13வது திருத்தம் தொடர்பில் தமிழ் அரசியல் தலைவர்கள் நெகிழ்ச்சிதன்மையை வெளிப்படுத்தவேண்டும்

[nochchi]

13வது திருத்தம் தொடர்பில் தமிழ் அரசியல் தலைவர்கள் நெகிழ்ச்சிதன்மையை வெளிப்படுத்தவேண்டும்

Posted on August 23, 2023 by தென்னவள்

 4 0

13வது திருத்தம் தொடர்பில்  தமிழ் அரசியல் தலைவர்கள் நெகிழ்ச்சி தன்மையை வெளிப்படுத்தவேண்டும் எனஇந்தியாவிற்கான இலங்கை தூதுவர்  மிலிந்த மொராகொட வேண்டுகோள்விடுத்துள்ளார்.

இந்திய ஊடகமொன்றிற்கான பேட்டியில் அவர் இதனை தெரிவித்துள்ளார்.

இலங்கையில் தமிழ் சிறுபான்மையினத்தவர்களுக்கு சமஉரிமையை வழங்க முயலும் 13வது திருத்தத்தை நடைமுறைப்படுத்துவது குறித்த சர்ச்சைக்குரிய விடயம் குறித்து கருத்து தெரிவித்துள்ள மிலிந்தமொராகொட ரணில்விக்கிரமசிங்க அரசாங்கம் தற்போது இது தொடர்பில் நடவடிக்கைகளில் ஈடுபட்டுள்ளதால் தமிழ் தலைவர்கள் நெகிழ்ச்சி தன்மையை வெளிப்படுத்தவேண்டும் என தெரிவித்தார் என இந்திய ஊடகம்  தெரிவித்துள்ளது.

தீர்வொன்றை காண்பதற்கு ரணில் விக்கிரமசிங்க தனது நாட்டின் தலைவர்களை கடந்த சில மாதங்களாக சந்தித்து வருகின்றார் இந்த விவகாரத்தில் நாடாளுமன்றத்தின் கருத்தொருமைப்பாட்டினை பெற முயல்கின்றார் என இந்திய ஊடகம் தெரிவித்துள்ளது.

ஜனநாயகத்தில் இது சவாலான விடயம் என தெரிவித்துள்ள மிலிந்த மொராகொட வெவ்வேறு குழுக்கள் வெவ்வேறு கருத்தினை கொண்டிருப்பது வழமை  கருத்தியல் மட்டத்தில் எல்லாம் மிக அதிகம் என குறிப்பி;ட்டுள்ளார்.

இலங்கை ஜனாதிபதி கிழக்கு மற்றும் வடக்குகிழக்கின் அபிவிருத்தி குறித்தும் பேசுகின்றார் என தெரிவித்துள்ள மிலிந்தமொரகொட திருகோணமலையை பார்த்தீர்கள் என்றால் அது கிழக்கிற்கு முக்கிய அபிவிருத்தியாக அமையப்போகின்றது எண்ணெய் குழாய்கள் அவர்களுக்கு உதவும் எனவும் தெரிவித்துள்ளார்.13வது திருத்தம் தொடர்பில் தமிழ் அரசியல் தலைவர்கள் நெகிழ்ச்சிதன்மையை வெளிப்படுத்தவேண்டும் – குறியீடு (kuriyeedu.com)

[nunavilan]

13 ஒரு உப்பு சப்பற்றது. அதற்கே நெகிழ்வு தன்மையாம்.

[satan]

2 hours ago, nunavilan said:

13 ஒரு உப்பு சப்பற்றது. அதற்கே நெகிழ்வு தன்மையாம்.

தரமாட்டோம், நீங்களாகவே விட்டுக்கொடுங்கள் என்கிறார்.

3 hours ago, nochchi said:

வெவ்வேறு குழுக்கள் வெவ்வேறு கருத்தினை கொண்டிருப்பது வழமை  கருத்தியல் மட்டத்தில் எல்லாம் மிக அதிகம் என குறிப்பி;ட்டுள்ளார்.

மற்றவர்களின் கருத்தை விடுங்கள், தீர்வு பற்றி முப்பத்தாறு வருடங்களாக உங்கள் கருத்து என்ன? அதைச்சொல்லுங்கள் முதலில்.  

[ஈழப்பிரியன்]

7 hours ago, nochchi said:

13வது திருத்தம் தொடர்பில் தமிழ் அரசியல் தலைவர்கள் நெகிழ்ச்சிதன்மையை வெளிப்படுத்தவேண்டும்

மக்கா மக்கா

இது சிங்கள தலைவர்களிடமிருந்து வரோணும்.

