உடைகிறது கூட்டமைப்பு! தவிர்ப்பது எவ்வாறு?

February 18, 201015 yr

உடைகிறது கூட்டமைப்பு! தவிர்ப்பது எவ்வாறு?

எதிர்வரும் பாராளுமன்றத் தேர்தலுக்கு முன் தமிழ்த் தேசியக் கூட்டமைப்பு உடைந்துவிடும் அபாயம் தோன்றியுள்ளதாக வரும் தகவல்கள் கவலையளிப்பதாகவே உள்ளன. இவ் உடைவு குறித்த உத்தியோகபூர்வமான ஊடக அறிக்கைகள் எந்நேரமும் வெளிவரக் கூடிய நிலையே தோற்றம் பெற்றுள்ளது.

தமிழரசுக் கட்சி, தமிழ்க் காங்கிரஸ், ஈழமக்கள் புரட்சிகர விடுதலை முன்னணி, தமிழீழ விடுதலை இயக்கம், விடுதலைப்புலிகளால் பரிந்துரைக்கப்பட்டிருந்தவர்கள் எனப் பல்வேறு தரப்பினைச் சேர்ந்தவர்களின் கூட்டாக கூட்டமைப்பு இருந்து வருகிறது.

இக் கூட்டமைப்பிலிருந்து தமிழ்க் காங்கிரஸ் மற்றும் விடுதலைப்புலிகளால் பரிந்துரைக்கப்பட்டிருந்த முன்னாள் நாடாளுமன்ற உறுப்பினர்கள் சிலரும் வெளியேற இருப்பதாக நம்பகமான தகவல்கள் தெரிவிக்கின்றன. தமிழீழ விடுதலை இயக்கம் மத்தியிலும் ஒருவகை தடுமாற்றம் தோன்றியுள்ளதாவும் தெரிய வருகிறது.

இவ் வெளியேற்ற முடிவுக்கு அடிப்படையாக இரு காரணங்கள் முன்வைக்கப்படுகின்றன. இக் காரணங்களில் ஒன்று கொள்கை நிலைப்பட்டது. மற்றையது அணுகுமுறை சார்ந்தது.

கூட்டமைப்பின் தலைவர் சம்பந்தனும் அவருக்கு நெருக்கமான முன்னாள் நாடாளுமன்ற உறுப்பினர்கள் சிலரும் இணைந்து தயாரித்துள்ள தீர்வுத்திட்ட முன்மொழிவு, தமிழ்மக்களின் அரசியல் அபிலாசைகளுக்கு மிகவும் கீழ்ப்பட்டதாக உள்ளது என, தமிழ்க் காங்கிரஸின் தலைவர் திரு கஜேந்திரகுமார் பொன்னம்பலம் கருதுவதாகத் தெரிகிறது. இக் கருத்து கூட்டமைப்பின் நாடாளுமன்ற உறுப்பினரகள் பலருக்கும் உள்ளதாகவும் அறிய முடிகிறது.

இதனால், இத் தீர்வுத்திட்ட முன்மொழிவை முன்னெடுக்க முனையும் தமிழ்த் தேசியக் கூட்டமைப்புடன் தொடர்ந்தும் இணைந்து செயற்படுவது சாத்தியமற்றது என்றே திரு கஜேந்திரகுமார் உறுதிபடக் கூறுவதாகவும் அறிய முடிகிறது.

இத் தீர்வுத்திட்ட முன்மொழிவுக்கு மாற்றீடாக, ஒரு நாடு இரு தேசங்கள் எனும் அடிப்படையில் மாற்றுத்திட்டம் ஒன்றை முன்மொழிவதற்கு கஜேந்திரகுமார் எடுத்த முயற்சியை கூட்டமைப்பின் தலைவர் சம்பந்தன் ஏற்றுக் கொள்ளவில்லை எனவும் தெரியவந்துள்ளது.

தமிழ்க் காங்கிரஸின் தலைவர் கஜேந்திரகுமார் பொன்னம்பலம் கூட்டமைப்புடன் இணைந்து பணியாற்ற வேண்டுமென கூட்டமைப்பின் தலைமை விரும்புகின்றபோதும் தீர்வுத்திட்டம் தொடர்பாக திரு கஜேந்திரகுமார் முன்வைக்கும் மாற்று அணுகுமுறையினை ஏற்றுக்கொள்ளத் தயங்குவதாகவே தெரிகிறது. மாறாக, தமது தீர்வுத்திட்ட முன்மொழிவுக்கு ஏற்ற ஒரு சாதகமான மாற்றத்தை திரு கஜேந்திரகுமார் அவர்களிடம் இருந்து எதிர்பார்க்கிறது. திரு கஜேந்திரகுமார் பொன்னம்பலம் கூட்டமைப்பின் இந்த அணுகுமுறையை ஏற்றுக் கொள்ள மறுத்து விட்டதாகவும் அறியமுடிகிறது.

இது கொள்கைவழி வந்த முறுகல்நிலை.

கூட்டமைப்புத் தலைமையின் அணுகுமுறை பல முன்னாள் நாடாளுமன்ற உறுப்பினர்களை அதிருப்திக்கும் ஆத்திரத்திற்கும் உள்ளாக்கியுள்ளதாக வரும் தகவல்கள் மற்றையது.

கூட்டமைப்பின் மற்றைய தலைவர்களோடு கலந்து பேசி முடிவுகளை எடுக்காமை, நெருக்கடியான நேரங்களில் கூட்டமைப்போடு இணைந்து நின்றவர்களை மதிக்காமல் உதாசீனப்படுத்துகின்றமை, தம்மோடு கருத்து ரீதியாக முரண்படுபவர்களை புறக்கணிக்கின்றமை எனத் தமது சுயமரியாதைக்கு இழுக்கு எற்படும் வகையில் கூட்டமைப்புத் தலைமை நடந்து கொள்கிறது என அதிருப்தியாளர்கள் பொருமுகின்றனர்.

கூட்டமைப்பின் தலைமை, தாம் முன்வைக்கவுள்ள தீர்வுத்திட்ட முன்மொழிவுக்கு ஆதரவு தரக்கூடியவர்களை மட்டும் உள்வாங்கிக் கொண்டு, ஏனையவர்களைக் கழட்டி விட முடிவு செய்துள்ளதோ என்ற சந்தேகம் அதிர்ப்தியாளர்கள் மத்தியில் வேர்விட்டுள்ளது.

தவிர தீர்வுத்திட்டம் சார்ந்து கூட்டமைப்பு எடுத்துள்ள நிலைப்பாட்டுக்கு மாறாக கொள்கைவழி நின்று அரசியல் செய்யும் ஒரு அடிமட்ட அமைப்பை கட்டி எழுப்ப வேண்டும் எனவும் இதற்குரிய நேரம் வந்து விட்டதாக திரு கஜேந்திரகுமார் கருதுவதாகவும் தகவல்கள் வெளிவந்துள்ளது.

