நா.தனுஜா)

புதிய அமைச்சரவை பதவியேற்பு நிகழ்வை முன்னிட்டு இன்றைய தினம் கண்டி மாநகரத்தில் பல பகுதிகளிலும் காட்சிப்படுத்தப்பட்டிருந்த சிறுபான்மையினத்தவரைப் பிரதிநிதித்துவப்படுத்தும் நிறங்கள் நீக்கப்பட்ட கொடிகளை உடனடியாக அகற்றுவதற்கு கண்டி மாநகரசபை நடவடிக்கைகளை எடுத்திருக்கிறது.

நடைபெற்று முடிந்த பொதுத்தேர்தலில் ஸ்ரீலங்கா பொதுஜன பெரமுன வரலாற்று வெற்றியைப்பெற்று அரசாங்கம் அமைத்திருக்கும் நிலையில், அதன் புதிய அமைச்சரவை நேற்று புதன்கிழமை தலதா மாளிகையின் பார்வையாளர் அரங்கான மகுல் மடுவவில் வைத்துப் பதவிப்பிரமாணம் செய்துகொண்டது.

இந்நிகழ்வை முன்னிட்டு கண்டி மாநகரத்தின் பல பகுதிகளிலும் மாநகரசபை ஊழியர்கள் தேசியக்கொடியில் சிறுபான்மையினரைப் பிரதிபலிக்கும் நிறங்கள் நீக்கப்பட்ட, சிங்கம் மட்டும் காணப்படும் கொடிகளைக் காட்சிப்படுத்தியதாகவும் பின்னர் அவற்றை அகற்றுவதற்கு உடனடியாக நடவடிக்கை எடுக்கப்பட்டதாகவும் கண்டி மாநகரசபையின் ஆணையாளர் சந்தன தென்னகோன் தெரிவித்திருக்கிறார்.

இலங்கையின் தேசியக்கொடியில் தமிழர்களையும், முஸ்லிம்களையும் பிரதிபலிக்கும் நிறங்கள் நீக்கப்பட்ட 'தனி சிங்கக்கொடி' கண்டி மாநகரத்தில் பறக்கவிடப்பட்டமையைத் தொடர்ந்து, அதன் காணொளிகள் சமூகவலைத்தளங்களில் பரவலாகப் பகிரப்பட்டதோடு அது கடும் கண்டனங்களுக்கும் உள்ளாகியிருந்தமை குறிப்பிடத்தக்கது. 

https://www.virakesari.lk/article/87939

வரப்போகும் போர்க்குற்றவாளிகளின் ஆட்சி எப்படி இருக்கப்போகிறதென்பதற்கு இது ஒரு உதாரணம். மாநகரசபை ஊழியர்கள் தமது விருப்பத்திற்கேற்றவாறு இக்கொடிகளை ஏற்றியிருக்க வாய்ப்பில்லை. மேலிடத்தின் உத்தரவின்பேரிலேயே இவை நடந்திருக்கும். வெளியே கண்டனங்கள் முன்வைக்கப்பட்டதையடுத்து அகற்றியிருக்கிறார்கள்.

இது நிரந்தரமாகும். அதற்கான வெள்ளோட்டங்கள் அப்பப்போ நடைபெறுகின்றன. முதலும் ஒரு முறை "சிங்க லே" அமைப்பினரால் இந்தக்கொடியேற்றப்பட்டது. "சிங்க லே" அமைப்பானது கோத்தாவின் நிழலமைப்பென்றும் கதைகள் உலாவின.

Edited August 12, 20205 yr by nochchi

தேசிய கொடியில் மாற்றங்கள் செய்வது சட்டப்படி குற்றமில்லையா அண்ணே. ஆரும் சட்டம் தெரிஞ்ச ஆட்கள் சொல்லுங்கண்ணே ..😝

11 minutes ago, முதல்வன் said:

தேசிய கொடியில் மாற்றங்கள் செய்வது சட்டப்படி குற்றமில்லையா அண்ணே. ஆரும் சட்டம் தெரிஞ்ச ஆட்கள் சொல்லுங்கண்ணே ..😝

நாட்டில் ஒரு இனத்தில் லட்சக்கணக்கானோரைக் கொன்றுகுவிப்பதே குற்றமில்லையென்றாகிறபோது, கொடியினை மாற்றுவது குற்றமாகிவிடுமா? 

Just now, முதல்வன் said:

தேசிய கொடியில் மாற்றங்கள் செய்வது சட்டப்படி குற்றமில்லையா அண்ணே. ஆரும் சட்டம் தெரிஞ்ச ஆட்கள் சொல்லுங்கண்ணே ..😝

இலங்கையில் (sinhalese)அது குற்றமில்லை. இதட்குமுன்னரும் நிறைய சந்தர்ப்பங்களில் அப்படி ஏற்றி இருக்கிறார்கள். சிங்களவர்களுக்கு அந்த சட்ட்ங்கள் எல்லாம் செல்லுபடியாகாது. தமிழன் எதாவது செய்திருந்தால் சடடம் உடனே பாயும்.