ஐசிசி உலகக் கிண்ண (50 ஓவர்) கிரிக்கெட் செய்திகள்

[ஈழப்பிரியன்]

2 hours ago, பையன்26 said:

ஜெவ‌த்த‌னா சொன்ன‌தில் ப‌ல‌ உண்மை இருக்கு

பாக்கிஸ்தான் கூட‌ இல‌ங்கை வென்று இருக்க‌ வேண்டும்............அந்த‌ தோல்விக்கு குட்டி ம‌லிங்கா என்று அழைக்க‌ப் ப‌டும் Matheesha Pathirana தான் கார‌ண‌ம் 10ஓவ‌ர் போட்டு 90ர‌ன்ஸ் விட்டு கொடுத்தார்

தென் ஆபிரிக்கா கூட‌ விளையாடின‌ விளையாட்டில் 95ர‌ன்ஸ் விட்டு கொடுத்தார்

முத‌ல் இர‌ண்டு ம‌ச் தோல்விக்கும் இவ‌ரே தான் கார‌ண‌ம்...........அத‌ற்கு பிற‌க்கு இவ‌ருக்கு விளையாடும் வாய்ப்பு வ‌ழ‌ங்க‌ப் ப‌ட‌ வில்லை...............

ம‌லிங்கா சாதிச்ச‌ அள‌வு இவ‌ர் கிரிக்கேட்டில் சாதிக்க‌ போவ‌து கிடையாது இவ‌ரால் அணிக்கு தான் பின்ன‌டைவு

 

20ஓவ‌ர் விளையாட்டில் வேனும் என்றால் ப‌ய‌ன் ப‌டுத்த‌லாம் அதும் ப‌வ‌ர் பிலே ஓவ‌ரில் இவ‌ரிட்டை ப‌ந்து கொடுக்கிறேல‌ 

 

கூட‌ ர‌ன்ஸ்ச‌ விட்டு கொடுத்து விடுவார் என்று............

கிரிக்கட் ஜாம்பவான் தோனி இவரை அணைத்து வைத்திருந்தாரே?

[வீரப் பையன்26]

2 hours ago, ஈழப்பிரியன் said:

கிரிக்கட் ஜாம்பவான் தோனி இவரை அணைத்து வைத்திருந்தாரே?

இல‌ங்கை வீர‌ர்க‌ள் இனி ஜ‌பிஎல்ல‌ விளையாட‌ முடியாதாம்  ஈழ‌ப்பிரிய‌ன் அண்ணா
 டோனி இவ‌ரை முன் நிலைப் ப‌டுத்தின‌து உண்மை தான்
இதே ப‌ந்து வீச்சு தொட‌ர்ந்தால் இல‌ங்கை அணியில் இருந்து ஒர‌ம் க‌ட்ட‌ ப‌டுவார்

ம‌லிங்கா எப்ப எப்ப‌டி ப‌ந்து போட‌னும் என்று ஆலோச‌னை சொன்னார்

ஆனால் இவ‌ர் கூட‌ வையிட் போடுகிறார் அது அப்ப‌டியே போருக்கு போவுது வையிட் ஒரு   ர‌ன்ஸ் எல்லாம‌ ஜ‌ந்து ர‌ன்ஸ் 

ஜ‌ந்து ர‌ன்ஸ் ப‌ல‌ வாட்டி போட்டு கொடுத்த‌வ‌ர் ச‌ர்வ‌தேச‌ போட்டிக‌ளில் 
ஏன் இந்த‌ உல‌க‌ கோப்பையிலும் 5ஜ‌ந்து ர‌ன்ஸ் இர‌ண்டு அல்ல‌து மூன்று த‌ர‌ம் விட்டுக் கொடுத்த‌வ‌ர்....................

Edited November 12, 2023 by பையன்26

[ஏராளன்]

நூறு வீத வெற்றியுடன் முதல் சுற்றை நிறைவுசெய்தது இந்தியா : புதன், வியாழன் தினங்களில் அரை இறுதிகள்

12 NOV, 2023 | 10:16 PM

(இந்தியாவிலிருந்து நெவில் அன்தனி)

தனது சொந்த நாட்டில் நடைபெற்றுவரும் 13ஆவது உலகக் கிண்ண கிரிக்கெட் அத்தியாயத்தில் அற்புதமான ஆற்றல்களை வெளிப்படுத்திய இந்தியா முதல் சுற்றை 100 வீத வெற்றியுடன் நிறைவுசெய்தது.

பெங்களூர் எம். சின்னஸ்வாமி விளையாட்டரங்கில் இன்று ஞாயிற்றுக்கிழமை (12) நடைபெற்ற 45ஆவதும் கடைசியுமான லீக் போட்டியில் நெதர்லாந்தை நையப்புடைத்த இந்தியா 160 ஓட்டங்களால் வெற்றியீட்டியது.

இந்த வெற்றியுடன் தோல்வி அடையாத ஒரே ஒரு அணியாக அரை இறுதியில் இந்தியா விளையாடவுள்ளது.

இந்தியா சார்பாக முன்வரிசை வீரர்கள் ஐவரும் மிகத் திறமையாகத் துடுப்பெடுத்தாடி இந்தியாவின் வெற்றிக்கு வித்திட்டனர்.

அப் போட்டியில் முதலில் துடுப்பெடுத்தாடிய இந்தியா 50 ஓவர்களில் 4 விக்கெட்களை இழந்து 410 ஓட்டங்களைக் குவித்தது. இதில் 244 ஓட்டங்கள் பவுண்டறிகளாக பெறப்பட்டது.

அணித் தலைவர் ரோஹித் ஷர்மா, ஷுப்மான் கில் ஆகிய இருவரும் 71 பந்துகளில் 100 ஓட்டங்களைப் பகிர்ந்து வலுவான ஆரம்பத்தை இட்டுக்கொடுத்தனர்.

ஷுப்மான் கில் 32 பந்துகளில் 51 ஓட்டங்களுடனும் அவரை தொடர்ந்து ரோஹித் ஷர்மா 61 ஓட்டங்களுடனும் ஆட்டம் இழந்தனர்.

சர்வதேச ஒருநாள் கிரிக்கெட்டில் ரோஹித் ஷர்மா 55ஆவது அரைச் சதத்தையும் கில் 12ஆவது அரைச் சதத்தையும் பூர்த்திசெய்தனர்.

அவர்களைத் தொடர்ந்து விராத் கோஹ்லியும் ஷ்ரேயாஸ் ஐயரும் 3ஆவது விக்கெட்டில் 71 ஓட்டங்களைப் பகிர்ந்து மொத்த எண்ணிக்கையை 200 ஓட்டங்களாக உயர்த்தியபோது விராத் கோஹ்லி 51 ஓட்டங்களுடன் ஆட்டம் இழந்தார். விராத் கோஹ்லி குவித்த 71ஆவது சர்வதேச ஒருநாள் அரைச் சதம் இதுவாகும்.

அதன் பின்னர் ஷ்ரேயாஷ் ஐயரும் கே. எல். ராகுலும் ஜோடி சேர்ந்து நெதர்லாந்து பந்துவீச்சாளர்களை நையப்புடைத்து இந்திய இரசிகர்களுக்கு பெரு விருந்து படைத்தனர்.

நெதர்லாந்தின் எல்லா பந்து வீச்சாளர்களையும் சுழற்றி அடித்து திக்பிரமிப்பில் ஆழ்த்திய இருவரும் அபார சதங்களைக் குவித்ததுடன் 4ஆவது விக்கெட்டில் 127 பந்துகளில் 208 ஓட்டங்களைப் பகிர்ந்தனர்.

இந்த வருட உலகக் கிண்ணத்தில் 4ஆவது விக்கெட்டில் பகிரப்பட்ட அதிசிறந்த இணைப்பாட்டமாக இது அமைந்தது.

ஷ்ரேயாஸ் ஐயர் 94 பந்துகளை எதிர்கொண்டு 10 பவுண்டறிகள், 5 சிக்ஸ்களுடன் ஆட்டம் இழக்காமல் 128 ஓட்டங்களைக் குவித்தார். இது அவரது 4ஆவது சர்வதேச ஒருநாள் சதமாகும்.

கடைசி ஓவரில் தனது சதத்தைப் பூர்த்தி செய்து ஆட்டம் இழந்த கே. எல். ராகுல் 64 பந்துகளில் 11 பவுண்டறிகள், 4 சிக்ஸ்களுடன் 102 ஓட்டங்களைப் பெற்றார். இது அவரது 7ஆவது ஒருநாள் சதமாகும்.

பந்துவீச்சில் பாஸ் டி லீட் 82 ஓட்டங்களுக்கு 2 விக்கெட்களைக் கைப்பற்றினர்.

411 ஓட்டங்கள் என்ற இமாலய வெற்றி இலக்கை நோக்கி பதிலுக்கு துடுப்பெடுத்தாடிய நெதர்லாந்து 47.5 ஓவர்களில் சகல விக்கெட்களையும் இழந்து 250 ஓட்டங்களைப் பெற்று தோல்வி அடைந்தது.

நெதர்லாந்தின் ஆரம்பத் துடுப்பாட்டம் சிறப்பாக அமையவில்லை.

ஆரம்ப வீரர் வெஸ்லி பரேசி (4) ஆட்டம் இழந்தபோது மொத்த எண்ணிக்கை வெறும் 5 ஓட்டங்களாக இருந்தது.

எனினும் மெக்ஸ் ஓ'டவ்ட், கொலின் அக்கமன் ஆகிய இருவரும் 2ஆவது விக்கெட்டில் 61 ஓட்டங்களைப் பகிர்ந்து நெதர்லாந்துக்கு சிறு உற்சாகத்தைக் கொடுத்தனர்.

ஆனால், அவர்கள் இருவரும் 18 பந்துகள் வித்தியாசத்தில் ஆட்டம் இழந்தனர்.

ஓ'டவ்ட் 30 ஓட்டங்களையும் அக்கமன் 35 ஓட்டங்களையும் பெற்றனர்.

அதன் பின்னர் சைப்ரேண்ட் எங்கள்ப்ரெச், அணித் தலைவர் ஸ்கொட் எட்வேர்ட்ஸ் ஆகிய இருவரும் மந்தகதியில் துடுப்பெடுத்தாடி விக்கெட்களைத் தக்கவைத்துக்கொள்ள முயற்சித்தினர்.

ஆனால், அவர்கள் இருவரும் 4ஆவது விக்கெட்டில் 39 ஓட்டங்களைப் பகிர்ந்திருந்தபோது ஸ்கொட் எட்வேர்ட்ஸின் விக்கெட்டை பகுதிநேர பந்துவீச்சாளர் விராத் கோஹ்லி கைப்பற்றி இணைப்பாட்டத்துக்கு முடிவுகட்டினார்.

இந்தப் போட்டியில் பிரதான பந்துவீச்சாளர்களை அதிகமாக பயன்படுத்தாமலிருக்கும் நோக்கில் விராத் கோஹ்லி, ஷுப்மான் கில் ஆகியோரைப் பயன்படுத்திய ரோஹித் ஷர்மா தானும் 5 பந்துகளை வீசி ஒரு விக்கெட்டை வீழ்த்தினார்.

ஸ்கொட் எட்வேர்ட்ஸ் (17) ஆட்டம் இழந்த பின்னர் எங்க்ள்ப்ரெச்சுடன் ஜோடி சேர்ந்த பாஸ் டி லீட் 5ஆவது விக்கெட்டில் 33 ஓட்டங்களைப் பகிர்ந்து 12 ஓட்டங்களுடன் வெளியேறினார்.

