இடைக்கால அரசாங்கம் தொடர்பில் இன்று முதல் பேச்சுவார்த்தைகள் ஆரம்பம் - நிமல் சிறிபாலடி சில்வா

(இராஜதுரை ஹஷான்)

இடைக்கால அரசாங்கத்தை ஸ்தாபிப்பது தொடர்பில் பாராளுமன்றில் அங்கம் வகிக்கும் சகல கட்சிகளுடன் இன்று முதல் குழு அடிப்படையில் பேச்சுவார்த்தைகளை முன்னெடுப்போம்.நடைமுறையில் தோற்றம் பெற்றுள்ள பிரச்சினைக்கு இடைக்கால அரசாங்கத்தின் ஊடாகவே தற்காலிக தீர்வை பெற்றுக்கொள்ள முடியும் என ஸ்ரீ லங்கா சுதந்திர கட்சியின் சிரேஷ்ட உபதலைவர் நிமல் சிறிபாலடி சில்வா தெரிவித்தார்.

என்.எம்.பெரேரா மத்திய நிலையத்தில் [10.04.2022]இடம்பெற்ற ஊடகவியலாளர் சந்திப்பில் கலந்துக்கொண்டு கருத்துரைக்கையில் மேற்கண்டவாறு குறிப்பிட்டார்.

அவர் மேலும் குறிப்பிடுகையில்,

தவறான அரசியல் மற்றும் பொருளாதார கொள்கையினால் நாடு பாரிய நெருக்கடியினை எதிர்க்கொண்டுள்ளது. பொருளாதார நெருக்கடியை தாங்கிக்கொள்ளாத நிலையில் மக்கள் வீதிக்கிறங்கியுள்ளார்கள். மக்களின் போராட்டத்தை அரசியல் போராட்டம் என அடையாளப்படுத்த முடியாது.

தற்போதைய நெருக்கடிக்கு தீர்வு காண்பதற்கு இடைக்கால அரசாங்கம் ஒன்றை ஸ்தாபிப்பதை தொடர்ந்து மாற்று தீர்வு எதும் கிடையாது.புதிய பிரதமர் தலைமையில் அனைத்து கட்சிகளையும் உள்ளடக்கிய இடைக்கால அரசாங்கத்தை ஸ்தாபிப்பது சிறந்தது என்பதை மகாசங்கத்தினரும் ஏற்றுக்கொண்டுள்ளார்கள்.

இடைக்கால அரசாங்கம் தொடர்பில் ஜனாதிபதியுடன் இடம்பெற்ற பேச்சுவார்த்தை சாதகமான  தன்மையில்காணப்படுகிறது.பாராளுமன்றில் அங்கம் வகிக்கும் சகல கட்சிகளுடன் ஒரு குழுவாக ஒன்றினைந்து இன்று முதல் பேச்சுவார்த்தையில் ஈடுப்பட தீர்மானித்துள்ளோம்.

புதிய அரசியலமைப்பு திருத்தம்,நிறைவேற்று அதிகாரம் கொண்ட ஜனாதிபதி முறைமை உள்ளிட்ட பல்வேறு விடயங்கள் தொடர்பில் தற்போது அவதானம் செலுத்தப்பட்டுள்ளது.இடைக்கால அரசாங்கத்தில் அரசியலமைப்பின் 20ஆவது திருத்தம் நீக்கம் குறித்து அதிக கவனம் செலுத்தப்படும் என்றார்.

 

https://www.virakesari.lk/article/125701

 

 

3 hours ago, கிருபன் said:

ஸ்ரீ லங்கா சுதந்திர கட்சியின் சிரேஷ்ட உபதலைவர் நிமல் சிறிபாலடி சில்வா தெரிவித்தார்

என்னடா, இவரின் சத்தத்தை இன்னும் காணோமே? ஒருவேளை நித்திரையால எழும்ப மறந்துபோனாரோ? என்று நினைச்சேன்! இன்னும் முழிச்சுத்தான் இருக்கிறார், எந்தப்பக்கம் பாய்வோம் என ஆலோசனை பண்ணியிருப்பார் போலும்.

இவர் எப்பவும் மதில்மேல் பூனை போலத்தான்..

இந்தாளுக்கு இருக்கும் மச்சம் வேறு யாருக்குமே இலங்கையில் இல்லை.

எந்த அரசு பதவிக்கு வந்தாலும், அமைச்சராக இருப்பார் இவர். இப்போது சுதந்திர கட்சி, அரசில் இருந்து வெளியேறியதால் அமைச்சர் பதவி இல்லாமல் தவிக்கிறார். அதுதான் விரைவில் பேச்சுவார்த்தை என்கிறார். 

புலிகள் காலத்தில்… இவர் அமைச்சராக இருந்து,
மட்டக்களப்புக்கு… உலங்கு வானூர்தியில் பகட்டாக போய் இறங்கிய சில நிமிடத்தில்…
புலிகள் ஏவிய, ஏவுகணை ஒன்று… அந்த வட்டாரத்தில் விழுந்து வெடித்தது.
அந்தச் சத்தத்தை… கேட்ட இவர்,
வேட்டியை… மடித்துக் கட்டிக் கொண்டு ஓடிய ஓட்டத்தை, இன்றும் மறக்க முடியாது.
அந்தக் காணொளி… யாழ். களத்திலும் வந்திருந்ததை, பலரும் பார்த்திருப்பார்கள்.

13 hours ago, Nathamuni said:

இந்தாளுக்கு இருக்கும் மச்சம் வேறு யாருக்குமே இலங்கையில் இல்லை.

எந்த அரசு பதவிக்கு வந்தாலும், அமைச்சராக இருப்பார் இவர். இப்போது சுதந்திர கட்சி, அரசில் இருந்து வெளியேறியதால் அமைச்சர் பதவி இல்லாமல் தவிக்கிறார். அதுதான் விரைவில் பேச்சுவார்த்தை என்கிறார். 

பலர் இருக்கிறார்கள் இவர்வரிசையில், பீரிஸ், ஹக்கீம் ......  இப்படி நீளும் பட்டியல்.

1 hour ago, satan said:

பலர் இருக்கிறார்கள் இவர்வரிசையில், பீரிஸ், ஹக்கீம் ......  இப்படி நீளும் பட்டியல்.

பீரீஸ், மைத்திரி ஆட்சியில் இல்லை. கக்கீம், இந்த ஆட்சியில் இல்லை.

இவர் சந்திரிக்கா காலத்தில் இருந்தே தொடர்ந்து இருக்கிறார்.

உண்மை. நான் நினைக்கிறன் பீரிஸின் பூர்வீகம் ஐக்கிய தேசியக்கட்சி. என அப்பப்போ மாறி மாறி தாவி இப்போ இங்கே நிக்கிறார். எனது யூகம் தவறாகவுமிருக்கலாம். சில கட்சிகள் தாவுவதை ஏற்றுக்கொள்கின்றன, சில ஏற்றுக்கொள்வதில்லை. அதற்காக முயற்சியை கைவிடுவதில்லை இவர்கள். குறைந்த பதவிகளை ஏற்றுக்கொள்ள தயங்குவதும் காரணமாக இருக்கலாம்.