ஆபாசப்பட இணையத்தளங்களை முற்றாகத் தடை செய்ய வேண்டும்!

 

 

ஆபாசப்படங்கள் மற்றும் காமக்கதைகளைப் பரப்பும் இணையத்தளங்கள் முற்றாகத் தடைசெய்யப்பட வேண்டும். அத்துடன் உயர்வகை மதுபானம், விலை மாதர்களின் செயற்பாடுகள் என்பவற்றுக்கும் கடுமையான  இறுக்கமான சட்ட நடவடிக்கை மேற்கொள்ளப்பட வேண்டும். இவ்வாறு புதிய அரசமைப்பு உருவாக்கத்துக்கு மக்கள் கருத்தறியும் அமர்வில் பங்கேற்ற சுழிபுரம் பகுதியைச் சேர்ந்த பொதுமகன் ஒருவர் கோரிக்கை விடுத்துள்ளார்.

 

கே.தவராஜா என்ற குறித்த பொதுமகன் அங்கு மேலும் தெரிவித்துள்ளதாவது,

குற்றம் செய்பவர்களுக்கு பிணையற்ற ஒரு வருட கால சிறைத்தண்டனை வழங்குவதுடன், இரண்டு வருடங்களுக்கு நாட்டின் கடற்கரைகளை அழகுபடுத்தும் செயற்திட்டங்களை மேற்கொள்வதற்கும் இவர்களைப் பயன்படுத்துதல் வேண்டும். 

 

இன விடிவுக்காகப் போராடி இன்னுயிர்களைத் தியாகம் செய்த மாவீரர்களை அங்கீகரித்து அவர்களின் நினைவிடங்களைப் புனித பூமியாக்க வேண்டும். அவர்களை நினைவு கூருவதற்கான சட்ட மூல ஏற்பாடகள் மேற்கொள்ளப்படுதல் வேண்டும். எமது தாயகம் -  தேசியம் - சுயநிர்ணயம் என்பவற்றின் அடிப்படையில் எம்முடைய தீர்மானங்கள், அதிகாரங்கள் அனைத்தையும் நாமே தெரிவு செய்து நெறிப்படுத்த வேண்டும்.

 

பெண்கள் மீதான துஷ்பிரயோகம் முதலான குற்றச் செயல்களில் ஈடுபடுபவர்களுக்கு பாரபட்சமின்றி கடுமையான தண்டனைகள் வழங்கப்பட வேண்டும். கல்வி, மருத்துவ செயற்பாடுகளை அரசமயப்படுத்தி, நவீன மயப்படுத்தலுடன் விண்வெளி தொடர்பான ஆய்வு மையங்களும் உருவாக்கப்படும் சட்ட அமைப்பு வேண்டும்.

 

கலாசாரம் மற்றும் கலைகள் பேணப்படுதல் வேண் டும். கைத்தொழில் தொழிற்சாலைகள் நவீன மயப்படுத்தப்படுவதுடன்,  வெளிநாட்டு கைத்தொழில் பொருள்களின் இறக்கு மதிகள் தடை செய்யப்படுதல் வேண்டும். 

 

விவசாயத்தில் இயற்கை முறையை ஊக்குவித்து, குளம், கால்வாய் என்பவற்றைப் புனரமைப்பதற்கான திட்டங்கள் உள்ளடக் கப்படல், அனைத்து அரச நிறுவனங்களின் செயற்பாடுகளையும் சர்வதேச தரத்துக்கு மாற்றுதல், பொது நூலகங்களை உள்ளூராட்சிச் சபைகளிடம் இருந்து கையேற்று முழுமையாக அரசே செயற்படுத்துதல் வேண்டும்.

 

பாதுகாப்புக்குப் பயன்படும் நிதியின் அளவைக் குறைத்தல், ஊடகங்களின் நடுநிலைத் தன்மையை உறுதிப்படுத்தல், கருத்தறியும் சுதந்திரம் ஏற்றுக் கொள்ளப்படல் மற்றும் அனைத்து மட்டங்களிலும் இலஞ்சம் ஊழல் என்பவற்றைத் தடை செய்து அனைவரும் ஒற்றுமையுடன் செயற்படுவதற்கான முறைகளை ஏற்படுத்துதல் போன்ற சட்ட ஏற்பாடுகள் வரையப்பட வேண்டும் போன்ற கோரிக்கைகளை முன்வைத்துள்ளார்.

 

http://onlineuthayan.com/news/8925

எனி ஆபாசம் என்ற ஒன்றே இருக்க வாய்ப்பில்லை. இப்ப எல்லாம்.. செல்பின்னு.. ஆடையின்றி தங்க சொந்த போட்டோவையே.. தில்லா பகிருந்துங்க...இங்க இங்கிலாந்தில் மேற்குலகில்...இது பெரும் பிரச்சனையா இருக்குது.

கைக்குள் கமராவும் வீடியோவும் வந்து விட்டதால்.. எனி ஆபாசம் என்பது தடுக்கும் எல்லையை தாண்டிவிட்டதாகி விடும். விட்டது.

யாழ் பல்கலைகழகத்திலும் தடை செய்வார்களா ?? 

அங்கு எல்லாம் அறிந்துதான் வளருனுமாம் .....

தவறு தளங்களில் உள்ளதா?

அதைத் தேடித் பார்ப்பவர்களின் மனங்களில் உள்ளதா?

நிர்வாணம் இயற்க்கைக்கு மாறாதது எனில்... இயற்கையே எமக்கு ஆடை புனைந்திருக்குமே?

இருந்தாலும் இயற்கை...மறைக்க வேண்டியதையெல்லாம் மறைத்துத் தானே உள்ளது!