அழிந்து வரும் குருவி இனங்களை காக்க இயற்கை ஆர்வலர்கள் நடவடிக்கை

கடையநல்லூர்: அழிந்து வரும் குருவி இனங்களை காக்க கடையநல்லூர் மற்றும் அதன் சுற்று வட்டாரப் பகுதிகளில் இயற்கை ஆர்வலர்கள் நடவடிக்கை எடுத்து வருகின்றனர்.

உலக அளவில் ஏராளமான காடுகள் அழிக்கப்படுவது, அதிக அளவில் ரசாயனம், பூச்சிக் கொல்லிகள் பயன்படுத்துவது, சுற்றுச்சூழல் பாதிக்கப்படுவது, தட்பவெட்ப நிலை மாறுவது உள்பட பல்வேறு காரணங்களால் ஏராளமான பறவை இனங்கள் அழிந்து வருகின்றன.

உலக அளவில் சுமார் ஆயிரத்து 226 பறவை இனங்கள் அழிவை நோக்கி சென்று கொண்டிருக்கிறது. இந்தியாவில் 88 ரக பறவைகள் வேகமாக அழிந்து வருவதாக பறவைகளின் பாதுகாப்புக்காக இயங்கி வரும் உலக அளவிலான அமைப்பு கூறுகிறது.

உலக அளவில் அதிக அளவு பறவை இனங்கள் அழிந்து வரும் நாடுகளில் இந்தியா 7-வது இடத்தில் உள்ளது. முதலிடத்தில் பிரேசில் உள்ளது. இந்த நாட்டில் 141 பறவை இனங்கள் வேகமாக அழிந்து வருகின்றன. 7-வது இடத்தில் உள்ள இந்தியாவில் 88 பறவை இனங்கள் அழிந்து வருகிறது.

மக்கள் அதிகம் வசிக்கும் பகுதிகளில் தற்போது ஏரளமான செல்போன் டவர்கள் அமைக்கப்படுவதால் தான் நாம் அன்றாடம் காணும் குருவி இனம் அழிந்து வருவதாக கூறப்படுகிறது. சில ஆண்டுகளுக்கு முன் வீடுகளில் சர்வ சாதாரணமாக பறந்து தொந்தரவு கொடுக்கும் குருவிகளை தற்போது பார்ப்பதே அரிதாக உள்ளது.

குருவி இனத்தை பார்க்காமலேயே வளர்ந்து வரும் இளம் தலைமுறையினர்கள் குருவிகளைப் பற்றி தெரிந்து கொள்ள வேண்டும் என இயற்கை ஆர்வலர்கள் விரும்புகின்றனர். கடையநல்லூரைச் சேர்ந்த சிவகுமார் என்பவர் தான் சந்திக்கும் மாணவர்கள் மற்றும் இயற்கை ஆர்வலர்களிடம் குருவி வளர்ப்புக்கு அட்டை பெட்டி வழங்கி வீடுகளில் வைத்து குருவிகளை வளர்க்க ஊக்கப்படுத்துகிறார்.

அட்டைப் பெட்டிகளில் குருவி சென்று வர ஓட்டை அமைத்து உள்ளே உமி மற்றும் வைக்கோல் வைத்து அடைக்கப்பட்டுள்ள இந்த கூடு தற்போது கடையநல்லூர் பகுதியில் பிரபலமாகி வருகிறது. எனவே, வருங்கால சந்நதியினர்கள் அறிந்து கொள்ளும் வகையில் குருவி உள்பட அழிந்து வரும் அனைத்து பறவைகளையும் பாதுகாப்பது மக்கள் ஒவ்வொருவரின் கடமையாகும்.

http://thatstamil.oneindia.in

குருவிகள் கெட்டிக்காறர் நெடுக்காலை வெட்டித் தப்பீடுவினம்.

எனக்கும் குருவிகள் மீது அதிக அக்கறையும் அன்பும் உண்டு. குருவிகளைப் பற்றி படிக்க வேண்டும் என்பதற்காகவே Ornithology ஐ யுனில் ஒரு பாடமாக கற்றுக் கொண்டேன். அப்போதே குருவிகள் மீது ஆபத்துக்கள் பலவழிகளும் சூழ்கின்றன என்பதை தெளிவாக அறிந்து கொள்ள முடிந்தது. அதன் பின் அவற்றின் மீதான கருசணையை மக்களிடம் கொண்டு செல்ல வேண்டும் என்று அக்கறைப் பட்டிருக்கிறேன்.

இங்கிலாந்தில் சூழல் அழிப்பு.. வாகன விபத்துக்கள் மற்றும் விவசாய இடங்கள் மற்றும் பொருட்களின் நஞ்சாதல்.. இரைகள் நஞ்சாதல்..ஆகியவற்றால் தான் அதிகம் குருவிகள் மடிகின்றன. இந்தியாவில் தொலைத்தொடர்பு கோபுரங்கள் வெளியிடும் சக்தி வாய்ந்த மின்காந்தக் கற்றைகளாலும் குருவிகள் அழிவைச் சந்தித்து வருகின்றன.

இந்தக் காரணிகளில் மக்கள் கவனம் செலுத்தி குருவிகளுக்கு நல்ல பாதுகாப்பான சுற்றுச் சூழலை ஏற்படுத்திக் கொடுக்க வேண்டும். அதற்கு மக்கள் குருவிகள் தொடர்பில் விளிப்புணர்வு பெற வேண்டும். மக்கள் அவற்றை தமது குழந்தைகளாக கருத வேண்டும். அப்போதுதான் குருவிகள் இந்த அழகிய பூமிப்பந்தில்.. வாழ முடியும். அந்த வகையில் பதியப்பட்ட இந்தச் செய்திக்கு நன்றி.

Edited June 30, 201114 yr by nedukkalapoovan

இப்பவெல்லாம் பராமரிக்க நேரமின்மையால் வீட்டுத் தோட்டத்தில் உள்ள மரம், செடிகளை அகற்றி விட்டு கொங்கிரீட் தளம் போடுகிறார்கள். முன்பு போல அதிகம் பறவைகளை காண முடிவதில்லை. சில வருடங்களுக்கு முன்பிருந்த சில குருவி இனங்களை காணோம்.

நாம் முன்பு பார்த்த..... செண்பகம், புளினி, பிலாக் கொட்டை குருவி போன்றவற்றையும் இப்போது காணக் கிடைப்பதில்லை.

இவைகளின் முக்கிய உணவு பூச்சி, புழுக்கள். விவசாயிகள் தமது தோட்டத்தில் உள்ள பூச்சி, புழுக்களை கொல்ல இரசாயன மருந்துகளை அடிப்பதால்.... இறந்த பூச்சிகளை உண்ணும் இந்தப் பறவைகளும் அழிந்து விட்டது.

வருங்கால சந்ததிக்கு குருவி என்று, இவைகளைத் தான் காட்ட வேண்டும்.