இம் முரண்பாடுகளின் பின்னணியில் திரு கஜேந்திரகுமார் பொன்னம்பலம் தலைமையில் ஒரு புதிய அணி தமிழ்த் தேசியக் கூட்டமைப்பிலிருந்து விலகி மாற்று அணியாகக் தேர்தலில் குதிக்க உள்ளதாக அறியப்படுகிறது.

திரு கஜேந்திரகுமார் பொன்னம்பலத்தின் கொள்கைவழி நிலைப்பாட்டை நாம் மதிக்கிறோம். எனினும் போரின் காரணமாக மக்கள் பெருமளவில் கொல்லப்பட்டும், இடம்பெயர்ந்தும் தமது வாழ்விடங்களில் மீள்குடியமரவும் வழியின்றி நிற்கும் நேரத்தில், பாராளுமன்றத்தில் தமிழரின் பிரதிநிதித்துவத்தைப் பாதிக்கக்கூடியவாறு அணிகள் பிரிந்து நிற்பது சிங்கள இனவாதத்திற்கு சேவை செய்வதாக அமைந்து விடும் என்ற காரணத்தை முன்வைத்து, இந்தக்காலம் பிரிந்து நின்று அரசியல் செய்வதற்கான காலம்தானா என்பதனைச் சிந்திக்குமாறு அவரைக் கோருகிறோம்.

இதே வேளை தமிழ்த் தேசியக் கூட்டமைப்புத் தலைமை குறிப்பாக தலைவர் திரு இரா சம்பந்தன் அவர்கள் சக கட்சிகளின் கொள்கைவழி நிலைப்பாடுகளையும் சக உறுப்பினர்களின் உணர்வுகளையும் மதித்து அவர்களை அணைத்துச் செல்லும் அணுகுமுறையை கடைப்பிடிக்க வேண்;டும் எனவும் கோருகிறோம்.

நெருக்கடியாக தருணங்களில் கூட்டமைப்போடு இணைந்து பணியாற்றிய மக்கள் பிரதிநிதிகளை மதிக்காது செயற்படுதல் அவர்களைத் தெரிவு செய்த மக்களை மதிக்காத செயற்பாடாகவும் நோக்கப்படக்கூடியது.

மேலும், ஒன்றுபட்டு நிற்க வேண்டிய முக்கியத்துவத்தை வலியுறுத்தியும் அதற்கான அணுகுமுறையை பக்குவமாகக் கையாண்டும் அனைவரையும் அணைத்துச் செல்ல வேண்டிய முதன்மைப் பொறுப்பு கூட்டமைப்புத் தலைமைக்குத்தான் உண்டு.

இன்னும் நம்பிக்கையைக் கைவிடாமல் இறுதியான வேண்டுகோள் ஒன்றையும் முன்வைக்கிறோம்.

இரு அணிகளாக மோதுவது எமக்குத் தரக்கூடிய நன்மைகளைவிட சிங்கள பௌத்த இனவாத்திற்குத்தான் கூடுதல் நன்மையைத் தரும்.

தீர்வுத்திட்ட முன்மொழிவு பற்றிய விவாதங்கள் நாட்டின் ஆழவோரோடிய இனப்பிரச்சனை சார்ந்த அடிப்படையான விடயங்கள். சிறிலங்காவோடு மட்டுமன்றி சர்வதேச நலன்களோடும் பிணைந்தே அது வடிவமெடுத்து நிற்கிறது. எனவே ஆழமான அந்த அரசியல் விடயங்களை தேர்தல் பிரச்சினையாக்குவதும் அதை முன்வைத்து பிளவுபடுவதும் ஈழத்தமிழர் தேசத்தினைப் பலவீனப்படுத்தவே வழிவகுக்கும்.

எந்த விடயத்தில் தமிழர் நலனோடு தொடர்புபட்ட அனைவரும் ஓரணியில் நின்று போராட வேண்டும் என மக்கள் எதிர்பார்க்கிறார்களோ, அந்த இனப்பிரச்சனை தீர்வு விடயத்தை முன்வைத்தே கட்சிகள் தேர்தல் நேரத்தில் பிளவுபடுவதை எமது மக்கள் ஏற்றுக் கொள்ள மாட்டார்கள்.

கொடிய யுத்தத்தால் பாதிக்கப்பட்டுள்ள மக்களின் மறுவாழ்வுக்கும் பொருளாதார மேம்பாட்டுக்கும் உரியதிட்டங்களையும் சிங்கள இனக்கபளீகரக் கொள்கைக்கு எதிரான நிலைப்பாட்டையும் தீர்வுத்திட்டத்திற்கான அடிப்படைகளையும் மட்டும் தேர்தலில் முன்வையுங்கள்.

தேர்தல் முடிவடைந்த பிறகு தீர்வுத்திட்டம் குறித்து நிதானமாக, திறந்த மனதுடன் மக்கள் மீதான விசுவாசத்துடன் கூடி விவாதியுங்கள்.

அப்போதும் கொள்கைவழி முரண்பாடு வரும் பட்சத்தில் பிரிந்து செயற்படுவது குறித்த முடிவினை எடுங்கள். அப்போதுதான் உங்கள் முடிவுக்கு கூடுதல் மக்கள் ஆதரவு கிடைக்கும்

இன்றைய காலம் இணைந்து நின்று அரசியல் உரிமைகளை வென்றெடுப்பதற்கான காலம் என்பதை மட்டும் கவனத்திற் கொள்ளுங்கள் என வேண்டுகிறோம்.

நன்றி: பொங்குதமிழ்.கொம்

http://www.eelamweb.com/

February 18, 201015 yr

கூட்டமைப்பு உடைக்க படுவதுக்கும் உடைபடுவதுக்கும் முக்கிய காரணம் சம்பந்தனே...

புலிகளுக்கு ஆதரவாக செயற்பட்டவர்கள் எனும் பட்டியலை அமைத்து, அவர்களை விலகவோ விலக்கியோ வைத்து இந்திய ஆட்ச்சியாளர்களின் விருப்புக்கேற்ப நகர விரும்புகிறார்... இந்த அணுகுமுறை அரவணைத்து செல்வதாக இல்லை...

கூட்டமைப்புல் இருப்பது 22 நா உ க்கள்... அதில் 12 பேரை விலக்குவதும் மிகுதி 10 ( நடுவில் நிற்க்கும் கஜேந்திரகுமார் பொன்னம்பலம் அவர்கள் உட்பட) பேர் தனிய நிற்பதும் கூட கூட்டமைப்பை இன்னும் சிறுபான்மையாக்குகிறது... உண்மையில் 2005 ல் மக்களின் அமோக ஆதரவோடு தெரிவு செய்ய பட்ட கூட்டமைப்பு 10 ம் 12 ஆக பிரிந்தால் 12 பேர் கொண்ட வர்களையே உண்மையான கூட்டமைப்பாக அங்கீகரிக்க வேண்டும்...

