இரா.சம்பந்தனுக்கு இன்று அகவை 90

2023-02-05 10:30:02

By Nanthini

இலங்கை தமிழரசுக் கட்சியின் சிரேஷ்ட தலைவரும் தமிழ் தேசியக் கூட்டமைப்பின் பாராளுமன்ற குழுவின் தலைவருமான இராஜவரோதயம் சம்பந்தன் இன்றைய தினம் அகவை 90இல் காலடியெடுத்து வைக்கிறார்.

1933ஆம் ஆண்டு பெப்ரவரி 5ஆம் திகதி பிறந்த சம்பந்தன் 1977ஆம் ஆண்டு முதன்முதலாக பாராளுமன்றத்துக்கு தெரிவு செய்யப்பட்டிருந்தார். 

கடந்த 2001ஆம் ஆண்டிலிருந்து தொடர்ச்சியாக பாராளுமன்றத்துக்கு தெரிவாகி வரும் அவர், தற்போதைய பாராளுமன்ற உறுப்பினர்களில் அதிகூடிய வயதுடையவராகவும், தமிழ் அரசியல் தலைவர்களில் மூத்தவராகவும் உள்ளார்.

இவர் தனது அரசியல் வாழ்க்கையில் அதியுச்சமாக 2015ஆம் ஆண்டு மைத்திரிபால சிறிசேன, ரணில் விக்ரமசிங்க தலைமையிலான கூட்டு அரசாங்கத்தின் காலத்தில் எதிர்க்கட்சி தலைவராக பதவி வகித்துள்ளார்.

இதேவேளை தமிழர்களின் இனப்பிரச்சினை தொடர்பில் முன்னெடுக்கப்பட்ட திம்பு பேச்சுவார்த்தை முதல் தற்போது வரையில் சர்வதேச ரீதியான இராஜதந்திர சந்திப்புக்களில் பங்கேற்று வரும் தலைவராகவும் திகழ்கின்றமை குறிப்பிடத்தக்கது.

 

https://www.virakesari.lk/article/147438

 

இரட்டை சதமடிக்க வாழ்த்துக்கள் ஐயா..

சம்பந்தன் 90 வயது மட்டும் வாழ்ந்தும்,
தமிழ் மக்களுக்கு உருப்படியாக எதையும் செய்யவில்லை.
இவரால்… தமிழ் மக்களுக்கு ஏற்பட்ட துன்பங்கள் அதிகம்.

இனியும் அரசியலில் இருந்து, மக்களிடம் திட்டு வாங்காமல்,
ஓய்வு காலத்தை ஒதுங்கி இருந்து கழிப்பதே நல்லது.

ஒரு சிலரை அவர் இன்னமும் வாழ்ந்திருக்லாம் என யோசிப்போம்.

இன்னும் சிலரை இவர் வாழந்தது போதும் என எண்ணுவோம்.

ஐயா இரண்டாவது ரகம்.

8 hours ago, புரட்சிகர தமிழ்தேசியன் said:

இரட்டை சதமடிக்க வாழ்த்துக்கள் ஐயா..

புரட்சி உண்மையாவா?

On 5/2/2023 at 03:27, கிருபன் said:

இலங்கை தமிழரசுக் கட்சியின் சிரேஷ்ட தலைவரும் தமிழ் தேசியக் கூட்டமைப்பின் பாராளுமன்ற குழுவின் தலைவருமான இராஜவரோதயம் சம்பந்தன் இன்றைய தினம் அகவை 90இல் காலடியெடுத்து வைக்கிறார்.

 

அருமையான தகவலுக்கு நன்றி கிருபன்.

ஒற்றை வரியில் சொல்வதானால் இவர் இருந்து ஒரு பயனும் தமிழர்களுக்கு இல்லை . 

 

இவர் உண்மையிலே தமிழர்களுக்கான அரசியல்வாதி என்றால் சிங்களம் கொடுத்த வெகுமதிகள் கொழும்பு வீடு உட்பட திருப்பி கொடுக்க வேண்டும். இன்னும் வடகிழக்கு  தமிழர்கள் தங்கள் சொந்த வீடு வாசல் காணி இல்லாமல் போர் முடிந்து 13 வருடமாகியும் நடுத்தெருவில் நிற்கிறார்கள். ஆனால் தமிழர்களுக்கு விடிவு தருவேன் என்று வாயால் வடை சுட்டபடி சிங்களத்தின் வெகுமதிகளை வாங்கி குவித்துக்கொண்டு இன்னும் பேப்பரில் வீரவசனம் விட்டுக்கொண்டு இருக்கிறார் . 

 தமிழர்களிடம் எந்த அரசியல்வாதியும் பெறாத வெறுப்பை சம்பாதித்த அரசியல்வாதி என்றால் இவராகத்தான் இருப்பார் இந்த உண்மையை உணர்ந்தால் உண்மையான தமிழனாக இருப்பவன் தூக்கு மாட்டி இறந்து இருப்பான் .