சுமனரத்தின தேரரின் "தமிழர்களையும் தமிழ் அரசியல்வாதிகளையும் வெட்டுவேன்" என்ற கருத்துக்கு தமிழ் தேசிய இளைஞர் பேரவை கண்டனம்

[goshan_che]

37 minutes ago, விளங்க நினைப்பவன் said:

அப்படி சுமந்திரன் பலஸ்தீனத்திற்கு சென்று பொய் பரப்புரை நிபுணர்களான ஹமாஸ்சிடம் பொய்களை பரப்புரைகள் செய்வது எப்படி என்று பயிற்ற்சி எடுத்து வந்தால் ஏதாவது பயன் உண்டா ?    ஹமாஸ்சின் பொய் பரப்புரைகளுக்கு கதறி கண்ணீர் வடிப்பார்கள் சுமந்திரன் உண்மையாக செய்வதை நாடகம் என்பார்கள்.

 

வாஸ்தவம்தான். அவரும் நாங்களும் சன்மார்கத்தை தழுவிக் கொண்டால் - உலகளாவிய உம்மா எமக்கும் குரல் கொடுக்கும்.

[nedukkalapoovan]

இந்த பிக்கர் மட்டும் தானா.. இப்படிப் பேசினவர். இல்லையே..?!

சமீப காலத்தில் இப்படி பேசியவர்கள்..

1. உதய கம்பன்பில

2.மேர்வின் சில்வா

3.ஞானசார தேரர்

4.சரத் வீரசேகர

5.சுமனரத்தின தேரர் 

6. ஹிஸ்புல்லா  (வடக்குக் கிழக்கு இணைந்தால் இரத்த ஆறு ஓடும்)

சிங்கள பெளத்த கடும்போக்கு பயங்கரவாத அரச அமைச்சர்களும்.. பாராளுமன்ற உறுப்பினர்களும் இப்படி பகிரங்கமாகப் பேசுவதால் தான் இந்த தேரர்களாலும் இப்படி பேசவும் செயற்படவும் முடிகிறது.

சொறீலங்காவில் இன நல்லிணக்கம் என்ற ஒன்றே கிடையாது. அதற்கான சாத்தியமும் இல்லை. இன நல்லிணக்கம் என்பது தமிழர்களின் அரசியல் சமூக பொருண்மிய சுயநிர்ணய உரிமையை அங்கீகரிக்காமல் கிடைக்கப் போவதும் இல்லை.

இப்போ இருப்பது இன மெளனத்தன்மை மட்டுமே. இது தமிழ் மக்களை பெளத்த சிங்கள ஆயுதப் படைகளின் ஆக்கிரமிப்பின் கீழ் ஆயுத முனையில் வைத்திருப்பதன் விளைவே தவிர வேறில்லை. 

ரணில் விக்கிரமசிங்கவும் மகிந்த கூட்ட அரசாங்கமும் இதை ரசிப்பதன் விளைவே.. இந்தப் பேச்சுக்கள். இதனை அவர்கள் இனவாத அரசியல் சூடு ஆறாமல் இருக்க தமக்காகப் பாவிக்கிறார்கள். இதனை சிங்கள வாக்குகளாக அறுவடை செய்யலாம் என்று நினைக்கிறார்கள். சிங்களப் பெரும்பான்மை.. முஸ்லிம் காங்கிரஸ் மத அடிப்படைவாதிகள்.. மத்தியில் ஒரு பாரிய சிந்தனை மாற்றம் வராமல்.. வெறும் ஒரு சிலரை சட்டத்தை காட்டி பயமுறுத்துவதால்.. எந்தப் பிரயோசனமும் இல்லை. அது தமிழ் மக்களை ஏமாற்றும் செயல். 

அப்படி சட்ட நடவடிக்கை எடுக்க வேண்டும் என்றால்.. மேற்குறிப்பிட்ட அனைவர் மீதும் எடுக்க வேண்டும். அப்படி எடுத்தாலும் சிங்கள பெளத்த பேரினவாத அரசின் சட்ட முறைமை இவர்களை தண்டிக்கும் திராணியற்ற ஒன்றாகும். அதனால்.. இவர்களை தண்டிக்கவும் முடியாது. அந்தளவுக்கு அது சிங்கள பெளத்த பேரினவாத வெறியூட்டப்பட்ட ஒன்று. 

