யாழ். போதனா வைத்தியசாலையில் 17 வயது மகளுக்கு தாயின் சிறுநீரகம் வெற்றிகரமாக பொருத்தப்பட்டது

By NANTHINI

23 JAN, 2023 | 02:30 PM

யாழ். போதனா வைத்தியசாலையில் கடந்த 18ஆம் திகதி புதன்கிழமை தாயொருவரின் சிறுநீரகம், அவரது 17 வயது மகளுக்கு வெற்றிகரமாக பொருத்தப்பட்டுள்ளது.

சத்திர சிகிச்சை கற்கைகளுக்கான பேராசிரியரும் சிறுநீரக மாற்று அறுவை சிகிச்சை வல்லுநருமான பேராசிரியர் தம்பிப்பிள்ளை தவச்சேந்தன் மற்றும் மருத்துவ நிபுணர்கள், மருத்துவத்துறையினரின் பங்களிப்பில் இந்த சிறுநீரக மாற்று அறுவை சிகிச்சை மேற்‍கொள்ளப்பட்டுள்ளது.

சிறுநீரக தேவைப்பாடுடைய சிறுமி ஒருவருக்கு அவரது தாய் உடனடியாக சிறுநீரக தானம் செய்ய முன்வந்ததை தொடர்ந்தே மருத்துவர்கள் இந்த சிறுநீரக மாற்று அறுவை சிகிச்சையினை முன்னெடுத்துள்ளனர்.

உயிருடன் இருக்கும் ஒருவரின் சிறுநீரகத்தை பெற்று, இன்னொருவருக்கு பொருத்துவது என்பது தமது மருத்துவ வட்டாரத்திலேயே மைல்கல் என யாழ். போதனா வைத்தியசாலை நிர்வாகம் பெருமை கொள்கின்றமை குறிப்பிடத்தக்கது.

https://www.virakesari.lk/article/146492

16 hours ago, ஏராளன் said:

யாழ். போதனா வைத்தியசாலையில் 17 வயது மகளுக்கு தாயின் சிறுநீரகம் வெற்றிகரமாக பொருத்தப்பட்டது

மிகவும் பெருமைக்குரிய விடயம்

Just now, nilmini said:

மிகவும் பெருமைக்குரிய விடயம்

மீண்டும் கண்டதில் மகிழ்ச்சி.💐

9 hours ago, புரட்சிகர தமிழ்தேசியன் said:

மீண்டும் கண்டதில் மகிழ்ச்சி.💐

மிகவும் நன்றி. மீதும் சந்தித்ததில் எனக்கும் மகிழ்ச்சி.

9 hours ago, nilmini said:

மிகவும் நன்றி. மீதும் சந்தித்ததில் எனக்கும் மகிழ்ச்சி.

எனக்கும் தான். 
கண்டு கனகாலம். எப்படி நலமுடன் இருக்கின்றீர்களா? 

On 24/1/2023 at 16:11, குமாரசாமி said:

எனக்கும் தான். 
கண்டு கனகாலம். எப்படி நலமுடன் இருக்கின்றீர்களா? 

எப்படி சுகங்கள் குசா அண்ணா? இடையில் laptop மாத்தியது, வேலை மாறி புது இடத்துக்கு வந்தது, மகன்மாரின் வேலைகள் என்று நாட்கள் போய்விட்டது. யாழுக்கு அடிக்கடி வந்து புதினம் பார்த்தேன். பதிவுகள் போட முடியவில்லை. வருடங்களுக்கு முன்பு நீங்கள் கேட்ட மருத்துவம் சம்பந்தமான கேள்விக்கும், இன்னுமொரு யாழ் உறுப்பினர் கேட்ட எனது மடகஸ்கார் பயண அனுபவத்தையும் நிச்சயம் விரைவில் பதிவிடுகிறேன். உங்கள் கேள்வி " மருத்துவர்கள் எல்லோரும் எப் போனாலும் ஏதாவது மருந்து எழுதி தருகிறார்களேயே. அது ஏன். கேள்வி சரியா?

யாழ்.போதனா வைத்தியசாலையின் வரலாற்று சாதனை ; சிறுநீரக மாற்று சத்திர சிகிச்சை வெற்றி

By T. SARANYA

30 JAN, 2023 | 02:38 PM

யாழ். போதனா வைத்தியசாலையில் மேற்கொள்ளப்பட்ட சிறுநீரக மாற்று சத்திர சிகிச்சை வெற்றி அளித்துள்ளமையானது ஒரு வரலாற்று சாதனை என பணிப்பாளர் த. சத்தியமூர்த்தி தெரிவித்தார்.

இன்று யாழ்ப்பாண போதனா வைத்தியசாலையில் இடம் பெற்ற ஊடகவியலாளர் சந்திப்பின் போதே மேற்கண்டவாறு தெரிவித்தார். 

அங்கு அவர் மேலும் தெரிவிக்கையில்,

கடந்த வாரம் 17 வயதுடைய பெண் பிள்ளை ஒருவருக்குஅவருடைய தாயார் தானமாக வழங்குவதற்கு முன் வந்திருந்த நிலையில் அதற்குரிய சத்திர சிகிச்சை யாழ்ப்பாணம் போதனா வைத்திய சாலையில் வைத்திய நிபுணர்களின் பங்கேற்போடுகடந்த 18ஆம் திகதி முன்னெடுக்கப்பட்டது.

போதனா வைத்தியசாலையின் சத்திர சிகிச்சை கூடத்தில்  நான்கு மணித்தியாலமாக இடம்பெற்ற சிறுநீரக மாற்று சத்திர சிகிச்சையின் பின்னர் மிகவும் வெற்றிகரமான முறையில் தாயாரின் சிறுநீரகம் 17 வயதுடைய  பெண் பிள்ளைக்கு மாற்றப்பட்டுள்ளது இது ஒரு வரலாற்று மைல்கல்  என யாழ்ப்பாண போதனா வைத்தியசாலையின் பணிப்பாளர் தெரிவித்திருந்தார்.

வரலாற்றில் முதல் முதலாக இந்த சிறுநீரக மாத்து சத்திர சிகிச்சை யாழ்ப்பாண வைத்திய சாலையில் மேற்கொள்ளப்பட்டு அது வெற்றிகரமாக நிறைவேற்றப்பட்டுள்ளமை ஒரு  வரலாற்று சாதனை.

சிறுநீரக மாற்று சத்திர சிகிச்சை யாழ். போதனா வைத்தியசாலையில் வெற்றிகரமாக  நிறைவேற்றப்பட்டுள்ள நிலையில் எதிர்காலத்தில் பொதுமக்கள் யாராவதுசிறுநீரகம் செயலிழந்த தங்களுடைய உறவினர்கள் யாருக்காவது சிறுநீரகத்தினை தானமாக வழங்க முன் வந்தால் அதற்குரிய உடற் பரிசோதனைகள்  மருத்துவ பரிசோதனைகள்  முன்னெடுக்கப்பட்டு  சிறுநீரக மாற்று சத்திர சிகிச்சையினை யாழ்ப்பாண போதனா வைத்தியசாலையில் முன்னெடுக்க முடியும் எனவும் தெரிவித்தார்.

https://www.virakesari.lk/article/147027