எல்லோரும் இறங்குவதற்கு முண்டியடித்துக் கொண்டிருந்தார்கள் . நாங்கள் இருக்கையில் இருந்து ஆறுதலாக வெளிக்கிட்டோம் . எனக்கு ஏதோ எனது சொந்த நாட்டிற்கே வந்தது போன்று ஒரு இனம்புரியாத உணர்வு உடலெங்கும் பரவி ஓடியது . விமான நிலையம் பலவிதங்களில் முன்னேறி இருந்தது. நாங்கள் விமான நிலையத்தை விட்டு வெளியே வரும்பொழுது காலை ஏழுமணியாகியிருந்தது . இருள் முற்றுமுழுதாக விலகவில்லை . மிதமான குளிர் உடலைத் தழுவியது . கியூபெக் குளிருக்கு இதந்தக் காலநிலை எனக்கு மிகவும் பிடித்துக்கொண்டது . அருகே விமானங்கள் ஏறுவதும் இறங்குவதுமாக கடமையில் கண்ணுங்கருத்துமாக இருந்தன . நான் ஏற்கனவே தீர்மானித்தபடி பாரிஸ் போவதற்கு புகையிரதநிலையம் நோக்கிச் செல்லும் நவற்றில் ஏறிஅமர்ந்தோம் . அந்த நவற் இரண்டு பெட்டிகளைக் கொண்ட பல விமான முனையங்களையும் புகையிரத நிலையத்தையும் இணைக்கும் ஒரு தொடரூந்து . அது மிகவும் விரைவாக நகர்ந்து சென்று கொண்டிருந்தது . நாங்கள் பத்து நிமிட இடைவெளியில் விமானநிலையப் புகையிரத நிலையத்தை அடைந்தோம் .

எனக்கு ஒரு கபே குடிக்கவேண்டும் போல் இருந்தது . மாதுமையையும் பிள்ளைகளையும் ஓரத்தில் விட்டு விட்டு அருகே இருந்த பாரில் கபேயிற்கு ஓடர் பண்ணினேன் . சுத்மான கொலம்பியன் காப்பிக் கொட்டைகளை அரைத்த பாரிஸ் எக்ஸ்பிறாசோ கபே கமகமத்தது . மாதுமையின் பார்வை பிழையாகத் தெரிந்ததால் அவசரமாகக் கபேயைக் குடித்துவிட்டு பாரிஸ் செல்ல புகையிரத மேடை நோக்கிச் சென்றேன் .

http://www.leparisie...2010-965467.php

ஆர் இ ஆர் ஃபி மெதுவாக இரயில் நிலையத்தில் இருந்து நகரத்தொடங்கி வேகமெடுத்தது . ஆர் இ ஆர் ஃபி எதுவிதமாற்றமும் இல்லாமல் அப்படியே இருந்தது . நான் சிறுபிள்ளைகள் போல் மாதுமைக்கு எல்லா இடங்களையும் சொல்லிக் கொண்டு வந்தேன் . புகையிரதம் கார் து நோர்ட்ல் உள்ளே இறங்க ஆயத்தமாகியது . புகையியரதத்தினுள் அனேகமானோர் கறுப்பர்களாகவும் அரபுக்களாகவுமே இருந்தார்கள் . எனது பிள்ளைகள் அவர்களை வேடிக்கை பார்த்தார்கள் . தூய பிறென்ஜ் காறரை சல்லடை போட்டுத்தேட வேண்டியிருந்தது . பிறான்ஸ் முன்பு இருந்ததை விடப் பல்லின சமூகங்களை உள்வாங்கியிருந்ததை என்னால் நன்கு உணரக்கூடியதாகவே இருந்தது . இதனால்தானோ பிரான்ஸ் மக்கள் கூடிய சகிப்புத் தன்மையுடன் இருக்கிறார்கள் . ஆனால் வெளிநாட்டவர்களால் பிரான்சுக்கு வருமானம் வந்தாலும் சமூகரீதியில் பல நேரெதிர் விளைவுகளை ஏற்படுத்தியிருந்தன .

நாங்கள் வந்த புகையிரதம் சத்தலே லே ஹால் ல் நின்றது . நாங்கள் புகையிரதநிலையத்தை விட்டு வெளியே வந்து , நாங்கள் நிற்க வேண்டிய தங்கு விடுதிக்குச் சென்றோம் . அங்கு எமது அறையை எடுத்துக்கொண்டு பயணக்களை தீர நன்றாகக் குளித்து காலை உணவை அருந்தினோம் . ஆனாலும் எங்களுக்கு நேரவித்தியாசத்தால் நித்திரை தூக்கியடித்தது . எனக்கு வெளியே போக முதல் சிறிது நித்திரை கொண்டால் நல்லது போல் இருந்தது . சிறிது நேரத்தில் எல்லோருமே நித்திரையாகி விட்டோம்.