மறுபக்கத்தில் மிகவும் பொறுமையாகத் துடுப்பெடுத்தாடிய எங்க்ள்ப்ரெச் 80 பந்துகளை எதிர்கொண்டு 45 ஓட்டங்களைப் பெற்று ஆட்டம் இழந்தார். (172 - 6 விக்.)

இந் நிலையில் டேஜா நிடாமனுரு, லோகன் வென் பீக் ஆகிய இருவரும் 7ஆவது விக்கெட்டில் 36 ஓட்டங்களைப் பகிர்ந்து இந்தியாவின் வெற்றியைத் தாமதிக்கச் செய்தனர். 

லோகன் வென் பீக் 16 ஓட்டங்களைப் பெற்றதுடன் அடுத்து களம் புகுந்த ரோலோவ் வென் டேர் மேர்வும் 16 ஓட்டங்களைப் பெற்று ஆட்டம் இழந்தார். அவரைத் தொடர்ந்து ஏரியன் டட் (5) களம் விட்டகன்றார்.

மத்திய வரிசையில் மிகவும் திறமையாகத் துடுப்பெடுத்தாடிய டேஜா நிடாமனுரு 39 பந்துகளில் 6 சிக்ஸ்கள், ஒரு பவுண்டறியுடன் 54 ஓட்டங்களைப் பெற்று கடைசியாக ரோஹித் ஷர்மாவின் பந்துவீச்சில் ஆட்டம் இழந்தார்.

பந்துவீச்சில் மொஹமத் சிராஜ் 29 ஓட்டங்களுக்கு 2 விக்கெட்களையும் ஜஸ்ப்ரிட் பும்ரா 33 ஓட்டங்களுக்கு 2 விக்கெட்களையும் குல்தீப் யாதவ் 41 ஓட்டங்களுக்கு 2 விக்கெட்களையும் ரவிந்த்ர ஜடேஜா 49 ஓட்டங்களுக்கு 2 விக்கெட்களையும் கைப்பற்றினர்.

பகுதிநேர பந்துவீச்சாளர்களான விராத் கோஹ்லி 13 ஓட்டங்களுக்கு ஒரு விக்கெட்டையும் ரோஹித் ஷர்மா 7 ஓட்டங்களுக்கு ஒரு விக்கெட்டையும் கைப்பற்றினர்.

மொஹமத் ஷமி, குல்தீப் யாதவ், ஷுப்மான் கில் ஆகியோரும் பந்துவீசினர்.

இந்தப் போட்டியுடன் லீக் போட்டிகள் யாவும் முடிவுக்கு வந்தது.

ஆட்டநாயகன்: ஷ்ரேயாஸ் ஐயர்

 

அரை இறுதிப் போட்டிகள்

இந்தியாவுக்கும் நியூஸிலாந்துக்கும் இடையிலான முதலாவது அரை இறுதிப் போட்டி மும்பை வான்கடே விளையாட்டரங்கில் புதன்கிழமை (15) நடைபெறவுள்ளது.

தென் ஆபிரிக்காவுக்கும் அவுஸ்திரேலியாவுக்கும் இடையிலான 2ஆவது அரை இறுதிப் போட்டி கொல்கத்தா ஈடன் கார்டன்ஸ் விளையாட்டரங்கில் எதிர்வரும் வியாழக்கிழமை (16) நடைபெறவுள்ளது,

https://www.virakesari.lk/article/169144

[vasee]

நியுசீலாந்து அணியினை இதிய அணி லீக் ஆட்டத்தில் ஏற்படுத்திய தோல்வியினூடாக இந்தியாவிற்கு அரையிறுதியில் இலகுவான வெற்றி கிடைத்துவ்டும் என கூறுகிறார்கள்.

இந்த போட்டியினை கோலியாத், தாவீது போட்டிக்கு இணையாக கூறுகிறார்கள்.

எதிர்வரும் புதனற்று மும்பாயில் நடைபெறும் போட்டி பெரிதாக மைதான ஈரப்பதன் இருக்காது என நம்புகிறேன் (கடலினை அண்டிய நகரம் என்பதால்).

நியுசீலாந்து இடதுகை வேகப்பந்துவீச்சாளர்  ரென்ட் போல்ட்  விக்கெட்டிற்கு மேலாக வந்து வீசும் பந்துகள் இந்திய நட்சத்திர ஆரம்ப ஆட்டக்காரர்களை சிரமத்திற்குள்ளாக்கும், அவர் வழமையாக பந்தினை மட்டையின் வெளி விளிம்பிலிருந்து உள்நோக்கி திருப்பும் பந்துகளுக்கு ரோகித் சர்மா மிகவும் சிரமப்படுவார், எல் பி டபிள்யு முறையில் ஆட்டம் இழப்பார் அல்லது பந்து மட்டையின் விளிம்பில் பட்டு சிலிப்பில் பிடி கொடுத்து ஆட்டமிழப்பார்.

நாணய சுழற்சியில் வென்று நியுசிலாந்து முதலில் துடுப்பெடுத்தாடி இந்திய அணியினை மின் விளக்கு வெளிச்சத்தில் பந்து வீசினால் நியுசிலாந்திற்கான வெற்றி வாய்ப்பு அதிகம் உள்ளதாக கருதுகிறேன் (எனது கருத்து தவறாக இருக்கலாம்), ஆனால் இந்திய அணி மைதானத்தில் இறங்கி வந்து விளையாட (கோலி) முனைவார்கள் அவ்வாறான சந்தர்ப்பங்களில் நியுசிலாந்து அணியின் தலைவர் வில்லியம்சன் அகலமான சிலிப்பினை வைத்து மைதான தடுப்பில் நியுசிலாந்தின் இடதுகை வேகப்பந்து வீச்சாளர் ரென்ட் போல்டின் பந்து வீச்சினை பயன்படுத்டுவது வழமை.

இந்திய இரசிகர்கள் நினைப்பதுபோல நியுசிலாந்து ஆட்டம் இலகுவாக இருக்கபோவதில்லை என உறுதியாக நம்புகிறேன், சில வேளை இந்திய முதலாவது தோல்வியினை சந்திக்கலாம் இந்த போட்டியில், அவ்வாறு நிகழ்ந்தால் அது ஒரு ஆச்சரியமான நிகழ்வாக இருக்காது.

இந்திய அணியினரை, நியுசீலாந்து அணி தொடர்ச்சியாக நெருக்கடிக்குள் உள்ளாக்ளாக்கும் முதல் 15 ஒவர்களில் இந்திய அணியின் 3 விக்கெட்டுக்களை கைப்பற்றி அடுத்த 15 ஓவர்களின் பின்னர் லொக்கி பெர்குசனின் அளவு குறைந்த உயரமாக எழும் பந்துகளின் மூலம் இந்தியணியினரை தூக்கி அடிக்கவும், வெட்டி ஆடவும் கூக் செய்யவும் தூண்டுவதுடன் மிட்சல் சான்ட்னர் அவருக்கு துணையாக அழுத்தத்தினை பிரயோகித்து விக்கெட்டினை எடுக்க தூண்டுவார்கள் என கருதுகிறேன்.

நியுசிலாந்து அணியின் தலைவர் வில்லியம்சன் மிக திறமையாக திட்டமிட்டு அணியினை வழிநடத்தக்கூடியவர், எனது எதிர்பார்ப்பு நியுசிலாந்து அணி, இந்திய அணிக்கு அரையிறுதியில் முதலாவது தோல்வியினை கொடுப்பார்கள்.

[ஏராளன்]

5 hours ago, vasee said:

நியுசீலாந்து அணியினை இதிய அணி லீக் ஆட்டத்தில் ஏற்படுத்திய தோல்வியினூடாக இந்தியாவிற்கு அரையிறுதியில் இலகுவான வெற்றி கிடைத்துவ்டும் என கூறுகிறார்கள்.

இந்த போட்டியினை கோலியாத், தாவீது போட்டிக்கு இணையாக கூறுகிறார்கள்.

எதிர்வரும் புதனற்று மும்பாயில் நடைபெறும் போட்டி பெரிதாக மைதான ஈரப்பதன் இருக்காது என நம்புகிறேன் (கடலினை அண்டிய நகரம் என்பதால்).

நியுசீலாந்து இடதுகை வேகப்பந்துவீச்சாளர்  ரென்ட் போல்ட்  விக்கெட்டிற்கு மேலாக வந்து வீசும் பந்துகள் இந்திய நட்சத்திர ஆரம்ப ஆட்டக்காரர்களை சிரமத்திற்குள்ளாக்கும், அவர் வழமையாக பந்தினை மட்டையின் வெளி விளிம்பிலிருந்து உள்நோக்கி திருப்பும் பந்துகளுக்கு ரோகித் சர்மா மிகவும் சிரமப்படுவார், எல் பி டபிள்யு முறையில் ஆட்டம் இழப்பார் அல்லது பந்து மட்டையின் விளிம்பில் பட்டு சிலிப்பில் பிடி கொடுத்து ஆட்டமிழப்பார்.

நாணய சுழற்சியில் வென்று நியுசிலாந்து முதலில் துடுப்பெடுத்தாடி இந்திய அணியினை மின் விளக்கு வெளிச்சத்தில் பந்து வீசினால் நியுசிலாந்திற்கான வெற்றி வாய்ப்பு அதிகம் உள்ளதாக கருதுகிறேன் (எனது கருத்து தவறாக இருக்கலாம்), ஆனால் இந்திய அணி மைதானத்தில் இறங்கி வந்து விளையாட (கோலி) முனைவார்கள் அவ்வாறான சந்தர்ப்பங்களில் நியுசிலாந்து அணியின் தலைவர் வில்லியம்சன் அகலமான சிலிப்பினை வைத்து மைதான தடுப்பில் நியுசிலாந்தின் இடதுகை வேகப்பந்து வீச்சாளர் ரென்ட் போல்டின் பந்து வீச்சினை பயன்படுத்டுவது வழமை.

இந்திய இரசிகர்கள் நினைப்பதுபோல நியுசிலாந்து ஆட்டம் இலகுவாக இருக்கபோவதில்லை என உறுதியாக நம்புகிறேன், சில வேளை இந்திய முதலாவது தோல்வியினை சந்திக்கலாம் இந்த போட்டியில், அவ்வாறு நிகழ்ந்தால் அது ஒரு ஆச்சரியமான நிகழ்வாக இருக்காது.

இந்திய அணியினரை, நியுசீலாந்து அணி தொடர்ச்சியாக நெருக்கடிக்குள் உள்ளாக்ளாக்கும் முதல் 15 ஒவர்களில் இந்திய அணியின் 3 விக்கெட்டுக்களை கைப்பற்றி அடுத்த 15 ஓவர்களின் பின்னர் லொக்கி பெர்குசனின் அளவு குறைந்த உயரமாக எழும் பந்துகளின் மூலம் இந்தியணியினரை தூக்கி அடிக்கவும், வெட்டி ஆடவும் கூக் செய்யவும் தூண்டுவதுடன் மிட்சல் சான்ட்னர் அவருக்கு துணையாக அழுத்தத்தினை பிரயோகித்து விக்கெட்டினை எடுக்க தூண்டுவார்கள் என கருதுகிறேன்.

நியுசிலாந்து அணியின் தலைவர் வில்லியம்சன் மிக திறமையாக திட்டமிட்டு அணியினை வழிநடத்தக்கூடியவர், எனது எதிர்பார்ப்பு நியுசிலாந்து அணி, இந்திய அணிக்கு அரையிறுதியில் முதலாவது தோல்வியினை கொடுப்பார்கள்.

