எங்களது திட்ட குழுவுக்காக(Project Team) திறன்பேசிகளில்  உள்ள உணர்வீகளை வைத்து எதாவது மென்பொருள் செய்ய முடியுமா என்று ஒரு ஆய்வு செய்தோம். அதில் என்னென உணர்வீகள் திறன்பேசிகளில் உள்ளன? அதன் செயல்பாடுகள் என்ன? இதைப் பற்றி கொஞ்சம் விரிவாக அலசினோம். அதைப் பற்றி ஒரு சின்னப் பதிவு. யாருக்கேனும் உதவக் கூடும். தமிழாக்கத்தில் எனக்கு தெரிந்த வார்த்தைகளை எடுத்தாண்டுள்ளேன். தவறு இருப்பின் சுட்டிக் காட்டவும்.

திறன்பேசிகளின் உதவியால் இன்று இணையம் உங்களது சட்டைப்பையில் வந்துவிட்டது.ஆடம்பரத் தேவையாயிருந்த தொலைபேசிகள் இன்று அத்தியாவசியத் தேவையாகிவிட்டது. நீங்கள் தொலைபேசியில் பயன்படுத்தும் ஒவ்வொரு செயலுக்கும் பின்னால் பல உணர்வீகள் தொடர்ந்து செயல்பட்டுக் கொண்டிருக்கின்றன.
பொதுவாக தொலைபேசியில் இருக்கும் உணர்வீகள் மீயொலி(ultrasonic sound) அலைகளை தொடர்ந்து உமிழ்ந்து கொண்டே இருக்கும் திடப் பொருள்களின் மீது பட்டு எதிரொலிக்கும்வரை. எதிரொலிக்கும் ஒலியலைகளைப் பொருத்து திறன்பேசிகளின் பதியப்பட்டிருக்கும் மென்பொருள்கள் செயல்படும்.

திறன்பேசிகளில் பொருத்தப்பட்டிருக்கும் சில உணர்வீகளைப் பற்றிக் காண்போம்.
 

1.  ஒளி உணர்வீ (Light Sensor)
2.  சைகை உணர்வீ (Gesture Sensor)
3.  அண்மை உணர்வீ (Proximity Sensor)
4.  திசைச்சுழல்  உணர்வீ  (Gyro Sensor)
5.  முடுக்கமானி (Accelerometer)
6.  புவிகாந்தப்புல உணர்வீ (Geomagnetic Sensor)
7.  காலநிலை / ஈரப்பத  உணர்வீ (Temperture & Humidity Sensor)
8.  காற்றழுத்தமானி (Barometer)
9.  முகப்பு உணர்வீ (Hall Sensor)


1.  ஒளி உணர்வீ (Light Sensor)
இந்த உணர்வீகள் திறன்பேசி இருக்கும் இடத்தின் வெளிச்சத்தை அளவிட்டு அதற்கேற்றவாறு திறன்பேசி திரையில் உமிழும் ஒளியின் அளவை கூட்டவோ குறைக்கவோ செய்கிறது.ஓர் இருட்டு அறையில் திறன்பேசி அதிகமான ஒளியையும், வெளிச்சமான அறையில் குறைவான ஒளியையும்  உமிழ்வதற்கு காரணமாக இருப்பது இந்த உணர்வீகளே.

 

மொழியாக்கம் செய்வதில் நிறைய ஆங்கில வார்த்தைகளுக்கு பொருத்தமான தமிழ் வார்த்தை தேடுவதிலே நேரம் செலவாகிறது. எஞ்சியவற்றை பின்னொரு நாளில் இணைக்கிறேன்.
 

Edited October 25, 201312 yr by ஆதித்ய இளம்பிறையன்

நல்லது தொடருங்கள்.

எங்களுக்கு யாரும் அழைப்பு விடுத்தால் எவ்வாறு

அதை ஏற்றுக்கொள்வது என்பதே சிரமமாக இருக்கும் நிலையில்
உங்கள் பதிவு வரவேற்கத்தக்கது 

 

நல்ல பதிவு தொடருங்கள்

இதுக்குள்ள இவ்வளவு விசயம் இருக்கிறது, இண்டைக்குத் தான் தெரியும், ஆதி!

 

தொடருங்கள்!

