தமிழில் இணையத்தில் செய்தி இணையங்கள் புழுத்துப் போய் இருக்கின்றன என்பதையும் ஒரே செய்திகளே சிற்சில மாற்றங்களோடும் மாற்றமேதுமின்றியும் ஒவ்வொரு இடமாக அலைகின்றன என்பதை நாம் அறிவோம். ஒரு புதிய செய்தி முதலாவது இணையத்தில் வந்த பிறகு - அதை முந்தி அடுத்த இணையங்களில் யார் முந்தி வெளியிடுவது என்பதுவே நமது இணையச் செய்தியாளர்களின் உரிமையாளர்களின் பணி.

ஆனால் - செய்திகளை விடுங்கள் - ஒரு இணையம் எம்மைப் பற்றி என எழுதுவதை கூட அடுத்த இடத்திலிருந்து சுட்டுப்போடுவதை என்ன சொல்ல? அதை கூடவா உட்கார்ந்து எழுத முடியாது.

புதினம் தனது எம்மைப் பற்றி பக்கத்தில் சொல்லப் பட்டிருக்கும்

எமது இணையத்தளத்தில் வெளிவரும் செய்திகளின் நம்பகத்தன்மை மற்றும் ஆதாரங்கள் என்பவற்றை இயன்றவரை உறுதி செய்து வெளியிடுவதற்கே நாம் விரும்புகிறோம். ஆனாலும் அவ்வாறு செயற்படுவதற்காக நாம் எடுத்துக் கொள்ளும் நேரம் மேற்படி செய்தியை பழைய செய்தியாக்கிவிடக்கூடிய சாத்தியக்கூறு உண்டு.

அத்தோடு மேற்குலக நாடுகளில் இருந்தவாறு தாயகத்து நிகழ்வுகளின் ஆதாரங்களை உறுதிப்படுத்துவதற்கான தடையாக நாடுகளிற்கிடையேயான நேர வித்தியாசம் அமைந்துள்ளது. எனவே எமது தளத்தில் வெளிவரும் செய்திகளின் நம்பகத்தன்மை அல்லது ஆதாரத் தரவுகள் என்பவற்றிற்கு நாம் பொறுப்பாளிகளல்ல.

என்னும் அதே பந்தி

தமிழ்செய்தி இணையத்திலும் அதே எம்மை பற்றி பக்கத்தில் காணப்படுகிறது.

http://www.tamilseythi.com/aboutus.html

இதையாவது நீங்களா எழுதி போடுங்க சார்

அதுதான்" கொப்பி பேஸ்ட்" சுதந்திரம்....அது எங்களுடைய பிறப்புரிமை.....அதை எந்த கொம்பனாளையும் தடுக்க ஏலாது.....

மலிவான இணையம் அளவுக்கு அதிகமான இலவச மின்னஞ்சல்கள் உள்ளடங்க பல பொருளாதார ரீதியில் நியாயப்படுத்த முடியாத இணைய சேவைகள் அதிக காலம் தொடரப் போவதில்லை.

2010 அளவில் உந்த குடிசைக் கைத்தொழில் ஊடக முயற்சிகள் கருத்துக்களங்கள் என பலர் மூட்டை கட்டும் நிலை வந்துவிடும்.

தமிழ்தேசிய ஆதரவு ஊடகங்களின் இணையம் சார்ந்தும் இணையம் சாராத பாரம்பரிய அச்சு ஒலிபரப்பு ஒளிபரப்பு முயற்சிகளும் பலமான பொருளாதார அடித்தளம் இன்றி சிதறடிக்கப்பட்டதாகத்தான் இன்று இருக்கிறது. இறுகிவரும் உலக பொருளாதார நிலை புலம்பெயர்ந்த தமிழ் சமூகங்களையும் அடுத்தடுத்த மாதங்களில் தாக்கத் தொடங்கிவிடும். இதனால்

-1- விளம்பரங்கள் குறையும் பல இல்லாது போகும்

-2- சந்தா அடிப்படையிலான வாடிக்கையாளர்கள் குறைவார்கள்

-3- தன்னாவலர்களாக சொந்த பணத்தில் செய்பவர்கள் பலரால் முடியாது போகும்

ஏற்கனவே மகிவும் நலிந்த பொருளாதார அடிப்படையில் இயங்கும் எமது ஊடக முயற்சிகளால் இந்த நிலையை எதிர்கொள்ள முடியாது.

ஒரே தகவல்களை மிலேச்சத்தனமாக வெட்டி ஒட்ட சிதறடிக்கப்படும் எமது பொருளாதாரவளங்கள் ஒன்று சேர்க்கப்பட்டு தமிழ்தேசிய ஊடக அரங்கில் உண்மையாக பெறுமதி சேர்ப்பவர்கள் என்ற அடிப்படையில் குறித்த முயற்சிகள் பலப்படுத்தப்பட வேண்டும். இதன் மூலம் தான் அடுத்தடுத்த வருடங்களில் தமிழ்தேசியத்திற்கு தேவையான குறைந்த பட்ச ஊடக பிரசன்னத்தை பேணிக் கொள்ளலாம். இல்லாவிட்டால் இந்த குடிசைக் கைத்தொழில் வெட்டி ஒட்டல் பலூன் வெடிக்கும் பொழுது உருவாகப்போகும் பாரிய வெற்றிடத்தை நிரப்பப் போவர்கள் சிறீலங்கா மற்றும் இந்தியாவின் தமிழ்தேசி எதிர்ப்புச் சக்திகளின் ஊடகங்கள் தான்.

