காதலை எதிர்த்தமைக்காக தனது தந்தையை விசம் வைத்து கொலை செய்ய முயன்ற 18 வயதான யுவதிக்கு நீதிமன்றம் எச்சரிக்கையுடன் கூடிய பிணை வழங்கியுள்ளது.

மாத்தறை மேலதிக நீதவான் இசுறு நெத்தி குமார முன்னிலையில் யுவதி முற்படுத்தப்பட்டபோது, அவரை 500,000 ரூபா பிணையில் விடுவிக்க உத்தரவிட்டார்.

18 வயதான யுவதிக்கு காதல் தொடர்பு இருந்தது. இதை தந்தையார் கடுமையாக எதிர்த்து வந்துள்ளார். அண்மை நாட்களாக தந்தை கடுமையான கண்டிப்புக்களை மேற்கொண்டுள்ளார்.

இதனால் ஆத்திரமடைந்த யுவதி, தந்தையை கொல்ல முடிவு செய்திருந்தார்.

சில தினங்களின் முன்னர் தந்தைக்கு இரவு உணவு தயாரித்த யுவதி, மீன் பொரித்து அதில் மிளகாய் சேர்த்து, அதில் விசம் கலந்து தந்தைக்கு உண்ண கொண்டு வந்துள்ளார். தந்தை உண்ண ஆரம்பித்தபோது, எதேச்சையாக தாயாரும் அங்கு வந்து, மகளின் கைவண்ணத்தை சுவைக்கப் போவதாக கூறி, மீனை உட்கொள்ள முயன்றுள்ளார்.

இதன்போது, பதறிய யுவதி தாயாரை தடுத்து, உணவில் விசம் கலந்த தகவலை தெரிவித்துள்ளார்.

இந்த களேபரத்தில் தந்தையும் மீனை உண்ணாமல் இருந்ததால் ஆபத்தின்றி தப்பித்தார்.

உடனடியாக கும்புறுபிட்டி பொலிஸ் நிலையத்தில் தந்தை, தமது மகள் மீது முறைப்பாடு செய்தார். இதையடுத்து சோதனை செய்த பொலிசார் விசப் போத்தலுடன் யுவதியை கைது செய்தனர்.

நீதிமன்றத்தில் முற்படுத்தப்பட்ட யுவதிக்கு நீதவான் அறிவுரை கூறினார். பின்னர் எச்சரிக்கை கலந்த பிணையில் விடுவிக்கப்பட்டார். 500,000 ரூபா தனிநபர் பிணையில் விடுவிக்கப்பட்டார்.

2021 ஜனவரி 12ஆம் திகதி மீண்டும் நீதிமன்றத்தில் முற்பட உத்தரவிட்டார்.

https://www.pagetamil.com/142646/

அடிப்பாவி மவளே 😩

இன்னும் பத்து பதினைந்து வருடங்களில் புலம்பெயருக்கு வரப்போற பிரச்சனை ஏற்கனவே  இல்லையோ என்று கேட்கவேண்டாம் இருக்கு இவ்வளவு மோசமாய் இல்லை .

எதேச்சையாக தாயாரும் அங்கு வந்து, மகளின் கைவண்ணத்தை சுவைக்கப் போவதாக கூறி, மீனை உட்கொள்ள முயன்றுள்ளார்.

இதன்போது, பதறிய யுவதி தாயாரை தடுத்து, உணவில் விசம் கலந்த தகவலை தெரிவித்துள்ளார்.

எப்போதும் இந்தத் தாய்மார்தான் எல்லாத்தையும் கெடுக்கிறது. பிள்ளைகளையும்.....!   🤭

மனிசியின் தாலி பாக்கியம் கணவரை காப்பாத்தியிருக்கு 

கொலை முயற்சிக்கு ஐந்து இலட்சத்தில் பிணையா ? அல்லது வழமை போன்று Pagetamil செய்தியா 😂😂

1 hour ago, பெருமாள் said:

இன்னும் பத்து பதினைந்து வருடங்களில் புலம்பெயருக்கு வரப்போற பிரச்சனை ஏற்கனவே  இல்லையோ என்று கேட்கவேண்டாம் இருக்கு இவ்வளவு மோசமாய் இல்லை .

உங்க எல்லாம் ஒரு ஒழுங்கு முறைக்கு வருகுது.

தாய், தகப்பன் மாருக்கு விளங்குது..... பிள்ளையள் இங்க பிறந்து வளந்தவயல் எண்டு...

அவர்களது வாழ்வு முறையும் வேற.... அவர்களது எதிர்கால பார்ட்னரின் புரிதலும் வேற எண்ட படியால பிரச்சனை இல்லை என்று புரிந்து கொள்கின்றனர்.

ஊரில் பெண்களின் கலியாணத்துக்கு முந்திய வாழ்வு, கலியாணத்தில் பிரச்சனையை உண்டாக்கும் என்ற கவலை, இங்க  இல்லை என்பதே இந்த புரிதலின் காரணம்.

லண்டனுக்கு வெளியே உள்ள ஊரில், எனது நண்பர் வீட்டில் இரு அறைகளில் வாடைக்கு இருக்கும் நால்வர். நால்வரும் ஜோடிகள்.... பல்கலை மாணவர்கள். குடும்பம் நடத்தினம்.

ஒன்று பாகிஸ்தானிய பிள்ளை, மருத்துவம் செய்கிறா. தாய், தகப்பன் கொண்டு வந்து விடும் போது மொட்டாக்கு...

கிளம்பி போனதும், ஜீன்ஸ், டீ ஷர்ட்..... பாய் பிரண்டுடன் கிளப்பி போகிறார், கிரீசுக்கு....

பண்ணியில் பண்ணிபாருங்கோ.

19 minutes ago, suvy said:

எதேச்சையாக தாயாரும் அங்கு வந்து, மகளின் கைவண்ணத்தை சுவைக்கப் போவதாக கூறி, மீனை உட்கொள்ள முயன்றுள்ளார்.

இதன்போது, பதறிய யுவதி தாயாரை தடுத்து, உணவில் விசம் கலந்த தகவலை தெரிவித்துள்ளார்.

எப்போதும் இந்தத் தாய்மார்தான் எல்லாத்தையும் கெடுக்கிறது. பிள்ளைகளையும்.....!   🤭

தாய்ப்பாசம் 😁

2 hours ago, Kapithan said:

கொலை முயற்சிக்கு ஐந்து இலட்சத்தில் பிணையா ? அல்லது வழமை போன்று Pagetamil செய்தியா 😂😂

இப்ப எல்லாம் யாழில் முதல் இணைத்திருக்கோ என்று மட்டும் பார்ப்பதில்லை செய்தி வேறு இடங்களில் வந்திருக்கா என்றும் பார்க்க வேண்டியுள்ளது படுமோசம் இந்த தமிழ்வின் கூட்டம் நான் பார்க்கும் நேரம் இன்னொரு இணையத்திலும் இதே செய்தி பேஜ்க்கு  முன்பே இணைத்து இருந்தார்கள் .

கணக்கு கேட்டதுக்கு ஒரு கோடி கேட்டு வழக்கு தாக்கல் செய்த விடயத்தை விட இது சின்ன  விடயம் பாஸ் .

இனிமேல் தாய்தேப்பன் வாயை மூடிக்கொண்டுதான் இருக்கோணும் போலை கிடக்கு.....கலிகாலம்