவா தனது நாடகத்தை தொடர்ந்திருப்பார்?

சாமிடம் பெரிசா ஒன்றும் தேறாது என்பதைப் புரிந்து கொண்டிருப்பார் என நினைக்கிறேன். அதனால் அந்தத் திட்டத்தை அத்தோடு நிறுத்தியிருப்பார்.

May 23, 200718 yr

தொடங்கியவர்

நல்ல பதிவு.

ஒரு சந்தேகம்,அவர் சாமையும் திட்டம் போட்டு அணுகியிருந்தால் அவரின் 200 ரூபாய்களை உடனே கொடுத்து நல்ல பேர் வாங்கியல்லவா தனது நாடகத்தை தொடர்ந்திருப்பார்?

நான் புரிந்துகொண்ட வகையில், சாமிடம் அவர் 200 பெற்றதன் நோக்கம் அதை வைத்து சாமின் வீட்டிற்குள் புகுவதற்காக மட்டுமே. அந்தவகையில் தான் சாமின் மாமியாருடனான அவரது ஆரம்ப முயற்சி இருந்துள்ளது. எனினும் சாம் உசார் ஆனதால் அதை அவர் தொடரமுடியவில்லை.

மேலும், ஒரு வீட்டின் தொலை பேசி இலக்கத்தை வைத்து விலாசம் கண்டுபிடிப்பது ஒரு நிமிட வேலை என்பதனால், நிச்சயம் அவர் சாமின் வீட்டிற்குச் சென்று பார்த்திருப்பார். டங்குவார் சொல்வது போல் அவரது திட்டத்திற்கு சாமின் நிலை பெரிய கவர்ச்சிகரமாக அவரிற்குப் படாது போயிருக்கலாம். ஏதோ சாம் தப்பிக் கொண்டார்.

இவ்வாறான நிகழ்வுகளால் இவ்வுலகில் எஞ்சியிருக்கும் சொற்ப தொiயினரான இரக்க குணமுள்ளவர்களும் கல்நெஞ்சக் காரராக மாறுவது மிகவும் துரதிஸ்ரவசமானது.

May 23, 200718 yr

கனடாவில் வெளிவரும் ஒருசில பத்திரிகைகளில் ஒருசுத்துமாத்து பெண்ணின் விடயம் வந்திருந்தது சிலவேளைகளில் இன்னுமொருவன் கூறும் பெண்ணின் கதையாக இருக்கலாம்

ஏமாறுகிறவன் இருக்கும் வரை ஏமாற்றுபவன் இருப்பான்(ள்)

May 23, 200718 yr

என்னப்பா இது!

கேட்கவே பயமாக இருக்கிறது.

யாரைத்தான் நம்புவது?

அதுவும் நம் நாட்டு

பெண்களா ??

May 23, 200718 yr

கருத்துக்கள உறுப்பினர்கள்

இது எப்ப நடந்த சம்பவம்?? ஏன் என்றால் 2.50 சம்பளம் கொடுத்து டிரைவரை வைச்சிருந்த காலமெல்லாம் மலையேறிப்போச்சு. அவர் இப்பவும் அப்பிடி வேலை செய்த அவரது அறியாமையாக இருக்கலாம். நீங்கள் சொல்லும் பெண்ணின் விபரங்களை சொன்னால் நாங்களும் எச்சரிக்கையாக இருப்போமல்லவா? இதை விட பல மோசடிகள் "தொழிலதிகள்" என்ற போர்வைக்குள் நடைபெறுகின்றன.

May 23, 200718 yr

கருத்துக்கள உறவுகள்

எந்தப் படத்தின் கதையப்பா இது? எனக்கும் சொல்லுங்கோ கேட்க நல்லாயிருக்குது.

May 23, 200718 yr

தொடங்கியவர்

இது எப்ப நடந்த சம்பவம்?? ஏன் என்றால் 2.50 சம்பளம் கொடுத்து டிரைவரை வைச்சிருந்த காலமெல்லாம் மலையேறிப்போச்சு. அவர் இப்பவும் அப்பிடி வேலை செய்த அவரது அறியாமையாக இருக்கலாம். நீங்கள் சொல்லும் பெண்ணின் விபரங்களை சொன்னால் நாங்களும் எச்சரிக்கையாக இருப்போமல்லவா? இதை விட பல மோசடிகள் "தொழிலதிகள்" என்ற போர்வைக்குள் நடைபெறுகின்றன.

நிதர்சன்,

அவரது சம்பளத் தொகை பற்றி அவர் எனக்குக் கூறியதை நான் அவரது உணவகத்திற்கு அழைத்து உறுதி செய்யவில்லை (அது தேவைப் பட்டதாகவும் நான் கருதவில்லை ஏனெனில் அவர் அந்தப் பெண்ணிற்குத் தான் கூறியதாய் எனக்குக் கூறிய செய்தி மட்டுமே அது. சம்பளத் தொகையை காசின் அருமையினைக் காட்டுவதற்காகக் குறைத்தோ அல்லது ஒரு குறியீடாகவோ கூட அப்பெண்ணிற்குக் கூறியிருக்கலாம்.) அவர் கூறியதை அப்படியே பதிந்துள்ளேன்.

