கைது வேட்டை தொடர்ந்தால்... பெரும் போராட்டம், வெடிக்கும் – அரசாங்கத்திற்கு சுமந்திரன் எச்சரிக்கை.

மக்களின் தன்னெழுச்சிப் போராட்டங்களால் ஆட்சிப்பீடமேறிய புதிய அரசாங்கம், அந்தப் போராட்டங்களுக்குத் தலைமை தாங்கியவர்களை வேட்டையாடும் செயற்பாடுகளை ஒருபோதும் அனுமதிக்க முடியாது என தமிழ்த் தேசியக் கூட்டமைப்பு தெரிவித்துள்ளது.

கொழும்பில் இன்று(4) நடைபெற்ற எதிரணிகளின் கூட்டு செய்தியாளர் மாநாட்டில் கலந்துகொண்டு கருத்து வெளியிடும் போதே கூட்டமைப்பின் நாடாளுமன்ற உறுப்பினர் எம்.ஏ சுமந்திரன் இவ்வாறு தெரிவித்துள்ளார்.

இதன்போது அங்கு தொடர்ந்தும் கருத்து வெளியிட்டுள்ள அவர், “புதிய அரசு மக்கள் மீது தொடர்ச்சியாக அடக்குமுறையைப் பிரயோகித்துக் கொண்டிருக்கின்றது. மக்கள் எழுச்சிப் போராட்டங்களால் நாட்டில் பல மாற்றங்கள் ஏற்பட்டுள்ளன. அந்த மாற்றங்களினாலேயே இந்த அரசு ஆட்சியைக் கைப்பற்றியது.

போராட்டக்காரர்களின் முதுகில் ஏறி ஆட்சியைக் கைப்பற்றியவர்கள், தற்போது அந்தப் போராட்டக்காரர்களையே வேட்டையாடத் தொடங்கியுள்ளமையை ஏற்றுக்கொள்ள முடியாது.

ஜனாதிபதி ரணில் விக்கிரமசிங்க நாடாளுமன்றத்தில் ஆற்றிய கொள்கை விளக்க உரையில், ஆரம்பத்தில் முன்னெடுக்கப்பட்ட ஆர்ப்பாட்டங்கள் வன்முறையற்றவையாகவும், அமைதியானவையாகவும் காணப்பட்டன என்று சான்றிதழ் வழங்கியிருந்தார்.

ஆனால், இந்த ஆர்ப்பாட்டங்களுக்கு ஆரம்பத்திலிருந்தே தலைமை தாங்கியவர்களைத் தற்போது அரசு கைதுசெய்து வருகின்றது.

நேற்றுக் கைதுசெய்யப்பட்ட இலங்கை ஆசிரியர் சங்கத்தின் பொதுச்செயலாளர் ஜோசப் ஸ்டாலின் பிரபல தொழிற்சங்கவாதியாவார்.

அவரைக் கைதுசெய்ததை நாம் வன்மையாகக் கண்டிக்கின்றோம். இவ்வாறான கைதுகள் உடனடியாக நிறுத்தப்பட வேண்டும். ஏற்கனவே கைதுசெய்யப்பட்டவர்கள் விடுதலை செய்யப்பட வேண்டும். போராடும் உரிமையை எவரும் தடுக்க முடியாது.“ எனத் தெரிவித்துள்ளார்.

https://athavannews.com/2022/1293580

40 minutes ago, தமிழ் சிறி said:

புதிய அரசு

திருவாளர் மதியாபரணம் ஆபிரகாம் சுமந்திரன் சட்டவிரோத அரசை 'புதிய அரசு' என்று அழைப்பதன் ஊடாக ரணிலுக்கான பின்கதவு வேலையைச் சரியாகச் செய்கிறார். பெட்டி கைமாறியதை மறைப்பதுமாச்சு. எதிர்ப்பதுபோல் போக்குக் காட்டி ஆதரிப்பது. நேற்றுமுன்தினம் யாழிலை நின்று சிங்கள நரிக்குத் தமிழ் நரி சான்று பகரேக்கையே தமிழ்மக்களுக்குப் புரிந்திருக்கும். ஆனால் என்ன மீண்டுமவர்கள் மறதி நோயால் பாதிக்கப்பட்டு, புள்ளடியை ஏதோ புலிகள் காட்டி பெட்டியென்று (தப்பாநினைக்க வேண்டாம், அதாவது புள்ளடி போடும் பெட்டி) மீண்டும் மீண்டும் போடுவதால் வந்தவினை.

எப்படி ?  அறிக்கைக்கு மேல் அறிக்கை விடுத்தா? 

போங்கப்பு...😏

 

1 hour ago, தமிழ் சிறி said:

கைது வேட்டை தொடர்ந்தால்... பெரும் போராட்டம், வெடிக்கும் – அரசாங்கத்திற்கு சுமந்திரன் எச்சரிக்கை.

இந்த கொசு தொல்லை தாங்க முடியல......

கடந்த சனாதிபதித் தேர்தலில் தமிழர்களின் / தமிழ் பேசும் மக்களின் தெரிவாக ரணில் தானே இருந்தார்.வடக்கு கிழக்கில் வாக்களித்தவர்களில் அனேகர் ரணிலுக்குத் தானே போட்டு இருந்தனர். கோத்தாவும் தான் சிங்கள மக்களின் வாக்குகளால் மாத்திரமே தெரிவானவர் என்று இதனால் தானே சொல்லிக் கொண்டு இருந்தார். 

அப்படியிருக்க சுமந்திரன் தமிழ் பேசும் மக்களின் தெரிவுக்கு எதிராக முயற்சிகள் எடுக்கின்றாரா? 

1 hour ago, நிழலி said:

கடந்த சனாதிபதித் தேர்தலில் தமிழர்களின் / தமிழ் பேசும் மக்களின் தெரிவாக ரணில் தானே இருந்தார்.வடக்கு கிழக்கில் வாக்களித்தவர்களில் அனேகர் ரணிலுக்குத் தானே போட்டு இருந்தனர். கோத்தாவும் தான் சிங்கள மக்களின் வாக்குகளால் மாத்திரமே தெரிவானவர் என்று இதனால் தானே சொல்லிக் கொண்டு இருந்தார். 

அப்படியிருக்க சுமந்திரன் தமிழ் பேசும் மக்களின் தெரிவுக்கு எதிராக முயற்சிகள் எடுக்கின்றாரா? 

தமிழ் மக்கள்  முன் பேயா  பிசாசா?  என்றநிலை???

இந்த நிலையை கொண்டு வர  உதவியவர்கள் வரிசையில்  சுமந்திரனின்  பங்கும் உண்டு  என்ற  சந்தேகம் தமிழ்ப்பகுதிகளில்  நிலவிய படியால்  தான்  முதல்  தேர்தலில் முன்னுக்கிருந்த சுமந்திரன்  இறுதித்தேர்தலில் இரண்டாம் தரம்  வாக்குகளை  எண்ணி சுத்தி  வெல்லவேண்டி  வந்தது?