கூகிள் மப்பும் எனது கனவுகளும்.......

ஒரு பதினாறு வருடங்களிருக்கும், எனது தாயகம் என்று மனது பதிந்த வீ திகளை இறுதியாகத் தரிசித்து.
 அயல் தேசம் வந்தபின்னும் , தாயகம் பற்றிக் கனவுகள் கண்டு, வேர் கொள்ளா ஒரு ஊரில் அடைக்கலமாகி,
தமிழ் நெ ட்டும் , புதினமும் எம்வீரர் செயல் கூற, வெல்வோம் இனியென்று விறுமாப்பாய் இருந்துவிட் டேன்.
2009 இல் பேரிடிச் செய்தியாய் முள்ளிவாய்க்கால் வீழ்ந்திட, தாயகம் பற்றிய கனவுகளைக் கலைத்தேன்.
ஆக்கிரமிக்கப்படட என் தேசமும், அடிமை வாழ்வில் என் உறவுகளும் எனக்கு வேண்டாச் செய்தியாக மனதை இறுக்கிக் கொண்டேன் .
எதிரியிடம் தாயகம் கிடைக்க, மனம் புரண்டு அழுதது,ஏதாவது செய்ய வேண்டும்  என்றது.
வட்டுக்கோட்டைத்  தீர்மானம் என்கிறார்கள், மகிழ்ச்சியாய்ப்  போனேன் .
தனித்த தாயகம் வேண்டும் என்றேன்  , எதுவுமே நடக்கவில்லை.
"உன்னால் , நாங்கள் எங்கள் உறவுகளைப் பிரிந்துவிடடோம் , எங்களை கொழும்புக்குப் போக முடியாது செய்து விடடாய் " என்றார்கள் வீட்டில் .
பேசிப் பயனில்லை என்று பேசாமல் இருந்துவிட , அவர்களோ தாராளமாய்ப் போய்வந்தார்கள் .
நானோ இன்னமும் போகமுடியாமல் கட்டுப்பட்டிருக்க,
வராது வந்த மாமணியாய் வந்து சேர்ந்தது கூகிள் மப் ! 

உங்களின் ஆதங்கம் மனசை நெருடுகின்றது.....! ஆயினும் என்ன சொல்வது......!  

நான் திரிந்த தெருவெங்கும் மேப்பில் ஓடினேன்.
விளையாடிய செம்பாட்டுக் காணிகளில் கண்கள் அலைந்து திரிந்தன. 
எனது  வீடும்,வீடிருந்த அயலும், அயல் முழுக்கச்  செம்மண் தோட் டமும் கண்ணுக்கு விருந்தாக ,
 கோண்டாவில்,உரும்பிராய், கரவெட்டி, தெல்லிப்பளை, மடடக்களப்பென்று இமைப்பொழுதில் நினைவுகள் கூகிளில் வந்து போயின.
 ஏ 9 வழியே எம்வீரர் சென்ற தடங்களில் மனது போக, ஈட்டிய வெற்றிகளும் , இமாலயத் தியாகங்களும், சேர்ந்தே  வளர்ந்த துரோகமும், முற்றான அழிவும் மனதினில் வந்து போக,
கண்கள் கசியத் தொடங்கியது.
எங்கள் இதய பூமியில் எதிரியின் கோட்டைகளும் கொத்தளங்களும்  எழுந்து நிற்க , எமது சமாதிகள் மேல் புத்தனது  கோபுரங்கள்  வீற்றிருக்க, 
அடிமை வாழ்வின் லட்ஷணத்தைக் காட்டியது கூகிள்.

முன்சென்ற வீரர் கனவுகள் நனவாகாதா  என்கிற ஏக்கங்கள் வழிநெடுகிலும் வந்துகொண்டிருக்க,
நானறியா எனது தாயகத்தின் மூலை முடுக்குகள் நோக்கி கூகிளில் தேடத் தொடங்கினேன்.
 

பரந்தனிலிருந்து முல்லைத்தீவு நோக்கிச் செல்லும் பாதையில் சுதந்திரபுரம் பகுதியில் இடதுபுறம் வரும் காணியொன்று தகடுகளால் மறைக்கப்பட்டுள்ளது. அதனுள் நுற்றுக்கணக்காக வாகனங்கள் பலுதடைந்த நிலையில் உள்ளன. இவற்றுக்கும் இறுதிப்  போருக்கும் ஏதும் தொடர்பிருக்கிறதா ?

முள்ளிவாய்க்காலில், செய்மதியுடனான ஒளிப்படத்திற்கும், வீதியுடனான ஒளிப்படத்திற்கும் இடையே பெரிய வேறுபாடு. செய்மதியுடனாகத் தெரியும் படத்தில் கடற்கரையெங்கும் கருகிய வீடுகளும், காணிகளும்.  முழு வீச்சில் இனவழிப்பு நடந்தமைக்கான கறுப்புப் பெட்டல்கள். 