நியூசிலாந்து இறுதிப் போட்டிக்கு தெரிவானால் நன்றாக இருக்கும்.

[ஈழப்பிரியன்]

7 hours ago, vasee said:

நியுசிலாந்து அணியின் தலைவர் வில்லியம்சன் மிக திறமையாக திட்டமிட்டு அணியினை வழிநடத்தக்கூடியவர், எனது எதிர்பார்ப்பு நியுசிலாந்து அணி, இந்திய அணிக்கு அரையிறுதியில் முதலாவது தோல்வியினை கொடுப்பார்கள்.

 

1 hour ago, ஏராளன் said:

நியூசிலாந்து இறுதிப் போட்டிக்கு தெரிவானால் நன்றாக இருக்கும்.

இறுதிப் போட்டிக்கு நியூசிலாந்தும் தென்னாபிரிக்காவும் விளையாடிதென்னாபிரிக்கா வெற்றி பெற வேண்டும்.

இது எனது விருப்பம் மட்டுமே.

[ஏராளன்]

ஷமி, சிராஜ், பும்ரா: தட்டையான இந்திய ஆடுகளங்களில் மூவரும் 'பந்தை ஸ்விங் செய்யும்' ரகசியம் என்ன?

பட மூலாதாரம்,GETTY IMAGES

கட்டுரை தகவல்

• எழுதியவர், நிதின் ஸ்ரீவஸ்தவா
• பதவி, பிபிசி நியூஸ்
• 5 நவம்பர் 2023

  புதுப்பிக்கப்பட்டது 6 மணி நேரங்களுக்கு முன்னர்

முகமது ஷமி: மூன்று போட்டிகள், 14 விக்கெட்டுகள். இரண்டு போட்டிகளில் 5-5 விக்கெட்டுகள். ஒருநாள் உலகக்கோப்பை வரலாற்றில் 45 விக்கெட்களுடன் 44 விக்கெட்டுகளை வீழ்த்திய ஜாகீர் கானின் சாதனையை முறியடித்தார்.

ஜஸ்பிரித் பும்ரா: ஏழு போட்டிகள், 15 விக்கெட்டுகள் மற்றும் ஒவ்வொரு போட்டியிலும் ரன்களின் சராசரி வெறும் 3.72 ஆக உள்ளது.

முகமது சிராஜ்: ஏழு போட்டிகளில் 9 விக்கெட்டுகளை எடுத்துள்ளார்.

இவர்கள் தான் இந்தியாவின் வேகப்பந்து வீச்சில் சிறந்து விளங்கும் மூன்று பேர். இது 2023 உலகக்கோப்பை போட்டியில் எதிரணிகளுக்கு தொடர்ந்து அச்சுறுத்தலை அதிகரித்து வருகிறது. இவர்களுடைய வலிமை தற்போதைய வீரர்கள் மட்டுமல்லாமல், மிகச்சிறந்த முன்னாள் வீரர்களாலும் பாராட்டப்படுகிறது.

தற்போது ஆச்சர்யமான விஷயம் என்னவெனில், இதுவரை வெற்றி பெற்று வரும் முகமது ஷமிக்கு மூன்று போட்டிகளில் மட்டுமே விளையாட வாய்ப்பு கிடைத்துள்ளது. இரண்டாவது ஆச்சரியமான விஷயம் என்னவென்றால், முதல் மாற்றமாக முகமது ஷமி பந்துவீச்சில் மூன்றாவது இடத்தில் வருகிறார்.

 

பந்துவீச்சு பலத்தில் போட்டிக்குப் போட்டி

பட மூலாதாரம்,GETTY IMAGES

படக்குறிப்பு,

பந்து வீச்சில் இந்திய அணி தொடர்ந்து சாதித்து வருவது பேசுபொருளாகியுள்ளது.

இங்கிலாந்து அணியின் முன்னாள் கேப்டன் நாசர் உசேன் பிபிசியிடம் பேசியபோது, "இதுவரை பும்ராவின் புல்லட் பந்துகளை ஒரு முனையிலிருந்தும், சிராஜின் வேகத்தை மறுமுனையிலிருந்தும் விளையாடிய பேட்ஸ்மேனை பற்றி யோசித்துப் பாருங்கள். இப்போது அவர் ஷமியை எதிர்கொள்ள வேண்டிய இடத்தில் இருக்கிறார்," என்றார்.

“கேப்டனாக இருக்க இப்போது எனக்கு வாய்ப்பு கிடைத்தால், சிறந்த பேட்ஸ்மென்களை தொடர்ந்து மிகச் சிறந்த பயிற்சியிலேயே வைத்திருப்பேன். இது இந்தியாவின் வெற்றிகளுக்கு மிகப்பெரிய பங்களிப்பாக உள்ளது,” என்று அவர் கூறினார்.

ஏற்கெனவே வலுவான பேட்டிங்கிற்கு பெயர் பெற்ற இந்திய அணி தற்போது வேகப்பந்து வீச்சிலும் சிறந்து விளங்குகிறது எனக் கருதப்படும் நிலையில், பந்து வீச்சின் பலத்தில் போட்டிக்குப் போட்டியாக வெற்றி பெறுகிறதா என்ற விவாதம் கடந்த ஓராண்டாக வலுத்துள்ளது.

 

பட மூலாதாரம்,GETTY IMAGES

படக்குறிப்பு,

சிறந்த பந்துவீச்சின் காரணமாக எதிரணியில் பேட்டிங் செய்பவர் தடுமாறும் நிலை ஏற்படுகிறது.

வியாழன் அன்று மும்பை வான்கடே மைதானத்தில் ஷமி, பும்ரா, சிராஜ் மூவரும் இலங்கையின் இன்னிங்ஸை அழித்த விதம், இந்த வேகப்பந்து வீச்சு நிச்சயம் எப்போதும் சிறந்ததாக இருக்கும் என்ற வாதத்துக்கு வலு சேர்த்துள்ளது.

அதாவது, இந்த உலகக்கோப்பையைப் பற்றி மட்டும் பேசினால், இந்த மூவரும் இணைந்து ஏழு போட்டிகளில் 38 விக்கெட்டுகளை வீழ்த்தி இந்தியா அரையிறுதிக்குள் நுழைந்ததில் முக்கியப் பங்கு வகித்துள்ளனர்.

முன்னாள் இங்கிலாந்து கேப்டன் மைக்கேல் அதர்டன், “இந்தியாவின் வேகப்பந்து வீச்சு இந்த மூவரையும்விட சிறப்பாக இருந்ததாக நான் நினைக்கவில்லை,” என்று ஒப்புக்கொண்டார்.

மேலும், "எனது விளையாட்டு அனுபவத்தில், ஜவகல் ஸ்ரீநாத் மற்றும் வெங்கடேஷ் பிரசாத் ஆகியோர் சிறந்த பந்துவீச்சாளர்களாக இருந்தனர். நிச்சயமாக ஜாகீர் கான் மிகச் சிறந்த பந்துவீச்சாளர்.

ஆனால் தற்போது ஷமி, பும்ரா மற்றும் சிராஜ் ஆகிய மூவரும் சிறப்பாக பந்துவீசுகிறார்கள். மேலும் இரண்டு நல்ல சுழற்பந்து வீச்சாளர்களின் ஆதரவுடன், இந்தியாவின் ஆல்ரவுண்ட். பந்துவீச்சு ஒரு மேட்ச் வின்னர் என்பதை நிரூபிக்கிறது."

பட மூலாதாரம்,ANI

படக்குறிப்பு,

வலுவான பேட்டிங் என்ற பெருமைக்கு இடையே பந்து வீச்சிலும் இந்திய அணி சிறந்துவிளங்குகிறது.

 

இந்திய வேகப்பந்து வீச்சாளர்களை பாராட்டிய வாசிம் அக்ரம்

இந்த இந்திய வேகப்பந்து வீச்சின் காரணமாக எதிரணி பேட்ஸ்மேன்கள் இரு நிலைகளில் சிக்கலை எதிர்கொள்கின்றனர்.

முதலாவதாக, இவர்கள் மூவரும் மணிக்கு 145 கிலோமீட்டர் வேகத்தில் பந்து வீசுகிறார்கள். இரண்டாவதாக தட்டையான ஆடுகளங்களில்கூட, அவர்கள் மூவரும் விக்கெட்டின் இருபுறமும் ஸ்விங் செய்கிறார்கள்.

வரலாற்று ரீதியாக, இந்த இரண்டு விஷயங்களுக்கும் இந்திய பந்துவீச்சு ஆபத்தானதாகக் கருதப்படவில்லை. ஆனால் இப்போது அதைப் பற்றிய பயம் மற்ற அணியினரிடையே தோன்றத் தொடங்கியுள்ளது.

பாகிஸ்தானின் முன்னாள் கேப்டனும், எல்லா காலத்திலும் சிறந்த வேகப்பந்து வீச்சாளர்களில் ஒருவருமான வாசிம் அக்ரம், ஒரு தொலைக்காட்சியின் விளையாட்டு நிகழ்ச்சியில் பேசும்போது, இந்திய வேகப்பந்து வீச்சாளர்களை வெகுவாகப் பாராட்டியுள்ளார். அப்போது, "அவர்களது வெற்றியின் ரகசியம் என்னவென்றால், அவர்கள் பந்தின் மையப்பகுதி மீது பிடிப்பு வைத்திருப்பதுதான்," என்றார் அவர்.

 

பந்து குறித்த பாகிஸ்தானின் குற்றச்சாட்டு

பட மூலாதாரம்,GETTY IMAGES

படக்குறிப்பு,

இந்திய வேகப்பந்து வீச்சின் காரணமாக எதிரணி பேட்ஸ்மேன்கள் இரு நிலைகளில் சிக்கலை எதிர்கொள்கின்றனர்.

‘சுல்தான் ஆஃப் ஸ்விங்’ என்று அழைக்கப்படும் அக்ரம் தொடர்ந்து பேசியபோது, “கடந்த சில நாட்களாக பாகிஸ்தானில் இந்திய பந்துவீச்சாளர்களைத் தவிர ஆஸ்திரேலியா உள்ளிட்ட மற்ற அணி பந்துவீச்சாளர்களால் ஏன் பந்தை ஸ்விங் செய்ய முடியவில்லை என்ற விவாதம் நடந்து வருகிறது.

பாகிஸ்தானில் பந்து சேதமடைந்திருந்ததாகவும் குற்றச்சாட்டு முன்வைக்கப்பட்டுள்ளது. இந்த விவாதம் அடிப்படையற்றது என்று நான் கருதுகிறேன். இந்த பந்துவீச்சாளர்கள் தங்கள் விளையாட்டில் கடினமாக உழைத்து, காலப்போக்கில் முன்னேற்றம் அடைந்திருக்கின்றனர். அவர்கள் பாராட்டப்பட வேண்டும் என்று நான் நினைக்கிறேன்," என்ற வாதத்தை முன்வைத்தார்.

இதே விவாதத்தில் பங்கேற்ற பாகிஸ்தான் முன்னாள் கேப்டன் மிஸ்பா-உல்-ஹக் பேசுகையில், "மூன்று பந்துவீச்சாளர்களும் தங்கள் மணிக்கட்டு மற்றும் விரல்களைப் பயன்படுத்துவதில் மிகவும் தேர்ச்சி பெற்றுள்ளனர். அவர்கள் தங்கள் மணிக்கட்டில் இருந்து பந்தை விடுவிக்கும்போது, அது முழுமையாக மெதுவான இயக்கத்தில் உள்ளது. பந்து மெதுவாகப் பயணிப்பதாகத் தோன்றினாலும், அதன் வேகம் மிகவும் கொடியதாக இருக்கிறது," எனத் தனது கருத்தை முன்வைத்தார்.

