satan

காணாமல் ஆக்கப்பட்ட தம் உறவுகளைத்தேடி, அவர்களுக்கு என்ன நடந்தது என அறிய பல வருடங்களாக அவரை இழந்தவர்கள் தெருக்களிலே போராடி வருகிறார்கள். அவர்களை ஏன் என்று கேட்க யாரும் முன்வரவில்லை, அவர்கள் தேடும் உறவுகளில் சிலரோ பலரோ இந்த புதைகுழியில் புதைக்கப்பட்டிருக்கலாம். இந்தப்புதைகுழி விவகாரம் பலவருடங்களாக நிலுவையில், கிடப்பில் போடப்பட்டிருந்தது. இன்று ஓடி வரும் எந்த அரசியல்வாதியும் இந்த விவகாரம் வெளியில் வரும்வரை அதைப்பற்றி சிந்திக்கவோ, அழுத்தம் கொடுக்கவோ முன்வரவில்லை. மாறாக இனவழிப்பு நடந்ததென நிரூபிப்பதற்கு ஆதாரம் இல்லையென விவாதித்தனர். இப்போ எதற்கு அடித்து பிடித்து வருகிறார்கள், எதை சாதிக்கப்போகிறார்கள்? அதாவது ஐ .நா. மனித உரிமை ஆணையாளர் வரவிருக்கும் சந்தர்ப்பத்தில், தாம் தான் மக்களின் தலைவர்கள் என்று தம்மை முன்நிலைப்படுத்த முண்டியடிக்கிறார்கள். மக்களின் போராட்டத்தை நீர்த்துப்போக செய்ய துடிக்கிறார்கள். சுமந்திரன் தன வாலை அனுப்பி நோட்டம் விட்டிருக்கிறார், சேனையோடு வந்திறங்க. மக்கள் நிதானமாகவே இருக்கிறார்கள். இவர்கள் யாரையும் நம்ப இனிதயாராக இல்லை. ஆயுதப்போராட்டத்தை நான் வரவேற்கவில்லை என்று சொன்னவர்கள், தமிழரை அழித்தவர்களோடு, பொது மக்களை வகைதொகையின்றி கொலை செய்தவர்களோடு கிறிக்கற் விளையாடலாம், பொப்பிப்பூ குத்தி இராணுவத்தினருக்கு மரியாதை செலுத்தலாம். இது முரண்பாடாக தெரியவில்லை சம்பந்தப்பட்டவர்களுக்கு. மக்களையும் அவர்களது இழப்புகளையும் துயரங்களையும் விற்று பிழைக்கும் பிழைப்புவாதிகள்.

தாக்குதலை நடத்தியவர் தந்தை செல்வாவை அறிந்திருக்கவே மாட்டார். இருந்தும் அவர் மீது ஏன் இந்த கொலைவெறி?

நீதி கேட்டவர் காணாமல் ஆக்கப்படுவர், அநீதிக்கு எதிரான குரல்கள் மௌனமாக்கப்படும்!

பதவிகாக்காவே அரசியல். அதற்காக அடிபடுவார்கள், அதற்காகவே ஒன்றும் சேர்வார்கள்.

எம்மை அவமதித்தவர்களுடனோ அல்லது நாம் அவமதித்தவர்களுடனோ கூட்டுசேர்வது நம்மை நாமே அடிமாடாக்கும் செயல். சுமந்திரனுக்கு எங்கும் எதிலும் பதவி வேண்டும், அதற்காக எந்தளவுக்கு கீழிறங்க முடியுமோ அந்தளவுக்கு இறங்குவார். இந்த கூட்டு எவ்வளவு காலத்திற்கு நிலைத்து நிற்குமென்று எதிர்வு கூறமுடியாது. மணிவண்ணனுக்கு சைக்கிளோடு சேர்ந்து போக முடியாது, ஆகவே இந்த அரசியல் கோமாளியோடு சேர்ந்திருக்கிறார்கள்.

வடக்கில் சனத்தொகை வீழ்ச்சிக்கு காரணங்களாவன: தமிழ் மக்களை குறி வைத்து நிகழ்த்தப்பட்ட கலவரங்கள், பொருளியல் பொருளாதார சேதம், விவசாய நிலத்தில் இராணுவ ஆக்கிரமிப்பு, நில ஆக்கிரமிப்பு, சொந்த நிலத்திலிருந்து விரட்டல், தேவையற்ற கைதுகள், பயமுறுத்தல்கள், போர், இநவழிப்பு, விதவைகள், அனாதைகள் அதிகரிப்பு, தமிழ் மக்கள் திட்டமிட்ட புறக்கணிப்பு, அவர்களுக்கு பாதுகாப்பற்ற சூழல், தேவையற்ற கைதுகள் போன்றனவே முக்கிய காரணங்கள்.

