உன் எண்ணம் உன் வாழ்க்கை!

எண்ணங்கள் வானை நோக்கி!

எழுத்துக்கள் உயர்வை நோக்கி!

கண்ணிமைக்கும் காலம் கூட

எடுத்துவை இலக்கை நோக்கி!

நாளை என்று நாளைத் தள்ளி

வைக்காதே உயர்வைத் தள்ளி!

இன்று" ஒன்றே உண்மை தம்பி

உயர்வாய் நீ உன்னை நம்பி!

தடுமாற்றம் வந்து உன்னை

தடம் மாறச்செய்யக் கூடும்!

கொள்கையில் உறுதிகொண்டால்

தடையது திரும்பி ஓடும்!

கண்களில் தெளிவு கொண்டு

எண்ணத்தில் வலிமை கொண்டு!

உழைப்பினில் மகிழ்வு கொண்டு!

வென்றிடு வாழ்க்கை நன்று!

நன்றி.

என்னைப் பொறுத்தவரை...

சோம்பேறி குறக்குடம்..

அறிவுரை ஊற்றுவது வீண்..

நல்ல கவிதை..

வாசிக்கும்போதே புத்துணர்ச்சியைத் தருகிறது.

உறுதியான நம்பிக்கையைத்தரும் வரிகள்.

தமிழ்த்தங்கைக்கு வாழ்த்துக்கள்.

தடுமாற்றம் வந்து உன்னை

தடம் மாறச்செய்யக் கூடும்!

கொள்கையில் உறுதிகொண்டால்

தடையது திரும்பி ஓடும்!

கண்களில் தெளிவு கொண்டு

எண்ணத்தில் வலிமை கொண்டு!

உழைப்பினில் மகிழ்வு கொண்டு!

வென்றிடு வாழ்க்கை நன்று!

இது எனக்குரிய அறிவுரையாக உள்ளது.

உண்மையில் தடம்புரளும் கொள்கையுள்ள ஒரு மனிதனை சரியான பாதையை காட்டும் ஒரு கவிதையாக உள்ளது.

இலட்சியவாதிகளினால் ஏற்றுக்கொள்ளக் கூடிய வரிகள்..

பாராட்டுக்கள் தமிழ்த்தங்கை.

Edited June 25, 200718 yr by Valvai Mainthan

பிடித்தமான கவிவரிகள். நன்றி தமிழ்த்தங்கை. சந்தம் கூட அழகாக திகழ்கின்றது.

ஆமா அதென்னங்க உங்கள் கையெழுத்துப் பகுதிக்குள் இப்படியொரு வசனம். "உனக்கு அவலத்தை தந்தவனுக்கு அதையே திருப்பிக்கொடு" அதாவது பழிக்குப்பழியா? எல்லாரிடத்தும் இது சாத்தியப்படுமா? இது உங்கள் தனிப்பட்ட வசனமா? இல்லை யாராவது உதிர்த்த வ்சனமா? ஆமெனில் யாருடையது என்பதை அறியலாமா?

தடுமாற்றம் வந்து உன்னை

தடம் மாறச்செய்யக் கூடும்!

கொள்கையில் உறுதிகொண்டால்

தடையது திரும்பி ஓடும்!

கவிதை மிகவும் நன்றாக உள்ளது அதிலும் இந்த வரிகள் மிகவும் அழகு.........நான் வாழ்கையில் கண்டு கொண்டது..........நான் ஒரு கொள்கை கொண்டால் எனக்கு பிடிதிருந்தா அது பிழை என்று யார் சொன்னாலும் அதை தான் செய்வேன்........அது தான் பல வெற்றிகளுக்கு காரணம் எனக்கு அந்த வகையில் இந்த வரிகளை மிகவும் ரசித்தேன்............

உண்மைதான்

தடுமாற்றம்தான் இன்று பலருடைய வாழ்க்கையையே புரட்டிப்போட்டிருக்கின்றது.

வாழ்த்துக்கள் தங்கையே அருமையான கவிவரிகள் இல்லை வீரியை விதைகள்

பிடித்தமான கவிவரிகள். நன்றி தமிழ்த்தங்கை. சந்தம் கூட அழகாக திகழ்கின்றது.

ஆமா அதென்னங்க உங்கள் கையெழுத்துப் பகுதிக்குள் இப்படியொரு வசனம். "உனக்கு அவலத்தை தந்தவனுக்கு அதையே திருப்பிக்கொடு" அதாவது பழிக்குப்பழியா? எல்லாரிடத்தும் இது சாத்தியப்படுமா? இது உங்கள் தனிப்பட்ட வசனமா? இல்லை யாராவது உதிர்த்த வ்சனமா? ஆமெனில் யாருடையது என்பதை அறியலாமா?

பாராட்டு மழையின் நனையவைத்த யாழ் உறவுகளுக்கு உள்ளார்த்தமான நன்றிகள்!!

வெண்ணிலா!!

இந்த வரிகளை நீங்கள் கேட்டதே இல்லையா? எங்கள் அண்ணை தமிழீழத் தேசியத்தலைவரின் வசனம் அல்லவா அது!..

"இன்னா செய்தாரை ஒறுத்தல் அவர் நாண

நன்னயம் செய்து விடல்"

ஒரு கன்னத்தில் அறைந்தால் மறு கன்னமும் காட்டு" !! இப்படிச்சொல்லிச் சொல்லித்தான் அடிமைகளாகிக் கிடந்தோம். 'எட்டாத பழம் புளிக்கும்" என்றொரு சமாதானமும் செய்து கொண்டோம்!!

எறும்பு ஊரக் கல்குழியும் என்பதை ஏன் மறந்தோம்?!! உறங்கிப்போயிருக்கும் எங்கள் ஆற்றலை வெளிப்படுத்த எங்கள் தலைவன் உதிர்த்த வசனம் அது!.

நன்றி தமிழ்த்தங்கை அவர்களே உங்கள் தெளிவான விளக்கத்தால் சந்தோஷமடைகின்றேன்.

நல்லதொரு கவிதை. நன்றி சோதரி.

"எண்ணிய எண்ணங்களின்படியே காரியங்கள் தீர்மானிக்கப்படும்.

முடிவெடுக்கும் திறனாலே அக்காரியங்களின் வெற்றி தீர்மானிக்கப்படும்"

கவிதைக்கு நன்றிகள்