Edited October 28, 2023 by nedukkalapoovan

[nedukkalapoovan]

இங்கு சுமந்திரன் போடுவது பக்கா நாடகம். அவர் ஒருபோதும் மேற் சொன்ன 6 பேர் மீதும் சர்வதேச முறைப்பாடு செய்யமாட்டார் அல்லது இனச் சுத்திகரிப்புக்கான கூவல் என்று.. சர்வதேச குற்றவியல் நீதிமன்றத்திற்கு எடுத்துச் செல்ல முயலமாட்டார். 

ஏனெனில்.. அவர் சிங்கள பெளத்தத்தோடு வாழ்வது தனக்குக் கிடைத்த பாக்கியம் என்று கருதுபவர். முஸ்லிம் அடிப்படைவாத முல்லாக்களுடன் கூடிக் குலாவது மகிழ்ச்சி என்று இருப்பவர். அவர் கழுத்தை தேரர்கள் ஏன் வெட்டப் போகிறார்கள். முஸ்லிம்கள் ஏன் அறுக்கப் போகிறார்கள். எனவே அவர்.. இந்தச் சூழலில்.. இப்படி சிங்களப் பொலிஸுக்கு கடிதம் (கவனிக்க பொலிஸ் முறைப்பாடு கூட அல்ல) எழுதி.. நாடகம் ஆடி அதில்.. தன்னை தமிழ் மக்கள் முன் .. நானும் நல்லவன்.. என்று காட்ட வேடம் தரிக்க முயல்கிறார். அவ்வளவே.

Edited October 28, 2023 by nedukkalapoovan

[பாலபத்ர ஓணாண்டி]

10 minutes ago, goshan_che said:

வாஸ்தவம்தான். அவரும் நாங்களும் சன்மார்கத்தை தழுவிக் கொண்டால் - உலகளாவிய உம்மா எமக்கும் குரல் கொடுக்கும்.

உங்க கட்டை வேகுறதுக்காக என் கவட்டையில் வெட்ட முடியாது… 

[குமாரசாமி]

ஜே ஆர் ஜெயவர்த்தனா தொடக்கம்  இன்று வரைக்கும்  இனவாதத்தை ஆள் மாறி ஆளாக வாந்தி எடுத்துக்கொண்டுதான் இருக்கிறார்கள்.இதற்கு பௌத்த மதவாதிகள் உந்து சக்தியாக இருக்கின்றார்கள். அவ்வளவுதான்.
நம்மவர்களுக்குத்தான் சிங்களவர்களை மாதிரி இனவாதம் பேசத்தெரியவில்லை.

[nedukkalapoovan]

15 minutes ago, குமாரசாமி said:

ஜே ஆர் ஜெயவர்த்தனா தொடக்கம்  இன்று வரைக்கும்  இனவாதத்தை ஆள் மாறி ஆளாக வாந்தி எடுத்துக்கொண்டுதான் இருக்கிறார்கள்.இதற்கு பௌத்த மதவாதிகள் உந்து சக்தியாக இருக்கின்றார்கள். அவ்வளவுதான்.

நம்மவர்களுக்குத்தான் சிங்களவர்களை மாதிரி இனவாதம் பேசத்தெரியவில்லை.

சிங்கள பெளத்த இனவெறியன் பொது எதிரி. அவன் பேசுவது எதிரியின் பேச்சு. ஆனால்.. வடக்குக் கிழக்கு இணைந்தால் இரத்த ஆறு ஓடும் என்று பேசும் தொப்பிகளுக்கு துணிவை யார் வழங்கியது..??!

இதனால்.. தான் என்னவோ தேசிய தலைவர்.. இவர்கள் பக்கத்தாலும் தமிழர்கள் மத்தியில்.. இந்த ஆறு வடக்கில் ஓடாமல் இருக்க இவர்களை வெளியேற்ற வேண்டி வந்திருக்கும். ஒருவேளை கிழக்கில் இருந்தும் வெளியேற்றி இருந்தால்.. கிழக்கில் இவர்களால் ஓடிய இரத்த ஆறு.. இந்தளவுக்கு ஓடியும் இருக்காது.. எனியும் ஓடாதிருந்திருக்கும். இப்படியான வெருட்டல்களும் வந்திருக்காது. 

