(இராஜதுரை ஹஷான்)

ரஷ்ய சந்தையினை இலக்காக கொண்ட இலங்கையின் ஏற்றுமதிகளுக்கு தற்போதைய சூழ்நிலையில் எவ்வித பாதிப்பும் ஏற்பட கூடாது.

இரு நாடுகளுக்குமிடையிலான வர்த்தக மற்றும் இராஜதந்திர உறவை பேணுவது அவசியமாகும் என வர்த்தகத்துறை அமைச்சர் பந்துல குணவர்தன ரஷ்யாவின் பிரதியமைச்சர் அலெக்ஸி வி.குஸ்தேவிடம் வலியுறுத்தினார்.

வர்த்தகத்துறை அமைச்சர் பந்துல குணவர்தனவிற்கும், ரஷ்யாவின் கைத்தொழில் மற்றும் வர்த்தக பிரதி அமைச்சர் அலெக்ஸி வி குஸ்தேவிற்கும் இடையிலான சந்திப்பு நேற்றைய தினம் கொழும்பில் உள்ள வர்த்தகத்துறை அமைச்சில் இடம்பெற்றது.

இச்சந்திப்பின் போது வர்த்தகத்துறை அமைச்சர் பந்துல குணவர்தன இலங்கையின் தேசிய உற்பத்திகளுக்கு ரஷ்யாவின் சந்தையில் முன்னுரிமை வழங்குமாறும், இலங்கைக்கும் ரஷ்யாவிற்கும் இடையிலான வர்த்தக தொடர்பினை விரிவுப்படுத்துமாறும் ரஸ்யாவின் கைத்தொழில் மற்றும் வர்த்தகத்துறை பிரதியமைச்சரிடம் கோரிக்கை விடுத்தார்.

தற்போதைய நிலைமையில் இலங்கையின் ஏற்றுமதிக்கு ரஷ்ய சந்தையில் எவ்வித பாதிப்பும் ஏற்பட கூடாது எனவும் அமைச்சர் பந்துல குணவர்தன வலியுறுத்தினார்.

ரஷ்ய நாட்டவர்கள் இலங்கைக்கு சுற்றுலா பயணங்களை மேற்கொள்வதில் அதிக விருப்பம் கொண்டுள்ளார்கள்.

இலங்கையுடனான உறவினை ரஷ்யா தொடர்ந்து பேணும் என ரஷ்யாவின் கைத்தொழில் மற்றும் வர்த்தகத்துறை பிரதியமைச்சர் அமைச்சர் பந்துல குணவர்தனவிடம் குறிப்பிட்டார்.

ரஷ்யா - இலங்கைக்கு இடையிலான வர்த்தக, இராஜதந்திர உறவை பேணுவது அவசியமாகும் - பந்துல வலியுறுத்தல் | Virakesari.lk

தென்னாசியாவில் மட்டுமல்ல, கல்வியறிவு மிகக் குறைந்த நாடுகளான ஆபிரிக்காவின் விளிம்பில் இருக்கும் நாடுகளின் ஆட்சியாளர்களை விட மிக முட்டாள்தனமான அரசு எதுவென்றால் இந்த கோத்தா அரசு தான். 

மற்றவர்களின் பொருளாதார மற்றும் முதலீடுகளில் தங்கியிருக்கும் சிறு நாடுகள் எல்லாம் வாயை மூடிக் கொண்டு பம்மிக் கொண்டு இருக்கும் போது இலங்கை அரசு ரஷ்ஷியாவின் பிரதி அமைச்சரை சந்தித்து தன் ஏற்றுமதி பற்றி கதைக்கின்றது - அதுவும் அமெரிகாவின் மூத்த இராஜதந்திரி ஒருவர் இலங்கை வரவிருக்கும் காலப்பகுதியில்.

முற்கூட்டியே திட்டமிடப்பட்டிருப்பினும், ஏதாவது ஒரு காரணத்தை காட்டி பிற்போட்டு இருக்கும் ஏனைய நாடுகள் என்றால்....

9 minutes ago, நிழலி said:

தென்னாசியாவில் மட்டுமல்ல, கல்வியறிவு மிகக் குறைந்த நாடுகளான ஆபிரிக்காவின் விளிம்பில் இருக்கும் நாடுகளின் ஆட்சியாளர்களை விட மிக முட்டாள்தனமான அரசு எதுவென்றால் இந்த கோத்தா அரசு தான். 

மற்றவர்களின் பொருளாதார மற்றும் முதலீடுகளில் தங்கியிருக்கும் சிறு நாடுகள் எல்லாம் வாயை மூடிக் கொண்டு பம்மிக் கொண்டு இருக்கும் போது இலங்கை அரசு ரஷ்ஷியாவின் பிரதி அமைச்சரை சந்தித்து தன் ஏற்றுமதி பற்றி கதைக்கின்றது - அதுவும் அமெரிகாவின் மூத்த இராஜதந்திரி ஒருவர் இலங்கை வரவிருக்கும் காலப்பகுதியில்.

முற்கூட்டியே திட்டமிடப்பட்டிருப்பினும், ஏதாவது ஒரு காரணத்தை காட்டி பிற்போட்டு இருக்கும் ஏனைய நாடுகள் என்றால்....

இலங்கையின் எரிபொருள் மற்றும் எரிவாயு  அன்னிய செலாவணி செலவீடு ஆண்டொன்றிற்கு ஏறத்தாழ 1 பில்லியன் ஆகும், கணக்கில வையுங்கோ எண்டிட்டு, நாமததை போட்டிடலாம்தானே, இனி ஒருத்தரும் இரஸ்சியாவிடமிருந்து இவைகளை வாங்க மாட்டினம் என்றதால இரஸ்சியாவுக்கும் வேறு தெரிவு கிடையாது. 

இனம் இனத்தை நாடும்...இப்ப இலங்கை அனுபவிப்பதை...ரசியா நாளை அனுபவிக்கும்....இறைவன் தீர்ப்பு..

10 hours ago, alvayan said:

இனம் இனத்தை நாடும்...இப்ப இலங்கை அனுபவிப்பதை...ரசியா நாளை அனுபவிக்கும்....இறைவன் தீர்ப்பு..

ஆனால் இதைவிட எத்தனையோ அட்டூழியங்கள் செய்த அமெரிக்காவும் இஸ்ரேலும் இன்றுவரை ஒன்றையும் அனுபவிக்கவில்லையே!!

48 minutes ago, Eppothum Thamizhan said:

ஆனால் இதைவிட எத்தனையோ அட்டூழியங்கள் செய்த அமெரிக்காவும் இஸ்ரேலும் இன்றுவரை ஒன்றையும் அனுபவிக்கவில்லையே!!

ஒருவேளை ரஷ்யாவை தொடர்ந்து இவர்கள் அனுபவிக்கலாம்.