தெரிதலும், புரிதலும்..!

 

 

 

ஒரு குடும்பம் அவர்களுக்கு ஒரு சிறு குழந்தை..

ஒரு நாள் வேலை விடயமாக அம்மா வெளியே சென்றுவிட, வீட்டில் குழந்தையை கவனிக்கும் பொறுப்பை தந்தை ஏற்கிறார்.

குழந்தையும் சமர்த்தாக தன்னுடைய விளையாட்டு பொம்மைகளை வைத்து விளையாட ஆரம்பித்தது.. அதில் உறவினர் ஒருவர் பரிசளித்த பொம்மை "காஃபி செட்" குழந்தைக்கு மிகவும் பிடிக்கும்.

தந்தை வரவேற்பறையில் அமர்ந்தவாறு தினசரிகளை படிக்கத் தொடங்கினார்..

 

 

சிறிது நேரத்தில் குழந்தை பொம்மை "காஃபி செட்டை" தந்தையிடம் நீட்டி, "அப்பா,.! இந்தா..நான் போட்ட டீ., குடி..!" என்றது. அந்த பொம்மையினுள்ளே சிறிது தண்ணீர் இருந்தது.

தந்தையும் குழந்தையை கொஞ்சியவாறு " ஆஹா..செல்லம்.., நீ தயாரித்து கொடுத்த டீ மிகப் பிரமாதம்.." என பாராட்டியவாறே வாங்கி மட மடவென குடித்தார். இம்மாதிரி பல தடவைகள் தொடர்ந்து நடக்க, வெளியே சென்ற தாயும் வீடு திரும்பினாள்.

தாய், கணவனைப் பார்த்து "என்ன நடக்குது இங்கே..?" என குறுகுறுத்தவாறு வினவினாள்..

தந்தையோ.. "உஷ்ஷ்..! நம் குழந்தை எவ்வளவு சமர்த்தா எனக்கு டீ போட்டுக்கொடுத்தது தெரியுமா..? நான் பலமுறை வாங்கி சாப்பிட்டேன்.. நீயும் அந்த இனிமையை சோதித்துப் பார் தெரியும்" என்றார்..பெருமையாக..

இருவரும் பேசிக்கொண்டிருக்கையில், குழந்தையும் வந்தது.. அதே "டீ"யுடன்..!  தந்தையும் உடனே அதை ஆர்வத்தோடு வாங்கிப் பருகினார்...

 

இதை கவனித்த தாய் அமைதியாக கணவனைப் பார்த்துக் கேட்டாள்..

"ஏங்க.. என்ன இது..? நம்ம வீட்டில் எங்கே குழந்தைக்கு எட்டுகிற மாதிரி தண்ணீர் குழாய் இருக்கிறது என உங்களுக்கு தோன்றவே இல்லையா..? அது டாய்லெட் குழாயிலிருந்து தண்ணீரை பிடித்துக்கொண்டு வருகிறது.. நீங்களும் மட மடன்னு குடித்துவிட்டீர்களே? யோசிக்க வேணாம்..?"

கணவர் திரு திருவென விழித்தார்..!

^{_{நீதி:}}

தந்தைக்கு குழந்தையை "தெரியும்!"

 

ஆனால் பெற்ற தாய்க்குத்தான் குழந்தையை "புரியும்..!!"

 

 

 

-மின்னஞ்சலில் வந்ததன் தமிழாக்கம்.

இது எல்லா அப்பாக்களுக்கும் பொருந்தாது அண்ணா

அதுதானே , சகோதரி சுமேக்கு குழந்தையைத் தெரியும்...!

அப்பாக்கு குழந்தையைப்  புரியும்...! 

அப்பாவுக்கு அது தெரிந்தாலும் குடிப்பான்

ஏனென்றால் பிள்ளை மகிழணும்...

அதுதானே , சகோதரி சுமேக்கு குழந்தையைத் தெரியும்...!

அப்பாக்கு குழந்தையைப்  புரியும்...! 

 

The best one liner with twist..!

 

சிம்பிள் அன்ட் ஸ்வீட் என்று சொல்லுவார்களே அப்படி இருக்கிறது விடயமும் சொன்னவிதமும் இணைப்பிற்கு நன்றி ராசவன்னியன்

சிம்பிள் அன்ட் ஸ்வீட் என்று சொல்லுவார்களே அப்படி இருக்கிறது விடயமும் சொன்னவிதமும். இணைப்பிற்கு நன்றி ராசவன்னியன்.

 

தொழில்நுட்பம் சார்ந்த மற்ற விடயங்களுடன், ரசித்த காணொளிகள், இந்த மாதிரி எளிமையான நீதிக் கருத்துக்கள், படித்த சொற்பொழிவுகள் ஆகியவற்றை அவ்வப்போது எனது நண்பர்கள் குழாமில் பகிர்ந்து கொள்வோம்.. அதில் என் மனதை கவர்ந்தவற்றை இங்கே தமிழாக்கம் செய்து பகிர்கிறேன்..

 

நன்றி.

Edited February 2, 201510 yr by ராசவன்னியன்