Edited October 28, 2023 by nedukkalapoovan

[குமாரசாமி]

1 hour ago, nedukkalapoovan said:

சிங்கள பெளத்த இனவெறியன் பொது எதிரி. அவன் பேசுவது எதிரியின் பேச்சு. ஆனால்.. வடக்குக் கிழக்கு இணைந்தால் இரத்த ஆறு ஓடும் என்று பேசும் தொப்பிகளுக்கு துணிவை யார் வழங்கியது..??!

இதனால்.. தான் என்னவோ தேசிய தலைவர்.. இவர்கள் பக்கத்தாலும் தமிழர்கள் மத்தியில்.. இந்த ஆறு வடக்கில் ஓடாமல் இருக்க இவர்களை வெளியேற்ற வேண்டி வந்திருக்கும். ஒருவேளை கிழக்கில் இருந்தும் வெளியேற்றி இருந்தால்.. கிழக்கில் இவர்களால் ஓடிய இரத்த ஆறு.. இந்தளவுக்கு ஓடியும் இருக்காது.. எனியும் ஓடாதிருந்திருக்கும். இப்படியான வெருட்டல்களும் வந்திருக்காது. 

எது எப்படி இருந்தாலும் அவர்கள் உயிர்ப்புடன் இருந்த போது நவத்துவாரங்களையும் மூடிக்கொண்டிருந்தவர்கள் இன்று வீதிக்கு வந்து தினாவெட்டு காட்டுவதும் ஒருவகை கேணைத்தனம் தான்......இதில் சிங்களவர்களும் நம்மவர்களும் அடக்கம்...

[Cruso]

4 hours ago, goshan_che said:

வாஸ்தவம்தான். அவரும் நாங்களும் சன்மார்கத்தை தழுவிக் கொண்டால் - உலகளாவிய உம்மா எமக்கும் குரல் கொடுக்கும்.

சன்மார்க்கணும், துன்மார்க்கணும் அழிக்கப்படுவார்கள்.😜

4 hours ago, nedukkalapoovan said:

சிங்கள பெளத்த இனவெறியன் பொது எதிரி. அவன் பேசுவது எதிரியின் பேச்சு. ஆனால்.. வடக்குக் கிழக்கு இணைந்தால் இரத்த ஆறு ஓடும் என்று பேசும் தொப்பிகளுக்கு துணிவை யார் வழங்கியது..??!

இதனால்.. தான் என்னவோ தேசிய தலைவர்.. இவர்கள் பக்கத்தாலும் தமிழர்கள் மத்தியில்.. இந்த ஆறு வடக்கில் ஓடாமல் இருக்க இவர்களை வெளியேற்ற வேண்டி வந்திருக்கும். ஒருவேளை கிழக்கில் இருந்தும் வெளியேற்றி இருந்தால்.. கிழக்கில் இவர்களால் ஓடிய இரத்த ஆறு.. இந்தளவுக்கு ஓடியும் இருக்காது.. எனியும் ஓடாதிருந்திருக்கும். இப்படியான வெருட்டல்களும் வந்திருக்காது. 

நான் இதைப்பற்றி நிறையவே இங்கு எழுதி இருக்கிறேன். இவர்கள்தான் தமிழர்களின் சாபக்கேடு என்றும் எழுதி இருந்தேன். இனியாவது அவர்களைப்பற்றி இங்கு கருத்து எழுதுபவர்கள் புரிந்து கொண்டால் நல்லது. 

[ஏராளன்]

'தமிழர்களை ஒட்டுமொத்தமாக கொன்று அழிப்பேன் ' என்று புத்த பிக்கு பேச்சு - இலங்கையில் கொந்தளிப்பு

பட மூலாதாரம்,UGC

படக்குறிப்பு,

அம்பிட்டிய சுமணரத்ன தேரர் தமிழர்களுக்கு எதிராக வெளியிட்ட கருத்து தற்போது பாரிய சர்ச்சையை தோற்றுவித்துள்ளது.

4 மணி நேரங்களுக்கு முன்னர்

இலங்கையில் தமிழர்களை ஒட்டுமொத்தமாக இனப் படுகொலை செய்ய வேண்டும் எனறு மட்டக்களப்பு பகுதியிலுள்ள மங்களாராமய அம்பிட்டிய சுமணரத்ன தேரர் என்ற புத்த பிக்கு தெரிவித்த கருத்து, இன்று பாரிய சர்ச்சையை ஏற்படுத்தியுள்ளது.

