'தொழிலுக்கு வயதில்லை'- பிரிட்டனில் சட்டம்

பிரிட்டனில் இந்த ஆண்டு ஏப்ரல் மாதத்திலிருந்து படிப்படியாக மேற்கொள்ளப்பட்ட நடவடிக்கைகளின் தொடர்ச்சியாக ஒருவர் தொழிலொன்றிலிருந்து ஓய்வு பெற வேண்டிய (65 வயது) சட்ட ரீதியான வயது உச்ச வரம்பு முற்று முழுதாக நீக்கப்பட்டுவிட்டது.

ஒருவர் 65 வயதை அடைந்தவுடன் வயதைக் காரணம் காட்டி அவரை தொழிலிருந்து நீக்குவதற்கு தொழில் வழங்குநருக்கு இருந்த அதிகாரத்தை இந்தப் புதிய சட்டம் இத்துடன் ஒழித்துவிட்டது.

ஆனாலும், பிரிட்டனில் உள்ள தொழில் ஸ்தாபனங்களில் பத்தில் ஒரு நிறுவனம், ஊழியர்களை குறித்த ஒரு வயதில் ஓய்வு பெறச் செய்வதற்காக ஊக்குவிப்பு சலுகைகளை வழங்குவதாக நோர்ட்டன் ரோஸ் என்ற சட்ட நிறுவனமொன்று நடத்திய ஆய்வொன்றின் மூலம் தெரியவந்துள்ளது.

இந்த புதிய சட்டத்தை வரவேற்றுள்ள ஏஜ் யூகே என்ற தன்னார்வ நிறுவனமொன்று, ஆனாலும் வேலைத்தளங்களில் வயதை மையமாகக்கொண்ட பாரபட்சங்கள் இன்னும் இருக்கத்தான் செய்கிறது என்று சுட்டிக்காட்டியிருக்கின்றது.

ஊழியர்களுக்கு ஓய்வு பெறுமாறு வழங்கும் நோட்டிசுகளை ஆறு மாதத்துக்கு குறைந்த காலத்துக்குள் வழங்க முடியாது, ஒருவரை ஓய்வு பெறச் செய்வதானால் அது கம்பனிக்கு நியாயமாக அவசியப்படுகிறது என்பதை உறுதிப்படு்த்த வேண்டும் போன்ற நிபந்தனைகள் 6 மாதங்களுக்கு முன்னர் பிரிட்டனில் அமுலுக்கு வந்தன.

எவரையும் வயதைக் காரணங்காட்டி ஓய்வு பெறுமாறு வற்புறுத்துவது இனி பிரிட்டனில் வயது ரீதியான பாரபட்சம் என்ற சட்டப் பிரச்சனையை ஏற்படுத்திவிடும்.

http://www.bbc.co.uk...etirement.shtml

Edited October 1, 201114 yr by akootha

இந்த மாதிரி சட்டங்கள் அரச வேலை செய்பவர்களுக்கே... அல்வா!

ஏற்கனவே ஓய்வூதியம் பெரும் வயதை அதிகரிப்பதற்கு முயற்சிக்கிறார்கள். அதை நடைமுறைப்படுத்துவதற்கு வசதியாக ஒரு சட்டம்.

மேற்குலகில் ஏற்பட்டுவரும் பொருளாதார நெருக்குதலே இவ்வாறு சட்டங்கள் இயற்ருவர்க்கான காரணம். இது காலப்போக்கில் புலம் பெயந்தோர் மீதும் பாரிய தாக்கங்களை ஏற்படுத்த போகின்றது அப்போது எமக்கு ஒரு நாடு வேண்டும் என்பதை மீண்டும் உணத்தி நிற்கும்.

ஓய்வு பெற வயது எல்லை இல்லை என்டால் இளைஞர்,யுவதிகள் எப்படி வேலை எடுப்பது?

(Public sector workers) 2006க்கு முன்பு வேலையில் சேர்ந்தவர்கள் விரும்பினால் 60வயதில் ஓய்வூதியம் பெறமுடியும், 2006க்குப் பின்பு வேலையில் சேர்ந்தவர்கள் தான் 65வயது வரும் வரை வேலை செய்யவேண்டும் என்று நினைக்கிறன்.

ஆனால் பலர் (2006க்கு முன்பு சேர்ந்தவர்கள்) முன்கூட்டியே வேலையை விடுவதானால் அவர்களுக்கு ஒரு தொகைப் பணம் அவர்கள் வேலை செய்யும் நிர்வாகம்/ கொம்பனி கொடுத்து நிறுத்தி விடுவார்கள், ஓய்வூதியம் என்று கொம்பனியால் இருக்காது. அரசாங்க ஓய்வூதியமே அவர்கள் எடுக்க முடியும்.

சிலர் 50-55 வயதில் முன்கூட்டியே வேலையில் இருந்து ஒரு தொகைப் பணத்தைப் பெற்றுவிட்டு, அதன் பிறகு சிறிது காலத்துக்குள் பகுதி நேர வேலையில் சேர்கிறார்கள். அதன் பிறகு 65ல் அரசாங்க ஓய்வூதியமும் எடுக்க முடியும் என நினைக்கிறன்.

Edited October 2, 201114 yr by குட்டி

ஓய்வு பெற வயது எல்லை இல்லை என்டால் இளைஞர்,யுவதிகள் எப்படி வேலை எடுப்பது?

கொப்பர் கொம்மாவை எப்ப ஓய்வெடுக்க விட்டனீங்கள்???