ஆனால் வீதிப்  படத்தில், அத்தரைகளெங்கும்  புற்களும் புதர்களுமாய், ஒரு முற்றான இனவழிப்பை இயற்கையே மறைப்பதுபோலத் தெரிகிறது.

 

இன்றும் கூகுள் எர்த்தில் மட்டும் எமது ஊர் சாலைகளையும், நண்பர்களுடன் சுற்றிதிரிந்த இடங்கள்,கல்லூரி, வாழ்க்கை ஆரம்பமான தருணங்கள் எல்லாவற்றையும் ரசிக்கும் ஒரு சிலரில் ரகுனாதன்போல் நானும் ஒருவன்.

மாவீரர் கட்டவுட்டுக்கள் இருந்த பல இடங்களில் மஹிந்த கைகூப்பிக்கொண்டு நிற்பதைகவனித்து நிமிர்ந்தே பார்க்காமல் Cursor-ஐ நகர்த்தியிருக்கிறேன்

என்னோட வீட்டை கூகுள் உதவியுடன் படமாய் கணனி திரையில் சேமித்து பலநாள் ரசித்திருக்கிறேன்.

மகிந்தபோய் ,மைத்திரி வந்தாலும் ஆட்சிகளும் கோலங்களும் மாறினாலும், தமிழரின் தாயகங்கள் முற்றுமுழுதாக சிங்கள அரசின் பிடியில் என்றொரு நிலை இருந்தாலும், 

என்னை பொறுத்தவரை இன்றும் தமிழரின் பெரும்பான்மை தாயக நிலபரப்பு இன்னமும் புலிகளின் கட்டுப்பாட்டிலேயே இருக்கிறது, பொறுப்பாளர்கள் தளபதிகள் போராளிகளின் வாகனங்கள் அங்கும் இங்கும் ஓடிதிரிகின்றன. அந்த மனநிலையில் இருந்து வெளியே வரமுடியவில்லை,அல்லது அந்த நினைவுகளைவிட்டு வேறொன்றை ஏற்றுக்கொள்ள முடியவில்லை.

எந்த மன்னர்களினதும், மண்ணினதும் அரசியல் சட்டங்கள்,தடைகள் எவற்றையும் பாதிக்காத,எவரும் தடைபோடமுடியாத மனசுக்குள் ரசிக்கின்ற சுமை அது.

முள்ளிவாய்க்காலுடன் அனைத்தும் முற்றுப்பெற்று பத்து வருடங்கள் ஆனாலும் இன்றும் அது நேற்று நடந்த சம்பவம்போல்தான் பலரின் மனசில் சுமையாய்  இருக்குமே அதுபோல .

நன்றி ரகுனாதன்.

 

4 hours ago, ragunathan said:

முள்ளிவாய்க்காலில், செய்மதியுடனான ஒளிப்படத்திற்கும், வீதியுடனான ஒளிப்படத்திற்கும் இடையே பெரிய வேறுபாடு. செய்மதியுடனாகத் தெரியும் படத்தில் கடற்கரையெங்கும் கருகிய வீடுகளும், காணிகளும்.  முழு வீச்சில் இனவழிப்பு நடந்தமைக்கான கறுப்புப் பெட்டல்கள். 

ஆனால் வீதிப்  படத்தில், அத்தரைகளெங்கும்  புற்களும் புதர்களுமாய், ஒரு முற்றான இனவழிப்பை இயற்கையே மறைப்பதுபோலத் தெரிகிறது.

கூகிள் செய்மதிப்படங்கள் பழையவை. அவற்றைப் புதுப்பிக்கச் சொல்லி கூகிளுக்கு மனுப்போடவேண்டும். அவற்றையும் மாற்றிவிட்டால் இடையில் வந்த முப்பது வருடங்களை இலகுவாக மறைத்துவிடலாம். நினைவில் வைத்திருப்பவர்களும் மறந்துகொண்டுதானே இருக்கின்றனர். 

தமிழ் பிரதேசங்களில் பட்டினங்கள் நகரங்கள் மற்றும் கிராமங்கள் முக்கிய தெருக்களின் பெயர்களை தமிழில் எழுதாமல் சிங்களத்திலும்  ஆங்கிலத்திலும் எழுதி இனத்துவேசத்தின் உச்சக்கட்டத்தை  வெளிப்படுத்தியிருக்கிறார்கள். கூகிழுடன் தொடர்புகொண்டு மாற்ற முயற்சித்தும் முடியவில்லை.

பல இடங்கள் போர் நடந்ததற்க்கான சான்றுகளே இல்லை ரகுநாதன் எல்லாம் மாற்றம் பெற்றுவிட்டது அன்று புலிகளின் காலங்களில்  எப்படியிருந்ததோ அதே போல் நினைவுகள் மட்டும் நிற்கிறது மனதில்