நன்றி தப்பிலி, வாத்தியார் மற்றும் புங்கை.

ஒளி உணர்வீ (Light Sensor) ....

இந்த ஒளி உணர்வீ க்குள் ஒற்று அல்லது அதற்க்கு மேற்பட்ட ஒளியிருமுனையம்(photodiode) இருக்கும். இவை வெளிச் சூழலில் இருக்கும் ஒளியை கிரகித்து அதனுள் இருக்கும் ஒலியலைகளின்(wavelength)அலைநீளத்தை கணக்கிடுகிறது.  அதாவது வெளிச் சூழலில் உள்ள ஒளி மனிதக் கண்களுக்கு எவ்வளவு தெளிவாக தெரியும் என்பதை இந்த ஒலியலைகளின் அளவைக் கொண்டு ஒப்பிட்டு அதற்க்கேற்றவாறு திறன்பேசிகளின் தொடுதிரையின்  வெளிச்சத்தை கூடவோ குறைக்கவோ செய்கிறது.

 

மனிதக் கண்களால் மின்காந்த நிறமாலையில்(spectrum) 400 நானோமீட்டர் அலைநீளம் அளவுக்கு கீழே உள்ள புறஊதா(ultraviolet) கதிர்களையும்,  700 நானோமீட்டர் அலைநீளம் அளவுக்கு மேலே உள்ள அகச்சிவப்பு(infrared) கதிர்களையும் காண இயலாது. ஆகவே இந்த ஒளி உணர்வீகள் அகச் சூழலில் 700 நானோமீட்டருக்கு மேல் ஒளி இருந்தால் திறன்பேசிகளின் தொடுதிரையில் குறைந்த அளவு ஒளியையும், 400 நானோமீட்டருக்கு கீழ் இருந்தால் தொடுதிரையில் அதிக அளவு ஒளியையும் உமிழும்.

 

தேனீக்களால் 400 நானோமீட்டர் அலைநீளம் அளவுக்கு கீழே உள்ள புறஊதா(ultraviolet) கதிர்களையும் காண முடிவதால் அவைகளால் பூக்களில் உள்ள தேனை உண்ண முடிகிறது என்பது கொசுறு செய்தி.

 

அண்மை உணர்வீ (Proximity Sensor)

அண்மை உணர்வீகள் மின்காந்த ஒலியலைகளை(electromagnet waves) உமிழ்ந்துகொண்டே இருக்கும்(ரேடார் மாதிரி). இந்த அலைகள் எதாவது திடப்பொருளில் பட்டு எதிரொலிக்கும்போது அந்த அலைகளை உணர்வீகள் கவர்ந்து கொள்ளும். உமிழப்பட்ட நேரத்தையும், எதிரொலித்து கவர்ந்து கொள்ளப்பட்ட நேரத்தையும் கணக்கிட்டு திடப்பொருள் திறன்பேசிக்குக் எவ்வளவு அருகாமையில் உள்ளது என்பதை அண்மை உணர்வீகள் தெரிவிக்கும்.

உங்களுக்கு அழைப்பு வந்ததும் நீங்கள் திறன்பேசியை காதிற்கு அருகில் எடுத்துச் சென்றதும் தொடுதிரையின் வெளிச்சம் தானாகவே அணைந்து விடுவதைக் காணலாம். ஐபோனில் காதிற்கு அருகில் எடுத்துச் சென்றதும் தொடுதிரையின் வெளிச்சமும், திரை தானாகவே பூட்டிக் (lock) கொள்வதையும் காணலாம். நீங்கள் அழைப்பை பேசி முடித்தவுடன் திரை தானாகவே ஒளிர்ந்து பழைய  நிலைக்கு திரும்பி விடும். இதற்க்கு காரணம் இந்த அண்மை உணர்வீகள் தான்.

 

சைகை உணர்வீ (Gesture Sensor)

 

இணைக்கப்பட்டுள்ள படங்கள் இணையத்திலிருந்து எடுக்கப்பட்டது

Edited October 27, 201312 yr by ஆதித்ய இளம்பிறையன்

நல்ல பதிவு தொடருங்கள் ஆதித்ய இளம்பிறையன்.

வரவுக்கும் கருத்துக்கும் நன்றி பெருமாள்..