Edited February 18, 201015 yr by தயா

February 18, 201015 yr

கருத்துக்கள உறவுகள்

கூட்டமைப்பு தொடர்ந்து குழப்பம் செய்யுமாயின் தமிழ்காங்கிரஸ் கட்சியின் சார்பில் இளையவர்களை சேர்த்து புதிய கூட்டமைப்பை உருவாக்க வேண்டும்.தமிழரின் அடிப்படைக்கோரிக்கைகள் முன் நிறுத்தப்பட வேண்டும்.இதனால் தமிழர் வாக்குகள் சிதறினாலும் தமிழரின் நிலைப்பாட்டில் உறுதியாக இருக்குமிடத்து போலியான தீர்வை தமிழர் தலையில் கட்டி வைக்க முற்படும் இந்தியாவின் முயற்சியையாவது தடுக்கலாம்.

February 18, 201015 yr

கருத்துக்கள உறவுகள்

கூட்டமைப்பு மீண்ட்ம் கூட்டமைப்பாக இருக்க வ்ழிகள்

1.இலங்கைத்தீவில் தமிழ்மக்களின் சுய நிர்ணய உரிமையை தேர்தலில் வ்லியுறுத்தல்

2.கூட்டமைப்பிலிருந்து தாமாகவே வெளியேறுபவர்களை விடுத்து மற்றய அனைவரையும்

மீண்டும் களமிறக்குதல். (சிறீ காந்தாவின் நிலமையை மற்றய உறுப்பினர்களுடன் ஆராய்தல்)

3.கூட்டமைப்பின் முடிவுகளை மத்தியகுழு மூலம் எடுத்தல்.

4.கட்சித்தலைமைகளுடன் மத்தியகுழுவில் ஏனைய உறுப்பினர்களையும் கணிசமான அளவில் உள்வாங்குதல்.

5.முக்கியமாக இனப்பிரச்னைக்கான அரசியல் தீர்வை முன்வைத்தல்.

6.தமிழர்களின் தலைமைத்துவம் இளையோரின் கைக்கு எத்ர்காலத்தில் கிடைக்க வழிமுறை செய்தல்.

7.முக்கியமாக மக்களின் கருத்துக்களுக்கு முக்கியத்துவம் கொடுத்தல்.

இன்னும் பல வழிகள் உண்டு.

மற்றவர்களும் யோசியுங்கோ!!

வாத்தியார்

................

February 18, 201015 yr

கருத்துக்கள உறவுகள்

கூட்டமைப்பு உடைக்க படுவதுக்கும் உடைபடுவதுக்கும் முக்கிய காரணம் சம்பந்தனே...

புலிகளுக்கு ஆதரவாக செயற்பட்டவர்கள் எனும் பட்டியலை அமைத்து, அவர்களை விலகவோ விலக்கியோ வைத்து இந்திய ஆட்ச்சியாளர்களின் விருப்புக்கேற்ப நகர விரும்புகிறார்... இந்த அணுகுமுறை அரவணைத்து செல்வதாக இல்லை...

கூட்டமைப்புல் இருப்பது 22 நா உ க்கள்... அதில் 12 பேரை விலக்குவதும் மிகுதி 10 ( நடுவில் நிற்க்கும் கஜேந்திரகுமார் பொன்னம்பலம் அவர்கள் உட்பட) பேர் தனிய நிற்பதும் கூட கூட்டமைப்பை இன்னும் சிறுபான்மையாக்குகிறது... உண்மையில் 2005 ல் மக்களின் அமோக ஆதரவோடு தெரிவு செய்ய பட்ட கூட்டமைப்பு 10 ம் 12 ஆக பிரிந்தால் 12 பேர் கொண்ட வர்களையே உண்மையான கூட்டமைப்பாக அங்கீகரிக்க வேண்டும்...

நீங்கள் சொல்லும் அந்த 12 பேரில், ஐரோப்பாவில் இருந்து கட்டுநாயக்கா விமான நிலையமூடாக எந்தவிதமான விசாரணையோ அல்லது கைதோ இன்றி யாழ்ப்பாணமும் சென்று, அங்கும் மிக (சு)தந்திரமாக வலம் வந்த/வந்துகொண்டிருக்கும் கஜேந்திரனும் இன்னும் சிலரும் இருக்கின்றனரா? இன்று பொன்சேகா போன்றோரையே கைது செய்து சிறைக்குள் தள்ள வழக்கு போடும் மகிந்த, ஐரோப்பா எங்கும் போர்க் காலத்தில் புலிகளுக்கு வெளிப்படையாக பிரச்சாரம் செய்த பத்மினி சிதம்பரநாதன் போன்றோரை ஏன் விட்டு வைத்திருக்கின்றது என்று யோசித்துப் பார்த்தீர்களா? த.தே.கூ இனை பிளக்க இனி டக்கிளஸ் தேவை இல்லை என்பதால் அவரை கழட்டி விட மகிந்த அணி முன்வருகின்றதென்றால், அவர்களுக்கு இன்னொரு குழுவின் ஆதரவு கிடைத்துள்ளது என்பதே காரணம். அந்தக் குழுவில் இந்த 12 பேரில் சிலர் உள்ளனர் என்று புரிந்து கொள்ள முடிகின்றதா?

புலிகளுக்கு ஆதரவு என்ற முகத்துடன் இன்னும் ஒரு குழு தமிழர் பலத்தை உடைக்க முனைகின்றது. வழக்கம் போல் எந்த தீர்க்கதரிசனமும் இல்லாத நாம் தமிழர் பலம் உடைபடுவதற்கு எம்மாலான அனைத்து உதவிகளையும் வழங்கி வருகின்றோம்

February 18, 201015 yr

நீங்கள் சொல்லும் அந்த 12 பேரில், ஐரோப்பாவில் இருந்து கட்டுநாயக்கா விமான நிலையமூடாக எந்தவிதமான விசாரணையோ அல்லது கைதோ இன்றி யாழ்ப்பாணமும் சென்று, அங்கும் மிக (சு)தந்திரமாக வலம் வந்த/வந்துகொண்டிருக்கும் கஜேந்திரனும் இன்னும் சிலரும் இருக்கின்றனரா? இன்று பொன்சேகா போன்றோரையே கைது செய்து சிறைக்குள் தள்ள வழக்கு போடும் மகிந்த, ஐரோப்பா எங்கும் போர்க் காலத்தில் புலிகளுக்கு வெளிப்படையாக பிரச்சாரம் செய்த பத்மினி சிதம்பரநாதன் போன்றோரை ஏன் விட்டு வைத்திருக்கின்றது என்று யோசித்துப் பார்த்தீர்களா? த.தே.கூ இனை பிளக்க இனி டக்கிளஸ் தேவை இல்லை என்பதால் அவரை கழட்டி விட மகிந்த அணி முன்வருகின்றதென்றால், அவர்களுக்கு இன்னொரு குழுவின் ஆதரவு கிடைத்துள்ளது என்பதே காரணம். அந்தக் குழுவில் இந்த 12 பேரில் சிலர் உள்ளனர் என்று புரிந்து கொள்ள முடிகின்றதா?