Edited November 12, 200817 yr by kurukaalapoovan

குறுக்கு இதெல்லாம் செவிடன் காதில் ஊதிய சங்கு கூகூகூகூகூகூகூகூகூகூ....................

......................

இது கூட ஒண்டும் கொடுமை இல்லை சயந்தன். இதுபற்றி யாழுக்கு வந்து சொல்லி அழுவுறீங்கள் பாருங்கோ.. அதுதான் உண்மையில கொடுமை.

எம்மைப்பற்றி

தமிழ்செய்தி.கொம் நாளாந்த செய்திகளை உடனுக்குடன் வெளியிடும் ஒரு தமிழ் செய்தித் தளம்.

இவ் இணையத்தளம் 2007ம் ஆண்டு கார்த்திகை மாதம் ஆரம்பிக்கப்பட்டது.

எமது இணையத்தளத்திற்கு உதவிகள் செய்து வரும் வாசகர்களுக்கும், ஊடகத்துறையினருக்கும், இணையத்தளங்களுக்கும் எமது அன்பான நன்றிகளை தெரிவித்துக் கொள்கின்றோம்.

தமிழ்செய்தி இணையத்தில் வரும் செய்திகள் சில வேறு தமிழ் இணையத்தளங்கள் மூலமே பெற்று தருகின்றோம். எம்மால் இயன்றவரை செய்திகளை ஆதாரத்துடன் தர முயற்சிப்போம்.

அன்புடன்

web@tamilseythi.com

தமிழ்செய்தி

அவர்கள் உண்மையை தானே எழுதி உள்ளார்கள்?

செய்தி ஊடகங்கள் தொடர்பாக எல்லோரையும் சந்தேகிப்பது தவறு தான். ஆனால் சிறிலங்கா அரசு, நமக்குள்ளே ஒரு நம்பகத்தன்மையை ஏற்படுத்தும் வண்ணம் ஆதரவான தளம் போல ஒன்றை உருவாக்கி, நடத்திக் கொண்டு மக்கள் மனதில் நம்பக்தன்மையை ஏற்படுத்தி விட்டு, பிற்பாடு அதைத் தனது ஆதரவாக மாற்றக் கூடிய சந்தர்ப்பங்களும் உண்டு. அது நீண்டகாலத்திட்டமாக இருந்தாலும், நடக்கக்கூடியவையே!

சில தளங்கள் துரிதமாகச் செய்தி தருவதாகச்சொல்கின்றன. செய்திகளின் மூலம் எங்கிரு;நது பெற்றார்கள் என்பது எல்லாம் கிடையாது. மெதுமெதுவாக அரசாங்க செய்திகளும் அதில் வரும்.

எது தொடர்பாகவும் அவதானமாக இருக்க வேண்டும். ஆனால் அதற்காக எல்லாவற்றையும் சந்தேகப்பட வேண்டும் என்றில்லை

பொதுவாக புலத்தில் பல ஊடகங்கள் புதினம் செய்தியைத் தான் சுட்டு தமது செய்தியாகப் போடுகின்றன. இதில் பலமுறை நடக்கும் வேடிக்கை என்னவெனில் புதினம் சில வேளைகளில் விட்ட அச்சுப் பிழைகளைக் கூட திருத்தாமல் அப்படியே அதையே போட்டு விடுவார்கள். இதில் வானொலிகள் கூட பிழைகளைத் திருத்தாமல் அப்படியே வாசித்ததும் நடந்தது. இந்தச் இலட்சணத்தில் செய்திச் சேகரிப்பு தமது நிருபர் என்றோ அல்லது குறிப்பிட்ட வானொலிச் செய்திப் பிரிவென்றோ இறுதியில் சொல்வது தான் வேடிக்கை.

பொதுவாக புலத்தில் பல ஊடகங்கள் புதினம் செய்தியைத் தான் சுட்டு தமது செய்தியாகப் போடுகின்றன. இதில் பலமுறை நடக்கும் வேடிக்கை என்னவெனில் புதினம் சில வேளைகளில் விட்ட அச்சுப் பிழைகளைக் கூட திருத்தாமல் அப்படியே அதையே போட்டு விடுவார்கள். இதில் வானொலிகள் கூட பிழைகளைத் திருத்தாமல் அப்படியே வாசித்ததும் நடந்தது. இந்தச் இலட்சணத்தில் செய்திச் சேகரிப்பு தமது நிருபர் என்றோ அல்லது குறிப்பிட்ட வானொலிச் செய்திப் பிரிவென்றோ இறுதியில் சொல்வது தான் வேடிக்கை.

இதைத் தான் சொல்லுவது நோகாமல் நொங்கு சாப்பிடுவது என்று..........