இந்த கருத்து பாரதூரமானது எனவும், அந்த புத்த பிக்கு கைது செய்யப்பட வேண்டும் எனவும் பல்வேறு தரப்பினரும் குரல் எழுப்பி வருகின்றனர்.

வீதியின் நடுவே இருந்தவாறு இனவாதத்தை தூண்டும் வகையில் ஆக்ரோஷமாக அவர் தெரிவித்த கருத்து, சமூக வலைத்தளங்களில் அதிகளவில் பகிரப்பட்டு வருகின்றது.

மட்டக்களப்பு கள்ளியன்காடு பகுதியில் வீதியோரத்தில் மேற்கொள்ளப்பட்ட அகழ்வு பணிகளின் போது, தனது தாயின் கல்லறை உடைக்கப்பட்டதாக அம்பிட்டிய சுமணரத்ன தேரர் குற்றஞ்சுமத்தியிருந்தார்.

இந்த கல்லறை அமைந்துள்ளதாக கூறப்படும் இடத்திற்கு வருகை தந்தவாறே, அவர் தமிழர்களுக்கு எதிராக இவ்வாறான கருத்தை வெளியிட்டார்.

மட்டக்களப்பு நிர்வாகத்திலுள்ள பெரும்பான்மையினர் தமிழர்கள் என்ற அடிப்படையில், சிங்களவர்களின் அடையாளங்களையே தமிழர்கள் இல்லாது செய்வதாக அம்பிட்டிய சுமணரத்ன தேரர் குறிப்பிட்டிருந்தார்.

அத்துடன், மட்டக்களப்பு மாவட்டத்திலுள்ள தமிழ்த் தேசியக் கூட்டமைப்பின் நாடாளுமன்ற உறுப்பினர் இராசமாணிக்கம் சாணக்கியம் போன்ற அரசியல்வாதிகளே, சிங்களவர்களின் அடையாளங்களை அழிப்பதாகவும் அவர் குற்றஞ்சுமத்தியுள்ளார். தமிழர்களுக்கு எதிரான புத்த பிக்குவின் இனவாத கருத்து இலங்கையில் கொந்தளிப்பை ஏற்படுத்தியுள்ளது.

 

படக்குறிப்பு,

சுமணரத்ன தேரர் மீது ஐ.சி.சி.பி.ஆர் சட்டத்தின் கீழ் நடவடிக்கை எடுக்கப்பட வேண்டும் என தமிழ்த் தேசியக் கூட்டமைப்பின் ஊடகப் பேச்சாளர் நாடாளுமன்ற உறுப்பினர் சட்டத்தரணி எம்.ஏ.சுமந்திரன் வலியுறுத்தியுள்ளார்.

தமிழர்கள் மற்றும் தமிழ் அமைப்புகள் கடும் எதிர்ப்பு

அம்பிட்டிய சுமணரத்ன தேரர் தமிழர்களுக்கு எதிராக வெளியிட்ட கருத்து தற்போது பாரிய சர்ச்சையை தோற்றுவித்துள்ளது.

தமிழர்களுக்கு எதிராக கருதுக்களை வெளியிட்ட அம்பிட்டிய சுமணரத்ன தேரரை உடனடியாக கைது செய்து, சட்ட நடவடிக்கை எடுக்குமாறு தமிழர்கள் தொடர்ச்சியாக வலியுறுத்தி வருகின்றனர்.

மட்டக்களப்பு - மங்களாராமய அம்பிட்டிய சுமணரத்ன தேரர் வெளியிட்ட கருத்திற்கு, தமிழ்த் தேசியக் கூட்டமைப்பு கடும் கண்டனத்தை வெளியிட்டுள்ளது.

தமிழ்த் தேசியக் கூட்டமைப்பின் ஊடகப் பேச்சாளர் நாடாளுமன்ற உறுப்பினர் சட்டத்தரணி எம்.ஏ.சுமந்திரன், கடிதமொன்றின் ஊடாக தமது எதிர்ப்பை வெளியிட்டுள்ளார்.

தமிழர்களை துண்டுதுண்டாக வெட்டுவேன் என அம்பிட்டிய சுமணரத்ன தேரர் வெளியிட்ட கருத்து தொடர்பில் ஏன் இதுவரை உடனடி நடவடிக்கை எடுக்கவில்லை என எம்.ஏ.சுமந்திரன், போலீஸ் மாஅதிபரிடம் கேள்வி எழுப்பியுள்ளார்.

