யாழில் வெடிப்புச் சம்பவம் – பொலிஸ் உத்தியோகத்தர் காயம்

யாழ். வடமராட்சி கிழக்கு வல்லிபுர ஆலயத்தை அண்மித்த பகுதியில் இடம்பெற்ற வெடிப்புச் சம்பவத்தில் பொலிஸார் ஒருவர் காயமடைந்துள்ளார்.

வல்லிபுர ஆழ்வார் ஆலயத்திற்கு அருகில் உள்ள முச்சந்தியிலையே இன்று (புதன்கிழமை) குறித்த வெடிப்பு சம்பவம் இடம்பெற்றுள்ளது.

சட்டவிரோத மண் அகழ்வுகள், மண் கடத்தல்களை தடுக்கும் நோக்குடன் குறித்த பகுதியில் பொலிஸார் சுற்றுக்காவல் பணியில் ஈடுபட்டு வருவதுடன், குறித்த சந்தி பகுதியில் நின்று வீதி சோதனை நடவடிக்கைகளிலும் ஈடுபட்டு வருவது வழமையாகும்.

இந்நிலையில் இன்றைய தினமும் வழமையான வீதி சோதனை நடவடிக்கைக்காக குறித்த சந்திப்பகுதிக்கு மோட்டார் சைக்கிளில் பொலிஸ் வந்திறங்கியபோது, நிலத்தில் இருந்த வெடிபொருள் ஒன்று வெடித்ததிலையே பொலிஸ் உத்தியோகத்தர் காயமடைந்துள்ளார்.

அதேவேளை வெடிப்பு சம்பவம் இடம்பெற்ற இடத்திற்கு அருகில் சந்தேகத்திற்கு இடமான முறையில் வயர்கள் உள்ளிட்ட பொருட்களும் காணப்படுகின்றன என எமது பிராந்திய செய்தியாளர் தெரிவித்தார்.

சம்பவம் தொடர்பாக பொலிஸார் தீவிர விசாரணைகளை முன்னெடுத்துள்ள நிலையில், இராணுவத்தினரும் விசாரணைகளை ஆரம்பித்துள்ளனர்.

குறித்த வெடிபொருள் மிதிவெடியாக இருக்கலாம் எனவும்  சட்டவிரோத மண் அகழ்வோர் பொலிஸாரை இலக்கு வைத்து அதனை அவ்விடத்தில் புதைத்து வைத்திருக்கலாம் என பொலிஸார் சந்தேகிக்கின்றனர்.

எனினும் சம்பவம் தொடர்பான விசாரணைகளின் பின்னரே முழுமையான தகவல்களை வழங்க முடியும் என பொலிஸார் தெரிவித்தனர்.

http://athavannews.com/யாழில்-வெடிப்புச்-சம்பவம/

வடமராட்சி கிழக்கில் பொலிஸாரை இலக்குவைத்து தாக்குதல்- வெடிப்புசம்பவத்தில் பொலிஸ் உத்தியோகத்தர் காயம்

Rajeevan Arasaratnam May 27, 2020வடமராட்சி கிழக்கில் பொலிஸாரை இலக்குவைத்து தாக்குதல்- வெடிப்புசம்பவத்தில் பொலிஸ் உத்தியோகத்தர் காயம்2020-05-27T10:33:43+00:00

வடமராட்சி கிழக்கில் வல்லிபுரம் ஆழ்வார் ஆலயத்திற்கு அருகில் உள்ள பகுதியொன்றில் காவல்துறையினரை இலக்குவைத்து தாக்குதலொன்று இடம்பெற்றுள்ளது.
வல்லிபுர ஆழ்வார் ஆலயத்திற்கு அருகில் உள்ள முச்சந்தியில் இன்று இடம்பெற்ற இந்த தாக்குதலில் பொலிஸ் உத்தியோகத்தர் ஒருவர் காயமடைந்துள்ளார்.

சட்டவிரோத மண் அகழ்வை கட்டுப்படுத்தும் நோக்கில் காவல்துறையினர் நடவடிக்கைகளில் ஈடுபடும் பகுதியிலேயே இந்த சம்பவம் இடம்பெற்றுள்ளது.

குறிப்பிட்ட பகுதியில் சோதனை நடவடிக்கைகளிற்காக பொலிஸார் மோட்டார் சைக்கிளில் வந்திறங்கியவேளை வெடிப்பு சம்பவமொன்று இடம்பெற்றுள்ளது.
மண்ணிற்குள் மறைத்து வைக்கப்பட்டிருந்த பொருள் ஒன்று வெடித்ததில் பொலிஸ் உத்தியோகத்தர் ஒருவர் காயமடைந்துள்ளார்.

இந்த சம்பவம் குறித்து பொலிஸாரும் இராணுவத்தினரும் விசாரணைனளை ஆரம்பித்துள்ளனர்

http://thinakkural.lk/article/43699

யாழ்ப்பாணத்திற்கு மேலதிக இராணுவத்தினரையும், பொலிசாரையும் கொண்டுவந்து இறக்குவதற்குரிய ஏற்பாடாகவும் இருக்கலாம்.😲

 

8 hours ago, Paanch said:

யாழ்ப்பாணத்திற்கு மேலதிக இராணுவத்தினரையும், பொலிசாரையும் கொண்டுவந்து இறக்குவதற்குரிய ஏற்பாடாகவும் இருக்கலாம்.😲

இப்படி நாடகம் போட்டுத்தான் ஆமியும் பொலிசும் கொண்டு வரவேண்டிய தேவை இல்லை அவங்களுக்கு.

அது தானே. ஏற்கனவே இலட்சக்கணக்கில் நிலை கொண்டிருக்கிறார்கள். இதுக்கு மேல என்னத்தை.

இதொன்னும் கிளைமோர் போலத் தெரியவில்லை.. டைனமேட் போலத் தெரிகிறது. உள்ளூர் மக்களை பீதியூட்ட சொறீலங்கா பொலிஸ்- இராணுவமே இதைச் செய்திருக்கலாம். 

எதுஎப்படியோ.. சிங்களப் படைகள் மீது தமிழர் தாயகத்தில் உந்த பழைய கால நொட்டல் தாக்குதல் செய்வது அப்பாவி மக்களை தான் பாதிக்கும் அதிகம். அப்படி சிங்களப் படைகளை வெளியேற்றனுன்னு நினைச்சால்.. ஒரு வாரத்துக்குள் முழுவதையும் அடித்து துவம்சம் செய்யக் கூடிய பலத்தோடு செய்தால்.. ஏற்றுக் கொள்ளலாம்.. மக்களுக்கு பாதிப்பில்லாத வகைக்கு.