எனினும்இதில் ஒரு வேடிக்கை என்னவெனில் உங்களிற்கு வந்த அதே சந்தேகம் எனக்கும் வந்து அவரிடம் நான் இதே கேள்வியைக் கேட்டிருந்தேன். அதற்கு அவர் கூறினார், 'பீற்சா பீற்சா' நிறுவனத்தில் மணித்தியாலத்திற்கு என்று சம்பளம் கொடுப்பார்களாம் ஆனால் விநியோகம் வராத நேரங்களில் விநியோகத் தொழிலாளர்கள் சமையல் அறையில் தொட்டாட்டு வேலை செய்ய வேண்டுமாம். ஆனால் தான் வேலை பார்க்கும் 'பீற்சா கட் நிறுவனத்தில'; மணிக்கு என்று சம்பளம் இல்லையாம். விநியோம் வந்தால் மட்டும் 2.50 ஒரு விநியோகத்திற்கு என்ற அடிப்படையில் அத்தொழிலாளர்கள் பெறுவார்களாம். இதை விட வாடிக்கையாளர் வழங்குகின்ற "ரிப்ஸ்" தொகையை தான் விநியோகத்தர்கள் பெரிதும் நம்பியிருப்பார்களாம். ஆனால், "பீற்சா பீற்சா" போலில்லாது, 'பீற்சா கட்டில்" விநியோகம் வராவிடின் பீற்சா கட் சமையல் அறையில் தாங்கள் வேறு வேலை எதையும் செய்யத் தேவை இல்லையாம்.

நான் மேற்படி வேலைகள் எதையும் எப்போதும் செய்திராமையால் இது பற்றி என்னிடம் மேலதிக தகவல்கள் எதுவும் இல்லை.

சாம் எனக்குக் கூறியதன் பிரகாரம், இந்த ஆண்டு தை மாதத்தில் இந்தச் சம்பவம் நடை பெற்றதாம் (சாமை நான் சந்தித்தது சென்ற வார இறுதியில் தான் என்பதால் எனது பதிவு இன்று இடப்பட்டது. எனவே ஏன் இவ்வளவு கால தாமதமாய் இட்டேன் என்று கேட்காதீர்கள் ).

Edited May 23, 200718 yr by Innumoruvan

May 23, 200718 yr

வணக்கம் கருட்த்தாடர்களே!!

அந்த பெண்ணுக்கு அந்த கும்பலிலிருந்து வெளியே வர என்ன வழி இருக்கு என்று சிந்தித்து உதவுங்கள். பிறக்கும் போது யாரும் கெட்டவர் அல்ல, வாழும் போது கயவர்களின் வலையில் சிக்கி பெண்ணிடம் கண்னியமாக நடந்து காபாறுங்கள் உங்களையும்ஆவளையும்.

நன்றி

தமிழ் வளர்ப்போம் தமிழ் கார்ப்போ!

May 23, 200718 yr

கருத்துக்கள உறுப்பினர்கள்

என்னப்பா இது!
கேட்கவே பயமாக இருக்கிறது.

யாரைத்தான் நம்புவது?

அதுவும் நம் நாட்டு

பெண்களா ??

என்ன மருமோன் இப்புடி பெருமூச்சு விடூறீர்?அங்கை ஊரிலை எங்கடை பொண்டுகள் செய்யாத திருக்கூத்தே இஞ்சை நடக்குது?பச்சை மலைவிழுங்கி கள்ளியளப்பா?எங்கடை பொண்டுகளிட்டை ஜோர்ச் புஸ்சும் ரொனி பிளேயரும் பிச்சை வாங்கோணும் தெரியுமோ

May 23, 200718 yr

கருத்துக்கள உறவுகள்

ஆண்களே உசாராய் இருங்கள்.

May 23, 200718 yr

பேசாம அந்த பெண் காவியுடுத்தி சாமி வேசம் போட்டு கோயில் கட்டியிருந்தா நிறைய பணமும் வந்திருக்கும்.. எல்லாரும் காலில் விழுந்து காசு குடுத்திருப்பினம்... இந்த பெண்ணுக்கு கொஞ்சம்

கூட புத்தி இல்லப்பா....

May 24, 200718 yr

ஆண்களே உசாராய் இருங்கள்.