போலீஸ் மாஅதிபருக்கு எழுதியுள்ள கடிதத்திலேயே அவர் இதனைக் குறிப்பிட்டுள்ளார்.

ஐ.சி.சி.பி.ஆர் சட்டத்தின் கீழ் நடவடிக்கை எடுக்கப்பட வேண்டும் என வலியுறுத்தியுள்ள அவர், ஏன் நடவடிக்கை எடுக்கப்படவில்லை எனவும் அவர் கேள்வி எழுப்பியுள்ளார்.

அத்துடன், தமது கட்சியின் நாடாளுமன்ற உறுப்பினர் ஆர்.சாணக்கியனை, அம்பிட்டிய சுமணரத்ன தேரர் தொடர்ச்சியாக எதிர்த்து கருத்துக்களை வெளியிட்டு வருவதாகவும் அவர் தனது கடிதத்தில் சுட்டிக்காட்டியுள்ளார்.

 

பட மூலாதாரம்,MANO GANESAN

படக்குறிப்பு,

தேரருக்கு எதிராக கடுமையான நடவடிக்கை எடுக்க வேண்டும் என தமிழ் முற்போக்கு கூட்டணியின் தலைவரும், நாடாளுமன்ற உறுப்பினருமான மனோ கணேசன் தெரிவிக்கின்றார்.

மங்களாராமய அம்பிட்டிய சுமணரத்ன தேரர் வெளியிட்ட கருத்து குறித்து ஜனாதிபதி ரணில் விக்ரமசிங்க, மகாநாயக்க தேரர்கள் உள்ளிட்ட அனைவரும் கவனத்திற்கு எடுத்து, தேரருக்கு எதிராக கடுமையான நடவடிக்கை எடுக்க வேண்டும் என தமிழ் முற்போக்கு கூட்டணியின் தலைவரும், நாடாளுமன்ற உறுப்பினருமான மனோ கணேசன் தெரிவிக்கின்றார்.

மங்களாராமய அம்பிட்டிய சுமணரத்ன தேரர் தமிழர்களுக்கு எதிராக வெளியிட்ட கருத்து தொடர்பில் கருத்துரைத்த போதே அவர் இதனைக் கூறினார்.

''மங்களாராமய அம்பிட்டிய சுமணரத்ன தேரர் மீண்டும் இனவாதத்தை கக்கியிருக்கின்றார். அதற்கு இடமளிக்க முடியாது. நடவடிக்கை எடுத்தே ஆக வேண்டும். நடுத் தெருவிற்கு வந்து, தமிழர்களை வெட்ட வேண்டும். கொல்ல வேண்டும் என்று பேச்சினாலும், சைகையினாலும் செய்கின்றார்; சொல்கின்றார். இது என்ன? மனநோயா?

அவருக்கு என்ன பிரச்னை என்று தெரியவில்லை. அவரின் தாயின் மயான பூமியிலே ஏதோ நடந்து விட்டதாக சொல்கின்றார். அது உண்மையானால், அந்த மாவட்டத்தின் நாடாளுமன்ற உறுப்பினர் ஒருவருக்கு எதிராகவும் குற்றஞ்சாட்டுகின்றார். மட்டக்களப்பு மாவட்ட மாநகர சபை ஆணையாளருக்கு எதிராக குற்றஞ்சாட்டுகின்றார்.

அதற்கு வேறு வழியிருக்கின்றது. போலீஸில் புகார் செய்யலாம். மாவட்ட ஒருங்கிணைப்பு குழுக்கூட்டத்தில் பேசலாம். ஒரு முடிவு காணலாம். வழியிருக்கின்றது. அதனை செய்யாமல் நடுத் தெருவிற்கு வந்து தமிழர்களை கொல்வேன் என்று சொல்ல முடியாது.

ஐ.சி.சி.பீ.ஆர் சட்டம் என்று ஒன்று நாட்டில் இருக்கின்றது. அதன் பிரகாரம், எவரது இனத்திற்கு எதிராகவும் பேச முடியாது. இனங்களுக்கு இடையில் பகைமையை ஏற்படுத்த முடியாது. இந்த அம்பிட்டிய தேரரும் கைது செய்யப்பட்டே ஆக வேண்டும். அதில் நாங்கள் தெளிவாக இருக்கின்றோம். நாட்டிலுள்ள பௌத்த மகாநாயக்க தேரர்களும் இதை கவனத்தில் எடுக்க வேண்டும்.

