ஈழத்திருநாடே என்அருமைத் தாயகமே

[நிலாமதி]

ஈழத்திருநாடே  என் அருமைத் தாயகமே,
உன்  நிலைகண்டு  வருந்துகிறேன் கொடிய 
நோய் கொடுத்த துயர் மறையும்  முன்னே 
கொடும் பசி வாட்டுகிறதே  
பொருட்களின் விலையேற்றத்தால் 
மக்கள் துயர் கூடுகிறதே.  

கோல் உயர்ந்தால் குடி உயரும் கோலேந்திய 
ராஜ பக்சேக்களின்  சுயநலமும் சொத்து சேர்ப்பும்
தமிழ் ஈழத்தின் மீதான கொடும் போரும் 
உலகை துணைக்கழைத்து சாம்பல் மேடாக்கிய  
 ஈழ விளைநிலமும் மக்களின் சாபமும் கண்ணீரும்  
அளவுக்கு மீறிய கடனும் கடனுக்கு 
வட்டி கட்டிட மேலும் கடனும்  
சீனனுக்கு கொடுத்த தாரை வார்ப்பும்  
என் நில மக்களை வாட்டி வதைக்கிறதே  

தலைநகரில், கடையில் வாங்கி உலையில் போடும் மக்கள் 
பேப்பர் கட்டுக்களாய் பணத்தை வாரி வீசினாலும் 
அரைவயிறு நனைகிறதா ? பதுக்கி வைத்த 
சொத்துக்களையெல்லாம் உனது கூட்டுக குழுவுடன்  
சற்று தானம் செய்தல் ஓரளவு உயர்வாய். 
மனசு வருமா ? நாட்டை நடத்த தெரியாமல் வீண் வீம்பும் , 
ராணுவத்துக்கு செலவிடட பணமும்  
அளவுக்கு மிஞ்சிய ராணுவ படையும் பலமும் (?) ..
உன் சொந்த மக்களை  இந்நிலைக்கு கொண்டு சென்றது 

உன்னை தேர்வு செய்த சிங்க( ள)இனமே உன்னை  
வெறுக்கையில்  உன் ஆடசியின் நீட்ச்சி தேவையா ?
வரலாற்றில் இல்லாத வறுமையும்  துயரமும்  ஏன்?  
உன் அடக்குமுறை போரில் அடிமைபட்டுக் கிடந்த
என் ஈழத்தமிழினம்  எப்படியாவது வாழ்க் கற்று விட்ட்து .

மண்ணை கிண்டி  வலையை வீசி  விறகடுப்பில் வெந்து 
வாழ்க்கையை ஓட்டும் ஆனால் தற்பெருமைத் 
தலைநகரில் கட்டிடக் கூடுகளில் சஞ்சரிக்கும் 
புறாக்களாக வாழும் கொலோம்போ மக்கள் தான் பாவம்.
 கிராமத்தான் ஓரளவு வாழ்ந்து விடுவான் ஏனையவ்ர்  

நீண்ட கியூ வரிசையில்  விரக்தியின் விளிம்பில் 
ஒவ்வொரு பொருட்களுக்கும் வரிசையில்  நிற்கும் 
மனிதனின் மனதில்  உதிக்கும் ஒரு வெறுப்பு  
அது ராஜபக்சேக்களின்கொடுங்கோல் சுயநல 
ஆடசியை  மன்னிக்காது. வரலாறாய் வரிப்படுத்தப்படும்.  

 

 நான் புலம்பெயர்ந்து ஆண்டுகள் முப்பது ஆனாலும் என் நாட்டு மக்களை எண்ணும்போது ஏற்படட துக்கம்

என்னை மேலுள்ளவாறு கிறுக்க வைத்துவிட்ட்து.  . 

Edited March 18, 2022 by நிலாமதி

[putthan]

இன்றைய லங்கா மாதவின் பரிதாப நிலைக்கு என்ன காரணம் என்பதை அழகாக எழுதியுள்ளீர்கள்

[ஈழப்பிரியன்]

எல்லாமே தமிழன் தலை நிமிர்ந்து வாழ்ந்துவிடக் கூடாது என்ற திட்டம் 

இதுவரை போயுள்ளது.

இன்னமும் போகும்.

[suvy]

எல்லாம் அவர்கள் திட்டப்படி நடக்கிறது, இருந்து பாருங்கள் இன்னொருவரிடம் ஆட்சியை கைமாற்றி விடுவார்கள். அது ரணிலிடமாகக் கூட இருக்கலாம்......நிலைமை தணிந்ததும் மீண்டும் வாங்கிக் கொள்வார்கள்......இந்தியாவுக்கு நாமம்தான்.....டிராகனை சமாளிப்பதுதான் கஷ்டம்.......! 

[கிருபன்]

On 18/3/2022 at 14:51, நிலாமதி said:

உன் அடக்குமுறை போரில் அடிமைபட்டுக் கிடந்த
என் ஈழத்தமிழினம்  எப்படியாவது வாழ்க் கற்று விட்ட்து .

திண்டாட்டம் எல்லோருக்கும்தான். கடந்த பத்தாண்டுகளில் தமிழ் மக்களும் எரிவாயு அடுப்புக்களும், கார், மோட்டார் சைக்கிள் என்றும் வாழப்பழகிவிட்டனர். அவர்களும் இப்போது திண்டாடுகின்றனர். மிகவும் குறைந்த சம்பளங்களில் வாழும் குடும்பங்களின் நிலை இன்னும் மோசம். அதில் இனவேறு கிடையாது.

[Kapithan]

On 19/3/2022 at 15:50, suvy said:

எல்லாம் அவர்கள் திட்டப்படி நடக்கிறது, இருந்து பாருங்கள் இன்னொருவரிடம் ஆட்சியை கைமாற்றி விடுவார்கள். அது ரணிலிடமாகக் கூட இருக்கலாம்......நிலைமை தணிந்ததும் மீண்டும் வாங்கிக் கொள்வார்கள்......இந்தியாவுக்கு நாமம்தான்.....டிராகனை சமாளிப்பதுதான் கஷ்டம்.......! 

உண்மை