ஆபிரிக்காவிற்கு திரும்பிப் போ – அருவருக்கும் தமிழ்த் திமிர்

08/24/2015 இனியொரு

 

லூசியம் உள்ளூராட்சி சபையின் வீட்டுவாரிய உத்தியோகத்தர் ஒருவரினை ‘ஆபிரிக்காவிற்கு திரும்பிப் போ’ (‘Go Back To Africa’) என திரு. தம்பித்துரை உதயகாந்தன் என்ற ஈழத்தமிழர் ஒருவர் இனவாத ரீதியில் ஆங்கிலத்தில் திட்டி வார்த்தை துஷ்பிரயோகம் செய்தமை மிகவும் கண்டனத்துக்கு உள்ளாகியிருப்பது கவனிக்கத்தக்கது. இவ்வாறான வார்த்தைத் துஷ்பிரயோகங்களானது நாடுகடந்து வாழும் ஒவ்வொருவரையுமே இழிவுபடுத்துவதாக அமையும்.

சுய நிர்ணைய உரிமைக்கான போராட்டம் தோற்றுவித்த சமூகச் சிந்தனை உரிமைக்கான அரசியலாக அமையாமல் இனவாத அரசியலாக்கப்பட்டதன் பின்னணியில் இக்குறித்த நபர் போன்ற நூற்றுக்கணக்கானவர்களைக் காணலாம்.

மேற்கூறிய சம்பவத்தை மிகத்துல்லியமாக ஒலி மற்றும் ஒளிப்பதிவு செய்த சனல்-5 (Channel 5 TV) என்ற தொலைக்காட்சி நிறுவனத்தினர் கடந்த மாதம் 29ம் திகதி இரவு 9.00 மணிக்கு “கொடுங்கனவு குடியிருப்போர் மற்றும் சேரி நில உரிமையாளர்கள்” (Nightmare Tenants and Slum Landlords) என்ற சமகால உண்மை தொடர் நிகழ்வொன்றில் ஒளிபரப்பியதன் மூலம் இவரின் பலவிதமான மோசடி மற்றும் பல சமூகவிரோத செயல்கள் அம்பலமாகியுள்ளது.

இந்த நபரானவர், லூசியம் ஆஸ்பத்திரிக்கு அண்மித்திருக்கும் “ஸ்பைஸ் குரோவ்” (Spice Grove) என்ற கட்டிடத்தை தனக்கே உரித்தானதென போலியாக கூறிக்கொண்டு, உள்ளூராட்சி சட்ட தடை உத்தரவையும் மீறி, சட்டத்திற்கும் மனித நேயத்திற்கும் முற்றிலும் முரணாக வாழ்விட அடிப்படை வசதிகளெதுவுமற்ற நிலையில் சக தமிழர்கள் பலரையும் அங்கு குடியமர்த்தி, வாடகையாக பல இலட்சம் பவுண்ஸ் பணத்தை சூறையாடுவது தொடர்பாக விசாரிக்க சென்ற சமயமே குறிப்பிட்ட லூசியம் கவுன்சிலின் (உள்ளூராட்சி சபை) வீட்டுவாரிய பெண் உத்தியோகத்தரொருவர் இவரின் இனவாத வாய்வேட்டுக்கு உள்ளாகியமை ஒளிப்பதிவாகி ஒளிபரப்பப்பட்டுள்ளது. மேலும் இவருக்கு சொந்தமானதென கூறப்படும் லூசியம் வேயிலிருக்கும் (Lewisham Way) `Morleys` என்ற பெயரில் இயங்கும் ஒரு கோழி உணவகக் கட்டித்தின் மேல் மாடியிலும் அதற்கடுத்த கட்டிடத்திலும் இவ்வாறான சட்டவிரோத நடவடிக்கைகள் நிகழ்வதை விசாரிக்க சென்ற லூசியம் கவுன்சிலின் கூறப்பட்ட வீட்டுவாரிய பெண் உத்தியோகத்தர் அங்கு நிலவும் மோசமான வதிவிட நிலைமைகண்டு அதிர்ச்சியடைவதனையும், வதிவிட தடை உத்தரவொன்றினை உடன் பிறப்பிப்பதனையும் அதே தொலைக்காட்சி ஒளிபரப்பு தொடரில் காணக்கூடியதாகவுள்ளது.

மேற்குறித்தவர் புலம்பெயர் தமிழ்த் தேசியம் உருவாக்கிய பிழைப்புவாதிகளின் குறியீடே தவிர தனி நபரல்ல! அப்பாவித் தமிழர்களின் பணத்தைதை ‘தமிழ்த் தேசியத்தின்பெயரால் சூறையாடும் நூற்றுக்கணக்கான பிழைப்புவாதிகளின் சாம்ராஜ்யத்தின் உப பிரிவுகளின் ஒன்றே இவரும்.