ஆண்களிடம் என்றல்ல சுத்தமுடிந்தால் அது ஆண்என்ன பெண்என்ன எல்லோரிடமும் கைவரிசைகாட்டியதாகத்தான் கேள்வி

எனவே எல்லோருமே உஷார்

May 24, 200718 yr

வணக்கம் கருட்த்தாடர்களே!!
தமிழ் வளர்ப்போம் தமிழ் கார்ப்போ

பார்க்க தெரியுது :P :P :P

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

இன்றைய மாவீரர் நினைவுகள் ..

மாவீரர்களுக்கு வீரவணக்கங்கள். . .

By கறுப்பி · 6 minutes ago6 min
அமரசிறி : கருணாகரன்

யாழ்ப்பாணத்திலுள்ள தனது சக ஆசிரியரை சந்திக்க வந்த சிங்கள இந ஆசிரியர் அமரசிறி, அவர் சிங்களச்சிப்பாயல்ல.

By satan · 3 hours ago3 hr
யாழ் கள T20 உலகக் கிண்ண கிரிக்கெட் போட்டி - 2026

அந்த ஜந்து பவுண் வரவில்லையா.....நீங்கள் போட்ட போடு அப்பிடி இருந்துதே.
ஜயகோ 😀

By செம்பாட்டான் · 5 hours ago5 hr
விமானநிலையத்தில் தடக்கி விழுந்த விஜை

இந்த திரியில் கூட கதறல் சத்தம் கொஞ்சம் அதிகமாகவே உள்ளது😂.
பிகு
கதறலை கேட்க என்றே இந்த செய்தி இணைக்கப்பட்டது என நினைப்பவர்கள் - கெட்ட எண்ணம் உடையோர் 😂

By goshan_che · 5 hours ago5 hr
முன்னாள் அமைச்சர் டக்ளஸ் தேவானந்தா கைது!

இப்படிதான் எங்கள் ஊரில் ஒருவர் கிறிஸ்தவ மதம் மாறி விட்டார். ஆனால் சேர்ச்சுக்கு போவதில்லை.
ஒரு தரம் வழியில் கண்ட பாதிரியார் “ என்ன இப்ப சேர்சுக்கே வாறேல்லா யேசுவை மறந்துட்டியளோ” என கேட்க,
எங்கட ஆள் சொன்னாராம்..
“சிவ, சிவா…நானாவது யேசுவை மறப்பதாவது” எண்டு 😂.
அப்படித்தான் பலரது கிறிஸ்தவ நம்பிக்கையும். சாதி, தீண்டாமை, பெண்ணடிமைதனம், கர்மா, ….
இப்படி சர்மாக்கள் சொல்லி கொடுத்த எதையும் கைவிடவில்லை.

இங்கே பலர் அனுர காதலில் அனுங்குவதால் அவர்களுக்கு இலங்கை அரசு பற்றிய புரிதல் மங்கி விட்டது.
2009 க்கு முன் டக்கா செய்தவற்றுக்கு ஆக்ஸ்போர்ட், கேம்பிரிஜ் போக தேவையில்லை.
அம்னெஸ்டி, HRW, US State dept அறிக்கைகளே போதும்.
ஆனால் இவற்றை அனுரா கனவிலும் தொடார்.
மேலே ஈழப்பிரியன் அண்ணா பதிந்துள்ளார். ஒரு உறுப்பினர் கொடுத்த ஒப்புதல் வாக்குமூலத்தை சீண்டுவார் இல்லை.
சும்மா கண்துடைப்புக்கு ஒரு கைது.
அதை கண்டவுடன் காவடிக்காரருக்கு ஒரு சோடா குடித்த சிலிர்ப்பு.

By goshan_che · 5 hours ago5 hr

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 26 replies
ரஞ்சித்

December 7Dec 7
Featured by மோகன்

December 8Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 4 replies
இளைஞன்

February 15, 200916 yr
Featured by மோகன்

November 25Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22Nov 22
Featured by மோகன்

November 23Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18Oct 18

View All

Sign In

கனடாவின் பச்சைக் கிளி முத்துச் சரம்

Featured Replies

Archived

Tell a friend

Topics

அமரசிறி : கருணாகரன்

யாழ் கள T20 உலகக் கிண்ண கிரிக்கெட் போட்டி - 2026

விமானநிலையத்தில் தடக்கி விழுந்த விஜை

முன்னாள் அமைச்சர் டக்ளஸ் தேவானந்தா கைது!

யாழில் 3012 குடும்பங்களுக்கு மலசலக்கூட வசதி இல்லை!

Posts

இன்றைய மாவீரர் நினைவுகள் ..

அமரசிறி : கருணாகரன்

யாழ் கள T20 உலகக் கிண்ண கிரிக்கெட் போட்டி - 2026

விமானநிலையத்தில் தடக்கி விழுந்த விஜை

முன்னாள் அமைச்சர் டக்ளஸ் தேவானந்தா கைது!

Featured Content

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

சாத்தான் படை (IPKF)

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

தாயகத்தின் தாய் – ச.பொட்டு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

Important Information

Account

Navigation

Search

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)