வேலையால் வீடு திரும்பும் போது  ரோரோன்டாவில் இந்த வாரம் அடிக்கும் சணல் வெக்கை என்னையும் வாட்டி எடுத்தது .பாடசாலை விடுமுறை என்பதால் வீட்டில் சின்னவனை காணவில்லை. பாஸ்கெட் போல் விளையாட நண்பர்களுடன் போயிருப்பான் .மனுசி வேலையால் வந்து ஏ சி யை உச்சத்தில் விட்டு உண்ட களைப்பு தீர தூக்கம். பெரியவன் வில் ஸ்மித் இன் பழைய சீரியலுடன் டி வி யில் மூழ்கியபடி. ஏழு முப்பதற்கு தொடங்கும் அலெக்ஸ்இன் ஜேப்படியில் யார் கூடுதல் பதில் சரியாக சொல்லவதாக தினமும் அவனுக்கும் எனக்கும் போட்டி..  இன்று எனக்கு ஐந்து அவனுக்கு மூன்று.

 

குளிர்சாதன பெட்டியில் நன்கு உறைந்த ஸ்ரவுட்டை உடைத்து வாயில் விட்டபடி வீட்டிற்கு பின்னால் இருக்கும் தோட்டத்தை பார்க்கிகின்றேன். அத்தனை தாவர உயிர்களும் தண்ணீர் வேண்டி அழுது ஓய்ந்துவிட்டது விட்டிற்கு முன் சென்று எட்டி பார்க்கின்றேன் .பூ மரங்களும் அதே கோலம் தான் .

ஸ்ரவுட்டை இழுத்தபடி பொக்சர் சோட்சுடன் தண்ணீர் பைப்பை திறந்து ஆசை தீர பூமரங்களை நீராட்ட தொடங்குகின்றேன் .அனல் காற்று என்றுமில்லாதவாறு டொராண்டோவில் அள்ளி வீசுகின்றது .அனல் காற்று என்றதும் எனக்கு  நினைவிற்கு வருவது டெல்கிதான்,

 

டெல்கியில் குளிரும் சரி வெக்கையும் சரி உச்சத்தை தொட்டு உடலை உருக்கிஎடுத்துவிடும் .அந்த அனல் வெய்யில் பற்றி எனது அம்மாவிற்கு ஒரு கடிதம் எழுதினேன் .

”அம்மா, எரியும் நெருப்பு சுவாலையை நோக்கி நகரும்போது ஓரிடத்தில் இனி அண்மிக்க முடியாது என்று ஒரு நிலை வரும் .அவ்வளவுக்கு வெக்கை அள்ளி எறியும். அதுதான் டெல்கியின் வெப்பநிலை “

 

உமா இரவு சென்னையால் வந்து படுத்தது தெரியும் ஆனால் காலையில் நான் கண் விழிக்கும் போது உமா அந்த கட்டிலில் இல்லை .நேரம் காலை எட்டை தாண்டுகின்றது. எதற்கும் எழுப்பி பார்ப்பம் என்று வெளியில் வருகின்றேன். உமா பூ மரங்களுக்கும் தோட்டத்திற்கும் தண்ணீர் பாச்சிக்கொண்டு இருக்கின்றார்.

டெல்கியில் நான் இருக்கும் வீடு அ.தி.மு.க டெல்கி பாராளுமன்ற உறுப்பினர் ஆலடி அருணாவின் வீடு . அதை அவர் ஒரு கேரளா குடும்பத்திற்கு வாடகைக்கு விட்டு எம்மையும் ஒரு மூலையில் குடியமர்த்தியுள்ளார் .கேரளா வீட்டுக்காரர் விடுமுறைக்கு ஊருக்கு போய்விட்டார் . பூ மரங்களும் தோட்டமும் ஒரு வாரமாக டெல்கி வெக்கையில் வாடி வதங்குது .எனக்கு அவற்றை பார்க்க பார்க்க பாவமாக இருந்தாலும் தண்ணீர் அவரிற்கு விட என்னிடம் பைப் இல்லை அடுத்து ஏன் தேவையில்லாத வேலை என்றும் இருந்துவிட்டேன். (மூன்று கேரளா குட்டிகள் அவ்விடம் உண்டு. அது வேறு பிரச்சனையை உண்டு பண்ணிவிடும் ).