இந்திய அணிக்கு இதற்கு முன்பு ஒரு சிறந்த வேகப்பந்து வீச்சாளர் இல்லை என்று கூறுவது தவறு. தனது விளையாட்டு வாழ்க்கையின் உச்சத்தில், கபில் தேவ் பந்தை அபாரமாக ஸ்விங் செய்யும் வீரராகத் திகழ்ந்தார். ஜாகீர் கான், ஸ்ரீநாத், வெங்கடேஷ் பிரசாத் பற்றி ஏற்கனவே பேசியிருக்கிறோம்.

இனி தற்காப்பு ஆட்டம் கிடையாது, தாக்குதல் ஆட்டம்தான்!

பட மூலாதாரம்,GETTY IMAGES

 

இர்ஃபான் பதான், அஜித் அகர்கர், இஷாந்த் சர்மா, புவனேஷ்வர் குமார், ஸ்ரீசாந்த், ஆஷிஷ் நெஹ்ரா, உமேஷ் யாதவ் தவிர, நல்ல வேகப்பந்து வீச்சாளர்களும் அணியில் உள்ளனர்.

இந்திய அணியில் பெரும்பாலும் சுழற்பந்து வீச்சாளர்கள் மற்றும் மீடியம் வேகப்பந்து வீச்சாளர்கள் ஆதிக்கம் செலுத்தி வந்தாலும், தற்போது வேகப்பந்து வீச்சாளர்கள் முக்கியப் பங்கு வகிக்க வந்துள்ளதால் இந்தப் போக்கு தலைகீழாக மாறியுள்ளது. குறிப்பாக பும்ரா, ஷமி மற்றும் சிராஜ் ஆகியோர் இந்த மாற்றத்தை ஏற்படுத்தியுள்ளனர்.

மேலும், இப்போது இந்திய வேகப்பந்து வீச்சு தற்காப்புத் தன்மையைக் காட்டவில்லை. அதாவது, எதிரணியை ரன் எடுக்கவிடாமல் தடுப்பது முதல் இலக்கு அல்ல. விரைவில் விக்கெட்டுகளை வீழ்த்துவதற்கே அதிக முன்னுரிமை அளிக்கப்படுகிறது.

மூத்த கிரிக்கெட் ஆய்வாளர் ஆனந்த் வாசு பேசியபோது, "இந்திய ஆடுகளங்களில் விளையாடி மூவரும் சிறந்த முறையில் முன்னேறியிருந்தாலும், அவர்கள் இனி ஆடுகளத்தை மட்டுமே சார்ந்திருக்க மாட்டார்கள்," என்று ஒப்புக்கொள்கிறார்.

அவர் பேசுகையில், "இதுவரை இந்த மூன்று இந்திய வேகப்பந்து வீச்சாளர்களும் வெற்றி பெற்றுள்ளனர். ஏனெனில் அவர்கள் பந்தை ஸ்டம்பில் சரியான இடத்தை நோக்கி வீசுவதால், பேட்ஸ்மேன்கள் அதைத் தங்கள் உடலுக்கு நெருக்கமாக அடிக்க வேண்டிய கட்டாயத்தில் உள்ளனர். வெளிப்படையாக, அவுட் ஆகும் ஆபத்தும் அப்போதுதான் அதிகரிக்கிறது. அதனால், அவர்கள் அடிக்கடி தங்கள் விக்கெட்டுகளை இழக்கும் நிலையும் தொடர்கிறது," என்றார்.

https://www.bbc.com/tamil/articles/c97314g08exo

[suvy]

எல்லோரும் பந்து வீச்சைப் பற்றி பேசுவதால் அதில் எதோ விசயம் இருக்கிறது அது அவர்களின் கடுமையான பயிற்சியைத் தவிர்த்து வேறெதுவாக இருக்க முடியும்......!  😂

[ஏராளன்]

இந்தியாவுக்கு மட்டும் பிரத்யேக பந்து கொடுக்கப்படுகிறதா? - உண்மை என்ன?

பட மூலாதாரம்,GETTY IMAGES

கட்டுரை தகவல்

• எழுதியவர், க.போத்திராஜ்
• பதவி, பிபிசி தமிழுக்காக
• 2 மணி நேரங்களுக்கு முன்னர்

நடப்பு உலகக் கோப்பை தொடரில் இந்திய அணி 9 லீக் ஆட்டங்களிலும் ஒரு போட்டியில்கூட தோல்வி அடையாமல், தொடர் வெற்றிகளுடன் 18 புள்ளிகளுடன் அரையிறுதிக்கு முன்னேறியுள்ளது.

உள்நாட்டில் நடக்கும் போட்டித் தொடர், ரசிகர்களின் ஆதரவு, ஆடுகளம், மைதானம் குறித்த நல்ல புரிதல் ஆகியவை இந்திய அணிக்கு இயல்பாகவே சாதகமான காரணிகளாக அமைந்துவிட்டன.

அது மட்டுமல்லாமல் இந்திய அணியில் 7 முதல் 8 வீரர்கள் வரை உச்சக்கட்ட ஃபார்மில் இருக்கிறார்கள். இதுதான் கோப்பையை வெல்ல சரியான தருணம் என்று முன்னாள் பயிற்சியாளர் ரவி சாஸ்திரி நம்பிக்கை தெரிவித்துள்ளார்.

2011-ஆம் ஆண்டுக்குப்பின் ஐசிசி கோப்பையை வெல்ல முடியாமல் வறண்டு கிடக்கும் இந்திய அணி இந்த முறை கோப்பையை வெல்லும் என்று ரசிகர்கள் அனைவரும் எதிர்பார்த்துள்ளனர்.

ஆனால் இந்திய அணியின் வெற்றி பற்றி சந்தேகங்களும் விமர்சனங்களும் சமூக வலைத்தளங்களில் பரலாகத் தென்படுகின்றன. அவற்றில் ஒன்று இந்தியாவின் பந்துவீச்சு பற்றியது.

 

எப்போதும் இல்லாத வலிமையான பந்துவீச்சு

இந்திய அணி பேட்டிங்கில் எப்போதும் வலிமையானது என்பது ஏற்றக்கொள்ளக் கூடியது. ஆனால், இந்த முறை இந்திய அணியின் பந்துவீச்சும் எப்போதும் இல்லாத வகையில் அனைத்து அணிகளுக்கும் சிம்மசொப்பனமாக திகழ்ந்து வருகிறது. முகமது ஷமி, முகமது சிராஜ், பும்ரா ஆகியோர் வேகப்பந்துவீச்சில் கலக்கி வருகிறார்கள். ஒவ்வொரு ஆட்டத்திலும் எதிரணி பேட்டர்களை நிலைகுலையச் செய்யும் வகையில் பந்துவீசுகிறார்கள்.

பேட்டர்கள் சில நேரங்களில் சொதப்பினாலும், அணியை பந்துவீச்சு மூலம் பந்துவீச்சாளர்கள் தூக்கி நிறுத்திவிடுகிறார்கள்.

சுழற்பந்துவீச்சில் குல்தீப் யாதவ், ஜடேஜா இருவர் மட்டுமே அணியில் இருந்தாலும், இருவருமே அனைத்து அணிகளுக்கும் சவாலாக இருந்து வருகிறார்கள். பந்துவீச்சுப் பிரிவில் இதற்குமுன் இல்லாத வகையில் வலிமையோடு இந்திய அணி இருக்கிறது என்று கிரிக்கெட் வல்லுநர்களும், விமர்சகர்களும் தெரிவிக்கின்றனர்.

பட மூலாதாரம்,GETTY IMAGES

ஆனால், இந்திய அணி தொடர் வெற்றிகள் பெறுவதில் திடீரென பாகிஸ்தான் முன்னாள் வீரர் ஹசன் ராஜா சந்தேகத்தை கிளப்பியிருந்தார். அதிலும் இலங்கை அணியை 55 ரன்களில் சுருட்டியதைப் பார்த்தபின் ஹசன் ராஸா வலுவான சந்தேகத்தை ஐசிசி மீது எழுப்பினார்.

பாகிஸ்தானில் ஒளிபரப்பாகும் ஒரு சேனலுக்கு ஹசன் ராஸா அளித்த பேட்டியில், “இந்தியப் பந்துவீச்சாளர்களுக்கு வழங்கப்பட்ட பந்தை பரிசோதிக்க வேண்டும். இந்தியப் பந்துவீச்சாளர்கள் வீசிய பந்துகள் அதிகமாக ஸ்விங் ஆகின, சீமிங் ஆகின. ஷமி, சிராஜ் ஆகியோரின் பந்துவீச்சு ஆலன் டொனால்ட், நிடினி பந்துவீச்சு போல் இருந்தது. மும்பை ஆட்டத்தில் ஷமி வீசிய பந்துகள் அதிகமாக ஸ்விங் ஆகியது குறித்து மேத்யூஸ் கூட வியப்புத் தெரிவித்திருந்தார்," என்றார்.

மேலும், "இந்திய அணியின் பந்துவீச்சாளர்களுக்கு ஐசிசி அல்லது பிசிசிஐ 2-வது இன்னிங்ஸில் வித்தியாசமான பந்துகளைக் கொடுத்து அல்லது அதிகமாக ஸ்விங் ஆகும் பந்துகளைக் கொடுத்து உதவி செய்துள்ளதாக நினைக்கிறேன், 3-வது நடுவரும் இந்திய அணிக்கு உதவி வருவதாக நினைக்கிறேன்," என்றார் ராஸா.

"ஆதலால், இந்தியப் பந்துவீச்சாளர்களுக்கு வழங்கப்படும் பந்து நன்றாக ஸ்விங் ஆவதற்காக கூடுதலாக பெயின்ட் அடிக்கப்பட்டுள்ளதா என்பதை பரிசோதிக்க வேண்டும்,” என சந்தேகத்தைக் கிளப்பியிருந்தார்.

 

பந்துகள் குறித்து வாசிம் அக்ரம் கூறியது என்ன?

ஆனால், ஹசன் ராஸாவின் சந்தேகத்துக்கு பாகிஸ்தான் முன்னாள் கேப்டன் வாசிம் அக்ரமும் ஒரு பதிலடி கொடுத்திருந்தார்.

அவர் ஒரு தனியார் சேனலுக்கு அளித்த பேட்டியில், “இந்திய அணியின் வெற்றி குறித்து சிலர் சந்தேகம் கொண்டு அளித்த பேட்டிகளை நான் பார்த்தேன், நகைச்சுவையாக இருந்தது. இதுபோன்றவர்கள், உலகின் முன் தங்களையும் அவமானப்படுத்துவதோடு, பாகிஸ்தானையும் அசிங்கப்படுத்துகிறார்கள்," என்றிருந்தார்.

மேலும், "பந்தைத் தேர்வு செய்யும் முறை என்பது எளிதானது. 4-வது நடுவர் 12 பந்துகள் நிறைந்த பெட்டியுடன் மைதானம் வருவார். எந்த அணி டாஸ் வென்றதோ அந்த அணி பந்துவீச்சைத் தேர்ந்தெடுத்தால், இரு பந்துகளை கள நடுவர்கள், 3-வது நடுவர் முன் கேப்டன் தேர்ந்தெடுப்பார்," என்றார் அக்ரம்.

