ஒரு முட்டாளை முட்டாள் என 
நிரூபிக்க முயற்சி செய்பவனே 
உலகில் பெரிய முட்டாள்.

மேல் உள்ளதை யாரவது கண்டால் அறியத்தரவும் .

உழைக்க மட்டுமே பிறந்தவன் ஆண்.
உயிரூட்ட பிறந்தவள் பெண்.

ஒவ்வொரு 
இரவுக்கும் உறக்கம் தொலைக்க 
ஏதோ ஒரு காரணம் கிடைத்து விடுகிறது. 

தங்க கூட்டில் 
அடைத்து வைத்தாலும் 
பறவை பறந்து 
போகத்தான் ஆசைப்படும்.

மண்ணுக்கு கீழே அடக்கமாகும் வரைக்கும்,
மண்ணுக்கு மேலே அடக்கமாக இருப்போம்.

தகுதி இல்லாத ஒருவனை தகுதி மிக்க இடத்தில் அமர வைத்து விட்டால் 
மீண்டும் அவனை அகற்ற மிகுந்த சிரமப்பட வேண்டியிருக்கும். 
அந்த இடத்திலேயே அமர அவன் என்ன 
வேண்டுமானாலும் செய்வான்.

முந்தித் தவம் கிடந்து முன்னூறு நாள் சுமந்தே
அந்தி பகலாய்ச் சிவனை ஆதரித்துத் தொந்தி
சரியச் சுமந்து பெற்ற தாயார் தமக்கோ
எரியத் தழல் மூட்டுவேன்.

5 hours ago, குமாரசாமி said:

முந்தித் தவம் கிடந்து முன்னூறு நாள் சுமந்தே
அந்தி பகலாய்ச் சிவனை ஆதரித்துத் தொந்தி
சரியச் சுமந்து பெற்ற தாயார் தமக்கோ
எரியத் தழல் மூட்டுவேன்.

இதில் இன்னொரு உப கதையும் உண்டு!
தாய்க்குச் சிதை மூட்டத் தயங்கிய பட்டினத்தார்...பின்னர் வாழைத் தடல்களின் மீது தாயின் உடலைக் கிடத்தி அவரது தவ வலிமையால், சிதைக்குத் தீ மூட்டினார்!

பருத்தியில் விளைந்த நூல் மானம் காக்கும்.
படிக்கின்ற  நூல் உலக மனிதம் காக்கும்.

 சில நேரங்களில் போதனையிலும் 
கிடைக்காத  
ஞானம் வேதனையில் கிடைக்கும். 

கறையானுக்கு இறக்கை முளைச்சால் 
பறந்து பறந்தே 
செத்துடுமாம்.

அன்று வயது வந்த ஒருவனுக்கு நரை விழுந்தால் கிழவன் என்றார்கள்
இன்று  நரை விழுந்த இளைஞனை மூளைசாலி என்கிறார்கள்.

ஒரு மனிதன் தள்ளாடும் போது
தாங்கிப்பிடியுங்கள்
விழுந்துவிட்டால் தூக்கிவிடுவது
இலகு அல்ல.

                                             நடந்ததெல்லாம் நன்மையென்று கருதுவதினால்

                                                                         நடக்கப்போவதெல்லாம்

                                                                             நன்மையாகவே முடியும்.

                                                     பெற்றவரும் தாயல்ல!

                               பாலூட்டியவரும் தாயல்ல! வளர்த்தவரும் தாயல்ல!

                                                   அறிவை அறிவித்தவரே தாய்!

உண்டு கெட்டது வயிறு
உண்ணாமல் கெட்டது உறவு
பார்த்துக் கெட்டது பிள்ளை
பாராமல் கெட்டது பயிறு
கேட்டுக் கெட்டது குடும்பம்
கேளாமல் கெட்டது கடன்.

 

                                                                                          வாரியார் சுவாமி

ஞானத்தின் மூதாதை துன்பம்,

ஞானத்தின் பரம்பரை பொறுமை,

ஞானத்தின் நண்பன் அனுபவம்.

நடுப்பகலும் நடுநிசியும் நெடுநேரம் நிலைப்பதில்லை.

அதுபோல் உலகத்தின் நெருக்கடியும்

மனிதர்களின் துன்பங்களும் நெடுங்காலம் நிலைத்திருக்கா.

அரிசி என்றாலும்
அரசியல் என்றாலும் களையெடுப்பது
அவசியம்

மனசாட்சி உறங்கும்
நேரங்களில் தான் மனக்குரங்கு
ஊர் சுற்றக் கிளம்புகிறது..!

சில சமயங்களில் கண்களுக்கு
தெரியாதது.. இதயத்திற்கு
தெரிகிறது..!

எதையும் பிரதிபலிக்காமல்
படித்துக் கொண்டே இருப்பது
என்பது.. செரிமானம் இல்லாமல்
சாப்பிட்டுக் கொண்டே
இருப்பதை போன்றது..!

வானிலையைவிட அதி
வேகமாய் மாறுகிறது
மனிதனின் மனநிலை...

காப்பாற்ற வேண்டிய
நேரங்களில் ஓய்வெடுக்க
போய்விடுகிறார் கடவுள்...