தமிழ்த் தேசியக் கூட்டமைப்பின் இரா.சாணக்கியனுக்கு நாடாளுமன்றத்தில் உயர் பதவி!

தமிழ்த் தேசியக் கூட்டமைப்பின் மட்டக்களப்பு மாவட்ட இளம் நாடாளுமன்ற உறுப்பினர் இரா. சாணக்கியனுக்கு உயரிய பதவி வழங்கப்பட்டுள்ளது.

இதற்கமைய அவருக்கு சபாநாயகர் குழுவில் அங்கத்துவம் வழங்கப்பட்டுள்ளது.

அதாவது பிரதி சபாநாயகர் அல்லது குழுக்களின் தலைவர் அமர்வில் பிரசன்னமாகாத சந்தர்ப்பத்தில் அவையை கொண்டு நடத்தும் பொறுப்பு இரா.சாணக்கியனுக்கு வழங்கப்பட்டுள்ளது.

தனது நாடாளுமன்ற கன்னி உரையில் நாடாளுமன்றத்தில் மும்மொழியிலும் உரையாற்றிய இரா.சாணக்கியன் பலரது கவனத்தினையும் ஈர்த்திருந்தார்.

குறிப்பாக தமிழ் மக்களின் பிரச்சனைகள் குறித்து நாடாளுமன்றத்தில் சிங்கள நாடாளுமன்ற உறுப்பினர்களின் கவனத்திற்கு கொண்டு சென்ற இரா.சாாணக்கியனுக்கு பல்வேறு தரப்பினரும் வாழ்த்து தெரிவித்து வந்தனர்.

சமூக வலைத்தளங்களிலும் அவரது கன்னியுரை வைரலாகியிருந்த நிலையில், நாடாளுமன்றத்தில் தற்போது அவருக்கு வழங்கப்பட்டுள்ள குறித்த உயர் பதவியானது அவருடைய மும்மொழி திறமைக்கும் ஆளுமைக்கும் கிடைத்த அங்கீகாரமாக பார்க்கப்படுகின்றது.

இதேவேளை, இரா.சாணக்கியன் நேற்று(செவ்வாய்கிழமை) இடம்பெற்ற நாடாளுமன்ற அமர்வின் போது சிறிது நேரம் நாடாளுமன்ற அமர்வுகளுக்கு தலைமை தாங்கியிருந்தார் என்பது குறிப்பிடத்தக்கது.

http://athavannews.com/தமிழ்த்-தேசியக்-கூட்டமை-10/

30 minutes ago, தமிழ் சிறி said:

இதேவேளை, இரா.சாணக்கியன் நேற்று(செவ்வாய்கிழமை) இடம்பெற்ற நாடாளுமன்ற அமர்வின் போது சிறிது நேரம் நாடாளுமன்ற அமர்வுகளுக்கு தலைமை தாங்கியிருந்தார் என்பது குறிப்பிடத்தக்கது.

அரசுக்கு எதிராக கதைக்க முடியாதோ?
கூட்டணியில் ஒரு விக்கட் அவுட்டா?
யாராவது விசயம் தெரிந்தவர்கள்?

Just now, ஈழப்பிரியன் said:

அரசுக்கு எதிராக கதைக்க முடியாதோ?
கூட்டணியில் ஒரு விக்கட் அவுட்டா?
யாராவது விசயம் தெரிந்தவர்கள்?

எங்கை அடிக்க வேண்டும் என்று, சிங்களத்துக்கு நன்றாகவே புரிந்துள்ளது.
சாணக்கியன் தேர்தலுக்குப் பின்... அமைதியாகி விடுவார் என்று,
யாழ். களத்தில்... முன்பு யாரோ, எழுதியதை வாசித்ததாக நினைவு.

சாணக்கியன் அரசுடன் இணைந்து தமிழர்களுக்காக பேசவும் சந்தர்ப்பம் இருக்கிறது. வரும் நாட்கள்தான் பதில் சொல்லும்.

எல்லோரும் சேர்ந்து அப்பிடி என்னத்தை பேசப்போகினம்? சமஷ்டி  இல்லை, ஒன்றுக்கும் உதவாத பெயரளவிலான பதின்மூன்றாம் திருத்தச்சட்டம் இல்லை, தமிழருக்கு சம உரிமை இல்லை, தமிழர் வந்தேறு குடிகள். இதை ஏற்றுக்கொண்டே அவர்களுடன் கூட்டு. பின் வாய்விட்டு ஏதாவது கேட்க ஏலுமோ? 

எங்களுக்கு எதுவும் தெவையில்லை கதிரையும் பதவியும் கொஞ்ச எலும்புத்துண்டும் இருந்தால் காணும்

On 9/9/2020 at 05:31, ஈழப்பிரியன் said:

அரசுக்கு எதிராக கதைக்க முடியாதோ?
கூட்டணியில் ஒரு விக்கட் அவுட்டா?
யாராவது விசயம் தெரிந்தவர்கள்?

இது அரச பதவி அல்ல.

சபாநாயகர் இல்லாதவிடத்து குழுகளின் தலைவர் (அங்கயன்) அவரும் இல்லாதவிடத்து சபாநாயகர் குழுவில் ஒருவர் சபையை வழி நடத்துவார்.

இதில் இருந்தால் அரசை எதிர்கமுடியாது என்பதல்ல. சபாநாயகர் கதிரையில் இருந்து சபையை வழிநடத்தும் (ஒரு சில) அமர்வுகளில் மட்டும் விவாதத்தில் பங்கெடுக்க முடியாது.

On 9/9/2020 at 05:34, தமிழ் சிறி said:

எங்கை அடிக்க வேண்டும் என்று, சிங்களத்துக்கு நன்றாகவே புரிந்துள்ளது.
சாணக்கியன் தேர்தலுக்குப் பின்... அமைதியாகி விடுவார் என்று,
யாழ். களத்தில்... முன்பு யாரோ, எழுதியதை வாசித்ததாக நினைவு.

தேர்தலுக்கு பின்னான காணாமல் போனோர் போராட்டத்தில் வடக்கு கிழக்கில் மிக மூர்கமாக அரசை எதிர்தவர் சாணக்யன்.

ஒரு அரசியல்வாதியையும் நம்ப முடியாது ஆனால் இன்னும் பாதை மாறவில்லை.