5 minutes ago, இணையவன் said:

தங்கத்தின் மதிப்பீடு அரம்பத்திலிருந்தே உங்கள் கணிப்பு சரியக இருந்துள்ளது. 1700 களுக்கு இறங்கும் என நான் எதிர்பார்க்கவே இல்லை. எனது முதலீட்டை ஏறத்தாள முற்றாக் இழந்தேன். 1720 இல் கடைசியான இருப்பை முதலீடு செய்து 1735 இல் விற்று சிறிய இலாபம் பெற்றுக் கொண்டேன். ஆனால் தொடர்ந்தும் முதலிட்டிருந்தால் தற்போதைய 1770 வரை அதிக இலாபம் ஈட்டியிருக்கலாம். நான் 1735 இற்குப் பின்னர் இறங்கும் எனறு ஒரு வாரமாகப் பார்க்கிறேன், ஏறிக்கொண்டே போகிறது. அதிக முதலீடு இல்லாதபடியால் இருக்கும் சொற்பத்தையும் இழக்க விருப்பம் இல்லை. 

சென்ற வாரம் 70 ஈரோவிலிருந்து ஆரம்பத்தில் நான் செய்ததுபோல் ETF முதலீடு செய்கிறேன்.

மன்னிக்கவும் இணையவன் எனது கணிப்பு தவறாகிவிட்டது, மேலே கூறிய விடயம் தவறு ஆர்வக்கோளாறில் சரியாகப்பார்க்காமல் பதிவிடேன்.

மீண்டும் சரி பார்த்து விட்டு பதிவிடுகிறேன்.

குறுகிய காலத்தில் தங்கத்தின் விலை 1739 விட கீழிறங்காவிட்டால் 1827 வரை செல்ல அதிக வாய்ப்புள்ளது.

தற்போதுள்ள 1762 விலை 1758, 1749, 1744, 1740 வரை கீழிறங்க வாய்ப்புள்ளது.

விலை 1739  (Stop loss) விட்டு கீழிறங்கினால் இந்த தொழில்பாடு நிகழாது.

குறுங்காலத்தில் விலை 1739 தொடாவிட்டால் மிகவும் நல்ல விடயம்.

பின்னர் மேலதிக விபரங்களை இணைக்கிறேன்.

 

இது ஒரு வர்த்தக ஆலோசனை அல்ல.

1758.72 entry 1754.10stop 

தங்கத்தின் எதிர்பார்ப்பு விலை 1827 தவறான கணிப்பு அதன் உண்மையான  இலக்கு 1803 (1:9 R&R)

எனது வர்த்தகத்தினை மூடிவிட்டேன், தவறான இலக்கினை கூறியமைக்கு மன்னிக்கவும்.

25 minutes ago, vasee said:

1758.72 entry 1754.10stop 

தங்கத்தின் எதிர்பார்ப்பு விலை 1827 தவறான கணிப்பு அதன் உண்மையான  இலக்கு 1803 (1:9 R&R)

எனது வர்த்தகத்தினை மூடிவிட்டேன், தவறான இலக்கினை கூறியமைக்கு மன்னிக்கவும்.

வசி பங்குச் சந்தையில் எவருமே சரியான புள்ளி விபரங்களை முதலே சொல்ல முடியாது.

ஆனபடியால் உங்கள் மனதில் எழும் எண்ணங்களை பதிவு செய்யுங்கள்.

On 11/8/2022 at 08:33, ஈழப்பிரியன் said:

வசி பங்குச் சந்தையில் எவருமே சரியான புள்ளி விபரங்களை முதலே சொல்ல முடியாது.

ஆனபடியால் உங்கள் மனதில் எழும் எண்ணங்களை பதிவு செய்யுங்கள்.

நன்றி ஈழப்பிரியன், 

இது ஒரு முன் திட்டமிடப்படாத வர்த்தக நடவடிக்கை, வேலைமுடிவின் பின்னார் வரைபடத்தினை பார்த்த போது அதிக பட்ச வெற்றியினை தரக்கூடிய நிகழ்தகவுள்ள ஒரு வர்த்தக நடவடிக்கையாகக்காணப்பட்டது, அதனால் அவசரமாக பதிவிட்டேன் அதனால்  எதிர்பார்ர்கும் விலையினை சரியாக கணிக்க முடியவில்லை.

பதிவிடும்போது தங்கத்தின் விலை 1762, விலை பெரும்பாலும் 1758 இல் கீழ் இந்தவகை வர்த்தகத்தில் செல்லாது (38.2). அதனால் அவசரமாகப்பதிவிட்டு, பின்னர் 15 நிமிட வரைபடத்தில் தங்கத்தினை வாங்கினேன், ஆனாலும் எனது எதிர்பார்க்கும் இலக்காக 1827 இனை இட்டிருந்தேன், இரண்டொரு நாளின் பின்னரே மீள பார்த்தபோது 1803 அதன் இலக்க்காக உள்ளதாக அறிந்து கொண்டேன்.

தங்கம் 1827 இற்கு செல்லாது என்று கூறவில்லை, இந்த வகை ஆய்வில் 1803 ஒரு எதிர்பார்க்கும் இலக்காக உள்ளது.

தங்கம் 1827 இற்கும் மேலாகக்கூட போகலாம் அல்லது போகாமலும் விடலாம், தற்போது நேரமின்மையினால் அதனை பார்க்கவில்லை, முடிந்தவரை தவறற்ற தரவினை கூற முயற்சிக்கிறேன்.

