சைவர்களின் கோரிக்கைக்கு எதிராக பண்டிவிரிச்சான் கிராம கிறிஸ்தவர்கள் ஆர்ப்பாட்டம்

மடு பிரதேச செயலாளர் பிரிவுக்குற்பட்ட பெரிய பண்டிவிரிச்சான் கிராம மக்கள் இன்றைய தினம் திங்கட்கிழமை(1) காலை கண்டன ஊர்வலம் ஒன்றை மேற்கொண்டதோடு, மாவட்ட அரசாங்க அதிபருக்கு மகஜர் கையளிக்கும் வகையில் மடு உதவி பிரதேசச் செயலாளரிடம் மகஜர் கையளித்துள்ளனர்.

மடு பிரதேசச் செயலகத்திற்கு முன்பாக கடந்த மாதம் 25 ஆம் திகதி குழு ஒன்றினால் மேற்கொள்ளப்பட்ட போராட்டத்திற்கு எதிராக குறித்த ஊர்வலம் இடம் பெற்றுள்ளது.

கடந்த 30 வருடமாக மடு பிரதேச செயலாளர் பிரிவில் உள்ள ‘கோவில் மோட்டை’ பகுதியில் 27 குடும்பங்கள் விவசாய செய்கையை மேற்கொண்டு வாழ்வாதாரத்தை முன்னோக்கி வந்த நிலையில் குறித்த மக்களின் பராமரிப்பில் இருந்த 50 ஏக்கருக்கும் மேற்பட்ட காணியை கிறிஸ்தவ அமைப்பு ஒன்றுக்கு வழங்குவதற்கான செயற்பாடுகள் மேற்கொள்ளப்பட்டது. இதனால் பாதிக்கப்பட்ட கிராம மக்கள் போராட்டத்தில் ஈடுபட்டனர்.

 

அந்த மக்களின் போராட்டத்தை கண்டித்து இன்றைய தினம் திங்கட்கிழமை (1) காலை பெரிய பண்டி விரிச்சான் கிராம மக்கள் கண்டன ஊர்வலம் ஒன்றை முன்னெடுத்து மடு பிரதேசச் செயலகத்தை சென்றடைந்தனர்.

பின்னர் தமது பிரச்சினைகளை மடு உதவி பிரதேசச் செயலாளரிடம் தெரியப்படுத்தி மாவட்ட அரசாங்க அதிபருக்கு கையளிக்கும் வகையில் உதவி பிரதேச செயலாளரிடம் மகஜரை கையளித்தனர்.

குறித்த மகஜரில் மேலும் குறிப்பிடுகையில்,

கடந்த மாதம் 25 ஆம் திகதி மடு பிரதேச செயலகத்திற்கு முன்பாக மேற்கொள்ளப்பட்ட ஆர்ப்பாட்டம் தொடர்பாக பெரிய பண்டி விரிச்சான் கிராம மக்களாகிய நாங்கள் மிகவும் வேதனை அடைகின்றோம்.

எமது முன்னோர்களின் கூற்றுக்கிணங்கவும்,எமக்கு அறிவுக்கு எட்டிய வகையிலும் இன்று வரை கோயில் மோட்டை காணியானது மடு தேவாலய பரிபாலகரின் பரிபாலனத்தின் கீழ் பராமரிக்கப்பட்டு வருகின்றது.

மேற்படி ஆர்ப்பாட்டமானது பெரிய பண்டிவிரிச்சான் கிராம மக்கள் மத்தியில் மன வேதனையையும், குழப்பங்களையும், பிரிவினைகளையும் ஏற்படுத்தி உள்ளது என்பதனை அறிகின்றோம்.

இக் காணியை மடுப்பரிபாலகருக்கு வழங்க வேண்டும் என கேட்டு நிற்கின்றோம். எதிர் வரும் காலங்களில் தனிப்பட்ட குழுவினருக்கு அக்காணி பகிர்ந்தளிக்க நடவடிக்கை மேற்கொள்ளப்பட்டால் எமது கிராம மக்கள் மத்தியில் பாரிய குழப்பங்களும்,பிரிவினைகளும் ஏற்படும்.

