நாட்டின் பொருளாதாரத்தை காப்பாற்ற... நிதி அமைச்சராக, இருந்து தேவையானதைச் செய்வேன் – அலி சப்ரி

எத்தகைய சவால்களை எதிர்கொண்டாலும், நாட்டின் பொருளாதாரத்தை காப்பாற்ற, நிதி அமைச்சராக இருந்து, தேவையானதைச் செய்ய நான் தயாராக இருக்கிறேன் என அலி சப்ரி தெரிவித்தார்.

சர்வதேச நாணய நிதியத்தின் இலங்கை தொடர்பான அறிக்கை மீதான ஒத்திவைப்பு வேளை விவாதம் தற்போது இடம்பெற்று வருகிறது.

இதன்போது புதிய அமைச்சர்கள் தொடர்பில் வெளியிடப்பட்டுள்ள அதிவிசேட வர்த்தமானியில் நிதியமைச்சராக நாடாளுமன்ற உறுப்பினர் அலி சப்ரியின் பெயர் குறிப்பிடப்பட்டுள்ளமை தொடர்பாக நாடாளுமன்ற உறுப்பினர் எம்.ஏ. சுமந்திரன் கேள்வி எழுப்பினார்.

அதனை தெளிவுபடுத்திய அலி சப்ரி, தான் நிதியமைச்சராகவே தற்போது உரையாற்றுவதாக தெரிவித்தார்.

மேலும் “தற்போதைய ஆபத்தான சூழ்நிலையில் விமர்சனங்களை எதிர்கொள்ள அனைவரும் அஞ்சுவதால், யாரும் அமைச்சுப் பதவியை ஏற்கத் தயாராக இல்லை. எத்தகைய சவால்களை எதிர்கொண்டாலும், நாட்டின் பொருளாதாரத்தை காப்பாற்ற, நிதி அமைச்சராக இருந்து, தேவையானதைச் செய்ய நான் தயாராக இருக்கிறேன்.

அரசியலில் எனது இறுதி நாட்களில் இருக்கிறேன் என்பதை நான் அறிவேன். ஆனால் செய்ய வேண்டியதை செய்வேன்.

அதிகமான டொலர் வருவாயை உறுதி செய்வதற்கான வழிகளையும் வழிமுறைகளையும் அறிமுகப்படுத்துவதே இன்றைய தேவை. ஆளும் கட்சியுடன் தொடர்ந்து ஆட்சியைப் பாதுகாக்க முயற்சிக்கும் ஸ்ரீலங்கா பொதுஜன பெரமுனவின் நாடாளுமன்ற உறுபிப்பினர்களுக்கு நான் நன்றி கூறுகிறேன்.

2020களின் முற்பகுதியில் தொற்றுநோய் நாட்டைத் தாக்கிய 2019 டிசம்பரில் அறிமுகப்படுத்தப்பட்ட வரி திருத்தங்களை இலங்கை அரசாங்கம் மறுபரிசீலனை செய்திருக்க வேண்டும்.

இலங்கையின் வெளிநாட்டு கையிருப்பு நிலை பற்றி நான் குறிப்பிட விரும்பவில்லை. அமைதியான போராட்டங்கள் தீங்கு விளைவிக்கும் போது அமைதியின்மையை உருவாக்கக்கூடாது. உங்களால் சபையில் பெரும்பான்மையை காட்ட முடிந்தால் எதிர்க்கட்சியில் அமர்ந்து ஆட்சியை உங்களிடம் ஒப்படைக்க தயாராக உள்ளோம்” எனவும் அவர் தெரிவித்தார்.

https://athavannews.com/2022/1275885

சிங்களம் இவரவைத்து எண்ணெய் கடன்  வாங்க கனவு காண்கிறது அரபு நாடுகள் அடுத்துவரும் 10 ஆண்டுகளில் உள்ள வீழ்ச்சியை நினைத்து கவலைக்குள் இருக்கினம் அதுக்குள் கடன் கொடுத்து கையை சுட்டுக்கொள்ள  விரும்ப மாட்டினம் .

 

நீதியை கிழிச்சாச்சு.  இனி நிதி.😂

சப்பிரியிடமும் நிறைய வெற்று பெட்டகங்கள்  இருக்கு ..நிரப்பவேணும்தானே...நீதியிலை என்னத்தக் கிழிச்சார்...பாவமண்ணே..