அப்போ மிகுதி தரகர் வேலையையும் செய்து முடித்து முழு பரிசு பெறுவாரென சொல்லுங்கோ!

ஒருதடவை சந்திரிகா சொன்னார், மஹிந்த குடும்பம் கள்ளர் கூட்டம் (ஊழல் நிறைந்தவர்கள்) என்று. அப்போ நான் நினைத்தேன், அரசியல் காழ்ப்புணர்ச்சியில் சொல்கிறாரென. ஆனால் அண்மையில் ஒரு செய்தியறிந்தேன். அதாவது மஹிந்தவின் தந்தையார் அரசியலில் ஈடுபட்டு வங்குறோத்து நிலையடைந்து சொந்த வீட்டையே ஈடுவைத்து மீளமுடியாமல் ஜப்தி ஆகும்போது, அன்றைய அரசியல்வாதிகளே ஒன்று சேர்ந்து அதை மீட்டுக்கொடுத்தனரென்று. அதன்பின் தந்தையார் இறந்தபின் மஹிந்தா ஒரு சிறிய நூலகத்திலோ எங்கேயோ வேலை செய்தாராம். சிறிமாவோ அம்மையார் ஒரு அரசியல் கூட்டத்தில் மஹிந்தவை சந்தித்து அரசியலுக்கு அழைத்தாராம், அப்போது தனது ஒருவருட சம்பளத்தை கடனாக பெற்றே அரசியலில் இறங்கினாராம் மஹிந்தர். அதன்பின் சிறிமாவின் குடும்ப அரசியலையே அழித்தார் மஹிந்தா. அவரோடு சேர்ந்தவர்கள் சும்மாவா இருப்பார்கள்? அவர்களோடு நாட்டிலுள்ள ஊழல்வாதிகளனைவரும் கூட்டுச்சேர்ந்தனர். நாடு அழிவுப்பாதையில் சென்றது, அதை மறைக்க இனவாதத்தை கையிலெடுத்து தம்மை மறைத்தனர். தர்மம் வெல்லும்! அதற்கு கொஞ்சம் காலம் தேவை.

ரொம்ப வெள்ளை மனசுங்கூட, அப்படியே எழுத்து நடையில் நெளிகிறது.

மொத்தக்குடும்பமுமே ஊழல் குடும்பம் போலுள்ளது. நாட்டில் உள்ள அரசியல்வாதிகள்ளெல்லாம் உழைத்து வாழவில்லை, ஊழல் செய்தே வாழ்ந்திருக்கிறார்கள்.

சொல்லிக்கொண்டு இருக்காமல், கால அவகாசம் விடாமல்,ஒருவரும் தப்பிக்க முடியாமல் எல்லோரையும் உடனடியாக பிடித்து பூட்டுங்கள்.

ஐயோ கடவுளே! கட்சியின் தெரிவுக்கூட்டம். போட்டியில் சரியாக வாக்களிக்க முடியாதவர்களெல்லாம் அங்கத்தவர். என்ன சொல்வது இவர்களை? எப்படி எல்லாம் மக்களை ஏமாற்றுகிறார்கள்.

செம்மணியில் புதைக்கப்பட்டவர்கள், இராணுவத்தினரால் கொலைசெய்யப்பட்டு புதைக்கப்பட்டதாக சம்பந்தப்பட்ட இராணுவத்தினனே சாட்சி வழங்கி இடத்தையும் அடையாளம் காட்டியுள்ளான். அதோடு அந்த உடல்களில் உடைகள் எதுவும் காணப்படவில்லை என்று அறிய முடிகிறது.