அத்துடன் மற்ற திரிகள் போலல்லாமல், எனது கருத்து எனக்கு சரியாக இருக்கலாம், ஆனால் நடைமுறயில் தவறு என்பதினை சந்தை உடனுகுடன் நிரூபித்துவிடும்.

இப்பகுதியில் பதியப்படும் கருத்துக்கு குறைந்த பட்சமாவது பொறுப்புணர்வுடன் பதிவிட வேணும் என நினைக்கிறேன். 

நேரமின்மைக்கு காரணம் Technical analysis இல் எனது புரிதலினடிப்படையில் இந்த திரியில் இலகுவாகவும் அதே நேரம் சுருக்கமாகவும், சுவாரசியமாகவும் பதிவிடுவதற்கான முயற்சியில் ஈடுபட்டுள்ளேன், அதற்காக பல நூல்களை உசாத்துணையாக பயன்படுத்த, வாசிக்க உள்ளது.

 

On 11/8/2022 at 00:05, vasee said:

தங்கத்தின் எதிர்பார்ப்பு விலை 1827 தவறான கணிப்பு அதன் உண்மையான  இலக்கு 1803 (1:9 R&R)

எனது வர்த்தகத்தினை மூடிவிட்டேன், தவறான இலக்கினை கூறியமைக்கு மன்னிக்கவும்.

தொடர்ந்து எழுதுங்கள். ஈழபிரியன் சொன்னதுபோல் யாரும் சரியாகக் கணிக்க முடியாது. 

தங்கம் 1730 இல் இருந்து ஏறியபோது எந்த இடத்தில் நுளைவது என்று தெரியாமல் பார்த்துக்கொண்டிருந்தபோதே 5 நாட்களில் 1800 இனை நெருங்குகிறது. மேலும் தொடர முடியாமல் தங்க முதலீட்டை நிறுத்திவிட்டேன். இதற்கும் மேல் சென்று குறைய ஆரம்பித்தால் முதலிடலாம் என்றிருக்கிறேன்.

தங்கம் 1730 அல்லது 1711 வரை விலை வீழ்ச்சி ஏற்பட்டு, பின்னர் முதலாவது இலக்காக  1921 இரண்டாவது இலக்கு 1948 வரை உயர்வடைய வாய்ப்புகள் உள்ளது.

1730 இல் வாங்கப்படும் தங்கத்திற்கு ஆபத்து விலகலாக ( stop loss) 1725 இடப்படும் பட்சத்தில், தங்கத்தின் எதிர்பார்ப்பு விலை 1921 ஆக இருக்கும் பட்சத்தில் 1:38 எமும் விகிதாசாரத்தில் இலாபம் ஏற்படலாம் அதாவது 10 டொலருக்கு 380 டொலர் எனப்படும் அடிப்படையில்.

1730 கீழிறங்கி 1711 இனை அடைந்தால் 5 புள்ளிகள் ஆபத்து விலகலான 1706 இனுடன் தங்கத்தின் எதிர்பார்ப்பு விலை உயர்வான 1921 இற்கான இலாப விகிதாசாரம் 1: 41 ஆகும்.

இதன் நிகழ்தகவு 10% ஆகும்.

இது ஒரு வர்த்தக ஆலோசனை அல்ல, இந்த ஆய்வு கடந்த வர்த்தக ஆய்வு போன்றே Fractal economy அடிப்படயில் மேற்கொள்ளப்பட்டது.

இந்த ஆய்வின் அடிப்படை மனித உளவியல் அடிப்படையில் மேற்கொள்ளப்படுவது.

இது எவ்வாறு செயல்படுகிறது?

மனிதர்களில் ஆரம்பத்தில் சிறு தொகுதியினர் ஒரு புதிய பொருளையோ அல்லது கருதுகோளையினையோ அல்லது கண்டுபிடிப்பினையோ உள்வாங்குகிறார்கள்.

பின்னர், பலர் படிப்படியாக மற்றவர்கள் அதனை சிந்திக்காமல் தொடர முற்படுதல்.

உதாரணமாக கிழிந்துபோன ஆடைகளை ஆரம்பத்தில் அணிந்த போது பெரும்பாலான சமூக மக்கள் அவர்களை விசித்திரமாக பார்க்கும் நிலையிலிருந்து பிற்காலத்தில் அதனையே நாகரிகமாக ஏற்றுக்கொண்டு அதனை அவர்களும் அணியும் நிலை.

இந்த செயற்பாடு மிகவும் எதிர்பார்க்கப்பட்ட ஒரே மாதிரியான வகையிலேயே அமைந்து விடுகிறது.

இவ்வாறான நிகழ்வு நிகழ்வதற்கான காரணம் கற்கால மனிதனின் மரபணு மூலம் கடத்தப்படும் கூட்ட மனப்பாண்மை எனப்படும் வேகமாக சிந்திக்கும் முறையே காரணம் என கூறப்படுகிறது.

 

குறித்த முக்கிய வலயங்களில் இவ்வாறான மெழுகுதிரிகள் தற்காலிகமாக விலை வீழ்ச்சியடையும்போது, விலை திரும்புவதற்கான முன் அறிகுறியாக திகழ்கிறது.