"கள நடுவர் ஒரு பந்தை வலது பையிலும், மற்றொரு பந்தை இடது பையிலும் வைத்துக் கொள்வார். மற்ற பந்துகளை 4-வது நடுவர் எடுத்துச் சென்றுவிடுவார். இதுபோன்று 2-வது இன்னிங்ஸில் பந்துவீசும் அணியின் கேப்டனும் இரு புதிய பந்துகளைத் தேர்ந்தெடுப்பார், அதைக் களநடுவரிடம் காண்பிப்பார். ஆனால், இந்திய பந்துவீச்சாளர்களுக்காக வித்தியாசமான பந்து அளித்து ஐசிசி உதவுகிறது என்ற ஊகத்தின் அடிப்படையில் செய்தி வெளியி்ட்டது யார் எனத் தெரியவில்லை,” எனத் தெரிவித்திருந்தார்.

உலகக் கோப்பைத் தொடரில் இந்திய அணியின் தொடர் வெற்றிகளை உலகின் பல முன்னாள் கிரிக்கெட் வீரர்களும் புகழ்ந்துவரும் நிலையில் பாகிஸ்தான் வீரர் சந்தேகம் எழுப்பியிருப்பது சமூகவலைத்தளத்தில் விவாதத்தைக் கிளப்பியது.

ஆனால், அடிப்படையில் டி20, டெஸ்ட் மற்றும் ஒருநாள் போட்டிகளில் எத்தனை பந்துகள் பயன்படுத்தப்படுகின்றன என்பதை தெரிந்து கொள்வது அவசியம்.

 

பட மூலாதாரம்,GETTY IMAGES

படக்குறிப்பு,

நியூசிலாந்து வீரர்கள் தீவிர பயிற்சியில் ஈடுபட்டுள்ளனர்

டி20, டெஸ்ட், ஒருநாள் போட்டிக்கு எத்தனை பந்துகள்?

டி20 போட்டிகளில் ஒவ்வொரு இன்னிங்ஸிக்கும் ஒரு புதிய பந்து பயன்படுத்தப்படுகிறது. டெஸ்ட் போட்டிகளில் ஒவ்வொரு 80 ஓவர்களுக்கும் ஒரு புதிய பந்து பயன்படுத்தப்படுகிறது. ஒருநாள் போட்டிகளைப் பொறுத்தவரை ஒவ்வொரு இன்னிங்ஸிலும் 2 பந்துகள் பயன்படுத்தப்படுகின்றன. ஒவ்வொரு பந்துவீசும் முனைக்கும் ஒவ்வொரு பந்து பயன்படுத்தப்படுகிறது. ஆக மொத்தம் ஒரு சர்வதேச ஒருநாள் போட்டியில் இரு இன்னிங்ஸிலும் சேர்த்து 4 புதிய பந்துகள் பயன்படுத்தப்படுகிறது என ஐசிசி தெரிவித்துள்ளது.

2011-ஆம் ஆண்டு ஐசிசி கொண்டுவந்த திருத்த விதிகளின்படி, சர்வதேச ஒருநாள் போட்டியில், ஒவ்வொரு இன்னிங்ஸிலும் 2 பந்துகள் பயன்படுத்தலாம் என்று மாற்றம் செய்தது. 50 ஓவர்கள் கொண்ட ஒருநாள் போட்டி ஒரு இன்னிங்ஸ் முழுவதும் ஒரு பந்தை மட்டும் பயன்படுத்தும்போது, வெள்ளைப் பந்து விரைவில் தேய்ந்து, தோல் பகுதியில் தையல்கள் கிழிய வாய்ப்புள்ளது. அதன் நிறம் குறைந்து, புற்களின் கரைபடிந்துவிடுகிறது.

பட மூலாதாரம்,GETTY IMAGES

இதை சரி செய்யவே ஒவ்வொரு இன்னிங்ஸிலும் இரு பந்துகளை ஐசிசி அறிமுகம் செய்தது. அதாவது 25 ஓவர்களுக்கு ஒரு பந்துவீதம் கேப்டன் பயன்படுத்திக்கொள்ள அனுமதியளித்தது. இரு பந்துகளை எவ்வாறு பராமரிக்க வேண்டும் என்பதை பந்துவீசும் அணி முடிவு செய்யலாம். ஒவ்வொரு பந்தையும் எந்தப் பகுதியில் வேண்டுமானாலும் பாலிஷ் செய்து கொள்ளலாம். இதன் மூலம் நன்றாக தேய்ந்த பந்தில் சுழற்பந்துவீச்சாளர்கள் பந்துவீச வசதியாகவும், பளபளப்பாக இருக்கும் பந்தில் வேகப் பந்துவீச்சாளர்கள் பந்து வீசவும் கேப்டன் முடிவு செய்யலாம்.

வெள்ளைப் பந்துகள் தொடக்கத்தில் கடினமாக இருக்கும், சிவப்புப் பந்துகளைவிட அதிகமாக ஸ்விங் ஆகும் தன்மை கொண்டவை. ஆனால், 5 ஓவர்களுக்குப்பின், பந்தின் தன்மை மாறி, அதன் கடினத்தன்மை குறையத் தொடங்கும், ஸ்விங் ஆவதும் குறையும். அதன்பின் புற்கள், தரையில் பந்து படும்போது அதன் நிறம் குறைந்து, தரம் குறையத் தொடங்கும். இதனால், அந்தப் பந்தைப் பயன்படுத்துவதை நிறுத்திவிட்டு, புதிய பந்து பயன்படுத்தப்படுகிறது என்று ஐசிசி தரப்பில் தெரிவிக்கப்பட்டுள்ளது.

இதற்கு முன் ஒருநாள் போட்டிகளில் பந்தை மாற்றுவதற்கு நடுவர்கள் 35 முதல் 36 ஓவர்கள் என்று அளவுகோல் வைத்திருந்தனர். அந்த ஓவர்கள் வந்தபின், பந்தை ஆய்வு செய்து, தேவைப்பட்டால் அதன் தேய்மானத்துக்கு ஏற்றார்போல் வேறு பந்தை நடுவர்கள் வழங்குவார்கள். 2011-ஆம் ஆண்டு ஐசிசி புதிய விதியைக் கொண்டுவந்தபின் ஒரு இன்னிங்ஸ்கிற்கு 2 பந்துகள் பயன்படுத்தப்படுகின்றன.

கிரிக்கெட் போட்டியின்போது பந்து தொலைந்துவிட்டால் என்ன செய்வார்கள்?

கிரிக்கெட் போட்டியின்போது, பேட்டர் அடிக்கும் ஷாட்டில் பந்து அரங்கில் இருக்கும் ரசிகர்கள் மத்தியில் விழுந்து கண்டுபிடிக்க முடியாமல், தொலைந்து போகலாம். இல்லாவிட்டால், அரங்கிற்கு வெளியே பந்து அடிக்கப்பட்டால் கண்டுபிடிக்க முடியாமல் போகலாம்.

அவ்வாறு பந்து தொலைந்து, கண்டுபிடிக்க முடியாமல் போனால், நடுவர்கள் உடனடியாக புதிய பந்தை பரிந்துரைக்க மாட்டார்கள். அதற்குப் பதிலாக எந்த ஓவரில் பந்து தொலைந்திருக்கிறதோ அந்த ஓவர்கள்வரை ஏற்கெனவே பயன்படுத்தப்பட்டு, தேய்ந்த பந்தைத்தான் நடுவர்கள் தேர்ந்தெடுத்து வழங்குவார்கள். ஒவ்வொரு குறிப்பிட்ட ஓவர்கள்வரை பயன்படுத்தப்பட்ட பந்துகள் வரிசையாக பெட்டியில் வைக்கப்பட்டிருக்கும். அந்த பெட்டியிலிருந்து பந்தைத் தேர்ந்தெடுத்து பந்துவீசும் அணியிடம் வழங்கப்படும்.

பட மூலாதாரம்,GETTY IMAGES

பந்து தொலைந்து போகாமல் பந்து மாற்றப்படலாம். அவ்வாறு பந்தை மாற்றுவது குறித்து நடுவர்கள் முடிவு செய்வார்கள். பந்து அதன் உருவத்திலிருந்து மாறுபட்டாலோ அல்லது விளையாடுவதற்கான தகுதியை இழந்துவிட்டாலோ பந்துவீச்சாளர் அல்லது பந்துவீசும் அணியின் கேப்டன் நடுவரிடம் முறையிடலாம்.

அந்த முறையீட்டுக்குப்பின் கள நடுவர்கள் இருவரும் சேர்ந்து ஐசிசி கிரிக்கெட் பால் விதி 4.5-இன் கீழ் பந்தை ஆய்வு செய்வார்கள்.

பந்தை அளவீடு செய்வதற்கு 'கேஜ் ஸ்கேல் ரிங்' என்ற கருவி இருக்கிறது. அதைக் கொண்டு பந்தின் சுற்றளவு, உருவம் ஆகியவற்றை அளவிட்டு அதன் தன்மையைக் கண்டறிவார்கள். பந்து அதிகமாகத் தேய்ந்து உருவத்தை இழந்திருந்தாலோ அல்லது கிழிந்து தையல் பிரிந்திருந்தாலோ பந்தை மாற்றப் பரிந்துரைப்பார்கள்.

அவ்வாறு பந்து மாற்றப்படும் சூழலில் நடுவர்கள் இருவரும் பேட்டர்களிடமும், கேப்டனிடமும் முறைப்படி தெரிவிக்க வேண்டும். பந்தை மாற்றுவதற்கு முன், பந்து விளையாடுவதற்கான தகுதியை இழந்துவிட்டது, எடையிழந்து, உருவமிழந்துவிட்டது என்பதை உறுதி செய்தபின்புதான் மாற்ற வேண்டும் என்று ஐசிசி தெரிவித்துள்ளது.

 

பந்தை ஆய்வு செய்ய தனியாக 'பால் கேஜ்' என்ற வளையம் இருக்கிறது. அந்த வளையம் மூலம் பந்தின் அளவைப் பரிசோதிப்பார்கள். அதாவது ஒரு வளையம் பந்தின் சுற்றளவைவிட பெரிதாகவும், மற்றொரு வளையம் பந்தின் சுற்றளவைவிட சற்று சிறிதாகவும் இருக்கும். இந்த பெரிய வளையத்துக்குள் பந்து எளிதாகச் சென்றாலோ அல்லது குறைந்தபட்ச சுற்றளவுள்ள வளையத்துக்குள் பந்து செல்லாமல் இருந்தாலோ பந்து அதன் உருவத்தில் மாறியுள்ளது என்று நடுவர்கள் முடிவு செய்யலாம். இந்த நிலை வந்துவிட்டால் பந்தை மாற்றுவது குறித்து நடுவர்கள் முடிவெடுப்பார்கள்.

