Vantage Point - ஆரம்பம் புள்ளியில் இருந்து ஒரு பார்வை என்னும் படம் இந்த வருடம் மாசியில் வெளியாகியிருக்கிறது. இது நிகழ்கால உலக சூழ்நிலையைக் மய்யமாக கொண்டு எடுக்கப்பட்ட படம். பயங்கரவாதத்திற்கு எதிரான போர் பற்றி வரலாற்று மாநாடு ஒன்று ஸ்பெயின் நகரான சலமன்கா இல் நடக்கிறது. அதற்கு வந்த அமெரிக்க சனாதிபதியை கொலைசெய்யத முயற்சிக்கப்படுகிறது. இந்தக் கொலை முயற்சிக்கு கிட்டத்தட்ட 23 நிமிடங்களிற்கு முன்னர் நடந்த சம்பவங்களை இதில் சம்பந்தப்பட்ட பலதரப்பினரது பார்வை கண்ணோட்டம் அவதானிப்புகள் மூலம் பல கோணங்களில் காட்டுவது தான் படத்தின் முக்கிய பாகம்.

இதில் சம்பந்தப்பட்ட தரப்புகளாக

1) ஒரு தொலைக்காட்சி செய்திச் சேவையின் தயாரிப்பாளர் எவ்வாறு தனது களத்தில் உள்ள ஒளிப்பதிவாளர்களை நெறிப்படுத்துகிறார் எவற்றிற்கு முக்கியத்துவம் கொடுக்கிறார், செய்தியாளரின் இயற்கையான வசனநடைகளை எவ்வாறு கடிந்து ஒரு நிர்வாமயப்பட்ட செய்திச் சேவையை நிலைநிறுத்த முயல்கிறார் என்பவை. மாநாட்டு நடக்கும் இடத்தில் கூடியிருந்த பயங்கரவாதத்திற்கு எதிரான போர் என்பதற்கு எதிர்ப்பு தெரிவிக்கும் ஆர்ப்பாட்ட முயற்சிகள் செய்தியாக்கப்பட்டுவிடக் கூடாது என்பதில் காட்டப்படும் கவனம் மற்றும் கடந்தகால நிகழ்வுகளை வைத்து ஒருவரை கதாநாயகனாக்கி விறுவிறுப்பாக செய்தியை சொல்ல முற்படுதல்.

2) சனாதிபதியில் மெய்பாதுகாவலர்கள் 2பேரின் கண்ணோட்டங்கள் அவதானங்களின் அடிப்படையில் சொல்லப்படுகிறது. அதில் ஒருவர் தொலைக்காட்சி ஒளிப்பதிவாளர் பதிவு செய்ததை பார்ப்பது மற்றும் உல்லாசப்பயணி பதிவு செய்தவற்றைப் பார்த்து சம்பவம் எப்படி நடந்தது யார் சூத்திரதாரி என அறிய முற்படுகிறார். மற்ற மெய்ப்பாதுகாவலர் உண்மை முகத்தை உணருகிறார்.

3) அந்த நகரத்து மேயரின் பாதுகாப்பிற்கு பொறுப்பான ஸ்பெயின் காவல்துறை அதிகாரி ஒருவரின் பார்வையில் நிகழ்வுகள் சொல்லப்படுகிறது. அவரது பெண் தோழியுடன் நெருக்கமாக நின்று பேசிக் கொண்டிருந்து ஒரு புதியவர், பெண்தோழி சனாதிபதி சுடப்பட்ட பின்னர் தான் கொடுத்த பைய்யை மேடை நோக்கி எறிவது என்ற கோணங்களில் சொல்லப்படுகிறது. சனாதிபதியின் மெய்பாதுகாவலர்கள் இவரில் சந்தேகப்பட்டு துரத்துவதும் அதன் போது அவரால் அவதானிக்கப்பட்ட அதிர்ச்சியான விடையங்களும் அவரது இறப்பும்.

4) மநாடு நடந்த இடத்தில் நின்ற ஒரு அமெரிக்க உல்லாசப்பயணி அவரது அவதானிப்புகள் ஞாபகங்கள் தனது கை ஒளிப்பதிவுக் கருவியில் பதிவு செய்தவை. அவர் சந்தித்த ஒரு புதியவரோடான சிறு கலந்துரையாடல் அதன் பொழுது அந்த புதியவர் நிறைவேற்றிக் கொண்டவை. உல்லாசப் பயணி சந்தித்த சிறுமி அவர் படத்தின் முடிவை எப்படி மாற்றுகிறார்.