52 minutes ago, vasee said:

தங்கம் 1730 அல்லது 1711 வரை விலை வீழ்ச்சி ஏற்பட்டு, பின்னர் முதலாவது இலக்காக  1921 இரண்டாவது இலக்கு 1948 வரை உயர்வடைய வாய்ப்புகள் உள்ளது.

1730 இல் வாங்கப்படும் தங்கத்திற்கு ஆபத்து விலகலாக ( stop loss) 1725 இடப்படும் பட்சத்தில், தங்கத்தின் எதிர்பார்ப்பு விலை 1921 ஆக இருக்கும் பட்சத்தில் 1:38 எமும் விகிதாசாரத்தில் இலாபம் ஏற்படலாம் அதாவது 10 டொலருக்கு 380 டொலர் எனப்படும் அடிப்படையில்.

1730 கீழிறங்கி 1711 இனை அடைந்தால் 5 புள்ளிகள் ஆபத்து விலகலான 1706 இனுடன் தங்கத்தின் எதிர்பார்ப்பு விலை உயர்வான 1921 இற்கான இலாப விகிதாசாரம் 1: 41 ஆகும்.

இதன் நிகழ்தகவு 10% ஆகும்.

இது ஒரு வர்த்தக ஆலோசனை அல்ல, இந்த ஆய்வு கடந்த வர்த்தக ஆய்வு போன்றே Fractal economy அடிப்படயில் மேற்கொள்ளப்பட்டது.

இந்த ஆய்வின் அடிப்படை மனித உளவியல் அடிப்படையில் மேற்கொள்ளப்படுவது.

இது எவ்வாறு செயல்படுகிறது?

மனிதர்களில் ஆரம்பத்தில் சிறு தொகுதியினர் ஒரு புதிய பொருளையோ அல்லது கருதுகோளையினையோ அல்லது கண்டுபிடிப்பினையோ உள்வாங்குகிறார்கள்.

பின்னர், பலர் படிப்படியாக மற்றவர்கள் அதனை சிந்திக்காமல் தொடர முற்படுதல்.

உதாரணமாக கிழிந்துபோன ஆடைகளை ஆரம்பத்தில் அணிந்த போது பெரும்பாலான சமூக மக்கள் அவர்களை விசித்திரமாக பார்க்கும் நிலையிலிருந்து பிற்காலத்தில் அதனையே நாகரிகமாக ஏற்றுக்கொண்டு அதனை அவர்களும் அணியும் நிலை.

இந்த செயற்பாடு மிகவும் எதிர்பார்க்கப்பட்ட ஒரே மாதிரியான வகையிலேயே அமைந்து விடுகிறது.

இவ்வாறான நிகழ்வு நிகழ்வதற்கான காரணம் கற்கால மனிதனின் மரபணு மூலம் கடத்தப்படும் கூட்ட மனப்பாண்மை எனப்படும் வேகமாக சிந்திக்கும் முறையே காரணம் என கூறப்படுகிறது.

 

அருமையான பதிவுகள் வசி. கலை சொற்களை விடாப்பிடியாக தமிழில் எழுவதற்கு 👏. 

இந்த திரியில் எழுதுவது குறைந்து விட்டாலும் வாசிப்பது குறையவில்லை. 

56 minutes ago, goshan_che said:

அருமையான பதிவுகள் வசி. கலை சொற்களை விடாப்பிடியாக தமிழில் எழுவதற்கு 👏. 

இந்த திரியில் எழுதுவது குறைந்து விட்டாலும் வாசிப்பது குறையவில்லை. 

நன்றி கோசான்

தங்கம் விலை திரும்பும் புள்ளிகள் (வாய்ப்புள்ள) 1749, 1730, 1711.

1749 தவற விடப்ப்ட்டுவிட்டது.

Edited August 17, 20223 yr by vasee

1746.45 இல் தங்கத்தினை வாங்கியுள்ளேன் எதிர்பாரா நிகழ்வு வெளியேற்றமாக (Stop loss) 1744.12 உள்ளது, முதலாவது இலக்கு முன்னரகூறியது போல 1921 அல்ல 1869. ஆனாலும் 1921 இல் எதிர்பார்ப்பு வெளியேற்றம் இடப்பட்டுவிட்டது. இரண்டாவது இலக்கான 1948 வரை முடிந்தால் செல்ல முடிவு செய்துள்ளேன் (விலை கீழிறங்காவிட்டால்).

 

On 18/8/2022 at 09:55, vasee said:

தங்கம் விலை திரும்பும் புள்ளிகள் (வாய்ப்புள்ள) 1749, 1730, 1711.

1749 தவற விடப்ப்ட்டுவிட்டது.

 

On 20/8/2022 at 08:36, vasee said:

1746.45 இல் தங்கத்தினை வாங்கியுள்ளேன் எதிர்பாரா நிகழ்வு வெளியேற்றமாக (Stop loss) 1744.12 உள்ளது, முதலாவது இலக்கு முன்னரகூறியது போல 1921 அல்ல 1869. ஆனாலும் 1921 இல் எதிர்பார்ப்பு வெளியேற்றம் இடப்பட்டுவிட்டது. இரண்டாவது இலக்கான 1948 வரை முடிந்தால் செல்ல முடிவு செய்துள்ளேன் (விலை கீழிறங்காவிட்டால்).