புலிகளுக்கு ஆதரவு என்ற முகத்துடன் இன்னும் ஒரு குழு தமிழர் பலத்தை உடைக்க முனைகின்றது. வழக்கம் போல் எந்த தீர்க்கதரிசனமும் இல்லாத நாம் தமிழர் பலம் உடைபடுவதற்கு எம்மாலான அனைத்து உதவிகளையும் வழங்கி வருகின்றோம்

அதே போல இன்னும் ஒரு கேள்வியை உங்களை நான் ஆசையா கேக்க விரும்புகிறன்...

ஊரிலை இருந்து வெளி நாட்டுக்கு தப்பி ஓடவே தேவை இல்லாது அங்கை தங்கி இருந்த தலைவர் மாரை பற்றி என்ன நினைக்கிறீயள்....??

தமிழ் தேசிய கூட்டமைப்பு எண்டது போராடும் அமைப்பு இல்லை... அப்படி போராடுபவர்களாக இருந்தால் பாலக்குமார் அண்ணை ஆக்கள் போல. அவர்கள் புலிகளோடை இணைக்க பட்டு இருப்பினம்... அப்படி அவர்களை இணைக்காது விட்டதின் முக்கிய காரணம் அவர்கள் சிங்களவர்களின் நாடாளு மண்றத்தில் போய் தமிழீழம் அமைத்து தர உதவுவார்கள் எண்டதுக்காகவும் இல்லை....

தமிழ் பாராளு மண்ற உறுப்பினர்களின் முக்கிய வேலையே புணர் வாழ்வு எண்று தமிழர்களை காட்டி அரசாங்கம் வாங்கி குவிக்கும் பணத்தில் கொஞ்சத்தை அரசிடம் இருந்து வாங்கி தமிழ மக்களுக்கு எதையாவது செய்து கொடுப்பதுக்காக... அதனால் தான் அவ்வளவு காலமும் இல்லாது போர் நிறுத்த காலங்களில் புலிகள் பாராளு மண்றம் போகும் கட்ச்சிக்கு ஆதரவை வளங்கினார்கள்...

Edited February 18, 201015 yr by தயா

February 18, 201015 yr

கருத்துக்கள உறுப்பினர்கள்

கூட்டமைப்பு என்பது இன்னும்வேகமாக உடைக்கப்படவேண்டியது.

அடிபணியும் அரசியலைச் செய்வதற்கு கூட்டமைப்பு எதற்கு??

அதற்குத்தான் டக்கியும் கருணாவும் இருக்கிறார்களே.

இந்தியா சொல்கின்றபடி வடக்கு-கிழக்கில் அரசியல்நடாத்தும் கூட்டமைப்பு சனநாயகரீதியாகவும் பலவந்தமாகவும்

உடைக்கப்படவேண்டும்.அகற்றப்படவேண்டும்.

முதலில் திருமலையில் நடைபெறும் குடியேற்றங்களை தடுத்துநிறுத்த வக்கில்லாத சம்பந்தர் சிங்களவனுடன் சேர்ந்து

ராசதந்திரம் செய்யவெளிக்கிடுவது..கூரை ஏறிக் கோழிபிடிக்க முடியாதவன் வானம் ஏறி வைகுந்தம் போறப்போல...

February 18, 201015 yr

கருத்துக்கள உறுப்பினர்கள்

இன்னமும் முடிவே அவர் எடுக்க இல்லை அதுகுள்ள உடைக்க வெளிக்கிட்டுட்டாங்கள், எல்லாரும் ஒரு தினிசாத்தான் திருயிறாங்கள் , அவங்களுக்கு என்ன அவசரமோ?

February 18, 201015 yr

கூட்டமைப்பு மீண்ட்ம் கூட்டமைப்பாக இருக்க வ்ழிகள்

1.இலங்கைத்தீவில் தமிழ்மக்களின் சுய நிர்ணய உரிமையை தேர்தலில் வ்லியுறுத்தல்

2.கூட்டமைப்பிலிருந்து தாமாகவே வெளியேறுபவர்களை விடுத்து மற்றய அனைவரையும்

மீண்டும் களமிறக்குதல். (சிறீ காந்தாவின் நிலமையை மற்றய உறுப்பினர்களுடன் ஆராய்தல்)

3.கூட்டமைப்பின் முடிவுகளை மத்தியகுழு மூலம் எடுத்தல்.

4.கட்சித்தலைமைகளுடன் மத்தியகுழுவில் ஏனைய உறுப்பினர்களையும் கணிசமான அளவில் உள்வாங்குதல்.

5.முக்கியமாக இனப்பிரச்னைக்கான அரசியல் தீர்வை முன்வைத்தல்.

6.தமிழர்களின் தலைமைத்துவம் இளையோரின் கைக்கு எத்ர்காலத்தில் கிடைக்க வழிமுறை செய்தல்.

7.முக்கியமாக மக்களின் கருத்துக்களுக்கு முக்கியத்துவம் கொடுத்தல்.

இன்னும் பல வழிகள் உண்டு.

மற்றவர்களும் யோசியுங்கோ!!

வாத்தியார்

................

மிக நல்ல ஆலோசனைகள்.

அத்துடன்,

(0) இடம்பெயர்ந்து பல பகுதிகளிலும் துயருடன் வாழும் மக்களை நேரில் சென்று, தரிசித்து, தங்கி அவர்கள் பிரச்சனைகளை விளங்கிக்கொள்தல்.

(1) கூட்டமைப்பின் தலைமை தமிழர்களின் பிரச்சினைகள் என்னவென்று விளங்கிக்கொள்தல்.

(2) உல்லாச, அடிவருடி, பொழுதுபோக்கு அறிக்கை அரசியலை விட்டுவிட்டு - மக்கள் பிரச்சினைகளுக்கு உடன் குரல் கொடுத்தல்

(3) சட்டத்தரனிமாரை தலைமை பொறுப்புகளில் இருந்து நீக்குதல் - அவர்கள் தமது அரைவேக்காட்டுதனங்களை நீதி மன்றில் காட்டடும்.

