நெருப்புக் குயில்கள்

நிந்தனை எத்தனை வந்தணைத்தாலும்

தங்கள் கருத்தை தயங்காது உரைக்கும்

சிகப்புப் பக்கச் சிந்தனையாளர்கள்.

சகட்டுமேனிச் சமூகத்தை - தங்கள்

சிகப்பு எண்ணங்களால் சீர்தூக்கி வைப்பவர்கள்.

முரட்டு மாட்டின் முதுகில் ஏறி - அதைப்

புரட்டி எடுத்து சிறு பேனா முனையில்

விரட்டும் விவேகிகள்.

முட்டாள்த் தனத்தின் முகமூடி கிழிப்பவர்கள்.

கட்டாக் காலிகளையும் தம் எழுத்துக்களால்

கட்டி வைப்பவர்கள்.

எட்டா உயரத்தில் எதுவும் இல்லையென்று

சிட்டாகப் பறந்து சிறகடித்துக் காட்டுபவர்கள்

சாட்டையாய் வீசும் சடுகுடு வார்த்தைக்குள் - ஓர்

சமுதாயத்தின் பொல்லாச் சங்கதிகள் உரைப்பவர்கள்.

பழமையை எதிர்த்து புதுமையை அணைத்தாலும்

பாழாய் போகாமல் பண்புற்று நிற்பவர்கள்.

பெருமை செய வந்த புகழ்மையில் அமிழ்ந்து

அகம்பாவம் கொண்டு அலையாதவர்கள்.

சிறுமைப்படுத்தல் எங்கெங்கு உளதோ? - அங்கெல்லாம் நின்று

உரிமைக்கத் தோள் கொடுப்பவர்கள்.

புரட்சி வெடித்துப் புதுயுகம் மலர

வறட்சி இல்லாமல் வார்த்தைகளைத் தருபவர்கள்.

இவர்கள் வெளுப்புச் சந்திரனின் வெண்மையில் மயங்கி

கற்பனை உலகில் கால் பதிக்காதவர்கள்.

சுட்டெரிக்கும் சூரியனின் கரத்திலிருந்து

சுடராய்க் கூவும் நெருப்புக் குயில்கள்.

இவர்கள் வெளுப்புச் சந்திரனின் வெண்மையில் மயங்கி

கற்பனை உலகில் கால் பதிக்காதவர்கள்.

சுட்டெரிக்கும் சூரியனின் கரத்திலிருந்து

சுடராய்க் கூவும் நெருப்புக் குயில்கள்.

அருமையான கவிதை. வாழ்த்துக்கள்.

இவர்கள் வெளுப்புச் சந்திரனின் வெண்மையில் மயங்கி

கற்பனை உலகில் கால் பதிக்காதவர்கள்.

சுட்டெரிக்கும் சூரியனின் கரத்திலிருந்து

சுடராய்க் கூவும் நெருப்புக் குயில்கள்.

ம்....சுட்டெரிக்கும் சூரியனின் கரத்திலிருந்து

சுடராய்க் கூவும் நெருப்புக் குயில்கள்.....

வெளுப்புச் சந்திரனுக்கு வெண்மையை கொடுப்பதும் சுட்டெரிக்கும் இந்தச் சூரியன்தானே.. :?: :roll:

கவிதை நெருப்புக் குயிலின் அக்கினிச்சுவாலை... வாழ்த்துக்கள்

எல்லாரும் அறிந்தது போலவே......

வல்வை சகாராவின் - தமிழ்வீச்சு......இன்னும் ஒரு முறை! 8)

எழுதுக்களின் உணர்வு தெரிகிறது

கருத்துக்களில் நல்வீச்சு ஒளிர்கிறது

கவிதைகளில் நல்ல நளினம் வழிகிறது

குயில்களில் நெருப்புக் குயிலாக கூவுகிறது

இனியகவிதை வாழ்த்துக்கள்

வணக்கம் சகாறா,

உண்மை நிலைக்க உரத்தே உரைக்கும்

உயிர்ப் பயமின்றி உள்ளதைச் சொல்லும் உத்தமர்கள் பற்றிய கவிதை அருமை

அன்புடன்

மணிவாசகன்

தேசியத்தில் நெருப்புக் குயில்கள்

இவர்கள்

மாஸ்கோவில் வசந்தம் வந்தபோது கொழும்பில் கூவியவர்கள்

இவர்களுக்கு

மரபு சுட்டுப் போட்டாலும் வருவதில்லை

ஏனெனில்

இவர்கள் புதுமையாளர்கள்

அதனால்

எல்லோரும் கவிதை எழுதுவார்கள்

புத்தி ஜீவிதம் இவர்கள் பொழுதுபோக்கு

தேசியத்தைப் பார்த்துக் கைகொட்டிச் சிரிப்பதே வேலை

கொழும்பில் இப்போது இவர்களுக்கு நண்பர்களுண்டு

அவர்களின் வாயைப் பார்த்து

ஏதாவது நல்லதைச் சொல்ல மாட்டார்களா என்று

இலவு காத்த கிளிகளாய் ஏமாந்து வாழ்வதில்

நாட்களைக் கழிக்கிறார்கள்

காகங்களிடம் குஞ்சுகளைப் பொரிக்கக் கொடுத்துவிட்டு

வெளியே நின்று கூவிக் கொண்டே இருப்பார்கள்

கூவலின் ராகங்கள் ஒரு தொகை

மா வோ, லே னின், ஸ்ரா லின், ரோஸ் கி

மா க்ஸ், ஏஞ் சல்ஸ்

என்று பலவகை

ஆனால் எல்லாக் குயில்களின் நிறமும்

சிவப்புத்தான் மாறுவதில்லை

மோதகமும் கொழுக்கட்டையும் போல

நீங்களும் உங்களை முன்னிலைப் படுத்த வேண்டுமா?

இவர்களுடன் சேர்ந்து கூவுங்கள்

இந்த இரைச்சலில் உங்களின் வித்தியாசமான சத்தம்

சிலருக்குக் கேட்கலாம்

பிறகென்ன

நீங்களும் தலைவர்களாகி விடுவீர்கள்.

எல்லாம் சரி

எங்கே இவர்களின் அக்கினிச் சுவாலை?

கொஞ்சம் விளக்கைக் கொழுத்துங்கள் பார்ப்போம்

கவிதை நன்றாக உள்ளது.....

உணர்வுள்ள கவிதை. வாசிப்பவரை சிந்திக்கவைக்கும்...

வல்வை சகாறா,

புரட்சி மிக்க இந்த கவிதை ஒரு புத்துணர்ச்சியையே தந்துவிட்டது. மிகவும் நன்றாக உள்ளது. மேலும் இப்படி எழுச்சி மிக்க கவிதைகள் சுடர்விட என் வாழ்த்துக்கள்