இந முறுகலை ஏற்படுத்தும் செயலில் ஈடுபடுவது யார்? எங்கள் நிலத்தில், அவர்கள் விகாரைகளை கட்டி எழுப்பும்போது புத்தர் சிலைகளை வைக்கும்போது இனமுறுகலை ஏற்படுத்த வேண்டாம் என்று யாரும் போதிப்பதில்லை. ஆனால் எங்கள் நிலத்தில் எங்களுக்கு தடைகளாய் இருப்பவற்றை அகற்றும்போது கேள்வி கேட்க்கும்போது மட்டும் பொலிஸ்நிலையங்கள் விழித்துக்கொள்கின்றன. இனமுறுகல் பற்றி பாடம் நடத்துகின்றன. பிழைகளை சுட்டிக்காட்டி தவறு எங்கே என்று சொல்ல போலீசாருக்கு முதுகெலும்பு இல்லை, அதனாலேயே இவ்வளவு முரண்பாடுகள் ஏற்பட காரணம்.

எங்களுக்கு தெரியாமல் அப்படி என்ன முன்னேற்றத்தை கண்டுள்ளார்கள்? எமது காணிகளில் சிலதை விடுவிக்கப்பட்டதை சொல்கிறார்களோ? இன்றைக்கு விட்டுவித்ததாக அறிவிப்பார்கள், நாளைக்கு செல்வதற்கு தடை என்பார்கள். இந்தளவிற்கும் எங்கள் சொந்தக்காணியை பார்வையிடுவதற்கு இத்தனை கெடுபிடிகள்.

கண்டிப்பாக! அதோடு சேர்த்து ஒரு கதையும் புனைவார்கள். அப்போ, அவர்கள் படையில் குழந்தைகளும் இருந்தனர் என்பதை ஏற்றுக்கொள்ளவேண்டி வரும். நிர்வாணப்படுத்துவது சிங்களவரின் மரபு. அதை அப்படியே நிலைநிறுத்தி, தம்மை அடையாளப்படுத்த ஒரு துப்பை விட்டுச்சென்றுள்ளனர். அவர்கள் எத்தனை கதையெழுதினாலும் அவை, தம்மை மறைப்பதற்கும் சிங்கள மக்களை ஏமாற்றுவதற்குமே உதவும். இன்று அந்த உடல்கள் வெளிவந்தனவென்றால்; அவை வெறும் உடலங்கள் மட்டுமல்ல, அவற்றோடு சேர்ந்து உண்மையும் வெளிவந்துள்ளன. அவற்றை மறைக்க யராலும் முடியாது. வேண்டுமென்றால் என். என். பியின் முகத்திரை கிழியும். இந்த லட்ஷணத்தில சர்வதேசம் போர்க்குற்ற விசாரணை செய்ய வேண்டாமென கூற இவர்களுக்கு தகுதியில்லை. இவர்களிடமிருந்து பாதிக்கப்பட்ட மக்களுக்கு நீதியோ நிவாரணமோ கிடைக்காது என்பதை மீண்டும் மீண்டும் வலியுறுத்துகிறார் நீதியமைச்சர்.

இவர்களுடைய ஆசான்களுக்கு எத்தனை வருடங்களாம்? ம், ஒரு குற்றமா அவர்கள் இழைத்தார்கள்? அவ்வளவுக்கும் கணக்குப்போட்டால் வழ்நாள் முழுவதும். தமிழ் இளைஞர் யுவதிகளைசிறையிலடைத்து வேடிக்கை பார்த்தவர்களுக்கு, இப்போ உதறல் எடுத்து உளறித்திரிகிறார்கள், அந்த உளறலே இவர்களை சிக்க வைக்கும்.

இன்னும் நீங்கள் சொல்வதற்கு நிறைய இருக்கின்றன, சொல்லுங்கள். நாங்கள் கேட்க தயாராக இருக்கிறோம். இந்த ஆள் ஒருநேரம் தேசியத்தலைவரை போற்றுகிறார், இன்னொரு நேரம் பழிகூறுகிறார். ஆனால் இவருக்கும் ஜனாதிபதி கனவு உண்டு. அதனாலேயே மகிந்தரையும் நம் தலைவரையும் அடிக்கடி சுட்டிகாட்டிப்பேசுகிறார். இனிமேல் தமிழர் இவருக்கு வாக்களிக்கப்போவதில்லை.