(4) இந்திய பயங்கரவாதிகளின் தொடர்புகளை முற்றாக துண்டித்தல்

February 19, 201015 yr

புலிகளுக்குப் பின் தமிழர்களுக்கு இருந்த தாயகத்தில் இருந்த ஒரே ஒரு அரசில் பலத்தை சிங்களம் உடைக்கும் என்று என்றே சிங்கலவங்களே சொல்லிவிட்டார்கள். அதை இங்கு நாமும் குறிப்பிட்டிருந்தோம்.

இன்று அதன் பலாபலன்கள் வெளியில் தெரிகின்றன.. தமிழர்களின் ஒற்றுமையை குலைக்கும் வேளையில் யாழ்க் களம் கூட தெரிந்தோ தெரியாமல் துணைபோனது.

கூட்டமைப்பு தவறு செய்யலாம் ஆனால் தவற்றை சரியான முறையில் விவாதித்து தீர்வு காணவேண்டும். அதுக்காக ஒற்றுமையை குலைக்கக் கூடாது.

ஏதோ ஒரு காரணத்துக்காக புலிகள் இந்த கூட்டை உருவாக்கினார்கள். இலக்கு அடையும் வரை இந்த கூட்டை உடைத்தவர்கள் இதுக்கு பொறுப்புக் கூறவேண்டும்.

மீண்டும் ராசா பக்ச வந்தால் இது நடக்கலாம் என்று எதிர்பார்த்ததுதான். என்ன செய்வது அவனது வெற்றி எங்கள் கைகளில் இருக்கவில்லை. இருந்தாலும் எதிரியின் திட்டத்தை உடைக்க ஒற்றுமையாக இருந்தால்தான் முடியும்.

February 19, 201015 yr

கருத்துக்கள உறுப்பினர்கள்

புலிகளுக்குப் பின் தமிழர்களுக்கு இருந்த தாயகத்தில் இருந்த ஒரே ஒரு அரசில் பலத்தை சிங்களம் உடைக்கும் என்று என்றே சிங்கலவங்களே சொல்லிவிட்டார்கள். அதை இங்கு நாமும் குறிப்பிட்டிருந்தோம்.

இன்று அதன் பலாபலன்கள் வெளியில் தெரிகின்றன.. தமிழர்களின் ஒற்றுமையை குலைக்கும் வேளையில் யாழ்க் களம் கூட தெரிந்தோ தெரியாமல் துணைபோனது.

கூட்டமைப்பு தவறு செய்யலாம் ஆனால் தவற்றை சரியான முறையில் விவாதித்து தீர்வு காணவேண்டும். அதுக்காக ஒற்றுமையை குலைக்கக் கூடாது.

ஏதோ ஒரு காரணத்துக்காக புலிகள் இந்த கூட்டை உருவாக்கினார்கள். இலக்கு அடையும் வரை இந்த கூட்டை உடைத்தவர்கள் இதுக்கு பொறுப்புக் கூறவேண்டும்.

மீண்டும் ராசா பக்ச வந்தால் இது நடக்கலாம் என்று எதிர்பார்த்ததுதான். என்ன செய்வது அவனது வெற்றி எங்கள் கைகளில் இருக்கவில்லை. இருந்தாலும் எதிரியின் திட்டத்தை உடைக்க ஒற்றுமையாக இருந்தால்தான் முடியும்.

தமிழ்க் கூட்டமைபின் உறுப்பினர்களது இணைய, தொலைபேசி, மடல் முகவரிகளை இணைத்தால், அவர்களுக்கு நேரடியாகவே கருத்தகளை அனுப்புவது பயனுடையதாக இருக்கும். நம் வெறுமனே எமக்குள் எழுதுவதால் ஏதாவது மாற்றத்தைக் காண முடியுமா?

February 19, 201015 yr

கருத்துக்கள உறுப்பினர்கள்

உடைகிறதோ ...... கூட்டமைப்பப்பற்றி எழுதினதுகளை போய் பாத்தால் தெரியும் எத்தினையோபேர் இங்க சண்டிக்கட்டோட நிக்கிது.

February 19, 201015 yr

கருத்துக்கள உறவுகள்

கூட்டமைப்பு உடைய வேண்டுமென்று தமிழர் நலன் விரும்புபவர்கள் வலுக்கட்டாயமாக ஒரு போதும் சிந்திக்க மாட்டார்கள்;.ஆனால் அவர்களை அந்த நிலைக்கு கூட்டமைப்பின் தலமையே கொண்டு வந்து நிறுத்தியிருக்கிறது.கஜேந்திரன் கைது செய்யப்படாமல் கட்டுநாயக்காவிற்குள்ளால் போனது எப்படி என்ற சந்தேகம் கிளப்புவர்கள் உண்மையில் சிண்டு முடிந்து விடுகிறார்கள். தமிழ் மக்களை இப்படி இருக்குமோ அப்படி இருக்குமோ என்று குழப்பி விடுகிறார்கள்.வெளிநாட்டில் இருந்த காலத்தில் அவர் பல வெளிநாட்டுப் பிரதிநிதிகளுடன் தொடர்புகளை ஏற்படுத்தி இருப்பார். அவர் கைது செய்யப்படுவது பல வெளிநாடுகளுக்குத் தெரியவரும்.ஆதுக்காக வெளிநாடுகள் உடனே தலையிடும் என்ற சொல்லவில்லை. ஆனால் உலக சமுகத்தில் இழந்து கொண்டிருக்கும் மதிப்பை சிறிலங்கா மேலும் இழக்கும்.அட போங்கப்பா விடுதலைப்புலிகளின் முக்கியஸ்தர்களே கட்டு நாயக்காவில் நின்று கண்காணிப்பு? செய்யும் 'சூழ்நிலைக் கைதிகளாக வேலை செய்வதாக போய் வந்தவர்கள் சொல்கிறார்கள்.வன்னி எம்பி கனகரெட்னம் மகிந்தவுக்கு ஆதரவு குடுக்கும் 'சூழ்நிலை' .(இவர் செல்லக்கிளியின் சகோதரர் என்று சொல்கிறார்கள் சரியாகத் தெரியவில்லை).இந்த நிலமையில் கஜேந்திரனைக் கைது செய்யாததுதான் உங்களுக்குக் கவவையாக இருக்கிறதோ?