1746.45 வர்த்தகம் எதிர்பாரா வெளியேற்றம் மூலம் வேளியேற்றப்பட்டுவிட்டது (Stop loss). அடுத்த இலக்கு 1730 இரண்டாவது வர்த்தகம் நிகழ்ந்துள்ளது.

14 hours ago, vasee said:

 

1746.45 வர்த்தகம் எதிர்பாரா வெளியேற்றம் மூலம் வேளியேற்றப்பட்டுவிட்டது (Stop loss). அடுத்த இலக்கு 1730 இரண்டாவது வர்த்தகம் நிகழ்ந்துள்ளது.

 

இன்றும் 1740 - 1730 ற்கு உள்ளேயே தடுமாறுவதால் தற்போது முதலிடுவதாக இல்லை.

நேற்று palladium திடீரென 6 வீதத்தை இழந்திருந்தது. என்னிடமுள்ள மொத்த இருப்பையும் திரட்டி நேற்று இரவு முதலிட்டுள்ளேன். இதில் பிரச்சனை என்னவென்றால் தங்கத்தைப் போல் அல்லாது வாங்கும் விலைக்கும் விற்கும் விலைக்கும் பாரிய இடைவெளி உண்டு. வாங்கியவுடனேயே சுமார் 7 வீதத்தினை முதலீடு இழந்துவிடும். இந்த இழப்பையும் இலாபத்தில் உள்ளடக்க வேண்டியுள்ளதால் மிகப்பெரிய விலை ஏற்றம் வந்தால்தான் விற்க முடியும். 

எரிவாயுவின் விலை நேற்று 7 வீதத்துக்கும் மேல் கூடியது. முதலிட்டவர்கள் அதிக இலாபம் அடைந்திருப்பார்கள்.

இன்று தங்கம் 1730 இனை விடக் குறைந்தால் சிறு இலாபத்துடன் palladium இனை விற்று தங்கத்தில் முதலிடலம் என்று எண்ணியுள்ளேன்.

On 23/8/2022 at 21:38, இணையவன் said:

 

இன்றும் 1740 - 1730 ற்கு உள்ளேயே தடுமாறுவதால் தற்போது முதலிடுவதாக இல்லை.

நேற்று palladium திடீரென 6 வீதத்தை இழந்திருந்தது. என்னிடமுள்ள மொத்த இருப்பையும் திரட்டி நேற்று இரவு முதலிட்டுள்ளேன். இதில் பிரச்சனை என்னவென்றால் தங்கத்தைப் போல் அல்லாது வாங்கும் விலைக்கும் விற்கும் விலைக்கும் பாரிய இடைவெளி உண்டு. வாங்கியவுடனேயே சுமார் 7 வீதத்தினை முதலீடு இழந்துவிடும். இந்த இழப்பையும் இலாபத்தில் உள்ளடக்க வேண்டியுள்ளதால் மிகப்பெரிய விலை ஏற்றம் வந்தால்தான் விற்க முடியும். 

எரிவாயுவின் விலை நேற்று 7 வீதத்துக்கும் மேல் கூடியது. முதலிட்டவர்கள் அதிக இலாபம் அடைந்திருப்பார்கள்.

இன்று தங்கம் 1730 இனை விடக் குறைந்தால் சிறு இலாபத்துடன் palladium இனை விற்று தங்கத்தில் முதலிடலம் என்று எண்ணியுள்ளேன்.

வாங்கியிருந்த தங்கத்தினை விற்று விட்டேன், ஒருநிலையில் 1:7 என்ற விகிதத்தில் இலாபம் இருந்தது எனது கணிப்பீட்டிலிருந்த அளவுக்கதிகமான நம்பிக்கையில் விலை இறங்கிய போதும் விற்கவில்லை இறுதியாக ஏறத்தாழ 1:2 என்ற வீத இலாபத்துடனேயே வெளியேற வேண்டியநிலை ஏற்பட்டுள்ளது.

இந்த வகை ஆய்வு தொடர்பாக மேலோட்டமான அறிவுமட்டும் உள்ளது, இந்த ஆய்வினை தொடர்ந்து விரிவாக அறிந்து கொள்ளும் ஆர்வத்தினை தூண்டிவிட்டுள்ளது இந்த வர்த்தகம்.

முன்பு கூறப்பட்ட 1711 தங்கத்தினை வாங்குவதற்கான வர்த்தகம் இன்னமும் நிரப்பபடவில்லை, எதிர்பாரா வெளியேற்றமாக 1706 இலும் , இலாப இலக்கு 1879 மற்றும் 1948 கொண்டுள்ளேன்.

On 24/9/2021 at 11:57, goshan_che said:

பெரிய தாக்கம் - இண்டிரெஸ்ட் ரேட், பணவீக்க இரட்டைகளால் வரும் என்றே நினைக்கிறேன்.

நேற்று, இங்கிலாந்து வங்கி தொடர்ந்தும் 0.1% இல் அடிப்படை வட்டியை வைத்தது. ஆனால் இதுதான் கடைசி இந்த நிலையில் என நினைகிறேன். 2022 முதல் காலாண்டில் பணவீக்கம் 4% ஆகும் என்கிறார்கள்.

எனவே இப்போ முடியுமானவர்கள் 2/5 வருட fixed rate மோர்ட்கேஜ் எடுப்பது பலனைத்தரலாம் என்பது என் தனிப்பட்ட அபிப்ராயம். மாற்று கருத்துகள் வரவேற்கப்படுகிறன.