அவரை ஒழுங்குபடுத்த வேண்டும் என்று கேட்டுக்கொள்கின்றேன். அதுமட்டுமல்ல, நாட்டின் ஜனாதிபதி ரணில் விக்ரமசிங்க அவர்கள், இதை கவனத்தில் எடுக்க வேண்டும். நாட்டின் சட்டம் ஒழுங்கு அமைச்சர் இதனை கவனத்தில் எடுக்க வேண்டும். ஜனாதிபதி வழமை போல இதையும் கடந்து போகக்கூடாது என கூறிக்கொள்ள விரும்புகின்றோம்" என தமிழ் முற்போக்கு கூட்டணியின் தலைவரும், நாடாளுமன்ற உறுப்பினருமான மனோ கணேசன் தெரிவித்துள்ளார்.

 

பட மூலாதாரம்,CWC MEDIA

படக்குறிப்பு,

 

''தமிழ் மக்களை இலக்கு வைத்து அம்பிட்டிய சுமணரத்ன தேரர் வெளியிட்டுள்ள கருத்துகள் இனக்குரோதத்தை விதைக்கும் வகையில் உள்ளது” என நீர்வழங்கல் மற்றும் தோட்ட உட்கட்டமைப்பு வசதிகள் அமைச்சர் ஜீவன் தொண்டமான் வலியுறுத்தியுள்ளார்.

இலங்கை தொழிலாளர் காங்கிரஸ் எதிர்ப்பு

இனவாதத்துக்கு தூபமிடும் வகையில் செயற்படும் மட்டக்களப்பு - அம்பிட்டிய சுமணரத்ன தேரருக்கு எதிராக உரிய சட்ட நடவடிக்கை எடுக்குமாறு போலீஸ் மாஅதிபரிடம் இலங்கைத் தொழிலாளர் காங்கிரஸின் பொதுச்செயலாளரும், நீர்வழங்கல் மற்றும் தோட்ட உட்கட்டமைப்பு வசதிகள் அமைச்சருமான ஜீவன் தொண்டமான் வலியுறுத்தியுள்ளார்.

அத்துடன் இந்த விவகாரம் தொடர்பில் போலீஸ் தலைமையகத்திலும் அமைச்சர் ஜீவன் தொண்டமான் முறைப்பாடு செய்துள்ளதாக இலங்கை தொழிலாளர் காங்கிரஸின் ஊடகப் பிரிவு தெரிவிக்கின்றது.

மேலும், குறித்த தேரரின் கடந்த கால செயற்பாடுகள் இன மோதலை ஏற்படுத்தும் நோக்கில் அமைந்துள்ளதால் அது தொடர்பில் உரிய வகையில் விசாரணை நடத்தி பாதுகாப்பு அமைச்சர் என்ற வகையில் ஜனாதிபதிக்கும், பொதுமக்கள் பாதுகாப்பு அமைச்சருக்கும், தனக்கும் அறிக்கையொன்றை வழங்குமாறும் அமைச்சர் ஜீவன் தொண்டமான் கோரிக்கை விடுத்துள்ளார்.

''தமிழ் மக்களை இலக்கு வைத்து அம்பிட்டிய சுமணரத்ன தேரர் வெளியிட்டுள்ள கருத்துகள் இனக்குரோதத்தை விதைக்கும் வகையில் உள்ளதுடன், அரசாங்கத்தால் முன்னெடுக்கப்பட்டுவரும் நல்லிணக்க முயற்சிகளை சீர்குலைக்கும் வகையிலும் அமைந்துள்ளன.

கொரோனா பெருந்தொற்றால் எமது நாட்டு பொருளாதாரம் சரிந்தது. அதன்பின்னர் அரசியல் குழப்பத்தால் அதலபாதாளத்திலேயே விழுந்தது. எனவே, அனைவரும் இணைந்து செயற்பட்டால்தான் இந்நாட்டை கட்டியெழுப்பலாம்.