February 19, 201015 yr

கருத்துக்கள உறுப்பினர்கள்

கூட்டமைப்பு உடைய வேண்டுமென்று தமிழர் நலன் விரும்புபவர்கள் வலுக்கட்டாயமாக ஒரு போதும் சிந்திக்க மாட்டார்கள்;.ஆனால் அவர்களை அந்த நிலைக்கு கூட்டமைப்பின் தலமையே கொண்டு வந்து நிறுத்தியிருக்கிறது.கஜேந்திரன் கைது செய்யப்படாமல் கட்டுநாயக்காவிற்குள்ளால் போனது எப்படி என்ற சந்தேகம் கிளப்புவர்கள் உண்மையில் சிண்டு முடிந்து விடுகிறார்கள். தமிழ் மக்களை இப்படி இருக்குமோ அப்படி இருக்குமோ என்று குழப்பி விடுகிறார்கள்.வெளிநாட்டில் இருந்த காலத்தில் அவர் பல வெளிநாட்டுப் பிரதிநிதிகளுடன் தொடர்புகளை ஏற்படுத்தி இருப்பார். அவர் கைது செய்யப்படுவது பல வெளிநாடுகளுக்குத் தெரியவரும்.ஆதுக்காக வெளிநாடுகள் உடனே தலையிடும் என்ற சொல்லவில்லை. ஆனால் உலக சமுகத்தில் இழந்து கொண்டிருக்கும் மதிப்பை சிறிலங்கா மேலும் இழக்கும்.அட போங்கப்பா விடுதலைப்புலிகளின் முக்கியஸ்தர்களே கட்டு நாயக்காவில் நின்று கண்காணிப்பு? செய்யும் 'சூழ்நிலைக் கைதிகளாக வேலை செய்வதாக போய் வந்தவர்கள் சொல்கிறார்கள்.வன்னி எம்பி கனகரெட்னம் மகிந்தவுக்கு ஆதரவு குடுக்கும் 'சூழ்நிலை' .(இவர் செல்லக்கிளியின் சகோதரர் என்று சொல்கிறார்கள் சரியாகத் தெரியவில்லை).இந்த நிலமையில் கஜேந்திரனைக் கைது செய்யாததுதான் உங்களுக்குக் கவவையாக இருக்கிறதோ?

இப்பிடியெல்லாம் விசியம் இருக்கே! பொன்னாடை போத்தினதுகள் காலில விழுந்ததுகள விட வேறயும் இருக்குது போல

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

முன்னோடி - அடிப்படை சுகாதார வசதி திட்டம்

சின்னம் பற்றி எனக்கும் எந்த மாறுபாடும் இல்லை.

By goshan_che · 40 minutes ago40 min
இரு வர்ணத்தில் இனிய பாடல்கள்.....!

உங்களுக்கும் எனக்கும் நல்ல வழி பிறக்கட்டும் .

By நிலாமதி · 41 minutes ago41 min
சோனியா காந்தி மருத்துவமனையில் அனுமதி : தீவிர கண்காணிப்பில் இருப்பதாக தகவல்

நீங்கள் கூறியது போல் ஈழத்தமிழர் நேர்மையாக இருக்கவேண்டும் என்று நான் கூறினேனா? நடக்காததை கூற எனக்கு என்ன விசரா?
எப்படி ஈழத்தமிழர் அரசியல் நேர்மையாக இல்லையோ அதே போல் உலக அரசியலும் நேர்மையாக இல்லை என்ற உண்மையை மட்டுமே கூறினேன். பொறுப்ப ற்று நடந்துவிட்டு அதன் விளைவாக குத்துது குடையுது என்று கத்துவதிலோ அடுத்தவனை திட்டுவதுலோ பிரயோசனம் இல்லை, என்று மட்டுமே கூறினேன்.
தீதும் நன்றும் பிறர் தர வரா

By island · 1 hour ago1 hr
"அறிவியல் நோக்கில் 'இலங்கையின் காலவரிசைப்படி நிகழ்வுகளை பதிவு செய்த பண்டைய இலங்கை நூல்களில் [நாளாகமம்களில்]' ஒரு பார்வை" / "A look at 'Lanka chronicles' from a scientific perspective" / In Tamil & English

"அறிவியல் நோக்கில் 'இலங்கையின் காலவரிசைப்படி நிகழ்வுகளை பதிவு செய்த பண்டைய இலங்கை நூல்களில் [நாளாகமம்களில்]' ஒரு பார்வை" / "A look at 'Lanka chronicles' from a scientific perspective" / In Tamil & English

"அறிவியல் நோக்கில் 'இலங்கையின் காலவரிசைப்படி நிகழ்வுகளை பதிவு செய்த பண்டைய இலங்கை நூல்களில் [நாளாகமம்களில்]' ஒரு பார்வை" / "A look at 'Lanka chronicles' from a scientific perspective" / In Tamil & English / பகுதி Part: 88

[This detailed Tamil article is based on the unfinished historical book 'History of Sri Lanka' by my late friend, Mr. Kandiah Easwaran, a civil engineer. The English summary below is his own version. / இந்த விரிவான தமிழ் கட்டுரை, எனது மறைந்த நண்பர், பொறியியலாளர் திரு. கந்தையா ஈஸ்வரன் எழுதிய முடிக்கப்படாத "இலங்கை வரலாறு" என்ற புத்தகத்தை அடிப்படையாகக் கொண்டது. கீழே உள்ள ஆங்கிலச் சுருக்கம் அவரது சொந்தப் பதிப்பாகும்.]

பகுதி: 88 / பின் இணைப்பு – மகாவம்சத்தின் சுருக்கம் / அத்தியாயம் 01 முதல் அத்தியாயம் 37 வரை

துட்டகாமினிக்கும் அவரது தம்பி சத்தாதிச்சனுக்கும் இடையே ஒரு சண்டை நடக்கிறது, அது ஒரு மகிழ்ச்சியான முடிவைக் கொண்டிருந்தது. துட்டகாமினி, தந்தை காவன்தீசன் அல்லது காகவண்ண தீசனுடன் சண்டையிட்டு மலாயாவுக்கு தப்பி ஓடினார். மலாயாப் பகுதி பொதுவாக கண்டி, மாத்தளை மற்றும் நுவரெலியா போன்ற பகுதிகள் உட்பட இன்றைய இலங்கையின் மத்திய மலைநாட்டுடன் தொடர்புடையது. இது இலங்கை வரலாற்றில் குறிப்பிடத்தக்க பங்கைக் கொண்டிருந்தது, குறிப்பாக பல்வேறு மோதல்களின் போது அடைக்கலம் மற்றும் எதிர்ப்பின் இடமாக இருந்தது. எனவே அத்தருணத்தில், குறைந்தது நான்கு இராச்சியங்கள் இருந்ததற்கான அறிகுறியாக இதை எடுத்துக்கொள்ளலாம். ஒன்று அனுராதபுரத்தில், இன்னொன்று ரோஹனாவில் [Rohana அல்லது உருகுணை / Ruhuna], இன்னொன்று கல்யாணி மற்றது மலாயா ஆகும். வவுனியா மற்றும் வடக்கே எந்த குறிப்பும் இல்லை. எனவே, அநேகமாக குறைந்தது ஐந்து இராச்சியங்கள் இருந்திருக்க வேண்டும் என்று நாம் ஊகிக்கலாம்.