 

On 24/9/2021 at 11:57, goshan_che said:

ஆனால் 0.1% வட்டி வீதகாலம் விரைவில் முடிவுக்கு வருகிறது என்றே நினைகிறேன்.
 

சில விடயங்களை மீளப் போய் பார்ப்பது - நாம் விடயங்களை சரியாக அணுகுகிறோமா இல்லையா என கணிக்க உதவும்.

மேலே எழுதியது 11 மாதங்களுக்கு முன்.  உக்ரேன் போருக்கு முன்.

பணவீக்கம் இப்போ 8% தொடுகிறது.

வங்கியின் வட்டி வீதம் 1.75. இன்னும் இரு வாரத்தில் 2.25 ஆகலாமாம்.

அடுத்த வருட ஆரம்பத்தில் பணவீக்கம் 22% ஆகலாம் என்கிறது கோல்ட்மன் சாக்ஸ்.

அப்போ வங்கி வீதம் 5%? ஆக கூடும்? என்றால் மோர்ட்கேஜ் 5 வருட டீலுக்கு 8% ?

 

https://www.theguardian.com/business/live/2022/aug/30/pound-uk-recession-economy-mortgages-energy-market-gas-business-live

15 hours ago, goshan_che said:

 

சில விடயங்களை மீளப் போய் பார்ப்பது - நாம் விடயங்களை சரியாக அணுகுகிறோமா இல்லையா என கணிக்க உதவும்.

மேலே எழுதியது 11 மாதங்களுக்கு முன்.  உக்ரேன் போருக்கு முன்.

பணவீக்கம் இப்போ 8% தொடுகிறது.

வங்கியின் வட்டி வீதம் 1.75. இன்னும் இரு வாரத்தில் 2.25 ஆகலாமாம்.

அடுத்த வருட ஆரம்பத்தில் பணவீக்கம் 22% ஆகலாம் என்கிறது கோல்ட்மன் சாக்ஸ்.

அப்போ வங்கி வீதம் 5%? ஆக கூடும்? என்றால் மோர்ட்கேஜ் 5 வருட டீலுக்கு 8% ?

 

https://www.theguardian.com/business/live/2022/aug/30/pound-uk-recession-economy-mortgages-energy-market-gas-business-live

கோசான் அந்தகாலகட்டத்தில் நீங்கள் கூறிய கருத்துகளை பொருளாதார விற்பன்னர்களுடன் முற்றும் முரண்பாடாக இருந்த காரணத்தினால் அதனை கவனத்தில் கூட எடுக்கவில்லை என்பதனை இப்போது உணருகிறேன்.

பாராட்டுக்கள் அதனை நீங்கள் குறிப்பிட்டு காட்டியிருக்காவிட்டால் இந்த விடயம் கவணத்திற்கு வந்திருக்காது.

பொதுவான மக்கள் பெரும்பாலும் இந்த பிரபலங்களின் கருத்துகளை கண்ணை மூடிக்கொண்டு பின் தொடர்பவர்களாக இருப்பதனாலேயே பெருமளவில் பாதிக்கப்படுகிறார்கள்.

நான் பெரும்பாலும் இந்த வகையான பெரும்பாலான மக்கள்  கூட்டத்தில் இருப்பதாக உணர்வதுண்டு (Herd mentality).

நீங்கள் இதில் விதிவிலக்காக உள்ளீர்கள்.

முதலீடுகள் என்று வரும்போது எமது மூளைகூட எமக்கு ஒத்துழைக்காது.

ஜோன் கார்டரின் Mastering the trade எனும் புத்தகத்தில் என நினைக்கிறேன் கனடிய ஆராய்சியாளர் கண்டிபிடித்த ஒரு விடயத்தினை குறிப்பிட்டிருந்தார், அதாவது குதிரை பந்தயத்தில் சூதாடுபவர்கள் ஒரு குதிரையில் பணம் இட்ட பின் முன்னரை விட அதிகமாக அந்த குதிரைதான் வெல்லும் என நம்புவார்கள்.

இதனை மார்க் டக்லஸ் Blind perception என அழைக்கிறார், எமது மூளை வேண்டுமென்றே எமக்கு வலி தரக்கூடிய விடயங்களை தவிர்த்துவிடுகிறது, அதாவது பூனை கண்ணை மூடிக்கொண்டு பாலை குடிப்பது போல.

இதனை ஒரு சிலரால்தான் தவிர்க்கமுடிகிறது அவர்களால்தான் சிறந்த முதலீட்டாளர்களாக உருவாக முடிகிறது.

முன்பு நான் இங்கு குறிப்பிட்ட எனது குஜராத்திய நண்பர் எனது தகவலின் அடிப்படையில் என்னை விட சிறப்பாக முத்லீடுபவர் எனகுறிப்பிட்டிருந்தேன் அல்லவா, அக்கால கட்டத்தில் நாளாந்த வர்த்தகத்தில் ஈடுபடுவதுண்டு அவர் என்னிடம் கேட்ட விடயம் நாளின் ஆரம்பத்தில் என்ன பங்கு என்ன விலையில் வாங்க உள்ளேன் என்ற விபரத்தினை தனக்கு தெரிவிக்குமாறு கூறியிருந்தார்.

