அவுஸ்திரேலிய தேர்தல் முடிவுகளும், தமிழீழ போராட்ட ஆதரவுத் தளங்களும் - கீரன்

மக்கள் மயப்படாத, மக்கள் வழி செல்லாத அரசுகளும் அரசியல்வாதிகளும் குப்பைக் கூடைக்குள் தூக்கி எறியப்படுதல் இயற்கையின் நியதி என அண்மைய அவுஸ்திரேலிய முடிவுகள் மீண்டும் உரத்துக் கூறியுள்ளன. மக்களால் தோற்கடிக்கப்பட்ட அவுஸ்திரேலியப் பிரதமர் ஜோன் ஹாவாட் இன் கைகள் ஒன்றும் சுத்தமானவையல்லை.

அவுஸ்திரேலிய ஆதிக் குடிகளின் வாழ்க்கைத் தரத்தை உயர்த்துவதாக கூறிக் கொண்டு அவர் தம் உரிமைகளை பறித்தவர். தொழிற்துறை உறவுகள் என்ற பெயரில் தொழிலாளிகளின் அடிப்படை உரிமைகளை முதலாளிகளுக்கு தாரை வார்த்தவர்,அமெரிக்காவின் நட்பை ஏற்படுத்த உலக நாடுகளின் மீதான “பயங்கரவாதம் மீதான போர்” என்ற போர்வையில் படையெடுத்தவர், சுற்றுச் சூழல் மாசடைதலில் நிலையான கொள்கையை எடுக்க மறுத்தவர், நாட்டின் பொருளாதாரத்தை உயர்த்துவதாகக் கூறிக் கொண்டு உழைக்கும் மக்களின் பொருளாதாரச் சுமை கூட்டியவர் என்று அடுக்கிக் கொண்டே போகலாம்.

தனது சொந்த பெனலங் என்ற சிட்னியில் உள்ள தேர்தல் தொகுதியில், 30 வருடங்களுக்கு மேற்பட்ட ஊடகவியலாளர் ஆன மக்சின் மக்யூ ஆல் அவுஸ்திரேலியப் பிரதமர் ஜோன் ஹாவாட் தோற்கடிக்கப்பட்டுள்ளார். ஜோன் ஹாவாட்டை தோற்கடித்த மக்சின் மக்யூ தனது ஆதரவாளர்களிடம் பேசுகையில் “எனது 30 வருட ஊடக அனுபவத்தில் எத்தனை உலகத் தலைவர்களை,

வல்லுனர்களை நேர்காணல் கண்டுள்ளேன். கடந்த 6 மாத தேர்தல் பரப்புரையில் மக்களின் கதவுகளை தட்டி அவர்தம் கருத்துக்களை கேட்டறியும் போது தான் நான் பெருமளவு, உலகத் தலைவர்களிலும் மேலான “மக்களின் குரல்களை” சந்திக்கவில்லை என்ற வெறுமையை உணர முடிந்தது என்றார்”

அவுஸ்திரேலியாவின் புதிய 26வது பிரதமர் கெவின் ரட் பிளிஸ்பேன், குவீன்ஸ்லாந்து ஈழத் தமிழர்கட்கு பரிச்சயமானவர் தான். 1957ல் பிறிஸ்பேனில் உள்ள ஒரு பன்ணையில் பிறந்த இவர் தனது 11வது வயதில் தந்தையை இழந்தவர். பண்ணையை விட்டு விரட்டப்பட உள்ள நிலையில் தனது தாய் மார்கிரட் மற்றும் சகோதரர்களுடன் ஒரு நாள் காரிலேயே தனது இரவைக் கழித்தவர். சிறுவயதிலேயே வாழ்வின் கஸ்டங்களை உணர்ந்த இவர் தனது 15வது வயதில் அவுஸ்திரேலிய தொழிற் கட்சியில் சேர்ந்தார்.

தனது ஏற்பு உரையில் இன்று அவுஸ்திரேலியா ஒரு புதிய சகாப்தத்தை தொடங்குகிறது. ஒவ்வொரு அவுஸ்திரேலியனுக்கும் உரிய சரியான பிரதமராக தான் சேவையாற்றுவேன் என்று பல்லின மக்கள் சமூகத்தின் பாலான தன் பற்றுறுதியை வெளிப்படுத்தினார்.

அவுஸ்திரேலிய தமிழர்களின் பரப்புரைகளின் ஊடாக, அரச படுகொலைகளை கொடூரங்கள், ஈழ விடுதலைப் போராட்டத்தின் நியாயத்தன்மை பற்றிய முதல் தர தெளிவை இந்த புதிய அரசு கொண்டுள்ளது.