5) அமெரிக்க சனாதிபதியின் நிலையில் இருந்து சொல்லப்படுவது. மாநாட்டிற்கு வரும் வழியில் அவரது கொலைமுயற்சி ஆபத்தை புலநாய்வுத்துறை உறுதி செய்ததால் அவர் மீண்டும் தனது தங்ககத்திற்கு திரும்பிப் போகிறார். அவரைப் போன்ற தோற்றத்தை உடையவர் மாநாட்டிற்கு செல்கிறார். மாநாட்டில் நடந்த சூட்டு மற்றும் குண்டு வெடிப்புச் சம்பவங்களை தொலைக்காட்சியில் பார்க்கிறார். இதன் மத்தியில் பாதுகாப்புத்துறை அதிகாரிகள் சனாதிபதியிடம் மெரோக்கோ நாட்டில் விமானக்குண்டு வீச்சிற்கு ஆணையைப் பெற முயற்சிப்பது. இறுதியாக ஒரு முகமூடி அணிந்த ஒருவர் அந்த அறைக்குள் உடைத்துக் கொண்டு புகுந்து சனாதிபதியின் உதவியாளர்கள் மெய்ப்பாதுகாவலர்கள் அனைவரையும் சுட்டுக் கொல்கிறார்.

6)இறுதியாக பயங்கரவாதிகளின் நிலையில் இருந்து சொல்லப்படுகிறது. பயங்கரவாதிகள் வெல்லவில்லை என்ற வரையறைக்குள் படத்தை செய்திருக்கிறார்கள் என்பது முடிவில் தெரிகிறது. ஆனால் கொலை முயற்சிகள் குண்டு வெடிப்புகள் போன்றவை பற்றி ஊடகச் செய்திகள் எந்தளவிற்கு வடிகட்டப்படலாம் என்பதை சொல்லி நிக்கிறது.

ஒரு குறித்த நிகழ்வை பல கண்ணோட்டங்களில் ஆழமாக விபரங்களோடு காட்்ட முனையும் அணுகுமுறை (concept) படத்தில் கைய்யாளப்பட்டிருப்பது தனித்துவமானது. சமகாலநிகழ்வுகளை வைத்து செய்யப்பட்டதால் மேலும் ஆர்வத்தை தூண்டுவதாக இருக்கிறது.

http://en.wikipedia.org/wiki/Vantage_Point_(film)

http://www.vantagepoint-movie.com/

நன்றி குறுக்ஸ் படம் பற்றிய அறிமுகத்துக்கு. நான் பார்க்கவேண்டுமென்று நினைத்துவிட்டு தள்ளிவைத்த படம்.

இதில் பயன்படுத்தப்பட்டுள்ள பல்வேறு நபர்களின் கண்ணோட்டங்களில் ஒரு நிகழ்வை அணுகும் முறை முதன் முதலில் (என்று தான் நினைக்கிறேன்) அகிரா குரோசவாவின் Rashomon என்ற யப்பானிய திரைப்படத்தில் கையாளப்பட்டது. 1950 இல் வெளிவந்த படம். கறுப்பு வெள்ளைப் படம். ஆனால் பார்ப்பதற்கு மிகவும் விறுவிறுப்பாக இருக்கும். அந்தப் படத்தில் ஒரு கொலை தொடர்பாக கொலை நிகழ்வோடு சம்மந்தப்பட்ட நான்கு பேரின் கண்ணோட்டங்களில் நிகழ்வு அணுக்கப்பட்டிருக்கும்.

தமிழில் மணிரத்தினத்தின் "ஆயுத எழுத்து" படமும் இதே முறையைத்தான் கையாண்டிருக்கிறது. இதில் மூன்று மனிதர்களின் கோணங்களில் நிகழ்வு அணுகப்பட்டிருக்கும்.

கென்னடியின் கொலை தொடர்பாகவும் பல்வேறு பார்வைகளில் நிகழ்வை அணுகும் ஒரு படம் முன்னர் வெளிவந்திருந்தது என்று ஒரு ஞாபகம். சரியாக நினைவில்லை.

Edited April 6, 200817 yr by இளைஞன்

இணைப்புக்கு நன்றி குறூக்ஸ்.

இணைப்புக்கு நன்றி குறுக்ஸ்

குறுக்கர்,

இணைப்பிற்கு நன்றி. பார்க்க வேண்டிய படம்.