பொதுவாக எல்லா வர்த்தகத்திலும் என்னை விட சிறப்பாக செயற்பட்டிருப்பார், அதனை பெருமையுடன் என்னிடம் கூறுவார் (உண்மையில் அவரிடம் மிக கட்டுகோப்பான மனநிலை காணப்படும், இலகுவில் குறைந்தவிலைக்கு விற்கமாட்டார், இலக்குகளை தாண்டி அதிகபட்ச விலையில் விற்பார் )

2014 ஆண்டின் நடுப்பகுதியென நினைக்கிறேன் WHN எனும் எரிசக்தி நிறுவனத்தில் முதலிட்டிருந்தார் (எனது கருத்தினடிப்படையில்தான்).

தலா ஒவ்வொரு பங்கும் 0.09 சத விலையில் வாங்கியிருந்தார், அந்த பங்குகள் 0.19 அடைந்திருந்த போது எனது நண்பரிடம் சொன்னேன் 0.20 இல் விற்றுவிடுங்கள் அதுதான் இதுவரைகாலமும் உள்ள அதிக பட்ச விலை (Resistance),அத்துடன் அது ஒரு பாதுகாப்பான நடவடிக்கையும் கூட.

அதற்கு அவர் சொன்னார் விலை 14 வரை செல்லும், நீங்கள் கவலைப்படவேண்டாம் நான் பார்த்துக்கொள்கிறேன் என்றார், மறுநாள் விலை 0.20 தாண்டி 0.22 சென்ற போது சந்தை நடவடிகையில் மாற்றம் தெரிந்தது.

http://justfintech.com/wp-content/uploads/2015/12/VSA_Phases.jpg

இதனை Buying climax  என அழைபார்கள் பெரிய நிறுவனங்கள், விலை குறைந்த விலையில் வாங்கிய பங்குகளை, சந்தையில் அதிகபட்ச விலையில், விலை வீழ்ச்சி அடையாமல் அதிகளவான பங்குகளை அப்பாவி பொதுமக்களிடம் விற்றுவிடுவார்கள், இந்த நடவடிக்கையில் விலை மாற்றம் இருக்காது ஆனால் அதிகளவான பங்குகள் கைமாற்றப்பட்டிருக்கும், இதனை சந்தை நடவடிக்கை நடைபெறும்ப்போது விலை விலகலையும் பங்குகளின் எண்ணிக்கை அடிப்படையில் வரைபடத்தினூடு வெற்றுக்கண்ணாலேயே இலகுவாக அடையாளம் கொள்ளலாம்.

எனது நண்பருக்கு  உடனடியாக ஒரு குறுஞ்செய்தியினை அனுப்பி என்னை தொடர்பெடுக்குமாறு கூறினேன், என்னை தொலைபேசியில் அழைத்த நண்பரிடம் நிலமையினைகூறி முடிவு உங்கள் கையில் எனக்கூறினேன், அவர் மிகவும் நிதானமாக கூறினார் கவைலைப்படாதீர்கள்  நான் பார்த்துகொள்கிறேன் என்றார், அவர் எதிர்பார்த்த விலைக்கு குறைவாக ஒரு சதத்தினை கூட இழக்க அவர்விரும்பவில்லை அதனை விற்கவில்லை.

அதற்கு பின்பு நிகழ்ந்த விடயத்தினை நான் கூறவிரும்பவில்லை அது ஒரு சோகமான முடிவாகிவிட்டது.

சில சமயம் பங்கு சந்தை நடவடிக்கையில் கீரைக்கடைக்கு எதிர்கடை வேணும் என்பதுபோல எதிர்கருத்து இருப்பது அத்தியாவசியமாகிறது.

ஆனாலும் சில எனது மனதில் படும் கருத்துகலை; உண்மையான எந்தவித உள்நோக்கமும் இன்றி, மற்றவர்கள் பாதிக்கப்படக்கூடாது எனும் அடிப்படையில் கூறப்பட்ட போதும்; அவர்கள் தமது முதலீட்டில் கொண்ட காதலால் ( குதிரை பந்தய மனப்பான்மை) எனது கருத்து அவர்களை பாதித்ததாகக்கருதுகிறார்கள் (காழ்ப்புணர்ச்சி).

இதற்கு நானும் விதிவிலக்கில்லைதான், அதனால்தான் என்னால் அவர்களை புரிந்து கொள்ளமுடிகிறது.

 

http://justfintech.com/wp-content/uploads/2015/12/VSA_Phases.jpg

மார்க் டக்லஸ் இன் Trading in the Zone புத்தகத்தின் ஒலி வடிவத்தினை முன்னர் இத்திரியில் இணைத்துள்ளேன்.

சந்தையில் ஒருவர் தனது பணத்தினை இழக்கக்காரணம் குறித்த நபர் மட்டும்தான் காரணம், பங்கு சந்தை ஏமாற்றிவிட்டது, மோசமான நுண்பொருளாதாரம், என நாங்கள் தேடும் காரணங்கள் எம்மை நாமே நியாயப்படுத்த முயற்சிக்கும் முயற்சி மட்டுமே.

இந்த புத்தகத்தினை வாசித்தால் பங்கு வர்த்தகத்திற்கு மட்டுமல்ல நடைமுறை வாழ்க்கையிலேயே ஒரு புரிந்துணர்வு ஏற்படும்.