ஒருநாள் போட்டிகளில் 2 பந்துகள் மாற்றப்படும் முறை குறித்து எம்.ஆர்.எஃப் துணை பந்துவீச்சுப் பயிற்சியாளரும், டி.என்.பி.எல் லீக்கில் பால்சே திருச்சி அணியின் பந்துவீச்சுப்பயிற்சியாளராகவும் இருக்கும் எட்வார்ட் கென்னடி பிபிசி தமிழிடம் பேசுகையில், “சிவப்பு பந்துகள் ஒருநாள் போட்டியில் பயன்படுத்தப்பட்டபோது இருந்த பந்துகளின் தரம் இப்போது இல்லை, கிரிக்கெட்டை பேட்ஸ்மேன்களுக்கு ஆதரவாகவும் பொழுதுபோக்கு அம்சத்துடனும் கொண்டு செல்வது, ஆகியவற்றுக்காக இரு பந்துகள் பயன்படுத்தப்படுகின்றன. தேய்ந்த பந்தை மாற்றும்போது குழப்பம் வரக்கூடாது என்பதற்காகவே ஒவ்வொரு இன்னிங்ஸிலும் 2 புதிய பந்துகள் பயன்படுத்தப்படுகின்றன," என்றார்.

மேலும் பேசிய அவர், "2 புதிய பந்துகள் வந்தபின் பந்து தேய்ந்துவிட்டது, கிழிந்துவிட்டது என்று பந்துவீசும் அணி குறை சொல்ல முடியாது. பந்தை எவ்வாறு கையாள்வது என்பதையும் பந்துவீசும் கேப்டனே முடிவு செய்வதால், பந்தை இடையில் மாற்றுவதற்கு வாய்ப்பு இல்லை,” எனத் தெரிவித்தார்.

 

50 ஓவர்கள்வரை கூட பந்தை மாற்றாமல் வீசலாம்

இரண்டு பந்துகள் பயன்படுத்தும் முறைக்கு முன் ஒருநாள் போட்டிகளில் பந்து பயன்படுத்தப்பட்ட முறை குறித்து எட்வார்ட் கென்னடி பேசுகையில், “ 2011-ஆம் ஆண்டுக்கு முன்புவரை ஒருநாள் போட்டிகளில் 36 முதல் 37 ஓவர்கள்வரை ஒரு பந்து வீசப்படும். அதன்பின், தேவைப்பட்டால் நடுவர்கள் ஆய்வுக்குப்பின், மீதமுள்ள 12 அல்லது 13 ஓவர்களுக்கு வேறு தேய்ந்த பந்து பயன்படுத்தப்படும்," என்றார்.

"அதிலும் பந்துவீசும் அணியின் கேப்டன், பந்துவீச்சாளர் பந்து தேய்ந்துவிட்டது, வடிவத்தை இழந்துவிட்டது என்று புகார் செய்தால்தான் பந்து மாற்றப்படும். அவ்வாறு புகார் செய்தால் இரு நடுவர்களும் பந்தை ஆய்வு செய்து, அதை அளவீடு மூலம் பந்தின் தரத்தை உறுதி செய்தபின்புதான், வேறு பந்து பயன்படுத்தப்படும்," என்றார்.

அதேபோல், ஒருவேளை பந்துவீச்சாளர் அல்லது பந்துவீசும் அணி பந்து குறித்து எந்தப் புகாரும் நடுவரிடம் தெரிவிக்காமல் இருந்தால் 50 ஓவர்கள்கூட ஒரே பந்தை பயன்படுத்தலாம், என்றார் கென்னடி.

"பந்துவீச்சாளர் புகார் அளித்தால் மட்டுமே பந்தை மாற்றுவது குறித்து நடுவர்கள் பரிசீலிப்பார்கள். பேட்ஸ்மேன் வந்து பந்தை மாற்றுங்கள் என்று கூற அதிகாரம் இல்லை. ஒரே பந்தை 50 ஓவர்கள்வரை பயன்படுத்துவதில் தவறு ஏதும் இல்லை. 36 ஓவர்களுக்குப்பின் பந்தை மாற்ற வேண்டும் எனும் ஐசிசி விதி ஏதும் இல்லை, கட்டாயம் ஏதும் இல்லை,” எனத் தெரிவித்தார்.

பாகிஸ்தான் வீரர் கூறிய குற்றச்சாட்டுக் குறித்து எட்வார்ட் கென்னடி கூறுகையில், “பாகிஸ்தான் வீரர் கூறும் குற்றச்சாட்டு போன்று கிரிக்கெட்டில் நடக்க வாய்ப்பு ஒருபோதும் கிடையாது. இது ஐசிசி நடத்தும் சர்வதேசப் போட்டி, இந்திய அணி பந்தை தேர்ந்தெடுத்து கொண்டுவர முடியாது," என்றார்.

"ஐசிசிதான் பந்தைத் தேர்ந்தெடுத்துக் கொண்டுவருகிறது. இதில் ஒரு அணிக்கு மட்டும் சாதகமாக செயல்படுவது என்பது கற்பனையான வாதம். கிரிக்கெட்டின் ஒவ்வொரு அம்சமும் கேள்விக்குள்ளாக்கப்படும் சூழலில் இதுபோன்ற குற்றச்சாட்டு அபத்தமானது. இதுபோன்று இந்திய அணிக்கு மட்டும் சாதகமாக வித்தியாசமான பந்து பயன்படுத்தப்படுகிறது என்பதற்கு வாய்ப்பு கிடையாது,” எனத் தெரிவித்தார்.

https://www.bbc.com/tamil/articles/c8087e0k45wo

[suvy]

"ஆடத்தெரியாதவள் மேடை கோணல் என்றாளாம்" அதுபோல் இருக்கிறது பந்தைப்பற்றி சிந்து பேசுவது...... முந்தி நாங்கள் ஒரு பந்தை கிரிக்கட்டுக்கும் பாவித்து பின் கால்பந்துக்கும் பாவித்து விளையாடி வந்திருக்கிறோம் தெரியுமா........!  😂

[ஏராளன்]

உலகக்கோப்பை 2023 ஏன் சோபிக்கவில்லை?

அ) 2019இல் 50 ஓவர் உலகக்கோப்பை ஜாலியாக இருந்தது. இந்தியா, நியுசிலாந்தின் சிறப்பான ஆட்டம், ஆஸ்திரேலியாவின் பின்னடைவு என எதிர்பாராமைகள் இருந்தன. அதுவும் அந்த இறுதிப்போட்டி ஒரு கிளாஸிக். நியுசிலாந்து கடைசியில் இங்கிலாந்துடன் மோதும், அதுவும் இரண்டு ஓவர் அடிதடியாக மாறும் என எதிர்பார்த்திருக்க மாட்டார்கள். அதிலும் ஒரு திருப்பம், ஒரு அநீதி இருந்தது, அதுவும் அந்த முடிவை கிளாஸிக் ஆக்கியது. ஆனால் 2023 உலக்கோப்பையில் பெரிய ஜாம்பவான்கள் ஆதிக்கம் செய்ய பலவீனமான அணிகளின் பின்வாங்கின. ஆஸ்திரேலியாவும் இந்தியாவும் அரை இறுதியை எட்டும் என எதிர்பார்த்தார்கள். நடந்தது. தென்னாப்பிரிக்காவின் எழுச்சியே ஆச்சரியப்படுப்பத்தியது. ஆனால் அதையும் ஒரு முற்றிலும் எதிர்பாராத அதிசயம் எனக் கூற முடியாது. மிக வலுவான அணி அவர்களுடையது. சுந்தரேசா எனக் கூப்பிட்டதும் ஓடி வந்து எண்ணெய்யைப் பார்க்காமல் வழுக்கி விழுந்துவிடுவார்கள் என்பதைத் தவிர.

ஆ) பல போட்டிகள் ஒருதலைபட்சமாக இருந்தன. முதலில் மட்டையாடிய அணியை வெகு நெருக்கமாக விரட்டி சென்று போட்டியை விறுவிறுப்பாக்கியது நியுசிலாந்து மட்டுமே (ஆஸிக்கு எதிராக). மற்ற போட்டிகளில் ஒரு அணி முதலில் மட்டையாடி 350க்கு மேல் அடித்தால் எதிரணி 100 ரன்களுக்கோ அதற்கு மேலான ரன்களுக்கோ தோற்கும் என்பது நியதி. அதே போல எதிரணி 250க்கு சுருண்டு அடுத்து மட்டையாடுபவர்கள் 40 ஓவர்களுக்குள் அதை அடித்துவிடுகிறார்கள். இப்படி புரூஸ் லீயின் சண்டைக் காட்சி போல கண்ணிமைக்கும் நேரத்தில் முடிந்து போகின்றன. மைதானத்துக்கு சென்ற பார்வையாளர்களைக் கண்டால் பரிதாபமாக இருந்தது. 

இ) ஆல்ரவுண்டர்களால் ஜொலிக்க இயலவில்லை. ஆல்ரவுண்டர்களின் எழுச்சிக்கும் ஒரு போட்டித்தொடர் பரபரப்பாவதற்கும் ஒரு தொடர்பு உள்ளது. சட்டென ஒரு போட்டியை திசைதிருப்புவார்கள். தோற்கும் அணியை மட்டையாடி ஜெயிக்க வைப்பார்கள். ஆனால் இம்முறை உலகக்கோப்பை முழுக்கவே நிபுணர்களின் ஆதிக்கமாக இருக்கிறது. அதற்கு ஆட்டச்சூழலும் ஒரு முக்கிய காரணம் -  ஆட்டங்களில் பந்து போகப் போக திரும்புவதில்லை. சில போட்டிகளில் போகப்போக மட்டையாட்டம் சுலபமாகிறது. சில போட்டிகளில் பனித்துளிகள், வேறு சில போட்டிகளில் சீதோஷ்ணம், ஆனால் பொதுவாகவே ஆடுதளங்கள் மட்டையாட்டத்துக்கே உதவின. ஆகையால் முதல் 5 மட்டையாளர்கள் சற்று பொறுமை காட்டினால் கடைசி 20 ஓவர்களில் வெளுத்து வாங்க முடிந்தது. அடுத்து ஆடும் மட்டையாளர்கள் ஒன்று நல்ல ஆட்டநிலையில் இருந்தால் இலக்கை நெருங்கி வந்தார்கள். இல்லாவிடில் விரைவில ஆட்டம் இழந்தார்கள். என்ன நடந்தாலும் கடைசி வரை இழுத்துக்கொண்டு போகலாம் என்பது 50 ஓவர் போட்டிகளின் இலக்கணம். வைத்தால் குடுமி, அடித்தால் மொட்டை என்பது டெஸ்ட் மேட்ச் மனநிலை. இம்முறை உலகக்கோப்பையில் 50 ஓவர் போட்டிகள் டெஸ்ட் மேட்ச் போல் ஆகி விட்டன. இது ஒரு ஏமாற்றம்! இந்தியாவைப் பொறுத்தவரையில் ஹர்த்திக்கின் காயம் கூட அவர்களை அசர வைக்கவில்லை. ஹர்த்திக்கை மிஸ் பண்ணவே இல்லை, இதுவரையிலும். இது ஒரு அதிசயம். அஷ்வினையும் இதனாலே ஆட வைக்கத் தேவைப்படவில்லை.