ஈராக் அணுஆயுதம் தயாரிக்கிறது என்று சொல்லி அமெரிக்கா அந்த நாட்டை துவம்சம் செய்தது. அதன் பின் செய்த ஆய்வறிக்கையில் அப்படி ஏதும் அங்கு நடைபெறவில்லை என சுட்டிக்காட்டப்பட்டது. அதற்காக அமெரிக்கா வருந்தவுமில்லை மன்னிப்பு கேட்கவுமில்லை. தங்கள் சுயநலத்திற்காக ஏதோவொரு காரணத்தை காட்டி அந்த நாட்டின் வளங்களை சுரண்டி அரசியலில் முரண்பாடுகளை தோற்றுவித்து அந்த நாட்டை சுடுகாடாக்குவது இவர்களின் வழமை. இவர்கள் அணுஆயுதம் தயாரிக்கலாம், வைச்சிருக்கலாம், தாக்கலாம் ஆனால் மற்ற நாடுகளை கட்டுப்படுத்துவது. இதற்கெல்லாம் இவர்கள் விலை கொடுப்பார்கள். மத்திய கிழக்கிலே அவர்கள் தங்கள் சட்டங்களோடு வாழ்ந்து வந்தவர்களை, அவர்களின் வளங்களை சுருட்ட புகுந்து அவர்களை உலகெங்கும் இழுத்துவிட்டு அவர்களின் கொலைவெறியை மற்றயவர்கள் மேல் திணித்தது அமெரிக்கா. அமெரிக்காவுக்குள் அவர்கள் குடியேறுவதற்கு தடை விதித்த ட்ரம், அவர்கள் நாட்டுக்குள் புகுந்து அவர்களின் வளங்களை சுரண்டியது சரியா? கண்டிப்பாக மத்திய கிழக்கினாலேயே அமரிக்காவிற்கு அழிவு.

நாட்டை கட்டியெழுப்ப விரும்புவோரை வரவேற்கிறார், தன் நாட்டுக்கு திரும்பிய வயோதிபரை கைது செய்கிறார். இவரை புரிந்துகொள்ளவே முடியவில்லை.

