முகக் கவசங்களை துரிதமாக இறக்குமதி செய்வதற்கு நடவடிக்கை!

முகக்கவசங்களை துரிதமாக இறக்குமதி செய்வதற்கு நடவடிக்கை எடுக்கப்பட்டுள்ளது.

தேசிய ஒளடதங்கள் ஒழுங்குபடுத்தல் ஆணைக்குழு இதனைத் தெரிவித்துள்ளது.

அத்துடன், முகக்கவசங்களின் உற்பத்தியையும் துரிதப்படுத்துமாறு உள்நாட்டு உற்பத்தியாளர்களுக்கு அறிவித்துள்ளதாகவும் குறித்த ஆணைக்குழு குறிப்பிட்டுள்ளது.

இதேவேளை, முகக்கவச விற்பனை சந்தையில் தற்போது மாஃபியாவாக மாறியுள்ளதாக குற்றச்சாட்டுக்கள் முன்வைக்கப்பட்டுள்ளன.

அரச வைத்திய அதிகாரிகள் சங்கத்தின் பிரதம செயலாளர் டொக்டர் ஹரித்த அளுத்கே இந்த குற்றச்சாட்டுக்களை முன்வைத்துள்ளார்.

எவ்வாறாயினும், முகக்கவசங்களை அணியுமாறு பொதுமக்களுக்கு இதுவரையில் அறிவிக்கப்படவில்லை. எனவே, தேவையற்ற குழப்பத்தை ஏற்படுத்த வேண்டாம் எனவும் அவர் தெரிவித்துள்ளார்.

கொரோனா வைரஸ் தாக்குதலுக்குள்ளான நோயாளர் ஒருவர் இலங்கைக்குள் இனங்காணப்பட்டதை அடுத்து, நாடு முழுவதும் முகக்கவசங்களுக்கான தட்டுப்பாடு நிலவுகிறது என்பது குறிப்பிடத்தக்கது.

http://athavannews.com/முகக்கவசங்களை-துரிதமாக-இ/

முகமூடி தட்டுப்பாடு என்று..... இதை. முகத்துக்கு அணிந்து விடாதீர்கள்.
கொரோனாவை விட... கொடிய நோய் வரும். 🤣

 

 

Edited January 29, 20205 yr by தமிழ் சிறி

மாணவர்களுக்கு முகக் கவசம் தேவையில்லை

 

ஆர்.மகேஸ்வரி  

கொரோனா வைரஸ் குறித்து பரவும் பொய்யானத் தகவல்களால் மாணவர்களும் பெற்றோரும் அச்சமடைந்துள்ளதாகத் தெரிவித்த உயர்கல்வி அமைச்சர் பந்துல குணவர்தன மாணவர்கள்  முகக் கவசத்தை அணியுமாறு அரசாங்கம் வலியுறுத்தவில்லை என்றார்.

அரசாங்கத் தகவல் திணைக்களத்தில் இன்று (29) நடைபெற்ற ஊடகவிலாளர் சந்திப்பில் கலந்துகொண்டு கருத்து தெரித்த போதே, மேற்கண்டவாறு தெரிவித்தார்.

தொடர்ந்து கருத்துரைத்த அவர்,

பிரதமர் மஹிந்த தலைமையில் பல அமைச்சுகளின் அதிகாரிகளுடன் முக்கிய கலந்துரையாடல் ஒன்று நேற்று (28) நடைபெற்றதாகத் தெரிவித்த அவர், இதன்போது தற்போது நாட்டு மக்களிடையே ஏற்பட்டுள்ள பீதி குறித்து அவதானம் செலுத்தப்பட்டதென்றார்.

சுகாதார அமைச்சின் ஆலோசனைக்கமைய, சுற்றுநிருபம் ஒன்று பாடசாலைகளுக்கு அனுப்பப்பட்டுள்ளதாகவும் எந்தவொரு சந்தர்ப்பத்திலும் கல்வி அமைச்சோ, சுகாதார அமைச்சோ முகக் கவசத்தை  அதிக விலை கொடுத்து வாங்கி அணியுமாறு மாணவர்களுக்கோ மக்களுக்கோ ஆலோசனை வழங்கவில்லை என்றார்.

http://www.tamilmirror.lk/செய்திகள்/மணவரகளகக-மகக-கவசம-தவயலல/175-244725

7 hours ago, தமிழ் சிறி said:

முகக்கவசங்களை துரிதமாக இறக்குமதி செய்வதற்கு நடவடிக்கை எடுக்கப்பட்டுள்ளது.

எங்க சைனால இருந்தா?

சீன நாட்டவா்களை கண்டால் பதறியடித்து ஓடும் இலங்கையா்கள்..! அப்படி செய்யாதீா்கள் என அரசு அறிவுரை.!

இலங்கையில் பேருந்துகள், வைத்தியசாலைகள், ஹோட்டல்களில் சீனா்களை கண்டாமல் பொது மக்கள் பதறியடித்து ஓடுவதாக தகவல்கள் வெளியாகியுள்ளது.

நாட்டில் பல ஹோட்டல்களில் சீன நாட்டவா்கள் தங்குவதற்கு தடை விதிக்கப்பட்டிருக்கின்றது. அதேபோல் வைரஸ் தொற்றினால் பாதிக்கப்பட்ட பெண் ஒருவா் சிகிச்சைக்காக அனுமதிக்கப்பட்ட நிலையில் கொழும்பில் உள்ள வைத்தியசாலை ஒன்றில் மற் றய நோயாளா்கள் வைத்தியசாலையை விட்டு ஓடியுள்ளனா்.

இதே மாதிாியான சம்பவம் நாட்டின் பல இடங்களில் பேருந்துகளில் இடம்பெற்றிருக்கின்றது. குறிப்பாக தேசிய நெடுஞ்சாலையில் பேருந்தில் சீன நாட்டவா் ஒருவா் ஏறிய நிலையில் பேருந்திலிருந்த மக்கள் இறங்கிவிட்டனா்.

எனினும் பேருந்தில் ஏறிய சீன நாட்டவா் இறங்க மறுத்த நிலையில் பயணிகள் வேறு பேருந்துகளில் பயணித்துள்ளனா். இந்நிலையில் இவ்வாறு நடந்து கொள்ளவேண்டாம் எனவும். சீன நாட்டவா்க ள் அனைவரும் வைரஸினால் பாதிக்கப்படவில்லை என அறிவுரை வழங்கியுள்ளது.

https://jaffnazone.com/news/15641

இதுவரை காலமும் வெளிநாடுகளுக்கு எல்லாவற்றையும்  ஏற்றுமதி செய்த சீனா எங்கிருந்து இதை இறக்குமதி செய்யும்? வண்டியும் ஒருநாள் ஓடத்திலேறும் ஓடமும் ஒருநாள் வண்டியிலேறும். 

11 hours ago, புரட்சிகர தமிழ்தேசியன் said:

சீன நாட்டவா்களை கண்டால் பதறியடித்து ஓடும் இலங்கையா்கள்..! அப்படி செய்யாதீா்கள் என அரசு அறிவுரை.!

இந்தியர்களைக் கண்டால் ஓடின ஆக்கள் இப்ப சீனரைக் கண்டாலும் ஓடினம்.

 

 

 

14 hours ago, புரட்சிகர தமிழ்தேசியன் said:

சீன நாட்டவா்களை கண்டால் பதறியடித்து ஓடும் இலங்கையா்கள்..! அப்படி செய்யாதீா்கள் என அரசு அறிவுரை.!