அதுசரி, இவர் 24 மணிநேரத்தில் ராஜினாமா செய்திருந்தாரே? அதுக்குப் பிறகு மீண்டும் பதவியேற்றாரோ?

1 hour ago, ரஞ்சித் said:

அதுசரி, இவர் 24 மணிநேரத்தில் ராஜினாமா செய்திருந்தாரே? அதுக்குப் பிறகு மீண்டும் பதவியேற்றாரோ?

இவர் இராஜினாமா செய்தது உண்மைதான்.
அதற்கிடையில்… நேற்றுக்காலை, மகிந்த நிதி அமைச்சாராக வாய்ப்பு உள்ளது என்ற செய்தி,
வந்த நிலையில்… அவரும் அந்தப் பொறுப்பை எடுக்க தயக்கம் காட்டிய நிலையில்,
திடீரென்று கோத்தபாயா… அலி சப்ரியினது ராஜினாமா கடிதத்தை ஏற்கவில்லையாதலால்…
இவரே.. நிதி அமைச்சராக தொடர்வார் என்று அறிவித்து விட்டார்.

சப்பிரி பற்றியும்..பொன்னர் சொன்னால் நல்லாயிருக்கும்...நாமலைப்போல தனிஅறையில் இருந்து அப்புக்காத்து சோதனை எழுதினவரோ தெரியாது...எதுக்கும் வெய்ட் பண்ணுவம்..

9 minutes ago, alvayan said:

சப்பிரி பற்றியும்..பொன்னர் சொன்னால் நல்லாயிருக்கும்...நாமலைப்போல தனிஅறையில் இருந்து அப்புக்காத்து சோதனை எழுதினவரோ தெரியாது...எதுக்கும் வெய்ட் பண்ணுவம்..

இது வேறை நடந்திருக்கா.  
இது வரை... நாமல் தனி அறையில் இருந்து சோதனை எழுதிய விடயம், 
அதுகும்,  அப்புக்காத்து சோதனை எழுதியதை... கேள்விப்  படவில்லை. 😁

1 hour ago, தமிழ் சிறி said:

இது வேறை நடந்திருக்கா.  
இது வரை... நாமல் தனி அறையில் இருந்து சோதனை எழுதிய விடயம், 
அதுகும்,  அப்புக்காத்து சோதனை எழுதியதை... கேள்விப்  படவில்லை. 😁

இதெல்லாம் அப்பா சனாதிபதியாயிருக்கேக்க நடந்தது.....இப்படி பல

3 hours ago, தமிழ் சிறி said:

இது வேறை நடந்திருக்கா.  
இது வரை... நாமல் தனி அறையில் இருந்து சோதனை எழுதிய விடயம், 
அதுகும்,  அப்புக்காத்து சோதனை எழுதியதை... கேள்விப்  படவில்லை. 😁

சோதனை எழுதாமலேபாஸ் என்று அறிவித்தகாக இவரோடு கூட படித்த மாணவன் வெளிப்படுத்தியதை அடுத்து அவர் தாக்கப்பட்டார். விமானப்படையில் வேலையில் அமர்ந்து சம்பளம் பெற்றதும் எந்தத் தகுதியோ, பயிற்சியோ இல்லாமலே. றக்பி வீரர் எரித்துக்கொல்லப்பட்டது. எல்லாம் பதவி, அதிகாரம் செய்த வேலை. அதிலிருந்து இறங்கினால் அது தமக்கு எதிராக திரும்பும் என்பது நன்றாகவே தெரியுமவர்களுக்கு. மக்களை உசுப்பி தற்காத்துக்கொண்டார்கள் கடந்த காலத்தில், இப்போ ஒரு வழியாலும் தப்ப முடியாது, வெளிநாட்டுக்கும் ஓடி தப்ப முடியாது. கடைசியாய் பேரப்பிள்ளையையும் பார்த்துவிட்டு வந்துள்ளார். அனுபவிப்பதற்கென்றே தனது பிரஜா உரிமையையும் ரத்துச் செய்து தனக்குத் தானே குழிபறித்துக்கொண்டார். சந்திரிகா அம்மையார் ஒரு தடவை இவர்களை கொள்ளைக்கூட்டம் என வர்ணித்திருந்தார்.