எனக்கு மாலைவேளையிலேயே விழிப்பு வந்தது . மத்தியானம் சாப்பிடாததின் வினை இப்பொழுது தெரிந்தது .நான் மெதுவாக மாதுமையை எழுப்பினேன் . பிள்ளைகளை எழுப்பி கீழே சாப்பிட வரும்படி சொல்லிவிட்டு உடுப்பை மாற்றிக்கொண்டு தங்கு விடுதி பாரிற்குச் சென்றேன் . நான் ஒரு எக்ஸ்பிறாசோவை ஓர்டர் பண்ணி எடுத்துக்கொண்டு குகனின் போன் நம்பரை எனது கைத்தொலைபேசியில் ஒற்றி எடுத்தேன் . குகனின் குரல் சிறிது நேர இடைவெளியில் கிடைத்தது .

"மச்சான் நாளைக்கு உங்கை வர கோச்சி எடுக்கிறன் . கோச்சி மத்தியானம் லியோனுக்கு வரும் " என்று சொன்னேன் . தான் லியோன் புகையிரத நிலையத்தில் நிற்பதாகவும் , இரண்டு கிழமை லீவு நான் வருவதால் எடுத்திருப்பதாகச் சொன்னான் . நான் அவனுடன் பேசியபொழுது தான் என்னுடன் கனவிசையம் கதைக்கப் போவதாகச் சொன்னான் . எனக்கு கவலையாக இருந்தது .

"என்னடாப்பா ஏதாவது பிரைச்சனயே "?

"இல்லை மச்சான் நீயும் நானும் தனிய கதைச்சு எவ்வளவு காலம் நீ வா நேரை கதைப்பம் " என்றான் .

எனக்கு மனம் என்னவோ போல் இருந்தது .ஏன் குகன் ஒருமாதிரியா கதைக்கிறான் . குடும்பத்துக்குள்ளை ஏதும் பிரைச்சனையோ ? ரூபிணியை எவ்வளவு கஸ்ரப்பட்டு சேத்து வைச்சன் . இவன் ஏன் இப்பிடி கதைக்கிறான் என்று என் மனம் பலவாறு அலைபாய்ந்தது . அப்பொழுது எனக்கு ஒரு சிகரட் அத்தியாவசியமாக இருந்தது . நான் சிகரட்டை எடுத்துப் பற்றவைத்தவாறு மனதை மாற்ற சுற்றுப்புறத்தைப் பார்த்தேன் . பாரிஸ் நன்றாகவே மாறியிருந்தது . அது பழைய அமைதியைத் தொலைத்து ஒரே வாகன இரைச்சலாக இருந்தது . ஒருவேளை கியுபெக்கில் அமைதியான இடத்தில் இருந்தால் என்னவோ தெரியவில்லை எனக்கு ஒருவித எரிச்சலை ஏற்படுத்தியது . ஆனாலும் நான் பசியால் வாடியபொழுது தூக்கி அணைத்த நகரமல்லவா ???????????

நான் என்னை இழந்திருந்த நிலையில் பின்னாலிருந்து எனது மகளின் தொடுகை நிஜத்திற்கு கொண்டுவந்தது . மாதுமையும் மகனும் நித்திரையால் தெளிவாக இருந்தார்கள் . அவர்களிடம் பாரிஸ் ஐ பார்க்கும் ஆவல் இருந்தது . நான் நடைபயின்ற இடங்கள் எல்லாவற்றையும் அவர்களுக்கு சுற்றிக்காட்டி நான்பட்ட கஸ்ரங்களையும் இடிக்கிடை சொன்னேன் . அன்று இரவு ஒரு நல்ல உணவகத்தில் இரவுச்சாப்பாட்டை முடித்து விட்டு தங்கும் விடுதிக்கு வந்தோம் . நாளை காலை புகையிரதம் என்பதால் வேளைக்கே படுத்து விட்டோம் . நான் மாதுமையிடம் குகனைப்பற்றி எல்லாவற்றையும் சொன்னேன் . எனது மனம் சிறிது லேசானதாக இருந்தது .

தொடரும்

Edited July 12, 201213 yr by கோமகன்

வாழ்க்கை என்பது ஒரு நீண்ட பயணம் என்பார்கள்........அந்தப்பயணத்தை பற்றி கூறவே பல பயணங்கள் .........

உண்மையில் உண்மை கதைக்குரிய பாணியில் மிக சுவாரஸ்யமாக செல்கின்றது.......இடைவெளியை குறைத்து

மிக விரைவில் தொடருங்கள் கோ.அண்ணா...........

நல்லா இருக்கு கோ அண்ணா தொடர்ந்து வாசிச்சிட்டு வாறன் சுபெர்ப்.....

வாழ்க்கை என்பது ஒரு நீண்ட பயணம் என்பார்கள்........அந்தப்பயணத்தை பற்றி கூறவே பல பயணங்கள் .........

உண்மையில் உண்மை கதைக்குரிய பாணியில் மிக சுவாரஸ்யமாக செல்கின்றது.......இடைவெளியை குறைத்து

மிக விரைவில் தொடருங்கள் கோ.அண்ணா...........