எல்டர் தனது வாழ்க்கைக்கான வர்த்தகம் எனும் புத்தகத்தில் பெருமளவில் சமூகத்தில் வெற்றியாளராகவும் கல்வியாளராகவும் உள்ளவர்கள்தான் வர்த்தகத்தில் பெரும் தோல்வியாளராக உள்ளார்கள் என கூறுகிறார்.

காரணம் நிகழ்தகவினை புரிந்து கொண்டிருந்தாலும் அதனை மனதளவில் ஏற்றுகொள்வதில்லை, எனது முன்னாள் முதலாளி ஒரு உலக பிரபல உணவு சங்கிலிதொடர் உணவு நிறுவனத்தின் Master Franchise எடுத்து நடத்தி வந்தார் தொலைக்காட்சிகளில் முதல்தடவையாக அந்த நிறுவனத்திற்கு அவர்தான் விளம்பரப்படுத்தியிருந்தார், முதல் வருடத்தில் 30 கடைகளை நாடளாவிய ரீதியில் ஆரம்பித்து வைத்தார் இவ்வாறு புதிதுபுதிதாகக்கடைகளை ஆரம்பித்து வைத்தகடைகள் மெதுவாக நட்டத்தினால் மூடத்தொடங்க ஒரு கட்டத்தில் அவர் அதிக அழுத்தத்திற்குள்ளானார், கடைசியாக தனது மற்ற வியாபார பெறுமதியினூடாக கடனெடுத்து மேலும் மூழ்கின்ற இந்த வர்த்தகத்தில் முதலிட்டார்.

ஆரம்பத்திலேயே அளவுக்கதிகமான கடைகளை திறந்தபோது ஒவ்வொரு கடை திறக்கப்படும்போது வரும் பணத்தினை கணக்கு பார்த்தவரினால் அதில் உள்ள ஆபத்தினை உணர முடியவில்லை, அதனை சுட்டிகாட்டுபவர்களுடன் சண்டையிட்டார், இதனால் ஆரம்பத்திலேயே சிலர் விலகி சென்றுவிட்டனர், அவருடன் இருந்த ஜால்ரா போடுபவர்கள் அவரது மனநிலையினை புரிந்து கொண்டு அதில் இலாபம் ஈட்டிக்கொண்டார்கள்.

நிலமை மோசமாக மோசமாக பிரச்சினையின் ஆழத்தினை புரிந்து கொண்டார், ஆனாலும் அதற்கு அவர் கூறிய காரணம் உலக பொருளாதாரம் சரியில்லை என்பதுதான் இதனை ஊடகங்களின் வாயிலாக அறிந்து கொண்டேன்.

தங்க வர்த்தகம் 1711 எதிர்பாரா விலகலான 1706 எட்டியதால் நட்டத்துடன் மூடப்பட்டது.

1704.61 மீண்டும் தங்கத்தினை வாங்கியுள்ளேன் 1700.00 உளவியல் Support (1000,1100,1300 இப்படி செல்லும்) ஆக இருப்பதுடன் Bullish engulfing அறிகுறியிருந்தமையால் வாங்கியுள்ளேன், எதிர்பாரா வெளியேற்றமாக 1699.00 இட்டுள்ளேன்.

16 minutes ago, vasee said:

1704.61 மீண்டும் தங்கத்தினை வாங்கியுள்ளேன் 1700.00 உளவியல் Support (1000,1100,1300 இப்படி செல்லும்) ஆக இருப்பதுடன் Bullish engulfing அறிகுறியிருந்தமையால் வாங்கியுள்ளேன், எதிர்பாரா வெளியேற்றமாக 1699.00 இட்டுள்ளேன்.

சிறப்பான முடிவு. நான் வாங்கவில்லை. ஏற்கனவே வெள்ளி வாங்கியுள்ளதால் கையிருப்பு எதுவும் இல்லை. வெள்ளியிலிருந்து உடனே வெளியேறுவதானால் நட்டம் ஏற்படும். 

இரண்டு வாரங்களுக்கு முன் சிறு பங்குகளாகக் கவனமெடுத்து வாங்கி கணிசமான அளவு இலாபம் கிடைத்தது. மொத்த இருப்பு 100 டொலரைத் தாண்டியதும் palladium வெள்ளி செப்பு ஆகியவற்றில் மாறி மாறி குறுகிய கால முதலீடுகள் செய்து அதிக இலாபம் ஈட்டியிருந்தேன். பெற்றோலியத்தின் விலை அடிக்கடி கூடிக் குறைவதால் அதில் இலகுவக இலாபம் அடையலாம் போல் தோன்றியது. மொத்தக் கையிருப்பு 220 டொலர்களாக உயர்ந்தது. கடந்த செவ்வாய் பெற்றோலியத்தில் இரு பிரிவாக 200 டொலர்களை முதலீரு செய்திருந்தேன். அன்று திடீரெனெ ஏற்பட்ட பாரிய வீழ்ச்சியால் 100 டொலர்களைச் சில மணி நேரங்களில் இழந்துவிட்டேன் (Stop loss 50%). நேற்று தவறான தருணத்தில் தங்கத்தில் முதலிட்டு நட்டத்துடன் வெளியேறி வெள்ளியில் முதலிட்டேன். அதுவும் ஏறுகிற மாதிரித் தெரியவில்லை. 