[nochchi]

9 hours ago, nunavilan said:

13 ஒரு உப்பு சப்பற்றது. அதற்கே நெகிழ்வு தன்மையாம்.

 

6 hours ago, satan said:

தரமாட்டோம், நீங்களாகவே விட்டுக்கொடுங்கள் என்கிறார்.

மற்றவர்களின் கருத்தை விடுங்கள், தீர்வு பற்றி முப்பத்தாறு வருடங்களாக உங்கள் கருத்து என்ன? அதைச்சொல்லுங்கள் முதலில்.  

கடைசிப் பேச்சுவார்த்தைக் காலத்திலிருந்து தொடர்ச்சியாக இயங்கிவரும் சிங்கள (அரசியல்வாதியல்ல) இராஜதந்திரி. இந்தியாவில் நின்றவாறு ஒன்றுமேயில்லாத 13ஐக்கூடத் தரமாட்டோம் என்பதைத் தமிழ்த் தலைமைகளுக்கு இதைவிடத் தெளிவாகச் சொல்லமுடியாது. தமிழ்த் தலைமைகள் ஒன்றுதிரண்டு ஓரணியாவதும் மக்களை வீதிக்கிறக்கிப் போராடுவதூடாக மட்டுமே இவர்களது குள்ளநரித்தனத்தை வெளிப்படுத்த முடியும். தமிழர்களை அசையவிடாது இராணுவச் சுற்றிவளைப்பில் வைத்திருந்தவாறு நிலப்பறிப்பு,கோவில் ஆக்கிரமிப்பு எனத் தொடரமுடிகிறதெனில் அதற்கான காத்திரமான செயல்நடவடிக்கையை அரசியல்வாதிகள் வீச்சோடு செய்யாமையே.

[ரஞ்சித்]

அடக் கடவுளே!

[satan]

4 hours ago, nochchi said:

தமிழ்த் தலைமைகள் ஒன்றுதிரண்டு ஓரணியாவதும் மக்களை வீதிக்கிறக்கிப் போராடுவதூடாக மட்டுமே

சிங்களம் செய்த இரத்தக்களரிகளை வாய்மூடிப்பாத்தவர்கள், தாங்களே உசுப்பிவிட்டு, அதை தடுக்க வெளிக்கிட்டவர்களை, ஆதரிக்கவில்லை என அறிக்கை விட்டவர்கள், அதன்பின்னும் ஒன்றுசேர மறுபவர்கள், சிங்களத்துக்கு காலஅவகாசம் கொடுக்கிறார்கள் இருப்பதையும் முடிப்பபதற்கு. இவர்களா போராடபோகிறார்கள்? இந்தியாவுக்கு கடிதம் அனுப்பி காத்திருந்தவர்களுக்கு இந்தியாவிலேயே வைத்து தக்க பதில் கொடுத்திருக்கிறார்கள். இந்தியாவும் எதுவும் மறுத்து பேசியதாக இல்லை. ரணிலும் தடையில்லாமல் இந்தியாவுக்கு போய் வந்துவிட்டார். தங்களது கையாலாகாத்தனத்தை இந்தியாவை வைத்து பூச்சாண்டி காட்டுவது, இந்தியா ஏதோதமிழருக்கு நல்லது செய்தமாதிரி. 

[satan]

சீனாவை அடிக்கடி இலங்கைக்கு வரவழைப்பது இந்தியா தமிழர் பிரச்சனை பற்றி கதைக்கவேண்டும் என்று தம்மை பேய்க்காட்டுவதை நிறுத்த வேண்டும் என்பற்காகவே. நம்மை பலிகொடுத்து சீனாவின் வருகையை தடுக்க இந்தியா முயலும். பயம் காட்டி சாதிப்பவனை எவ்விதத்திலும் கட்டுப்டுத்த முடியாது. இந்ததியா எதுவேண்டுமானாலும் செய்யட்டும், தமிழர் நாம் ஒரு முடிவுக்கு வரவேண்டும். இவர்களிடம் இருந்து நமக்கு விடிவு வருமா? நாமே நம்வேலையை பாப்போமா என்று? 

[Cruso]

ஐயா இன்னும் ஓரிரு மாதங்களில் இலங்கை திரும்ப இருக்கிறார். இங்கு வந்த பின்னர் எதாவது பிழைப்பு நடத்த வேண்டும். எனவே இப்படியாக அரசுக்கும், சிங்கள மக்களுக்கும் ஜால்றா போட வேண்டிய நிலைமை. மற்றப்படி இவருக்கும் இந்த இன பிரச்சினைக்கும் இவர் கூறியதட்கும்  சம்பந்தம் இல்லை.