தமிழ்க் கட்சிகளை அவசரமாக சந்திக்கின்றார் கோபால் பாக்லே

இந்திய உயர்ஸ்தானிகர் கோபால் பாக்லே மற்றும் தமிழ்க் கட்சிகளுக்கு இடையில் நாளை மறுதினம் சந்திப்பு ஒன்று இடம்பெறவுள்ளதாக அறிவிக்கப்பட்டுள்ளது.

இந்த சந்திப்பில் தமிழ்த் தேசியக் கூட்டமைப்பின் தலைவர் இரா.சம்பந்தனும் சுமந்திரன், சிறிதரன், சார்ள்ஸ் நிர்மலநாதன், சாணக்கியன் கலையரசன் ஆகியோர் கலந்துகொள்ளவுள்ளனர்.

மேலும் டெலோ கட்சி சார்பாக செல்வம் அடைக்கலநாதன், கோவிந்தம் கருணாகரன், விநோதரலிங்கம், புளொட் தலைவர் சித்தார்த்தனும் கலந்துகொள்ளவுள்ளனர்.

அண்மையில் ஜனாதிபதி ரணில் விக்ரமசிங்க இந்தியாவிற்கு விஜயம் மேற்கொண்டிருந்த சந்தர்ப்பத்தில் 13 ஆவது திருத்தத்தை முழுமையாக நடைமுறைப்படுத்த வேண்டும் என பிரதமர் மோடி தெரிவித்திருந்தார்.

இதனை தொடர்ந்து கொழும்பில் இடம்பெற்ற அனைத்துக்கட்சி கூட்டம் எவ்வித தீர்மானமும் இன்றி முடிவுக்கு வந்த நிலையில் இந்திய உயர்ஸ்தானிகர் தமிழ் கட்சிகளுக்கு அழைப்பு விடுத்துள்ளார்.

https://athavannews.com/2023/1342361

விக்கியர்.. சுரேஸ் பிரேமசந்திரன்.. சைக்கிள் கட்சி உறுப்பினர்கள், அனந்தி சசிதரன்.. ஐங்கரநேசன் மற்றும் முன்னாள் போராளிகள் கட்சி உறுப்பினர்கள் யாரும் தமிழ் கட்சி சார்ந்தவர்கள் இல்லையோ..??!

குறைந்தது சொறீலங்கா பாராளுமன்றை தமிழ் மக்கள் சார்பில் பிரதிநிதித்துவப்படுத்தும்.. விக்கியர்.. கஜேந்திரகுமார் கட்சியினரும் இந்தச் சந்திப்புக்கு அழைக்கப்பட்டிருக்க வேண்டும். 

தனக்கு சார்ப்பான ஆட்களை ஒட்டுக்குழுக்களை வைச்சு ஹிந்தியா தமிழ் மக்களை ஏமாற்றும் நாடகம் எனியும் எடுபடாது. 1987 - 1990 காலம் அல்ல இது. 

Edited July 30, 20232 yr by nedukkalapoovan

5 hours ago, nedukkalapoovan said:

விக்கியர்.. சுரேஸ் பிரேமசந்திரன்.. சைக்கிள் கட்சி உறுப்பினர்கள், அனந்தி சசிதரன்.. ஐங்கரநேசன் மற்றும் முன்னாள் போராளிகள் கட்சி உறுப்பினர்கள் யாரும் தமிழ் கட்சி சார்ந்தவர்கள் இல்லையோ..??!

குறைந்தது சொறீலங்கா பாராளுமன்றை தமிழ் மக்கள் சார்பில் பிரதிநிதித்துவப்படுத்தும்.. விக்கியர்.. கஜேந்திரகுமார் கட்சியினரும் இந்தச் சந்திப்புக்கு அழைக்கப்பட்டிருக்க வேண்டும். 

தனக்கு சார்ப்பான ஆட்களை ஒட்டுக்குழுக்களை வைச்சு ஹிந்தியா தமிழ் மக்களை ஏமாற்றும் நாடகம் எனியும் எடுபடாது. 1987 - 1990 காலம் அல்ல இது. 

இதுவரை தமிழ்கட்சிகள் ஒன்று சேராமல் இருக்க என்னவெல்லாம் செய்தாச்சு.

இனியும் எப்பாடுபட்டாவது அதைத் தொடர்வார்கள்.

இது விசயம் கொஞ்சம் பெரிசு போல இருக்கு இல்லாட்டி யாழிலேயே முகாமிட்டு ஒரு தாளம் இருக்கு.

இலங்கையில், சீனா இராணுவத்தளம் அமைக்கப்போகுது என்று யாரோ சொல்லிப்போட்டானுகள்.

பாவம். வேலை இல்லாததுகள் கூடடம் போடுதுகள்.  

இந்திய தூதுவரை நாளை சந்திக்கிறது தமிழ்த் தேசியக் கூட்டமைப்பு

இலங்கைக்கான இந்திய உயர்ஸ்தானிகர் கோபால் பக்லே நாளை செவ்வாய்க்கிழமை காலை 10.30 மணிக்கு தமிழ்த் தேசியக் கூட்டமைப்பின் பத்து பாராளுமன்ற உறுப்பினர்களையும் கொழும்பில் உள்ள இந்திய இல்லத்தில் சந்தித்து கலந்துரையாட உள்ளார்.

கூட்டமைப்பின் கோரிக்கையின் பிரகாரம் இந்த சந்திப்புக்கான உத்தியோகப்பூர்வ அறிவிப்பை இலங்கைக்கான இந்திய உயர்ஸ்தானிகர் மின்னஞ்சல் ஊடாக கூட்டமைப்பின் பாராளுமன்ற உறுப்பினர்களுக்கு அனுப்பியுள்ளார்.

ஜனாதிபதி ரணில் விக்கிரமசிங்க இந்தியப் பயணத்தை முடித்து நாடு திரும்பியுள்ள நிலையிலேயே தமிழ்த் தேசியக் கூட்டமைப்பின் எம்.பிக்களுடன் இந்திய தூதுவர் அவசர சந்திப்பை நடத்தவுள்ளார்.

இந்தச் சந்திப்பில் 13ஆவது திருத்தத்தை நடைமுறைப்படுத்துவது தொடர்பில் பிரதமர் மோடி வெளியிட்ட கருத்துக்கள், சர்வகட்சிக் கூட்டத்தில் பேசப்பட்ட விடயங்கள் மற்றும் இந்திய பிரதமரை நேரில் சந்தித்து பேச்சுவார்த்தை நடத்துவதற்கு தமிழ்த் தேசியக் கூட்டமைப்பினர் ஏற்கனவே விடுத்திருந்த கோரிக்கையை மீள் மீளாய்வு செய்வதல் உட்பட தமிழ் மக்கள் சமகாலத்தில் எதிர்கொண்டுள்ள பல்வேறு விவகாரங்கள் குறித்து ஆராயப்படவுள்ளதாக அறிய முடிந்தது.

https://thinakkural.lk/article/266131