பிஞ்சுகளைப் பிளந்த பிசாசுகள்

செஞ்சோலையில்-எங்கள் பிஞ்சுகளின்

செங்குருதி குடித்த இரும்புப் பறவைகளே

முல்லையின் மரண ஓலம் கேட்கிறதா..?

வானம் பார்த்து விழிமூடிக் கிடக்கும்-எங்கள்

வண்ணப் பூக்களை வந்து பாருங்கள்

யுத்தவெறி பிடித்த புத்தமுகம் கிழியும்!

உங்கள் தாகம் தீர்த்துக் கொள்ள

தமிழனின் குருதியென்ன மதுபானமா?

பிணவெறி பிடித்த இனவெறிகளே!

எங்கள் வலிகளைக் சேமிக்கும்

இதயங்கள் இனியும் தாங்காது

வலிகளைச் செலவு செய்ய வருவோம்!

எங்கள் குருதியால் எழுதப்படும்

சிங்கள மகிந்தவின் சிந்னைக்கு

எரிமலைப் பிழம்புகள் கொடுப்போம்!

எல்லை மீறிய எதிரிகள் கூட்டமே-இனி

எழுது கருவிகள்கூட ஏவுகணையாகும்

எட்டுத் திக்கிலும் வெற்றி எமதாகும!;

கனத்த நெஞ்சுடைக்கும் ஓலத்தில்

முடிவெழுதிச் சென்றவர்களே கேளுங்கள்

தீ கொண்டு தீர்ப்பெழுத வருவோம்!

துயரங்களைத் தூக்கி எறிவோம்-எங்கள்

தமிழினத்தை விலைபேச வரும்

தீயசக்திகளை தீயிட்டுக் கொழுத்துவோம்!

உக்கிரமானவர்களாக மாறுவோம்

உயிருக்குள் வெடிமருந்து சுமப்போம்

உலகத்தை தினமும் உலுக்குவோம்!

சமாதானம் கல்லறை சேரட்டும்-தலைவனின்

விழிகளில் தீயெனி வழியட்டும்

விரைவினில் தமிழீழம் மலரட்டும்!

தமிழன்

நோர்வே

அன்று நிகழ்ந்த கொடூரமான சம்பவத்தை மறக்கவா முடியும்? எத்தனை எததனை சின்னஞ்சிறுவர்கள்? காலையில் எவ்வளவு சந்தோசமாக கூடி மகிழ்ந்திருந்த வேளையில் கொடிய அரக்கனின் முரட்டு விமானத்தாக்குதலால்..........................

.............................

Edited August 14, 200718 yr by வெண்ணிலா

உயிர் நீத்த சகோதரிகளிற்கு கண்ணீர் அஞ்சலிகள்.................உணர்வுபூர்வம

:angry: ஒன்றா, இரண்டா 65 உயிர்களை ஒரே நேரத்தில் காவுகொண்டதை நினைக்கும் போது ரத்தம் கொதிக்கிறது, அத்தனை பிஞ்சு நெஞ்சங்களும் எத்தனை கனவுகளோடு இருந்திருக்குங்கள் அத்தனையையும் ஒரு நொடியில் சிதைத்து விட்டதே சிங்களம் :angry: :angry:

இந்த கொடுமையை விட வேறு ஏதும் உண்டோ? வெறி பிடித்த நாய்கள், இவர்களின் மரண வெறிக்கு பிஞ்சுகளா கிடைத்தது?

இவர்களின் வெறியாட்டத்திற்கு தொழில் நுட்பமூலம் உதவி செய்த , தங்களை வல்லரசு நாடு என்றும், ஜனநாயக நாடு என்றும் சொல்லிக் கொள்பவர்களும் என்றோ ஒரு நாள் பதில் சொல்லித்தான் ஆகவேண்டும்.

துயரங்களைத் தூக்கி எறிவோம்-எங்கள்

தமிழினத்தை விலைபேச வரும்

தீயசக்திகளை தீயிட்டுக் கொழுத்துவோம்!

உங்கள் கவிதை வரிகள் உணர்ச்சியடையச் செய்கின்றன.

நன்றி, பாராட்டுக்கள்.

அழுது வற்றிய விழிகள்...

அரக்கத்தனம் கண்டு பற்றி யெரிய

பாத்தொடுத்த உறவே.. பழிக்குப்பழி

தேவையில்லை.. பாதகம் செய்தவர்

பட்டுத்துயில் கொள்ள பாத்திருக்க முடியவில்லை..

நீதி வேண்டும்.. கூவித்திரிந்த குயில்களை

கொன்று குவித்தவன் தலை வேண்டும்..

கொஞ்சும் மழலை மறவா பெண்

குழந்தைகளைத் தின்றவன்தன்.. குடல் வேண்டும்..

எம் கண்மனிப் பூக்கள் உடலின் மேல்..

தீயெரிந்து கருக்கியவன்..வெந்து சாக..

நீதி வெல்ல மெய் நிலை வேண்டும்..

பற்றியெரிகின்றது மனது

பாலகர்களின் உயிர் பறித்த

பாதகர்களை பாரில் யார்தான் தண்டிப்பாரோ ? ? ?

எங்கள் குருதியால் எழுதப்படும்

சிங்கள மகிந்தவின் சிந்னைக்கு

எரிமலைப் பிழம்புகள் கொடுப்போம்!

கொடுப்போம் பதிலடி இந்த கயவர்கட்டு.

இதுவரை கருத்துக்களைப் பதிந்து, என் இலக்கியப் பாதையில் என்னை உற்சாகப் படுத்தும் அனைத்து இனிய இதயங்களுக்கும். நன்றிகள். எங்கள் சமுதாயம் புத்துணர்ச்சியுள்ள புதிய வாழ்வுக்குள் நுழையும் நாள் விரைவில் வரும் என் நம்புவோம்.

வலிகள் உருவாகும்

போது மனது கனமாகி

வார்த்தைகள் அணுகுண்டாய் வெடிக்க

என் கவிதைகளே

எனக்கு ஆறுதல் தரும்

ஓராண்டின் நிறைவில்

ஞாபகக் குழியில்

இருந்து மீளாமல்

தியானம் செய்கிறேன்

தியானம் மனதை

தீயாய் தீட்டவே

எதையும் தாங்கும்

இதயம் கேட்கிறேன்

தமிழினம் தரணியில்

தலைநிமிர்ந்து நிற்கவே

தமிழால் தொண்டு

செய்ய காற்றில்

தமிழாய் கரைகிறேன்