உங்களது தங்க முதலீட்டில் 1699 Stop loss மிகக் குறுகியதாகத் தெரிகிறது. தற்காலிகமான சிறு தாழ்வு ஏற்பட்டால் மூடப்பட்டு விடும் அல்லவா ? ஒருவேளை எனது இழப்புகளுக்கு தவறான Stop loss காரணமாக இருக்கலாம்.

Stop loss - Take profit இரண்டையும் எவ்வாறு கணிப்பிடுகிறிர்கள் ? நான் முதல் நாள் அதிகபட்சமாக இருந்த அளவை Take profit ஆக எடுத்துக் கொள்கிறேன்.

2 hours ago, இணையவன் said:

உங்களது தங்க முதலீட்டில் 1699 Stop loss மிகக் குறுகியதாகத் தெரிகிறது. தற்காலிகமான சிறு தாழ்வு ஏற்பட்டால் மூடப்பட்டு விடும் அல்லவா ? ஒருவேளை எனது இழப்புகளுக்கு தவறான Stop loss காரணமாக இருக்கலாம்.

Stop loss - Take profit இரண்டையும் எவ்வாறு கணிப்பிடுகிறிர்கள் ? நான் முதல் நாள் அதிகபட்சமாக இருந்த அளவை Take profit ஆக எடுத்துக் கொள்கிறேன்.

Stop loss மிக நெருக்கமாக உள்ளதுதான், ஆனால் ஒவ்வொரு வர்த்தகத்திற்கும் மொத்தக்கணக்கில் 0.10 % இலிருந்து அதிக பட்சமாக 1% வரை எனது இழப்பினை மட்டுப்படுத்துகிறேன், அதாவது $1000 கணக்கில் எனது முதலீட்டு ஆபத்து இந்த இரண்டு வர்த்தகத்திற்கும் $10 முதலீட்டு ஆபத்துள்ளது இதனால் மிக நெருக்கமாக எதிர்பாரா வெளியேற்றம் இருப்பதால் இலாபம் அதிகமாக இருக்கும் இந்த வர்த்தகம் சாதகமானால் 1:43 என்ற விகிதத்தில் இலாபம் உண்டு.

வேறு ஒரு திரியில் Fractal market hypotheses பற்றிய விவாதம் ஏற்பட்டது அதனை தொடர்ந்து அது தொடர்பாக பார்த்தபோது 1990 களில்தான் இத்தத்துவம் பிரபலமாகியிருந்துள்ளது ஆனால் 60 ஆண்டுகளுக்கு முன்பு எலியட் என்பவரினால் அறிமுகப்படுத்தப்பட்ட அலைகள் (Elliott Wave) முறை சந்தை ஆராய்ச்சி முறையில் மீண்டும் ஆர்வம் ஏற்பட்டது.

 முன்பு அதனை மேலோட்டமாக பயன்படுத்தியிருந்தேன் அதனை தற்போது விரிவாக அறியும் முயற்சியினூடே அதே முறைமையில் நடைமுறையிலும் வர்த்தகத்திலீடுபடுகிறேன்.

இந்த முறைமையில் சந்தை ஆராய்சி செய்வதை பற்றி இந்த திரியில் எழுத ஆரம்பத்தில் ஆர்வம் இருந்தது ஆனால் பல காணொளிகள் இணையத்தளத்தில் உள்ளமையால் அந்த எண்ணத்தினை கைவிட்டுவிடேன்.

ஆனால் இவ்வாறான காணொளிகளை பார்ப்பதை தவிர்த்துள்ளேன், இந்த ஆய்வினை அவரவர் புரிதலில் சொல்வதால் தவறான புரிதலை ஆரம்பத்திலேயே கொள்ள வேண்டும் என்பதால் சிறந்த புத்தகங்களினூடு கற்று வருகிறேன்.

Elliott wave principal applied to the foreign exchange markets - Robert Balan

Elliott wave principal - Robert Prechter

Trading Chaos - Bill Williams

Fractal Market Analysis - Edgar Peter

Mastering Elliot wave - Glenn Neely 

சந்தையின் திரும்பல் புள்ளிகளை கணிப்பதற்கும் எதிர்பார்க்கும் விலைகளை கணிப்பதற்கும் இந்த வகை ஆராய்ச்சியினை பயன்படுத்துகிறேன்.

சாதாரண கற்றல் அறிவிற்கும் அதனை நடைமுறைபடுத்தும் போது ஏற்படுத்தும் அறிவிற்கும் மிக பெரிய இடைவெளி உள்ளது, காகிதத்தில் உள்ளதை நடைமுறைப்படுத்தும் போதுதான்  புதிய நடைமுறை சிக்கல்களை எதிர்கொள்ளவேண்டியுள்ளது, அதனால் பல தடவை எனது பதிவுகளில் எதிர்பார்க்கப்படும் விலை கணிப்பதில் சிக்கல் ஏற்பட்டுள்ளதை அறிந்திருப்பீர்கள், ஆனால் ஒவ்வொரு தடவையும் அப்படியான பிரச்சினைகள் இந்த ஆய்விலுள்ள நுணுக்கங்களை அறிந்து கொள்ள உதவுகிறது.

தங்க வர்த்தகம் எதிர்பாரா விலையினை எட்டி வர்த்தகம் நட்டத்துடன் மூடப்பட்டது.

தங்கத்தினை மீண்டும் 1702 வாங்கத்திட்டமிட்டுள்ளேன், எதிர்பாரா வெளியேற்றம் 1697.