 

உமா இப்போ தண்ணீர் தோட்டத்திற்கு விட்டுக்கொண்டு இருக்கின்றார் .நான் மெல்ல வெளியில் காலடி வைக்கின்றேன்

“பொன்னம்பலம் என்ன லண்டன் நேரத்திற்கு நித்திரையோ ? நாலு வீடு விசாரித்து கடைசியில் ஒரு வீட்டில் ஒரு மாதிரி பைப்பை வாங்கிவிட்டேன் .இதற்காக என்றாலும்  கிந்தி படிக்க வேண்டும் போல கிடக்கு. ஒரு பயலுக்கும் ஆங்கிலமும் விளங்குதில்லை தமிழும் விளங்குதில்லை “

“நானும் பூ கன்றுகள் வாடியிருப்பதை பார்த்தனான் ஆனால் யாரிடம் பைப் இரவல் வாங்குவது என்று தெரியவில்லை விட்டுவிட்டேன் “

 

காலால் மண்ணில் வெள்ளமாக வடிந்திருக்கும் தண்ணீரை எத்தியபடி

“கட்டுவனில தோட்டத்திற்குள் நிற்பது போலிருக்கு .இப்படி  வெக்கை நான் எங்கும் பார்தததில்லை .பாவங்கள் எல்லாம் வாடிப்போச்சு “

 

“ஒரு பிளேன் ரீ வைக்கவோ “ என்று நான் உமாவின் முகத்தை பார்கின்றேன்.

 

ஒரு பயிர் வாடுகின்றதேன்று டெல்கியில் பைப் தேடி தண்ணீர் விடும் நீங்கள் பெற்றோரை ,உறவினரை ,காதலியை,படிப்பை விட்டு உங்களை மட்டும் நம்பி வந்தவர்களை ஒழுங்காக பராமரிக்க தெரியாமல் இருந்ததும், பயிற்சிக்கு வந்த இடத்தில பிடிக்கவில்லை என்று திரும்பி போக நினைத்தவர்களை முகாம்களில் போட்டு அடித்ததும் வதைத்ததும் என்ன வகையில் நியாயம் ,அதுவும் உங்கள் தனிப்பட்ட பாதுகாப்பு என்ற போர்வையில் வகை தொகை தெரியாத அப்பாவிகளை வாட்டி வதக்கி எடுத்து விட்டீர்களே இவையெல்லாம் எதற்குள் அடங்கும் .பொன்னம்பலம் என்று செல்லமாக அழைக்கும் என்னையும் நாளை ஒருவன் குற்றம் சுமத்தினால் உழண்டியில் தூக்க மாட்டீர்கள் என்று என்ன நிட்சயம்.

 

“என்ன பிளேன் ரீ வைக்க லண்டனில் இவ்வளவு நேரம் எடுக்குமா “

 

உமாவின் குரல் கேட்டு திரும்புகின்றேன் ,சுருட்டை முடியை முகத்தில் இருந்து தள்ளியபடி அவரிற்கே உரித்தான ஒரு சிரிப்புடன் வருகின்றார்.

‘டெல்கி தண்ணி இந்த வெக்கைக்குள்ளும் கொதிக்க பஞ்சிபடுது”

என்று நானும் எனக்கே உரித்தான சிரிப்புடன் சொல்கின்றேன் .

 

(இருபது நிமிடத்தில் வீரமக்கள் தின பதிவை இன்று பார்த்த ஞாபகத்தில் பூக்கன்றுகளுக்கு  தண்ணி அடித்துவிட்டு வந்து எழுதியது )

Edited July 18, 201312 yr by arjun

வெக்கை நல்லாய்தான் இருக்கு . வாழ்த்துக்கள் அர்ஜுன் .

நீங்களும் தண்ணி அடித்து,பூக்கன்றுக்கும் தண்ணியடிச்சிருக்கின்றீர்கள்.... ... அதுசரி தொடர்கதையோ...குறுங்கதையோ?

வெக்கை நல்லாய்தான் இருக்கு 

நன்றி  தண்ணிக்கு...

 

ஆனால் தலைவர் 

மலையாளக்குட்டிகளுக்கு  கடலைபோட

தண்ணி காட்டியிருப்பார்     

தண்ணி குடிச்சபடியா கதை தொடராமல் முடிஞ்ச்சுதாக்கும்

வெக்கை இன்னமும் தொடருது .இன்றும் போய் ஸ்ரவுட் அடிக்கத்தான் இருக்கு .பின்னூட்டம் இட்டவர்களுக்கு நன்றி .

விசு அண்ணை, கேரள குடும்பம் விடுமுறைக்கு போய்விட்டார்கள் என்றுதான் எழுதியிருந்தேன் .குடும்பம் என்றால் குட்டிகளையும் சேர்த்துத்தான் .

"விட்டு விட்டு போனால் கடத்திக்கொண்டு போக கூடிய ஆட்கள் என்று "  அவர்களுக்கு தெரியும் .தலைவர்மாரே அப்படி என்றால் மற்றவர்கள் எப்படி இருப்பினம் .

நல்லாயிருக்கு !நானும் நாலு வாளி  தண்ணிர் எடுத்து எனது பால்கனியில் இருக்கும் கண்டுகளுக்கு ஊத்திப்போடுவன் ,அதுகள் கேட்பதற்கு முன்பே !

மொன்றியலிலும் சரியான வெக்கை தான்!