இலங்கைக்கான... அமெரிக்கத் தூதுவர், சபாநாயகரைச் சந்தித்தார்!

இலங்கைக்கான ஐக்கிய அமெரிக்கத் தூதுவர் ஜூலி சங்  சபாநாயகர்  மஹிந்த யாப்பா அபேவர்தனவை இன்று (வெள்ளிக்கிழமை)  நாடாளுமன்றத்தில் சந்தித்தார்.

அரசியல் ஸ்திரத்தன்மையை ஏற்படுத்தி தற்போதைய பொருளாதார நெருக்கடியை வெற்றிகொள்ள புதிய பிரதமர் உள்ளிட்ட அரசாங்கத்தினால் முடியும் என தான் நம்புவதாக அவர் இதன்போது குறிப்பிட்டார்.

அதேபோன்று மக்கள் எதிர்பார்க்கும் அரசியல் மறுசீரமைப்புகளை மேற்கொண்டு ஜனநாயகத்தைப் பாதுகாக்க வேண்டியதன் அவசியத்தையும் அவர் வலியுறுத்தினார்.

இலங்கை – ஐக்கிய அமெரிக்க நாடாளுமன்ற நட்புறவுச்சங்கத்தின் ஊடாக இரு நாடுகளுக்குமிடையிலான உறவுகளை மேலும் மேம்படுத்த எதிர்பார்ப்பதாகவும் ஜூலி சங்  தெரிவித்தார்.

நாடாளுமன்ற பெண் உறுப்பினர்களின் ஒன்றியம் மேற்கொள்ளும் பணிகளை பாராட்டிய அவர் நாடாளுமன்றத்தில் பெண்களின் பிரதிநிதித்துவத்தை அதிகரிக்கும் அவசியம் குறித்தும் கலந்துரையாடினார்.

இலங்கையில் ஜனநாயகத்தை வலுப்படுத்த ஐக்கிய அமெரிக்கா தொடர்ந்தும் வழங்கிவரும் பங்களிப்புக்குச் சபாநாயகர் தனது நன்றியைத் தெரிவித்தார். இந்சந்திப்பில்  நாடாளுமன்ற செயலாளர் நாயகம் தம்மிக தசநாயக்கவும் கலந்துகொண்டிருந்தார்.

ஜூலி சங் அவர்கள் இந்நாட்டுக்கான ஐக்கிய அமெரிக்க தூதுவராக நியமிக்கப்பட்டதை அடுத்து சபாநாயகருடன் இடம்பெற்ற முதலாவது சந்திப்பு இதுவாகும்.

https://athavannews.com/2022/1284195

விமானப்படைத் தளபதியை சந்தித்தார் அமெரிக்கத் தூதுவர் ஜூலி சங்

Published by Vishnu on 2022-05-27 14:58:50

 

 

இலங்கைக்கான அமெரிக்க தூதுவர் ஜூலி சங் விமானப்படைத் தளபதி எயார் மார்ஷல் சுதர்சன பத்திரனவை சந்தித்து கலந்துரையாடினார்.

 

இலங்கை விமானப்படை தலைமையகத்தில் 27 ஆம் திகதி வெள்ளிக்கிழமை இந்தச் சந்திப்பு இடம்பெற்றுள்ளது.

இதன்போது இருதரப்பினருக்கும் இடையில் பல்வேறு விடயங்கள் கலந்துரையாடப்பட்டதுடன் சந்திப்பை நினைவூட்டும் வகையில் நினைவு சின்னங்களும் பரிமாறப்பட்டன.

விமானப்படைத் தளபதியை சந்தித்தார் அமெரிக்கத் தூதுவர் ஜூலி சங் | Virakesari.lk

2 hours ago, தமிழ் சிறி said:

இலங்கைக்கான... அமெரிக்கத் தூதுவர், சபாநாயகரைச் சந்தித்தார்!

 

56 minutes ago, பிழம்பு said:

விமானப்படைத் தளபதியை சந்தித்தார் அமெரிக்கத் தூதுவர் ஜூலி சங்

அமெரிக்கா இந்தியாவை வைத்து இலங்கையைக் கையாளும் போக்கிலிருந்து நகர்ந்து நேரடியாக நரியாரை(ரணிலை)வைத்து தனது தேவைகளை அடையத்தொடங்கிவிட்டதாகவே தோன்றுகிறது. இந்தக்காலத்தில் வட-கிழக்கின் தமிழ்ப்பிரதிநிகள் மக்களை ஒருங்கிணைத்து தமிழினத்தின் விடுதலைக்குக் குரல்கொடுத்துக் கவனத்தைத் திருப்புவதோடு, புத்தர் சிலை வைப்பது முதல் காணி அபகரிப்புவரை ஒரு புள்ளிவிவரத்தை அமெரிக்க தூதுவரிடம் கொடுத்து ஏன் எடுத்துகூற முனையாதிருக்கிறார்கள். 

கொடுக்கப்பட்ட பரிசு என்ன ? 

இராவணனின் புட்பக விமானமோ ? சீதையைத் தூக்கி அமெரிக்காவிடம் கொடுக்கிறார் போல ....🤣

Edited May 27, 20223 yr by Kapithan

8 hours ago, nochchi said:

 

அமெரிக்கா இந்தியாவை வைத்து இலங்கையைக் கையாளும் போக்கிலிருந்து நகர்ந்து நேரடியாக நரியாரை(ரணிலை)வைத்து தனது தேவைகளை அடையத்தொடங்கிவிட்டதாகவே தோன்றுகிறது. இந்தக்காலத்தில் வட-கிழக்கின் தமிழ்ப்பிரதிநிகள் மக்களை ஒருங்கிணைத்து தமிழினத்தின் விடுதலைக்குக் குரல்கொடுத்துக் கவனத்தைத் திருப்புவதோடு, புத்தர் சிலை வைப்பது முதல் காணி அபகரிப்புவரை ஒரு புள்ளிவிவரத்தை அமெரிக்க தூதுவரிடம் கொடுத்து ஏன் எடுத்துகூற முனையாதிருக்கிறார்கள். 

நீங்கள் குறிப்படும் அந்த தமிழ் அரசியல்வாதிகளும் அரச பாதுகாப்புடன் தான் வெளியில் திரிகின்றார்களாம்.

அதுகள் அப்பவே ஒழுங்காய் இருந்திருந்தால் நாங்கள் ஏன் இப்ப இப்பிடியிருக்கிறம்?

விளங்குமெண்டு நினைக்கிறன்.