மக்களின் சொத்தை அவர்களிடமே ஒப்படைக்க வேண்டும் என்ற பிரச்சாரம் ஆரம்பிக்கப்பட வேண்டும்.
http://www.channel5.com/shows/nightmare-tenants-slum-landlords/episodes/episode-6-572

Edited August 24, 201510 yr by கிருபன்

மேற்குறித்தவர் புலம்பெயர் தமிழ்த் தேசியம் உருவாக்கிய பிழைப்புவாதிகளின் குறியீடே தவிர தனி நபரல்ல! அப்பாவித் தமிழர்களின் பணத்தைதை ‘தமிழ்த் தேசியத்தின்பெயரால் சூறையாடும் நூற்றுக்கணக்கான பிழைப்புவாதிகளின் சாம்ராஜ்யத்தின் உப பிரிவுகளின் ஒன்றே இவரும்.

இதுவும் சானல் 5 இல் வந்ததா?

 

இதுவும் சானல் 5 இல் வந்ததா?

 

அது இனியொருவின் முத்திரை!

முன்னர் தமிழ் பொடியள் பெட்டை பிரச்சனையில் குத்து வெட்டுப் பட்டால்.. உடன புலி பழக்கிய ஆயுதக் கலாசாரம் என்று பாய்ஞ்சவை.. இப்ப தமிழ் கிரிமினல்கள் செய்யும் எல்லாக் குற்றத்துக்கும் தமிழ் தேசியம் மீது பாய்ச்சல். இவைக்கு உதுகளை விட்டு செய்தி ஆக்கவும் வாராது தெரியாது. முதலில இவையைப் புடிச்சு சொறீலங்காவுக்கு அனுப்பனும். 

யாரோ ஒரு மேட்டுக்குடியின் கருத்தை...ஏகோபித்த தமிழ் மக்களின் கருத்தாகப் தூக்கிப் பிடிக்கக் கூடாது!

சாராயத் தவறணையில் பகிரப்படும் கருத்தொன்று... ஒரு இனத்தின் ஏகோபித்த கருத்தாக இருக்க முடியாது!

உவையளுக்கு தமிழ்தேசியம் என்ற குறும் தேசியவாதம் தான் பிரச்சனை .....வெளிநாட்டில இருந்து கொண்டு குறும்தேசியம் நெடும் தேசியம் என்று புலம்பத்தான் லாயக்கு

இங்கு என்ன சொல்ல வருகிறார்கள் என்று புரிய வில்லை கிருபன்.

முன்னர்  கவுன்சில்காரர்கள் (டவுன் காரர்)  ரெண்ட் பெனிபிட்டை நேராக லாண்டோட்க்கு அனுப்பினதால் பிரச்னை இருக்க வில்லை.

இப்ப என்னவெண்டால் அவர்களிடமே காசைக் கொடுத்து நீங்களே மலிவாக பார்த்து, மிஞ்சினால் சேமித்துக் கொள்ளுங்கள் என்பதாக கொடுத்து விடுகின்றனர்.

விளைவு, அதை செலவழித்து விட்டு, லாண்டோரட்க்கு, வெறும் கையை காட்டுகிறார்கள் அநேகமானோர்.

அவர்களது தவறான நம்பிக்கையில் ஒன்று: வாடகைப் பணத்தினைக் கட்டாமல், கோர்ட் ஆர்டர் மூலம் வெளியே அனுப்பப் பட்டால், வீடு இல்லாதவர்கள் என, கவுன்சில் தமது, ஆதனங்களில் இருந்து வீடு தரும் என்பது.

அவ்வாறு முன்னர் நடந்தது தான். இப்போது இல்லை. வாடகை பணத்தைக் கையில் கொடுக்கும் காரணம் அதுதான். நீங்களே பார்த்து எடுத்துக் கொள்ளுங்கள். வாடகை பணத்தினை மட்டும் நாம் தருவோம், என்பதே அவர்களது இன்றைய நிலைப்பாடு.

மறுபுறத்தே, வாடகை கேட்டு வரும் லாண்டோரட்க்கு அலுப்புக் கொடுக்கும் வகையில், எதையாவது உடைப்பது, அதை திருத்துமாறு கேட்பது.... பெரிய பில் வைப்பது... திருத்தாவிடில் முறையிடுவது... இப்படி பல.

இதனால் தான் பல லாண்டோட்  மார்  நேரடியாக வாடகைக்கு கொடுக்காமல், கமிசன் போனாலும் பரவாயில்லை என்று, முகவர்களிடம் கொடுத்து விடுவர்.

அவர்களுக்கு, அனுபவம் மூலம், இவர்களை எப்படி கையாள்வது என்று தெரியும். உதாரணமாக, ஐரிஷ் காரர் எலிக்கு பயம். அவர்கள் கிளம்பிப் போனவுடன், வீட்டுக்குள் எலி விடும் முகவர்களும், வேறு சாவி கொண்டு உள்ளே வந்து, தண்ணி, மின்சாரம் நுட்பமாக கட் பன்னுபவர்களும் உண்டு. 

எனவே நல்ல லாண்டோட்க்கு  நல்ல டெனெட் கிடைப்பது அதிஸ்டம். இல்லாவிடில் குறை சொல்ல முடியாது. யாரும் தர்ம தாபனம் நடுத்துவது இல்லை.