எனவே எமது கிராமத்திற்கு அபகீர்த்தியை ஏற்படுத்தும் வகையில் சிறு குழுவினரால் மேற்கொள்ளப்பட்ட போராட்டத்தை எமது கிராம மக்கள் சார்பாக கண்டிக்கின்றோம். என குறித்த மகஜரில் மேலும் குறிப்பிடப்பட்டுள்ளது.

தமது காணியை கிறிஸ்தவ மத நிறுவனத்திற்கு வழங்க வேண்டாமென வலியுறுத்தி போராட்டத்தில் ஈடுபட்டவர்கள் சைவர்கள் என்பதும், இன்று ஆர்ப்பாட்டம் செய்தவர்கள் கிறிஸ்தவர்கள் என்பதும் குறிப்பிடத்தக்கது.

https://www.meenagam.com/சைவர்களின்-கோரிக்கைக்கு/

 

 

 

 

10 minutes ago, கிருபன் said:

தமது காணியை கிறிஸ்தவ மத நிறுவனத்திற்கு வழங்க வேண்டாமென வலியுறுத்தி போராட்டத்தில் ஈடுபட்டவர்கள் சைவர்கள் என்பதும், இன்று ஆர்ப்பாட்டம் செய்தவர்கள் கிறிஸ்தவர்கள் என்பதும் குறிப்பிடத்தக்கது

Edited February 1, 20214 yr by புரட்சிகர தமிழ்தேசியன்
பிழை திருத்தம்

சகோதரர்களாக வாழ்ந்த கூட்டத்தை  உடைக்கணும் அதுதான் முதலில் எதிரிகளுக்கு தேவை .

 

 

 

25 minutes ago, பெருமாள் said:

சகோதரர்களாக வாழ்ந்த கூட்டத்தை  உடைக்கணும் அதுதான் முதலில் எதிரிகளுக்கு தேவை .

 

 

 

அதே..... தமிழர் ஒன்று சேரக்கூடாது பிரிந்து நிற்கணும். நாங்கள் அதில் பலன் பெறணும் அவ்வளவே.  

தமிழர்களின் ஒற்றுமையைச் சிதைக்கும் எந்த முயற்சியும் முறியடிக்கப்பட வேண்டும். இதில் சாதி, சமயம், பிரதேசம் என்கின்ற பேச்சிற்கே இடமில்லை.

(செய்தியை ஆளமாகக் கவனியுங்கள். செய்தியை எழுதியவருக்கே செய்தியின் உள்ளடக்கம் குறித்துக் குழப்பம் தெரிகிறது.. 😂)

 

 

Edited February 1, 20214 yr by Kapithan

சிலுவையை தூக்கினால்லென்ன, திரிசூலத்தை ஏந்தினாலென்ன பின்னால் உள்ள சூட்ச்சுமத்தை தெரிந்து கொள்ளணும், விலத்தி நிற்கணும். 

நாங்கள் இந்த கொரனோ  மூலம் ஒரு தமிழன் கூட சாக கூடாது என்று கனவு காண்கிறோம் அங்கு வாய்  கட்டி  கூத்தடிக்குதுகள் .

 

இந்த ஊரில் கத்தோலிக்க மக்கள்தான் வாழ்கிறார்கள். கோவில்குளம் என்பது இந்து மக்கள் செறிந்து வாழும்பகுதி. எப்படி அவர்கள் பண்டிவிரிச்சானுக்கு  வந்தார்கள் என்பது தெரியவில்லை. இந்த காணிகள் ஆலய பரிபாலத்தினால் குத்தகைக்கு விடப்பட்டிருக்க வேண்டும். எல்லா ஆலயங்களுக்கும் அதை அண்டிய பகுதிகளில் காணிகள் இருப்பது வழமை. எப்படி இருந்தாலும் இது சமாதானமாக தீர்க்கப்பட வேண்டிய விடயம். அல்லது அரச அதிகாரிகள் சடடப்படி தீர்க்க வேண்டும்.