இலங்கையில் தமிழருக்கெதிரான வன்முறைகள் தொடர்ந்து நடந்தன, நடக்கின்றன என்பது எல்லோருக்கும் தெரியும். பல தமிழத்தலைவர்களுடன் உடன்படிக்கைகள் கைச்சசாத்திடப்பட்டன அவைகள் நிறைவேற்றப்படாமலேயே கிடப்பில் போடப்பட்டன, கிழித்தெறியப்பட்டன, வன்முறைகள் மூலம் அடக்கப்பட்டன. இதற்கு ஒவ்வொரு இனவாதியும் பிக்குகளும் விடுக்கும் அச்சுறுத்தல்கள், நினைவூட்டல்கள், முந்தைய வரலாறுகள் சாட்சி. அப்படியிருக்கும்போது போரின்போது மஹிந்த அரசாங்கம் சர்வதேசத்துக்கு கொடுத்த வாக்குமூலம், புலிகளை அழித்த பின்பே தமிழர்க்கு தீர்வு என நிபந்தனை வைத்தார். அப்போ, தமிழருக்கு அரசியல் பிரச்சனை உண்டு என்பதை ஏற்றுக்கொண்டுள்ளார். அது ஏன், அளிக்கப்போகும் தீர்வை புலிகள் இருக்கும்போது அளித்திருக்கக்கூடாது? புலிகளும் அந்த தீர்வுக்காகவே போராடினர். ம்.... அத்தனை வருடங்களாக உடன்படிக்கை செய்து, தமிழ்த்தலைமைகளின் ஆதரவை பெறுவதும், பின் கிழித்தெறிவதும் கலவரங்களால் அடக்குவதும் வரலாறு. அதனால் இந்தப்போக்கு தொடர்வதையே சிங்களம் விரும்பியது. அதற்குமேல் தமிழ் தலைவர்கள் செல்ல முயலவில்லை, விரும்பவில்லை. இதனால் எதை காட்டி நம்மை அச்சுறுத்தினார்களோ அதை தமிழ் இளைஞர்கள் கையில் எடுத்து, திருப்பி அச்சுறுத்த தொடங்கினார்கள். ஆயுதத்தின் வலிமை சிங்களத்திற்கு தெரியும், அதன் அழிவை தமிழர் சந்தித்தனர், அந்த அழிவை சிங்களம் ஏற்று தோற்றுப்போக விரும்பவில்லை. அடிபணிந்து தீர்வை கொடுத்து முதுகு வளைந்து உழைக்க விரும்பவில்லை. அது, தன் போன்ற கருத்துள்ள, சுய கௌரவத்தை விற்ற தமிழரையே தனது ஆயுதமாக பயன்படுத்தி, அவர்களின் விடுதலைப்போரை பயங்கரமாக்கியது. எமது தமிழ் தலைமைகள் அதன் உண்மைத் தன்மையை வெளிப்படுத்த அன்றும் தவறிவிட்டனர். ஏனெனில் புலிகள் பக்கம் அதிகாரம் போவதை அவர்களும் விரும்பவில்லை. அதனால் நாட்டை விட்டு ஓடி மறைந்தார்கள். மக்களோடு நிற்க, அவர்களை தேற்ற, அவர்களுக்காக பேச யாரும் முன்வரவில்லை, காணாமல் போய் விட்டனர். மக்கள், அவர்களை தம் தலைவர்களாக தெரிந்தெடுத்ததன் பயன் அது. அப்போது எந்த நாட்டிலிருந்து யாராவது பேச்சுவார்த்தைக்கு வரும்போதெல்லாம், தங்களுக்காக பேசும் மீட்பர்களாக மக்கள் நம்பினார்கள். அங்கே தங்களுக்காக அவர்களுடன் பேச யாரும் முன்வரவில்லை. ஏதேதோ காரணங்களை சொல்லி புலிகளை, மக்களை கொன்று குவித்தார்கள். நிறைவில் கோத்தா சொன்னா(ன்)ர் புலிகளை அழித்து வெற்றி கொண்டு விட்டோம், ஆதலால் தமிழருக்கு இனி தீர்வு என்கிற பேச்சுக்கே இடமில்லை. அவர்கள் இங்கு வாழ விரும்பினால் வாழலாம், ஆனால் அரசியல் உரிமை எதுவும் கேட்க முடியாது. சரத் பொன்சேகா கூறினார், தமிழர் வந்தேறு குடிகள் என்றார். அதன் பொருள் என்ன? இவர்களுக்கு சுதந்திரம் பெற்றுக்கொடுத்தது தமிழர், போத்துக்கேயர் ஆட்சிக்கு முன் தமது இராசதானி வைத்து ஆண்டனர் தமிழர், வந்தேறு குடிகளுடனா துட்ட கைமுனு போரிட்டான்? ஏன் இன்னும் நமது தலைமைகள் அடித்து பிடித்து தலைமைக்கு போராடுகிறார்கள்? பழைய ஏமாற்று வித்தைக்கு துணை போவதற்கே. சர்வதேசம் நமக்கு விடிவை தருவதென்றால் எப்போதோ தந்திருக்க முடியும். நமது தலைமைகள் இன்னும் சிங்களத்தை காட்டிக்கொடுக்க, மக்களை காப்பாற்ற விரும்பவில்லை. அதையே சம்பந்தரும் செய்து காட்டினார். இன்று தலைமை என்று சொல்ல யாரும் இல்லாமல் விட்டுச்சென்ற சம்பந்தரை, சர்வதேச ராஜ தந்திரி என்று சொல்வோர், அவரால் நுழைக்கப்பட்டவர்கள் கட்சியை அழிக்க. இதுதான் சம்பந்தர் தனது அரசியலில் சாதித்தது! மக்களை ஏன் என்று கேட்க யாருமில்லாமல் தெருக்களில் தம் உறைவுகளை தேடி கண்ணீரோடு அலைகின்ற்னர். அவர்களைசந்திக்க, அவர்களது துயரங்களை, இழப்புகளை கேட்க, ஆறுதல் சொல்ல, தேற்ற, விடை கொடுக்க விரும்பாத தலைவர்கள் வாக்குகளுக்காக பதவிகளுக்காகஅடிபடுகின்றனர்.

நெடியவனை சந்திக்கச்சென்ற அனுராவுக்கு ஜேர்மனிய அரசாங்க வரவேற்பு என்றால்; நெடியவனின் அந்தஸ்து விளங்கவேண்டும் கம்மன்பிலவுக்கு. அதோடு விஜித ஹேரத்தின் ஆலோசனையில் இந்தச் சந்திப்பு நடந்ததாம். எப்போதுமே புலிகள் நினைப்பு. இவர்களே முன்னாள் புலிகளை அரசியலில் இணைக்க அனுராவை வற்புறுத்துகிறார்கள் போலிருக்கிறது. ஏன் இந்த அச்சம்? அவர்களின் அரசியல் வாழ்வு நிறைவடைந்துவிடுமென அஞ்சுகிறார்கள். தங்கள் மீதுள்ள ஊழல் குற்றச்சாட்டுகளை விரைவில் தூசு தட்டி விசாரணைக்கு எடுக்க வற்புறுத்துகிறர்கள். அவரை நான் நெடியவன் என்றெல்லோ நினைத்தேன். ஒருவேளை நெடியவனின் பேச்சாளர் சிறியராக இருக்குமோ? அப்படியானால் பேச்சு சீரியஸாக இருக்குமென எதிர்பார்க்கலாம்!

