உதயமாகிறது தமிழர் தேசிய சபை.!

தமிழ் மக்களின் அரசியல் தீர்வு மற்றும் ஏனைய பிரச்சினைகள் தொடர்பில் ஒன்றுபட்டு உழைப்பதற்காகவும், துறைசார் ஆலோசனைகள், நிபுணத்துவ உதவிகளை வினைத்திறன் மிக்கதாகப் பெற்றுக் கொள்வதற்காகவும் தேசிய சபை ஒன்றை அமைக்கும் முயற்சிகள் ஆரம்பிக்கப்பட்டுள்ளன." - இவ்வாறு இலங்கைத் தமிழரசுக் கட்சியின் தலைவர் மாவை சேனாதிராஜா தெரிவித்தார்.

இது குறித்து அவர் மேலும் தெரிவித்தவை வருமாறு:-

"தமிழ் மக்களின் அரசியல் தீர்வு மற்றும் ஏனைய விடயங்கள் தொடர்பில் ஒன்றுபட்டு செயற்படுவதற்காக இப்போது தமிழ்த் தேசியம் சார்ந்து செயற்படும் கட்சிகளை ஒன்றிணைத்துப் பயணிக்க ஆரம்பித்துள்ளோம்.

இது தொடர்பில் நான் விடுத்த கோரிக்கைக்கு அனைத்து தமிழ்த் தேசியம் சார்ந்த கட்சித் தலைவர்களும் தங்கள் முழுமையான ஆதரவை வழங்கியிருக்கின்றார்கள். காலத்தின் தேவை அறிந்து ஏற்படுத்தப்பட்டுள்ள இந்த கூட்டு முயற்சி எதிர்காலத்தில் மேலும் பலப்படுத்தப்படவுள்ளது.

அதாவது எதிர்காலத்தில் தமிழர் தீர்வு விடயத்திலும் ஏனைய விடயங்களிலும் ஒன்றாக சேர்ந்து செயற்படுவதற்காக தேசிய சபை ஒன்றை உருவாக்கும் முயற்சியில் இறங்கியிருக்கின்றோம்.

இந்தத் தேசிய சபையில் தமிழ்த் தேசியக் கட்சிகளின் தலைவர்கள், துறை சார் நிபுணர்கள், மனித உரிமைச் செயற்பாட்டாளர்கள்,புலம்பெயர் பிரதிநிதிகள், முதலீட்டாளர்கள், அறிஞர்கள், பொருளாதார வல்லுநர்கள் மற்றும் ஜஸ்மின் சூகா, நவநீதம்பிள்ளை போன்ற வெளிநாட்டுப் பிரதிநிதிகள் ஆகியோரை உள்ளடக்குவதற்குத் தீர்மானித்திருக்கின்றோம்.

இதற்கான ஆரம்பகட்ட முயற்சிகள் இப்போது தொடங்கியிருக்கின்றன. விரைவில் தேசிய சபை ஒன்று உருவாக்கப்படும். இந்த முயற்சி மாவை சேனாதிராஜாவினால் முன்னெடுக்கப்படும் தேர்தலை இலக்காகக் கொண்ட நடவடிக்கை அல்ல. இது இன்றைய காலத்தின் கட்டாய தேவை" - என்றார்.

http://aruvi.com/article/tam/2020/11/14/19240/

டிஸ்கி: 

இருக்குற அமைப்புகளுக்கே வழிய காணோம்..  செயல்படாத பழைய அமைப்பின் பெயர் ஏதாவது தூசி தட்டி  வைக்க படாது .?  சனம் ரொம்ப குழம்பிடாது .?

 

2 hours ago, புரட்சிகர தமிழ்தேசியன் said:

இருக்குற அமைப்புகளுக்கே வழிய காணோம்

நீங்கள் சொல்வதில் முழு உண்மை உள்ளது. ஆனால் திம்புவில் நாங்கள் ஒரு பொது கோட்ப்பாட்டுக்கு இணங்கி ஒன்று பட்டு நின்றபோது தான் எங்கள் அரசியல் பலம் உயர்ந்தது. நாங்கள் எங்களை அரசியல்/சர்வேதேச ரீதியாக ஒரு சக்தியாக பலப்படுத்தாமல் எமக்கு விமோசனம் இல்லை. எனவே இதுவும் சரிவராது என்று நாங்கள் சிந்திக்கின்ற அதேவேளை இதனை சரிபட வைக்க என்ன செய்யலாம் என இந்த யாழ் களம் கருத்துக்களை வைக்கவேண்டும். 

இது நிலாந்தன் அடிக்கடி பேசுகிற சிந்தனைக் குழாம் போல (think tank) ?

நல்ல விடயம். எல்லாக் கட்சிகளின் பிரநிதிகளையும் இழுத்து வர வேண்டும். இதற்கு வர மாட்டேன் என்போரை அடுத்த தேர்தலில் குட்டி வீட்டுக்கு அனுப்பி வைக்க வேண்டும்! 

வருடா வருடம் நடக்கும் திருவிழா போல , காலத்துக்குக்காலம் மக்களை ஏமாற்ற உருவாக்கப்படும் கட்சிகள், பேரவைகள். இப்போது இருக்கும் கட்சிகளின் எண்ணிக்கை, யார் யார் எந்த கட்சியில் இருக்கிறார்கள் எண்டே தெரியாது. இதுக்குள்ளே இன்னொரு பேரவை. இன்னொரு 70 வருடத்துக்கு பேசுவதட்கான புதிய அமைப்பு. ஆனால் இவர் இதில் சேர்க்கபோகும் ஆட்களை பார்த்தால் அநேகமானோர் இரண்டொரு வருடத்தில் மண்டையை போட்டு விடுவார்கள். இன்னும் இலங்கை அரசியல், உலக அரசியலை புரியாதவர்களாக இருக்கும் போலி அரசியல்வாதிகள். 

நானும் முன்னர் பல பதிவுகளில் இது போன்ற தமிழின ஒருமைப்பாடு பற்றி  குறிப்பிட்டுள்ளேன். வரவேற்கத்தக்க சிறந்த முயற்சியாகவே இதை நான் பார்க்கிறேன். அரசின் கைக்கூலிகளை ஊடுருவ விடாமல் பார்த்து அவதானமாகவும் ஒற்றுமையாகவும் தமிழ் கட்சிகள் செயற்பட்டால் நிச்சயம் நன்மை உண்டு.