உண்மைதான் தமிழ்சூரியன் , வாழ்க்கை என்ற நெடிய ரெயில் பயணத்தில் பலர் ஏறுவார்கள் பலர் இறங்குவார்கள் . ஆனால் ஒருசிலரே ஏதோஒரு காரணத்துக்காக எம்முடனும் எமது மனங்களிலும் தொடர்ந்து பயணிப்பார்கள் . லியோன் குகனும் அப்படிப்பட்டவனே . உங்கள் போன்றோர்களது கருத்துக்கள் அடிக்கடி எனது எழுத்துக்களில் எனக்கு அதிக பொறுப்புணர்வை கொடுக்கின்றன . உங்கள் நேரத்திற்கும் கருத்துக்களுக்கும் மிக்க நன்றிகள்.

சுட்டுவிரல் காட்டி மற்றவரை குற்றம் சொல்லும்போது

4 விரல்கள் உனைக்காட்டி நிற்குதையா???? :D

நாலு நாலு வரிகளா எழுதி எப்ப முடிப்பதாக முடிவு செய்துள்ளீர்கள்???

நாலு நாலு வரிகளா எழுதி எப்ப முடிப்பதாக முடிவு செய்துள்ளீர்கள்???

அதானே ..!!

சீக்கிரம் முடிச்சிடுங்கோ சொல்லிட்டேன்.

நல்லா இருக்கு கோ அண்ணா தொடர்ந்து வாசிச்சிட்டு வாறன் சுபெர்ப்.....

சுண்டலையும் சுண்டுதெண்டால் அப்ப சூப்பர் சுண்டல்தான் . நன்றியுங்கோ சுண்டல் தம்பி .

சுட்டுவிரல் காட்டி மற்றவரை குற்றம் சொல்லும்போது

4 விரல்கள் உனைக்காட்டி நிற்குதையா???? :D

நாலு நாலு வரிகளா எழுதி எப்ப முடிப்பதாக முடிவு செய்துள்ளீர்கள்???

எழுதினாலும் பிழை எழுதாட்டிக்கும் பிழை எண்டால் நான் என்ன செய்யிறது .

தொடருங்கோ கோமகன்.....நல்ல தொடராக உள்ளது...

எழுதினாலும் பிழை எழுதாட்டிக்கும் பிழை எண்டால் நான் என்ன செய்யிறது .

அது நம்மட மண்வாசனை அதை எந்த கொம்பனாலும் மாற்ற ஏலாது

[size=5] நன்றாக இருக்கிறது [/size]

அதானே ..!!

சீக்கிரம் முடிச்சிடுங்கோ சொல்லிட்டேன்.

சரி முடிச்சால் போச்சு . மிக்க நன்றி ஜீவா .

தொடருங்கோ கோமகன்.....நல்ல தொடராக உள்ளது...

அது நம்மட மண்வாசனை அதை எந்த கொம்பனாலும் மாற்ற ஏலாது

மிக்க நன்றிகள் புத்தா உங்கள் நேரத்திற்கு . மண்வாசனைக்கு இவ்வளவு நாத்தம் இருக்குமென்று எனக்குத் தெரியாமல்ப் போச்சே ????

[size=5]நன்றாக இருக்கிறது [/size]

[size=4]ஒற்ரை வரியில சொன்னால் எப்பிடி ? நல்லது கெட்டதுகளை எழுதினால்தானே நானும் என்னை திருத்தலாம் . மிக்க நன்றிகள் லியோ . [/size]

அதிகரித்துவிட்ட வேலைகளால் குறித்தகாலத்திற்குள் என்னால் தொடரை முடிக்க முடியாது போய்விட்டது . இந்த வார இறுதியிலோ அல்லது வருகின்ற வார இறுதியிலோ நிட்சயம் உங்கள் ஆவலைப் பூர்த்தி செய்து தொடரை நிறைவுக்குக் கொண்டுவருகின்றேன் . தாமதிற்கு என்னை மன்னித்துக் கொள்ளுங்கள் .

அதிகரித்துவிட்ட வேலைகளால் குறித்தகாலத்திற்குள் என்னால் தொடரை முடிக்க முடியாது போய்விட்டது . இந்த வார இறுதியிலோ அல்லது வருகின்ற வார இறுதியிலோ நிட்சயம் உங்கள் ஆவலைப் பூர்த்தி செய்து தொடரை நிறைவுக்குக் கொண்டுவருகின்றேன் . தாமதிற்கு என்னை மன்னித்துக் கொள்ளுங்கள் .

Rustig aan கோமகன் அண்ணா ................அதாவது ஆத்தலாக.அமைதியாக தொடருங்கள்.......நாம் காத்திருக்கிறோம்.....

நன்றாக இருக்கிறது, தொடருங்கள். எமக்காக அவசரப்பட்டு எழுதி பிழை விடாமல் நேரமுள்ளபோது ஆறுதலாக நிதானமாக எழுதுங்கள்.