துட்டகாமினிக்கும் அவரது சகோதரர் சத்தாதீசனுக்கும் இடையில் பிக்குகள் மலையை உருவாக்கினர். இவை போன்ற பல நிகழ்வுகள் இந்து புராணங்களிலும் இந்தியா இதிகாசங்களிலும் மற்றும் பண்டைய தமிழ் இலக்கியத்திலும் இருந்து நகல் எடுக்கப்பட்டவையாக இருக்கலாம். எனவே வரலாறு என்ற வகையில் எந்த தீவிர விவாதத்திற்கும் தகுதியற்றது. துட்டகாமினி தனது ஈட்டியில் ஒரு புத்தரின் நினைவுச்சின்னத்தை [தாதுவை] வைத்தார். புத்தரின் நினைவுச்சின்னத்தை அவர் எப்படிப் பெற்றார்? அமைதியை விரும்பும் புத்தர், ஒரு சிறந்த நீதி தவறாத மன்னன் எல்லாளனுக்கு எதிராக துட்டகாமினிக்கு மகிழ்ச்சியுடன் உதவினார்! அப்படியானால், புத்தருக்கு என்ன மாதிரியான ஞானம் கிடைத்தது! நீங்களே சொல்லுங்கள்?

வரலாற்று ரீதியாக அகிம்சை மற்றும் இரக்கத்தின் போதகரான புத்தர், மகாவம்சத்தில் துட்டகாமினியின் எல்லாளனுக்கு எதிரான போரை மறைமுகமாக ஆதரிப்பதாக சித்தரிக்கப்படுகிறார். இந்த முரண்பாடு குறிப்பிடத்தக்க நெறிமுறை மற்றும் தத்துவ கவலைகளை, உண்மையில் புத்தரைப் பற்றி அறிந்தவர்கள் மனதில் எழுப்புகிறது என்பதே உண்மை.

மகாவம்சம் போரை நியாயப்படுத்த முயற்சிக்கிறது, இது பௌத்தத்திற்கும் (துட்டகாமினியால் பிரதிநிதித்துவம் செய்யும்) பௌத்தர் அல்லாதவர்களுக்கும் (எல்லாளனும் தமிழர்களும்) இடையிலான போராகக் காட்டுகிறது. இருப்பினும், வரலாற்று ஆதாரங்கள் எல்லாளன் ஒரு நீதியுள்ள மற்றும் மரியாதைக்குரிய மன்னராக இருந்தார். அவர் சிங்களவர்கள் மற்றும் தமிழ் குடிமக்கள் இருவரையும் நியாயமாக ஆட்சி செய்தார் என்பதைக் குறிக்கிறது.

இந்த முரண்பாட்டை சரிசெய்ய, மகாவம்ச பௌத்த துறவிகள் துட்டகாமினிக்கு, போரில் பௌத்தர் அல்லாதவர்களைக் கொல்வது தீய கர்மாவுக்கு வழிவகுக்காது, ஏனெனில் அவர்களில் சிலர் மட்டுமே உண்மையிலேயே தர்மத்தை ஏற்றுக்கொண்டனர் என்று உறுதியளிக்கும் ஒரு பகுதியை உள்ளடக்கியது. இந்த நியாயப்படுத்தல் சிக்கலானது மற்றும் அகிம்சை பற்றிய முக்கிய பௌத்த போதனைகளுக்கு முரணானதும் ஆகும். சுருக்கமாக புத்தரை நெஞ்சில் குத்தி ஞாயப்படுத்துவது வேடிக்கையாக இருக்கிறது?

எனவே, மகாவம்சம் ஒரு முக்கியமான வரலாற்று ஆதாரமாக இருந்தாலும், வரலாறு, புராணக்கதை மற்றும் மத பிரச்சாரம் ஆகியவற்றைக் கலக்கும் ஒரு ஆழமான சார்புடைய உரையாகவும் இருக்கிறது. புத்தர் போருக்கு ஆதரவளிப்பதாகக் கூறப்படுவது, போரில் ஏமாற்றுதலைப் பயன்படுத்துவது மற்றும் துட்டகாமினியின் செயல்களை மகிமைப்படுத்துவது போன்ற முரண்பாடுகள் போன்றவற்றை வெளிப்படையாக காண்கிறோம். இலங்கையின் கடந்த காலத்தைப் பற்றிய மிகவும் சமநிலையான புரிதலைப் பெற, மகாவம்சத்தை விமர்சன ரீதியாகப் படித்து, மற்ற வரலாற்று ஆதாரங்களுடன் ஒப்பிட்டுப் பார்ப்பது மிகவும் முக்கியம் என்று நம்புகிறேன்.

துட்டகாமினி தித்தம்பன் [Titthamba] என்ற தமிழனை எதிர்த்து நான்கு மாத காலம் கடுமையாகப் போரிட வேண்டியிருந்தது. அப்படி இருந்தும் தித்தம்பனை தோற்கடிப்பது கடினமாக இருந்தது. பின்னர் பலமுள்ள எதிரியை அவனால் சூழ்ச்சியால் தான் வெற்றிகொள்ள முடிந்தது. தாயாரைக் காட்டி அவனை வெற்றி கொண்டான். மகாவம்சத்தில் இது வெளிப்படையாகக் கூறப்படவில்லை என்றாலும், மொழிபெயர்ப்பில் உள்ள அடிக்குறிப்புப்படி, டிகா [Tika, மகாவம்சம் பற்றிய விளக்கங்கள், தெளிவுபடுத்தல்கள் மற்றும் முக்கிய உரை பற்றிய கூடுதல் விவரங்களை வழங்க பின்னர் எழுதப்பட்ட ஒரு வர்ணனை அல்லது விளக்கக் குறிப்பைக் இது குறிக்கிறது.] என்ற விளக்கத்தில் இது கூறப்பட்டுள்ளது. அதைத் தொடர்ந்து ஏற்பட்ட குழப்பத்தில் தித்தம்பன் கொல்லப்பட்டார். காமனி என்ன விதமான சூழ்ச்சிசெய்தான்? தாயாரைக் காட்டி எப்படி வெற்றி கொண்டான் என்ற விவரம் தெளிவாகத் தெரியவில்லை. மகாவம்சத்தின் ஆசிரியரான மகாநாமா, எந்த நிலைக்கும், ஒருவரின் சொந்த தாயை எதிராளிக்குக் கொடுக்கும் அளவிற்கு கூட, குனியத் தயாராக இருந்தார் என்பது இங்கு தெரிகிறது. தனது தாயின் ஆலோசனையின் பேரில் கசகலவில் [Kasagala] இருந்து தொலைவில் ஒரு கோட்டையைக் கட்டி, எதிரிப் படைகளைத் தவறாக வழிநடத்தி, மற்றும் எதிரித் தளபதியான மகேலவைப் [Mahela] பிடிக்க ஒற்றர்களைப் பயன்படுத்தி, தனது காரியத்தை துட்டகாமினி நிறைவேற்றினான். ஐரோப்பிய உலகிற்கு மகாவம்சத்தை முதன்முதலில் அறிமுகப்படுத்திய காலனித்துவ அரசு ஊழியரான ஜோர்ஜ் டேனர் அல்லது ஜோர்ஜ் டர்னர் (George Turnour Jnr; 11 மார்ச் 1799 – 10 ஏப்ரல் 1843), மேலே கூறிய எல்லாவற்றையும் "ராஜதந்திர உத்தி மூலம்" என்று விளக்கினார். ஜோர்ஜ் டேனர் மகாவம்சத்தை தனது சொந்த குழந்தையாகவோ அல்லது தனது கண்டுபிடிப்பாகவோ கருதியதால் மகாவம்சத்திற்கு மிகவும் சாதகமான நிலைப்பாட்டை எடுத்தார் என்று எண்ணுகிறேன்.

