உங்கள் வாழ்க்கை உங்களுக்கே வெறுக்கும் போது, இந்தப் பிரச்சனைகளை இதற்கு மேல் என்னால் தீர்க்கமுடியாது என நினைக்கும் போது, இந்த பெரிய கண்ணாடி சாடியும் (mayonnaise jar ) 2 பியர் போத்தலும் கதையை ஞாபகப் படுத்திப் பார்க்கவும்.

தத்துவ இயல் வகுப்பறையில் பேராசிரியர் ஒருவர் கொஞ்சப் பொருட்களுடன் வகுப்பறையின் முன்னால் நின்றுகொண்டிருந்தார். வகுப்பு தொடங்கியவுடன் அவர் ஒன்றுமே கூறாமல் ஒரு பெரிய சாடியை எடுத்து அதற்குள் கோல்ப்f (Golf) விளையாடும் பந்துகளை சாடி முட்டப் போட்டு நிறைத்தார். பிறகு மாணவர்களைப் பார்த்து சாடி முற்றாக நிரம்பியுள்ளதா எனக் கேட்டார். மாணவர்களும் ஆம் எனக் கூறினர்.

பிறகு அவர் ஒரு பெட்டியிலிருந்து கொஞ்சம் குறுணிக் கற்களை எடுத்து அந்தச் சாடிக்குள் போட்டு அந்த சாடியைச் சிறிது குலுக்கினார். சிறிய கற்கள் அந்த கோல்f பந்துகளுக்கு இடையால்ச் சென்று சாடியின் அடியில் விழுந்தன. அப்படியே அந்த சாடியை கற்களாலும் நிரப்பிவிட்டு, மாணவர்களைப் பார்த்து சாடி முற்றாக நிரம்பியுள்ளதா என மிண்டும் கேட்டார். மாணவர்களும் ஆம் எனக் கூறினர்.

பிறகு அவர் ஒரு பெட்டியிலிருந்து குரு மணலை எடுத்து கொஞ்சம் கொஞ்சமா அந்த சாடியினுள் கொட்டினார். மணல், பந்துகளையும் சிறு கற்களையும் மூடி சாடியை நிரப்பியவுடன் மாணவர்களைப் பார்த்து சாடி முற்றாக நிரம்பியுள்ளதா எனக்கேட்டார். மாணவர்கள் இம்முறை எல்லோருமாகச் சேர்ந்து மிகச் சத்தமாக ஆம் எனக் கத்தினர்.

கடைசியாக பேராசிரியர் தனது மேசைக்கு அடியிலிருந்து இரண்டு பியர் போத்தல்களை எடுத்து, மூடியைத் திறந்து சாடிக்குள் ஊற்றினார். ஊற்றிய பியர் மணலுக்கூடாகச் சென்று மறைந்தது. மாணவர்கள் சிரித்தார்கள்.

பேராசிரியரும் சாதுவாகச் சிரித்துக் கொண்டெ நீங்கள் உங்கள் வாழ்க்கையை இந்த சாடியுடன் ஒப்பிட்டுப் பாருங்கள் அந்தப் பந்துகள் உங்கள் வாழ்க்கையின் மிக முக்கியமான அம்சங்களான உங்கள் குடும்பம், உங்கள் பிள்ளைகள், உங்கள் ஆரோக்கியம், மற்றும் உங்கள் சுற்றத்தவர்கள்.

மற்றவை ஒன்றும் இல்லாமல், இவைகள் மட்டும் இருந்தாலும் உங்கள் வாழ்க்கை முழுமையடைந்தது போல் தான் இருக்கும் அந்த பந்துகளால் மட்டும் சாடி நிரம்பியிருந்தது போல். அந்த கற்கள் உங்கள் வாழ்க்கையின் மற்ற அம்சங்களான வேலை, வீடு, வாகனம் போல் என்று கூறினார்.

மேலும் அந்த குரு மண்கள் உங்கள் வாழ்க்கையின் மற்றைய சிறு சந்தோசங்கள். நீங்கள் சாடியை முதலிலேயே மண்ணால் நிரப்பினால் கற்களையோ பந்துகளையோ உங்களால் போடமுடியாது. இதே தத்துவம் தான் வாழ்க்கைக்கும். நீங்கள் உங்கள் நேரத்தையும் சக்தியையும் முழுவதுமாக அந்த சிறு சந்தோசங்களிலேயே செலவிட்டீர்களானால் உங்கள் வாழ்க்கையில் பெரிய விடயங்களுக்கு இடமில்லாமல் போகும். உங்கள் வாழ்க்கை சந்தோசமாக இருக்க முக்கிய கவனம் எடுங்கள். உங்கள் குழந்தைகளுடனும் நேரத்தை செலவிடுங்கள். பெற்றோரை, பாட்டன் பாட்டியை உறவினர்களை அடிக்கடி சந்தியுங்கள். நோய் இல்லாவிடினும் நேரமெடுது உங்கள் வைத்தியரிடம் சென்று உங்கள் உடம்பை பரிசோதியுங்கள். உங்கள் மனைவியை வெளியில் கூட்டிச் செல்லுங்கள். வீட்டில் சாப்பிட்ட கோப்பை களுவவும் வீட்டை சுத்தமாக்கவும் நேரம் ஒதுக்குங்கள். அந்த பந்துபோல் இருக்கும் முக்கியமானவற்றை முதலில் கவனமெடுங்கள். எதற்கு முக்கியம் கொடுக்கவேணுமென்று நீங்களே தீர்மானியுங்கள். மற்றவையெல்லாம் அந்த மண் போல் சிறு மகிழ்ச்சிகள் எனக் கூறினார்.

அப்போது ஒரு மாணவன் எழுந்து கையை உயர்த்தி அந்த பியரைப் பற்றிக் கேட்டான். அதற்கு அவர் எனக்கு மகிழ்ச்சியாக இருக்கு அதைப்பற்றி நீ கேட்டதற்கு, அந்த பியர் எதனையும் குறிக்கவில்லை அது அதனைத்தான் (பியரைத்தான்) குறிக்கிறது என்று கூறினார்.

உங்கள் வாழ்க்கை உங்களுக்கே வெறுக்கும் போதும், இந்தப் பிரச்சனைகளை இதற்கு மேல் என்னால் தீர்க்கமுடியாது என நினைக்கும் போதும் 2 பியரை குடித்து நண்பர்களுடன் சந்தோசமாக இருங்கள். அப்படி இருந்தால்த்தான் உங்கள் வாழ்க்கை முற்று முழுதான சந்தோசம் நிரம்பியதாயிருக்கும், அந்தச் சாடியைப் போல் எனக் கூறினார்.

Edited August 14, 200817 yr by பிரபா

எனக்கு அந்த வாத்தியோடா சரியான கோபம் வருகிறது,ஏனென்றால் இரண்டு போத்தல் பியர் எண்று கட்டுப்பாடு போட்டபடியால் .குறைந்து 5போத்தல் என்று சொல்லி இருக்க வேண்டும்

இவ்வளவையும் போட்ட பின்பும்கூடவா இன்னும் அந்தச் சாடி உடையவில்லை!!!

நன்றி பிரபா .........கதை அருமையான தத்துவம்.

அது சரி 2 பியர் எந்த மூலைக்கு கானும்

அது சரி 2 பியர் எந்த மூலைக்கு கானும்