ஈ) பாகிஸ்தான், இங்கிலாந்து, நியுசிலாந்து போன்ற முதன்மையான அணிகளின் வேகவீச்சாளர்களால் பந்தை ஸ்விங் செய்யவோ ரிவர்ஸ் ஸ்விங் செய்யவோ முடியவில்லை. அது ஏனென்று தெரியவில்லை. பந்தின் அமைப்பில் ஏதோ கோளாறு என்று அவர்கள் சொல்கிறார்கள். ஆனால் இந்திய வீச்சாளர்களால் அற்புதமாக ஸ்விங் பண்ணி முதல் பத்து ஓவர்களிலே விக்கெட்டுகளை வீழ்த்தவும் மத்திய ஓவர்களில் ரிவர்ஸ் ஸ்விங் (ஷமி, சிராஜ்) பண்ணவும் முடிந்தது. இது நிச்சயமாக ஒரு ஏற்றத்தாழ்வை உண்டாக்கியது. ஆட்டங்கள் ஒருதலைப்பட்சமாக ஆகின.
 நம்மால் முடிந்தது ஏன் பிறரால் முடியவில்லை? நான் கவனித்த வரையில், நம்மவர்கள் சரியான நீளத்தில் வீசுகிறார்கள். என்ன நடந்தாலும் முதல் பத்து ஓவர்களுக்குள் முழுநீளத்திலோ சற்று இழுத்து நல்ல நீளத்திலோ வீசுகிறார்கள். குறைநீளத்துக்கு பெரும்பாலும் போவதே இல்லை. மேலும் பந்தின் தையல் நேராக இருக்க வீசுகிறார்கள். நல்ல தாள லயத்துடன் ஓடி வருகிறார்கள். வசீம் அக்ரம் சொல்லும் ஒரு காரணம் இந்திய வேக வீச்சாளர்கள் பந்தின் நடுவே தையல் நேராக அவரும் படி பற்றிக்கொண்டு வீசுகிறார்கள் என்பது. 

பிற நாட்டு வேகவீச்சாளர்களால் இது முடியவில்லை. அவர்கள் இதற்குத் தயாராக வரவில்லை, தடுப்பாட்ட மனநிலையுடனே வந்தார்கள், சுழலர்களே அதிகமாக வீசுவார்கள் எனத் தவறாக கணித்தார்கள் என நினைக்கிறேன். ஆனால் இந்தியாவோ இந்த ஆடுதளங்களில் வேகவீச்சாளர்களுக்கு முக்கிய இடமிருக்கும் என கணித்து அதிகமாக வேகவீச்சாளர்களைக் கொண்டு வந்ததுடன் அவர்களுடைய பயிற்சிக்கும் ஆட்டநிலைக்கும் முக்கியத்துவம் அளித்தது. பும்ரா, ஷமிக்காக தவமிருந்தார்கள், ஹர்த்திக்கை அவரது பந்துவீச்சுக்காகவே பாதுகாத்தார்கள், ஷர்துலுக்கு இடமளித்தார்கள், சிராஜை ஓராண்டுக்கு மேலாக வளர்த்தெடுத்தார்கள். இந்தியா சரியாக திட்டமிட்டு நிறைவேற்றியதைப் போல மற்ற அணிகள் பண்ணவில்லை. பாகிஸ்தான் வீச்சாளர்கள் இங்கு பந்துவீசி அனுபவமில்லாதது அவர்களை பாதித்தது. இலங்கைக்கோ வேகவீச்சாளர்களின் காயங்கள் பின்னடைவாயின.

உ) இந்தியாவின் குல்தீப், ஜடேஜாவையும் ஆஸ்திரேலியாவின் ஸாம்பாவையும் தவிர வேறு முதன்மை அணிகளின் சுழலர்கள் சோபிக்கவில்லை. அவர்கள் டி20 மனநிலையிலே பந்துவீசியதும் காயம் மற்றும் வேறு காரணங்களால் சிறந்த ஆட்டநிலையில் இல்லாததும் உதவவில்லை. பந்து மெதுவாக வரும் ஆடுதளங்களில் தூக்கிப் போடுவதை விட ஸ்டம்புக்குள் வீசுவதும், வேகத்தை மாற்றுவதும், சில நேரங்களில் சற்று கூடுதல் வேகத்தில் வீசுவதும் முக்கியம். அதை இந்தியர்கள் சரியாக செய்தார்கள். ஆனால் யார் சுழற்றிப் போட்டாலும் பந்து திரும்பவில்லை. நல்ல சுழலர்களுக்கு மட்டுமே திரும்பியது. இதனாலே இரண்டுக்கு மேல் சுழலர்களே  சுபிட்சம் என்றாகியது. 30 ஓவர்களுக்கு மேல் வேக, மிதவேக வீச்சாளர்களின் உள்-ஸ்விங், பவுன்சர், யார்க்கர் பந்துகளே எடுபட்டன, சுழல் அல்ல. அதனாலே இந்தியா அஷ்வினை - அவர் என்னதான் நன்றாக வீசியிருப்பார் என்றாலும் - ஆடவைக்கவில்லை. 

ஊ) ஆக்ரோஷமான துவக்க மட்டையாட்டம் + மத்திய வரிசை நிதானமான சதங்கள். அல்லது துவக்க மட்டையாட்ட நிதானமான சதங்கள் + மத்திய வரிசையின் அதிரிபுதிரி ஆட்டம். இப்படி எதாவது ஒரு பார்முலா அவசியம். இந்தியா முதல் திட்டத்தை மேற்கொண்டது. இது இலங்கை 1996 உலகக்கோப்பையில் மேற்கொண்ட உத்தி. பந்து 20 ஓவர்களுக்குப் பிறகு மெதுவாகி நின்று வரும் போது உதவக்கூடியது. எல்லாரும் தூக்கி அடித்தாடும் டி20 ஆட்ட பாணியை பின்பற்றிய அணிகள் துவண்டன. நான் கவனித்த வரையில் பல அணிகளுக்கு டி20 ஹேங் ஓவர் அதிகமாக இருக்கிறது.

எ) உடற்தகுதி. நீண்ட தொடர் இது. நிறைய பயணம் இருக்கும். அதனால் உடற்தகுதி முக்கியம் என ரோஹித் துவக்கத்திலே சொன்னார். இந்தியா, ஆஸ்திரேலியா, தென்னாப்பிரிக்காவைப் போல பிற அணிகள் உடற்தகுதியை கவனிக்கவில்லை. அதனாலே அங்கங்கே பஞ்சராகி நின்றார்கள்.

ஏ)  இந்தியா, தென்னாப்பிரிக்கா, நியுசிலாந்தைத் தவிர பிற அணிகள் தயாரிப்புக்கு முக்கியத்துவம் கொடுக்கவில்லை என நினைக்கிறேன். ஆஸ்திரேலியாவுக்கு காயம் காரணமாக பல பிரச்சினைகள் இருந்தன. நல்ல இரண்டாவது சுழலர் (ஆஷ்டன் அகார்) இல்லை. ஆனால் ஒரு கையை, காலை வெட்டிவிட்டாலும் நின்று சண்டையிடும் வீரனைப் போன்ற அணி ஆஸ்திரேலியா. அவர்களை கணக்கிலே எடுக்க முடியாது. இது தயாரின்மை பல அணிகளின் சொதப்பலுக்கு முக்கிய காரணம்.

ஒ) இரண்டாம் நிலை அணிகள் (பாகிஸ்தான், இலங்கை) சொதப்பின, மே.இ தீவுகள் வரவேயில்லை, அவர்களுடைய இடத்தில் மூன்றாம் நிலை அணிகள் நன்றாக ஆட முயன்றன (அப்கானிஸ்தான், நெதர்லாந்து). ஆனாலும் அனுபவமின்மை அவர்களுக்கும் முதன்மை அணிகளுக்கும் இடையில் ஒரு பெரிய இடைவெளியை ஏற்படுத்தியது. ஆஸி-அப்கானிஸ்தான் போட்டி ஒரு நல்ல உதாரணம். ஒரே ஒரு விக்கெட்டை எடுத்திருந்தால் அப்கானிஸ்தான் ஜெயித்திருக்கும். அவர்களுக்கும் தோல்விக்கும் நடுவே 200 ரன்களும் மூன்று விக்கெட்டுகளுமே இருந்தன. என்ன பிரச்சினை என்றால் மேக்ஸ்வெல் அடிக்க ஆரம்பித்ததும் அப்கானிஸ்தானுக்கு எந்த நீளத்தில், திசையில் வீசி எப்படியான ஆடுகளத்தை அமைக்க வேண்டும் எனத் தெரியவில்லை. தூக்கிப் போடுவதைத் தவிர அவர்களுடைய சுழலர்களுக்கு ஆட்டத்தை மெதுவாக்கி தடுத்தாடி மேக்ஸ்வெல்லை எரிச்சலாக்கத் தெரியவில்லை. ஒரு வேகவீச்சாளரைக் கொண்டு வந்து பந்தை வைடாக வீசி அவரது லயத்தை குலைத்து கால்பக்கமாக தூக்கி அடிக்க வைக்கத் தெரியவில்லை. நான் அந்தப் போட்டியைப் பார்க்கும் போது இந்தியா இந்த இடத்தில் இருந்திருந்தால் என்னவெல்லாம் பண்ணி ஆட்டத்தைக் கட்டுப்படுத்தியிருப்பார்கள் என்றே யோசித்தேன். அவ்வளவு அடிவாங்கியிருக்கிறார்கள், அதனாலே அதை எதிர்கொள்ளும் உத்திகளும் அவர்களுக்குத் தெரியும். ஆனால் அப்கானிஸ்தானுக்கு இதுவே முதல் அனுபவம். எனக்கு அவர்களைப் பார்க்க பாவமாக இருந்தது. இதைத் தான் நான் பெரிய இடைவெளி என்றேன்.

2023 உலக்கோப்பை சிறந்த பாடல்கள் இருந்தும் சொதப்பிப் போன கவுதம் மேனன் படத்தைப் போல் ஆகிவிட்டது. அரை இறுதி, இறுதிப்போட்டிகளாவது காப்பாற்றுமா?

 ஆர். அபிலாஷ்

https://thiruttusavi.blogspot.com/2023/11/2023.html

[ஏராளன்]

இந்தியா - நியூசிலாந்து நாளை மோதல்: 2019 உலகக்கோப்பை தோல்வி பற்றி ரோகித் கூறியது என்ன?

பட மூலாதாரம்,GETTY IMAGES

28 நிமிடங்களுக்கு முன்னர்

உலகக்கோப்பையில் நாளை நடைபெறும் முதல் அரையிறுதியில் இந்தியா - நியூசிலாந்து அணிகள் பலப்பரீட்சை நடத்துகின்றன. கடந்த உலகக்கோப்பையில் இரு அணிகளும் மோதிய அரையிறுதி ஆட்டம் இன்றும் இந்திய ரசிகர்களின் கண் முன்னே வந்து அச்சுறுத்திக் கொண்டிருக்கிறது. அதுகுறித்து இந்திய அணி கேப்டன் ரோகித் சர்மாவிடமும் செய்தியாளர்கள் கேள்விகளை முன்வைத்துள்ளனர்.

அதற்கு ரோகித் சர்மா கூறிய பதில் என்ன? நியூசிலாந்தை எதிர்கொள்ள இந்திய அணி வகுத்துள்ள உத்தி என்ன? மறுபுறம், உலகக்கோப்பை தொடரை ஆரவாரமாக தொடங்கி, தட்டுத் தடுமாறி அரையிறுதிக்கு முன்னேறியுள்ள நியூசிலாந்து அணி, பலமான இந்திய அணியை எதிர்கொள்ள என்ன திட்டம் வைத்துள்ளது? அதுகுறித்து அந்த அணியின் கேப்டன் கனே வில்லியம்சன் என்ன கூறுகிறார்? விரிவாகப் பார்க்கலாம்.