நாட்டில் முன்னேற்றத்துக்கு இன, மத நல்லிணக்கம் மிக முக்கியம். இந்நிலையில் இனவாதம் கக்கி, இன முறுகலை ஏற்படுத்தும் வகையில் குறித்த தேரர் செயற்பட்டு வருகின்றார்.

கருத்து சுதந்திரம் என்ற போர்வையில் அவர் சட்டத்தை கையில் எடுத்து செயற்பட முற்படுகின்றார். எனவே, அவருக்கு எதிராக நடவடிக்கை எடுக்கப்பட வேண்டும்," என அமைச்சர் ஜீவன் தொண்டமான் தெரிவித்துள்ளார்.

 

பட மூலாதாரம்,RAJKUMAR RAJEEVKANTH

படக்குறிப்பு,

தேரரின் பேச்சுக்கு எதிராக வடக்கு கிழக்கு மக்கள் போராட்டத்திற்கான ஒத்துழைப்பு இயக்கம் சார்பில் ராஜ்குமார் ரஜீவ்காந்த் முறைப்பாடு ஒன்றைப் பதிவு செய்துள்ளது.

குற்றப் புலனாய்வு திணைக்களத்தில் முறைப்பாடு

தமிழர்களுக்கு எதிராக அம்பிட்டிய சுமணரத்ன தேரர் வெளியிட்ட கருத்துக்கு எதிராக குற்றப் புலனாய்வு திணைக்களத்தில் வடக்கு கிழக்கு மக்கள் போராட்டத்திற்கான ஒத்துழைப்பு இயக்கம் முறைப்பாடொன்றை பதிவு செய்துள்ளது.

வடக்கு கிழக்கு மக்கள் போராட்டத்திற்கான ஒத்துழைப்பு இயக்கம் சார்பில் ராஜ்குமார் ரஜீவ்காந்த் இந்த முறைப்பாட்டை நேற்றைய தினம் பதிவு செய்துள்ளார்.

''குற்றப் புலனாய்வு திணைக்களத்தில் முறைப்பாடொன்றை பதிவு செய்துள்ளேன். மட்டக்களப்பில் இருக்கின்ற அம்பிட்டிய சுமணரத்ன தேரர் சில நாட்களுக்கு முன்னர் ஊடகங்களுக்கு முன்னிலையில், அவரின் தனிப்பட்ட பிரச்னைகளை பொது பிரச்னையாக மாற்றி, தெற்கில் வசிக்கக்கூடிய அத்தனை தமிழர்களையும் தான் துண்டு துண்டாக வெட்டுவேன் என்று பகிரங்கமாக கூறியிருக்கின்றார்.

இந்த நாட்டை பொருத்த வரையில் இன, மதவாதங்களை தூண்டுபவர்கள் மீது, குறிப்பாக பௌத்த பிக்குகள் மீது எந்தவித நடவடிக்கைகளும் எடுக்கப்பட மாட்டாது. இங்கு பயங்கரவாதத் தடைச் சட்டம் முதல் ஐ.சி.சி.ஆர்.பி வரை சாதாரண மக்கள் மீது பாவிக்கப்படுகின்றது.

எனக்கு தெரிந்த பல பேர், முகப்புத்தக பதிவிற்காக மூன்று வருடங்கள் சிறையில் இருந்திருக்கின்றார்கள். குறிப்பாக அம்பிட்டிய சுமணரத்ன தேரரை கைது செய்யுமாறு, குற்றப் புலனாய்வு திணைக்களத்தின் பணிப்பாளருக்கு, நான் எழுத்துமூலம் கோரிக்கை விடுத்திருக்கின்றேன். என்னுடன் மேலும் சிலர் வருகைத்தந்திருக்கின்றார்கள். அவர்களும் இதே கோரிக்கையை விடுத்திருக்கின்றார்கள். உடனடியாக அவர் கைது செய்யப்படவேண்டும். இந்த கைது இடம்பெறும் வரை இதற்கு எதிராக நாம் குரல் கொடுப்போம்." என ராஜ்குமார் ரஜீவ்காந்த் தெரிவிக்கின்றார்.

மட்டக்களப்பு மங்களாராமய அம்பிட்டிய சுமணரத்ன தேரர் இதற்கு முன்னரும் இவ்வாறான கருத்துக்களை வெளியிட்டு பல்வேறு சர்ச்சைகளுக்கு உள்ளாகி வந்த நிலையிலேயே, தற்போது தமிழர்களை வெட்டுவதாக கூறி மீண்டும் சர்ச்சைக்குள்ளாகியுள்ளார்.