இதுவரை எங்கள் சட்ட மேதைகளே மறந்துவிட்ட ஒரு காரியம். சிங்கள மக்களாலே நமக்கு நடந்த அனிஞாயங்கள் வெளிகொண்டுவரப்படவேண்டும். இவருக்கு முள்ளிவாய்க்கால் படுகொலை காணொளிகளை காட்டுங்கள்.

தமிழரசுக்கட்சிக்குள் இப்போ இருப்பவர்கள் மக்களுக்காகவோ இந அபிமானத்துக்காகவோ உழைக்க வந்தவர்களல்லர். கட்சியிலுள்ள பெலயீனத்தை வைத்து தங்களை தக்க வைக்கவும் மக்களை ஏமாற்ற வந்தவர்களுமாகும். மக்களின் உணர்வுகளின் மேலேறி பதவிகளை பெற வந்த குள்ள நரிகள். அவர்களுக்கு கொள்கை, இலட்சியம், நீதி, நிஞாயம் என்பதெல்லாம் வெறும் சொற்களே. சுமந்திரனுக்கு கட்சிக்குள் நுழையும்வரை அதன் கொள்கைகள் எல்லாம் தெரியாது. உள்நுழைக்கப்பட்டதும் அதை சிதைப்பதிலும் பதவியை பெறுவதிலும் கண்ணாக இருந்தார் காரியமாற்றினார். கட்சியை வெளியுலகில் தூற்றி அதை நிறைவேற்ற துடித்தார். அன்று தான் செல்லும் வெளிநாடுகளிலெல்லாம் விக்கினேஸ்வரன் பதவி விலக வேண்டுமென்று அறிக்கை விட்டவர், இன்று அவருடனேயே ஒப்பந்தம் செய்துள்ளார், கொள்கைகளை தனது சுய நலத்திற்காக பிரட்டியவர். இப்போ கட்சிகள் கொள்கைகளை மறுத்து செயற்பட்டதாக புலம்புகிறார். அநிஞாயங்களை தட்டிக்கேட்க துணிவில்லாமல் மௌனம் காத்த சிவஞானம் தனக்கேற்ற காரணங்களை காட்டி தன்னை நிஞாயப்படுத்துவதிலும் வெளிக்கிட்டுள்ளார். சாணக்கியன் சிங்களக்கட்சியில் போட்டியிட்டு தோற்று, தமிழ் மக்களின் உணர்வில் சவாரி செய்ய வந்தவர். இவர்களே தலைமைத்துவ போட்டிக்கு அடிபடுகின்றனர். இவர்களை விட்டு வெளியேற்ற மக்களால் மட்டுமே முடியும். பதவிக்காக வரும் சோம்பேறிகளையும், துரோகிகளையும் வீட்டுக்கு அனுப்பி தங்கள் உணர்வுகளை பாதுகாக்க வேண்டும். இல்லையேல் துரோகிகளின் கூடாரத்தை மாற்ற வேண்டும்.

வடக்கில் தனக்கு உயிரச்சுறுத்தல் இருப்பதாகவும் தமிழ்ப் பிரதேசங்களிலும் தனக்கு இராணுவபாதுகாப்பு தரப்படவேண்டும் என்று கேட்டு விசேட அதிரடிப்படையின் பாதுகாப்பை பெற்றவர், தமிழரை துடிக்க துடிக்க கொன்ற படையின் பாதுகாப்போடு எப்படி அந்த மக்களுக்கு நேர்மையாக சேவையாற்ற முடியும்? எதற்காக தனது உயிருக்கு அச்சுறுத்தல் உள்ள மக்களுக்கு இவர் தலைவராக வேண்டும்? வேறு இளிச்ச வாய் கூட்டம் கிடைக்கவில்லையா? இவருக்கு அதிஷ்டம் கொடுக்கும் மக்கள் வாக்களிக்க மாட்டார்களா? இதற்கும் சுமந்திரனின் அபிமானிகளால் பதில் தர முடியுமா?