Part: 88 / Appendix – Summary of the Mahavamsa / Chapter 01 to Chapter 37

There is a quarrel between Duttha Gamni and his younger brother Tissa, and it had a happy ending. Duttha Gamani fell out with the father, Kakkavanna Tissa, and fled to Malaya. This is an indication that there were at least four kingdoms, One in Anuradhapura, another one in Rohana, another one in Kalyani and a fourth in Malaya. There is no reference to Vavuniya and further north. Most probably there must have been at least five kingdoms, with another one to the North of Vavuniya. Bikkhus created mountain between Dutthagamani and his brother Tissa. This is nonsense and merits no serious discussion as history.

Dutthagamani put a relic onto his spear. How did he come into possess the Buddha’s relic? The peace loving Buddha happily assisted Duttha Gamani against an excellent monarch Elara! What kind of enlightenment the Buddha had! Dutthagamani fought with Damila Titthamba for four months. Duttha Gamni found it difficult to defeat Titthamba. Then Duttha Gamni in a sly manner indirectly indicated that he would give his mother in marriage by placing his mother along with him in the battlefield. It is not explicitly stated so in the Mahavamsa, but it is stated so in the Tika, the commentary, as per the foot note in the Geiger’s translation. In the ensuing confusion, Titthamba was killed. The Mahanama, the author of Mahavamsa, prepared to stoop to any level, even to the extent of giving one’s own mother to the opponent.

In another battle with Elara’s commander Mahela, Duttha Gamni cunningly defeated Mahela. George Turnour, the Colonial Civil Servant who first introduced Mahavamsa to the European world, glossed this as “by diplomatic Stratagem”. George Turnour took a very favourable stand with Mahavamsa as he considered the Mahavamsa his own baby, or his discovery.

நன்றி
Thanks

[கந்தையா தில்லைவிநாயகலிங்கம்,
அத்தியடி, யாழ்ப்பாணம்]

[Kandiah Thillaivinayagalingam,
Athiady, Jaffna]

பகுதி / Part: 89 தொடரும் / Will follow

துளி/DROP: 1992 ["அறிவியல் நோக்கில் 'இலங்கையின் காலவரிசைப்படி நிகழ்வுகளை பதிவு செய்த பண்டைய இலங்கை நூல்களில் [நாளாகமம்களில்]' ஒரு பார்வை" / "A look at 'Lanka chronicles' from a scientific perspective" / In Tamil & English / பகுதி Part: 88]
https://www.facebook.com/groups/978753388866632/posts/33269433679371851/?

By kandiah Thillaivinayagalingam · 3 hours ago3 hr
முன்னோடி - அடிப்படை சுகாதார வசதி திட்டம்

இந்த சின்னத்திற்கு யாரும் எதிர்ப்புத் தெரிவிக்கவில்லை
ஆகவே இதையே முன்னோடி - அடிப்படை சுகாதார வசதி திட்டம் 2026 - யாழ் எங்கள் முன்னோடி சின்னமாகப் பாவிக்கலாம் என்று நினைக்கின்றேன்

சிறு துளிகள் சேரும் பொது தான் பெரும் வெள்ளம் என்பார்கள்
அதற்கேற்ப உறவுகளே உங்கள் உதவிகளை இயலுமான வரையில் அனுப்பி வைத்தால் எங்கள் முன்னோடி அடிப்படை சுகாதார வசதித் திட்டம் யாழ் இனூடாக எங்கள் மக்கள் நன்மை அடைவார்கள்
நன்கொடையை அனுப்பி வைத்த உறவிற்கு கோடி நன்றிகள்

By வாத்தியார் · 3 hours ago3 hr

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 28 replies
ரஞ்சித்

December 7, 2025Dec 7
Featured by மோகன்

December 8, 2025Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 11 replies
இளைஞன்

February 15, 200916 yr
Featured by மோகன்

November 25, 2025Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22, 2025Nov 22
Featured by மோகன்

November 23, 2025Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5, 2025Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18, 2025Oct 18

View All

Sign In

உடைகிறது கூட்டமைப்பு! தவிர்ப்பது எவ்வாறு?

Featured Replies

Archived

Tell a friend

Topics

அரச சேவையில் புதிதாக 26,095 பேரை இணைத்துக்கொள்ள அமைச்சரவை அங்கீகாரம்

கிளிநொச்சியில் ஆடை தொழிற்சாலையில் ஒன்றரை வருடமாக நடந்த திருட்டு அம்பலம் - இருவர் கைது!

6 ஆண்டுகளில் 390 கோடி ரூபாய் இழப்பு : மத்தள விமான நிலையத்தை மீட்க புதிய திட்டம்

கல்வி சீர்திருத்தத்திற்கு எதிர்ப்பு: விமல் வீரவன்ச சத்தியாக்கிரக போராட்டம்!

ஈரானில் தீவிரமடையும் போராட்டம்: இணைய சேவைகள் முடக்கம்

Posts

முன்னோடி - அடிப்படை சுகாதார வசதி திட்டம்

இரு வர்ணத்தில் இனிய பாடல்கள்.....!

சோனியா காந்தி மருத்துவமனையில் அனுமதி : தீவிர கண்காணிப்பில் இருப்பதாக தகவல்

முன்னோடி - அடிப்படை சுகாதார வசதி திட்டம்

Featured Content

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

சாத்தான் படை (IPKF)

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

தாயகத்தின் தாய் – ச.பொட்டு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

Important Information

Account

Navigation

Search

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)