சர்வதேச கொள்கை தொடர்பில், அமெரிக்காவுடன் ஒத்துப் போவதாக இருந்தாலும் ஈராக்கில் இருந்து படைகளை மீளெடுத்தல் போன்ற முக்கிய கொள்கைகளில் அவுஸ்திரேலியா தனித்துவமாக முடிவெடுக்கும் என புதிய அரசு உறுதி கூறி உள்ளது.

இலங்கை அரசு பாலித கோகன இன், அலெக்சாண்டர் டவுனர் உடனான தனிப்பட்ட நட்பு ஊடாக இனிமேலும்

இலங்கை தொடர்பான அவுஸ்திரேலிய கொள்கை வகுப்புக்களை நச்சுப்படுத்த முடியாது.

இந்த வகையில் தமிழீழ போராட்ட முனைப்பில் அவுஸ்திரேலியாவில் அதன் ஆதரவுத் தளங்கள், புதிய பாதையில் முன்னேற்ற மடைகின்றது தானே?

- கீரன்

- சூரியன்

தலைவரை மட்டும் நம்புங்கள்!

உலகத்திற்கு உண்மையை நம்ப வையுங்கள்!

தொழில் கட்சி அரசாங்கமும் ஒரு அரசுதான், க்ண்மூடித்தன்மாக நம்பக்கூடாது... எதிலையும் ஒரு அவதானம் தேவை.

கெவின் றட், ஒரு நல்ல பேச்சாளர்தான்... ஆனாலும் சுத்தமான்வர் என்று ஒரு சான்றும் இல்லை... இது எனது தொழில் கட்சி நன்பரின் கருத்து.

உண்மையிலேயே உங்கள் சேதி மகிழ்ச்சி தருகிறது நலன்கள் அரசாங்கங்கள் அரசற்ற குழுமங்களிடையிலான உறவின் எல்லைகள் இவை ஒரு புறம் இருக்க இயன்ற மட்டும் நாம் சாத்தியமான வெற்றிகளைப் பெறவேண்டும். இரதினச் சுருக்கமாக இருவார்த்தை. மேற்க்கு நாடுகளின் ஆதரவு வட்டத்தை உயிர்ப்பிக்க நாம் இனியேனும் PKK வழிகளை விலக்கி இனியேனும் 1980பதுகளில் ANC செயல்பட்ட உபாயங்களில் இருந்து கற்றுக்கொள்ள வேண்டும். இது எனது வேண்டுகோள்.

இது மிகவும் சுருக்கமாய் இருக்கு... PKK எண்டால் என்ன? அத்தோடு க்கும் அர்த்தம் என்ன?

PKK என்றால் குர்திச்தான் தொழிலாளர் கட்சி என்று அழைக்கப்படும் ஒரு விடுதலை அமைப்பு. இது துருக்கிக்கும் ஈராக்குக்கும் இடையில் உள்ள குர்திச்தான் எனும் பிரதேச மக்களுக்காக உரிமை கேட்டு போராடி வருகிறது. சதாமினாலும் பிந்நாட்களில் துருக்கியினாலும் ஆக்கிரமிக்கப்பட்டு பெரும் கஷ்ட்டங்களை அநுபவிக்கும் நாடு.

ஏ என் சி - என்றால் ஆப்பிரிக்க தேசிய காங்கிரசு. நெல்சன் மண்டேலாவை தலைவராகக் கொண்டு தென்னாபிரிக்காவில் கறுப்பின மக்களுக்காக வெள்ளையின அரசை எதிர்த்துப் போராடிய அமைப்பு. உலகிலுள்ள அனைத்து விடுதலைப் போராட்ட அமைப்புகளுக்கும் முன்மாதிரியானது.

கெவின் ரட் என்பவர் இப்போதைக்கு நல்லவராகத் தான் தென்படுகிறார். அமெரிக்க எதிர்ப்பு, தொழிலாளரில் அக்கறை, குடியேற்ற வாசிகளுக்கு ஆதரவு போன்ற நல்ல திட்டங்களை கொண்டிருப்பதோடு சூழல் மாசடைதல் பற்றியும் அதிக அக்கறை கொண்டவர்.

ஆனாலும் வெளியுறவுக் கொள்கை என்று வரும்போது, தமிழர் பிரசனையில் எவ்வாறான நிலைப்பாட்டை எடுப்பார் என்று உடனடியாகக் கூற முடியாது. அனாலும் அவுச்திரேலியத் தமிழர்கள் முயற்சித்தால் எமது பிரச்சனை பற்றிய தெளிவான நிலைப்பாட்டை தெரிவிக்கலாம்.

தொழிலாளர் கட்சி எப்போதுமே தமிழர் மேல் அநுதாபமுடயது என்ற பரவலான கருத்து நிலவுவது உண்மைதான்!

நன்றி ரகுநாதன்....