மட்டக்களப்பு நகரை அண்மித்துள்ள பௌத்த விகாரையான மங்களாராமய விகாரையின் விஹாராதிபதியாக (பிரதான பிக்கு) அவர் செயற்பட்டு வருகின்றார்.

https://www.bbc.com/tamil/articles/cv24y1r7q9eo

[புலவர்]

பெளத்த பிக்குகள் அப்படி ஒன்றும் அதிகாரம் படைத்தவர்கள் அல்ல. ஆனால் அப்படித்தான் மக்களுக்குச் சொல்லப்பட்டிருக்கிறது. எத்தனையோ பெளத்த பிக்குகளை சிங்களவர்க்ள சரமாரியாகத்தாக்கியிருக்கிறார்கள். கோகம போராட்டம். மமற்றும் அண்மையியல் தாயையும் மகளையும் பாலியல் தேவைக்குப் பயன்படுத்திய விகாரத்தில் எல்லாம் நல்ல தர்ம அடி கோடுத்திருக்கிறார்கள்.ஆகவே அவர்களைக்கைது செய்து உள்ளே போடுவது பெரிய விடயமல்ல. இந்த அரசாங்கம் ஏன் அதைச் செய்யாமல் இருக்கிறது. சுமத்திரன் அவர்மீது சட்டரீதியாக வழக்குத் தொடுக்காமல் பொத்தாம் பொதுவாக ஏன் கடிதம் எழுதினார். புலிகள் இருந்தவரையில் இந்தப் பிக்குகளின் வீரம் எங்கே மறைந்திருந்தது.இந்தநாட்டில் முதல் துப்பாக்கியை வெடித்தது பிக்குவவின் துப்பாக்கிதான்.

[goshan_che]

19 minutes ago, புலவர் said:

பெளத்த பிக்குகள் அப்படி ஒன்றும் அதிகாரம் படைத்தவர்கள் அல்ல. ஆனால் அப்படித்தான் மக்களுக்குச் சொல்லப்பட்டிருக்கிறது. எத்தனையோ பெளத்த பிக்குகளை சிங்களவர்க்ள சரமாரியாகத்தாக்கியிருக்கிறார்கள். கோகம போராட்டம். மமற்றும் அண்மையியல் தாயையும் மகளையும் பாலியல் தேவைக்குப் பயன்படுத்திய விகாரத்தில் எல்லாம் நல்ல தர்ம அடி கோடுத்திருக்கிறார்கள்.ஆகவே அவர்களைக்கைது செய்து உள்ளே போடுவது பெரிய விடயமல்ல. இந்த அரசாங்கம் ஏன் அதைச் செய்யாமல் இருக்கிறது. சுமத்திரன் அவர்மீது சட்டரீதியாக வழக்குத் தொடுக்காமல் பொத்தாம் பொதுவாக ஏன் கடிதம் எழுதினார். புலிகள் இருந்தவரையில் இந்தப் பிக்குகளின் வீரம் எங்கே மறைந்திருந்தது.இந்தநாட்டில் முதல் துப்பாக்கியை வெடித்தது பிக்குவவின் துப்பாக்கிதான்.

இது பாதி சரி, பாதி பிழை.

பிக்கு ஒருவர் சிங்களவர் மத்தியில் துஸ்பிரயோகமாக நடந்தால் அடி விழ வாய்ப்புண்டு.

உதாரணமாக, அந்த பாலியல் விடயத்துக்காக உதை விழுந்த வழக்கில் சம்பந்த பட்ட பெண்கள், தட்டி கேட்ட ஆண்கள் தமிழராய் இருந்திருப்பின், பொய் குற்றம் சொல்லி, பிக்குவை தண்டித்து அதன் மூலம் பெளத்த சிங்கள இனத்தை வஞ்சிக்கிறார்கள் தமிழர்கள் என கூச்சல் போட்டு பிக்கு தப்பி விடுவார்.

அதே போலத்தான் ஞானே, சுமணே எல்லா மொட்டைகளும். இனவாதத்தை ஒரு பிக்கு கையில் எடுத்தால் அதன் பின் அவர் மேல் கை வைப்பது கடினம்.