தமிழ்க்கட்சிகளின் ஒற்றுமைக்குக் கிடைத்துள்ள நல்லதொரு சந்தர்ப்பத்தை நாம் தவறவிடோம்! - சிவாஜிலிங்கம்

தமிழ்க்கட்சிகளின் ஒற்றுமைக்குக் கிடைத்துள்ள நல்லதொரு சந்தர்ப்பத்தை நாம் தவறவிடத்தயாராக இல்லை” எனவும் தமிழரசுக் கட்சிசார்பில் வல்வெட்டித்துறை நகரசபைக்கான தலைமைவேட்பாளராக தான் நிறுத்தப்பட்டுள்ளதாகவும் தமிழ்த் தேசியக் கூட்டமைப்பின் முன்னால் பாராளுமன்ற உறுப்பினர் எம். கே. சிவாஜிலிங்கம் இன்று நடைபெற்ற பத்திரிகையாளர் சந்திப்பின்போது தெரிவித்துள்ளார்.

இது தொடர்பில் அவர் மேலும் தெரிவிக்கையில்,

நவசமாசவாஜி கட்சியுடன் இணைந்து நடைபெறவுள்ள உள்ளூராட்சி சபைகளுக்கான தேர்தலில் தாம் போட்டியிடுவதை தாம் கைவிடப்பட்டுள்ளதாகவும் குறிப்பாக திருகோணமலை மாவட்டத்தில் முன்று பிரதேச சபைகளில் போட்டியிடுவதற்கான வேட்பு மனுக்களை நாம் தாக்கல் செய்துள்ளதாகவும் அவற்றிலிருந்து தாம் விலகிக்கொள்வதாகவும் தெரிவித்தார்.

கடந்த பாராளுமன்றத்தேர்தல் காலத்தில் இடதுசாரி முன்னணியுடன் நாம் செய்து கொண்டுள்ள ஒப்பந்தம் இன்னமும் நடைமுறையில் உள்ளது.

தமிழ் கூட்டமைப்பு தமிழர் விடுதலைக்கூட்டணி மற்றும் புளெட் ஆகியவற்றை சேர்த்துக் கொண்டதுடன் எம்மை நிராகரித்தது.

இதனால் நவசமாசவாஜி கட்சியுடன் இணைந்து வடக்குக் கிழக்கில் போட்டியிடுவதற்காக திருகோமலை மாவட்டத்தில் மூன்று பிரதேச சபைகளில் வேட்பு மனுத் தாக்கல் செய்துள்ள நிலையில் கூட்டமைப்பின் அழைப்பு வந்தது. தமிழ்க் கட்சிகளின் ஒற்றுமைக்குக் கிடைத்துள்ள நல்லதொரு சந்தர்ப்பத்தை நாங்கள் தவறவிடத் தயாராக இல்லாதனால் இவ்வழைப்பினைப் பயன்படுத்தி தமிழ்த் தேசியக் கூட்டமைப்புடன் இணைந்து போட்டியிடத் தாயராகிவிட்டோம்.

எனவே, நவசமாசவாஜி கட்சி சார்பில் நாம் போட்டியிட விருந்த சகல பிரதேச சபைகளில் இருந்தும் நாம் விலகிக் கொள்கிறோம் என்றார்.

http://www.tamilcnn.info/index.php?option=com_content&view=article&id=17546:2011-01-26-18-27-51&catid=54:2009-12-16-09-39-33&Itemid=410

காட்டி கொடுத்து புலிகள் அழிக்க பட வேண்டும், என்று அரசுடன் சேர்ந்தியங்கிய புளட் சித்தார்த்தனை தமிழ் தேசிய கூட்டமைபு சேர்க்கலாம் என்றால் ஏன் சிவாஜிலிங்கத்தை சேர்க்க கூடாது?

தமிழ் தேசிய கூட்டமைப்பையும் சோரம் போக செய்யும் அரசின் செயலாகவே புளட் இதற்குள் இணைக்க பட்டுள்ளது..

புளட், ஆனந்த சங்கரி எல்லாம் இல்லாமல் போகும் காலம் வந்து விட்டது. தாங்கள் மீண்டும் அரசியல் செய்ய நல்ல தோனி தேடி ஒற்றுமை என்ற பெயரில் சேர்கிறார்கள்.

கள்ளர் ஒரு போதும் திருந்தமாட்டார்கள்.

விடுதலைப்புலிகளை கொச்சை படுத்தியவர்கள் இப்போ திருந்தி விட்டார்கள் அல்லது உணர்ந்து விட்டார்கள் என்பது பம்மாத்து.

த.தே. கூ போகும் பாதை புரியாத பாதையாக மாறிக் கொண்டு வருகிறது. தமிழ் தேசியம் என்ற பெயரை வைச்சுக் கொண்டு.. என்ன கூத்தும் போடலாம்.. அரசியல் செய்யலாம் என்று சம்பந்தரும் மற்றவர்களும் தீர்மானிச்சிட்டினம் போல.

சித்தார்தனையும்.. சங்கரியையும் இணைத்து அவர்களுக்கு தமிழ் தேசியத்தின் பெயரால் வாக்கு வாங்கிக் கொடுக்க.. அவர்கள் தமிழ் தேசியத்துக்கு என்ன செய்தார்கள் என்பதையும் த.தே. கூ மக்களுக்கு சொல்லியாக வேண்டும்..!

மக்களின் துயரைக் கூட பொருட்படுத்தாமல்.. புலிகளை ஒழி.. புலியை அழி.. என்று மக்களை இவ்வளவு துன்பத்துக்குள் தள்ளியவர்களில்.. டக்கிளஸ்.. சித்தார்த்தன்.. வரதராஜப்பெருமாள்.. சங்கரி.. உட்பட பலர் காரணம் என்பதை மக்கள் மறந்துவிடமாட்டார்கள். இதை த.தே.கூ ஞாபகத்தில் வைத்துக் கொள்ள வேண்டும்.

இந்தியாவின் சொல்லைக் கேட்பவர்களே இவர்கள் எல்லோரும்.அதனால்தான் அதற்கு ஒத்துவராத தமிழ்த் தேசியச் செயற்பாட்டாளர்களை ஒதுக்கி வைத்திருக்கிறார்கள்.உற்றுமை என்பது எல்லோரும் ஓர் அணியில் திரள்வது.மக்கள் அம்முறையும் தேர்தலில் பெரிய அக்கறை காட்ட மாட்டார்கள்.பாராளுமன்றத் தேர்தலில் இல்லாத ஒற்றுமை இப்ப வந்து என்னத்தைக் கிழிக்கப் போகுது?

பியதாச காலை வாரியது போல் இவர்களும் நிச்சயமாக காலை வாருவார்கள்.