இந்தியா - நியூசிலாந்து நாளை மோதல்

இந்தியாவில் கடந்த ஒன்றரை மாதங்களாக நடந்து வரும் ஒருநாள் உலகக்கோப்பை கிரிக்கெட் தொடர் இறுதிக்கட்டத்தை எட்டிவிட்டது. லீக் போட்டிகளில் வெற்றிமேல் வெற்றிகளைக் குவித்த இந்திய அணி தோல்வியையே சந்திக்காமல் 9 வெற்றிகளுடன் புள்ளிப் பட்டியலில் முதலிடம் பிடித்து கம்பீரமாக அரையிறுதிக்கு வந்துள்ளது. இந்தியாவுடன் அரையிறுதியில் மோதவுள்ள நியூசிலாந்து அணியோ, இந்தியா போலவே தொடரை அதிரடியாக தொடங்கினாலும் முதல் 4 வெற்றிகளைப் போலவே அடுத்து 4 தொடர் தோல்விகளையும் சந்திக்க நேரிட்டது. முடிவில் ஒருவழியாக நான்காவது இடத்தைப் பிடித்து அரையிறுதிக்கு முன்னேறியுள்ளது.

இந்தியா - நியூசிலாந்து அணிகள் மோதும் முதல் அரையிறுதி ஆட்டம் மும்பை வான்கடே மைதானத்தில் நடைபெறுகிறது. அதற்காக இரு அணி வீரர்களும் பலத்த பாதுகாப்புடன் இன்று மைதானத்திற்கு வந்து சேர்ந்தனர்.

இந்திய அணி பற்றி வில்லியம்சன் கருத்து

அரையிறுதி ஆட்டம் குறித்து செய்தியாளர்களை சந்தித்த நியூசிலாந்து அணி கேப்டன் கனே வில்லியம்சன், "இது மிகவும் சவாலான ஆட்டமாக இருக்கும். ஏனெனில், இந்திய அணி இந்த தொடரில் மிகச்சிறப்பாக விளையாடி வருகிறது" என்று கூறினார்.

உலகக்கோப்பையில் 2 முறை இறுதிப்போட்டிக்கு முன்னேறியும் கூட நியூசிலாந்து அணி குறைத்து மதிப்பிடப்படுவது குறித்துப் பேசிய வில்லியம்சன், "அவ்வாறு நீங்கள்(பத்திரிகையாளர்கள்) தான் எழுதுகிறீர்கள். அது மாறிவிட்டதாக நன் கருதவில்லை. பரவாயில்லை. இந்தியா மிகச்சிறப்பான அணியாக உருவெடுத்துள்ளது.

ஆனால், நாளைய தினம் எங்களுக்கான நாளாக அமையும் பட்சத்தில் நாங்கள் சிறப்பான ஆட்டத்தை வெளிப்படுத்துகையில் எங்களுக்கான சிறந்த வாய்ப்புகள் உள்ளன. கடைசி நேரத்தில் என்ன வேண்டுமானாலும் நடக்கலாம். நாங்கள் எங்கள் விளையாட்டில் மட்டுமே கவனம் செலுத்துகிறோம். இந்த தொடரில் சில ஆட்டங்களில் நல்ல கிரிக்கெட்டை வெளிப்படுத்தியுள்ளோம். குறைந்த வித்தியாசத்தில் இரு தோல்விகளை சந்தித்தோம். ஆனாலும் பின்னர் கிடைத்த வெற்றிகள் எங்களை இங்கே கொண்டு வந்துள்ளன." என்றார்.

பட மூலாதாரம்,GETTY IMAGES

2019 உலகக்கோப்பையில் இந்தியாவை வீழ்த்தியது பற்றி...

4 ஆண்டுகளுக்கு முன்பு உலகக்கோப்பை அரையிறுதியில் இந்தியாவை வீழ்த்தியதை நினைவுகூர்ந்து செய்தியாளர்கள் கேள்வி எழுப்பிய போது, "இந்த ஆட்டம் சற்று வித்தியாசமாக இருக்கும் என்று எண்ணுகிறேன். வானிலையைப் பாருங்கள். 2 நாட்களுக்குப் பதிலாக இந்த ஆட்டம் ஒரே நாளில் முடிந்துவிடும்" என்று அவர் கூறினார்.

மைதானத்தில் பல ஆயிரம் இந்திய ரசிகர்களுக்கு முன்பாக ஆடவிருப்பது குறித்துப் பேசிய வில்லியம்சன், "மைதானத்தில் இந்திய அணி ரசிகர்களே நிறைந்திருப்பார்கள் என்று எதிர்பார்க்கிறோம். அவர்கள் இந்திய அணியை தொடர்ந்து உற்சாகப்படுத்துவார்கள் என்பதில் சந்தேகமில்லை. அத்தகைய ரசிகர் கூட்டத்திற்கு முன்பாக ஆடுவது எப்போதுமே சிறப்பான ஒன்று. இதுபோன்ற பல தருணங்களை நாங்கள் ஏற்கனவே எதிர்கொண்டுள்ளோம். எங்கள் நாடு மிகச்சிறியது என்பதால் எங்கள் ரசிகர்களால் எப்போதுமே மைதானத்தை நிறைத்துவிட முடியாது. ஆகவே, இதுபோன்ற அனுபவங்கள் எங்களுக்கு புதிது அல்ல. இந்தியாவில் இந்திய அணிக்கு எதிராக உலகக்கோப்பை அரையிறுதியில் மோதுவது என்பது சிறப்பானது." என்று அவர் கூறினார்.

பட மூலாதாரம்,GETTY IMAGES

2019 உலகக்கோப்பை தோல்வி பற்றி ரோகித் கூறியது என்ன?

இதேபோல், நாளை நியூசிலாந்துக்கு எதிராக அரையிறுதியில் ஆடப் போவது குறித்து இந்திய அணி கேப்டன் ரோகித் சர்மாவும் செய்தியாளர்களிடம் பேசினார். அவரிடமும் 2019-ம் ஆண்டு உலகக்கோப்பை அரையிறுதியில் நியூசிலாந்து அணியிடம் தோற்றது பற்றி கேள்வி எழுப்பப்பட்டது.

அதற்குப் பதிலளித்த ரோகித் சர்மா, "1983-ம் ஆண்டு முதன் முறையாக உலகக்கோப்பையை வென்ற போது எங்கள் அணியில் பலர் பிறக்கவே இல்லை. 2011-ம் ஆண்டு கோப்பையை வென்ற போது பலர் கிரிக்கெட் விளையாடவே தொடங்கியிருக்கவில்லை. இதற்கு முன் உலகக்போப்பைகளை எவ்வாறு வென்றோம் என்பது பற்றி அணி வீரர்கள் பேசி நான் பார்க்கவில்லை. நாம் எவ்வாறு இன்னும் மேம்படுவது என்பதிலேயே கவனம் செலுத்தி வருகிறோம். முதல் ஆட்டத்தில் இருந்தே இன்று வெல்ல வேண்டும் என்பதில் மட்டுமே கவனம் செலுத்துகிறோம்" என்றார்.

நெதர்லாந்துக்கு எதிரான கடைசி லீக் போட்டியில் கோலி, சூர்யகுமார், சுப்மான் கில் உள்பட 9 வீரர்கள் பந்துவீசியது குறித்த கேள்வியை ரோகித் சர்மாவிடம் செய்தியாளர்கள் எழுப்பினர்.

"வேகப்பந்துவீச்சு ஆல்ரவுண்டர் ஹர்திக் பாண்டியா காயமடைந்ததால் அணியில் எல்லாமே மாறிவிட்டது. அது முதலே, ஸ்பெஷலிஸ் பந்துவீச்சாளர்கள் தவிர மற்றவர்களையும் பந்துவீச்சில் பயன்படுத்திக் கொள்ள விரும்பினோம். பந்துவீச கூடுதல் தெரிவுகள் இருப்பது நல்லதுதான். ஆனால், அவர்களை பயன்படுத்த வேண்டிய அவசியம் எழாது என்று நம்புகிறேன்" என்று ரோகித் சர்மா கூறினார்.

பட மூலாதாரம்,GETTY IMAGES

2019 இந்தியா - நியூசி. அரையிறுதியில் என்ன நடந்தது?

2019-ஆம் ஆண்டு உலகக் கோப்பை அரையிறுதி ஆட்டத்தை இப்போதுள்ள கிரிக்கெட் ரசிகர்கள் யாரும் அவ்வளவு எளிதாக மறந்திருக்க முடியாது. இந்தப் போட்டியின் முடிவுக்காக ரசிகர்கள் 28 மணிநேரம் 24 நிமிடங்கள் காத்திருந்தனர்.

2019-ஆம் ஆண்டு உலகக் கோப்பைத் தொடரிலும் இந்திய அணி அனைத்து அணிகளுக்கும் சிம்மசொப்னமாகத் திகழ்ந்தது. ரோஹித் சர்மா, கே.எல்.ராகுல், விராட் கோலி 3 பேரும் அசுரத்தனமான ஃபார்மில் இருந்தனர்.

ஆனால், 2019 ஜூலை 9-ஆம் தேதி மான்செஸ்டரில் நடந்த ஆட்டம் மழையால் தடைபடவே ஆட்டம் ரிசர்வ் நாளான மறுநாள் நடத்தப்பட்டது. முதலில் பேட் செய்த நியூசிலாந்து அணி 46 ஓவர்களில் 5 விக்கெட் இழப்புக்கு 209 ரன்கள் சேர்த்திருந்தபோது மழை குறுக்கிட்டது.

இதையடுத்து கடைசி 3 ஓவர்கள் மட்டும் மறுநாள்(10-ஆம் தேதி) காலை வீசப்பட்டது. நியூசிலாந்து அணி 3 விக்கெட்டுகளை இழந்து 29 ரன்கள் என 8 விக்கெட் இழப்புக்கு 239 ரன்கள் சேர்த்தது.

240 ரன்கள் இலக்குடன் இந்திய அணி களமிறங்கியது. ஏற்கனவே மழை பெய்து ஆடுகளம் ஈரப்பதத்துடன் இருந்தது. மேலும் காலநிலை, குளிர்ந்த சூழல், காற்று ஆகியவை நியூசிலாந்து அணியின் வேகப்பந்துவீச்சுக்கு சாதகமாக அமைந்திருந்தது.

லீக் ஆட்டங்களில் பட்டையை கிளப்பி வந்த ரோஹித் சர்மா, ராகுல், கோலி ஆகியோர் மாட் ஹென்றியின் வேகப்பந்துவீச்சில் தலா ஒரு ரன்னில் ஆட்டமிழந்து அதிர்ச்சியளித்தனர். 92 ரன்களுக்கு 5 விக்கெட்டுகளை இழந்து இந்திய அணி தோல்வியின் பிடியில் இருந்தது.

பட மூலாதாரம்,GETTY IMAGES

படக்குறிப்பு,

2019 அரையிறுதியில் இந்திய ரசிகர்களின் இதயத்தை நொறுக்கிய தோனியின் ரன் அவுட்

6-வது விக்கெட்டுக்கு ஜடேஜா, தோனி கூட்டணி இந்திய அணியைச் சரிவிலிருந்து மீட்டது. இருவரின் அற்புதமான ஆட்டத்தால் இந்திய அணி வெற்றியை நெருங்கியது. கடைசி 18 பந்துகளில் இந்திய அணி வெற்றிக்கு 37 ரன்கள் தேவைப்பட்டது. டிரன்ட் போல்ட் வீசிய ஸ்லோ பாலில் ஜடேஜா 59 பந்துகளில் 77 ரன்கள் சேர்த்து ஆட்டமிழந்தார்.

கிரேட் ஃபினிஷர் தோனி களத்தில் இருந்ததால், இந்தியா வெல்லும் என்று ரசிகர்கள் அசைக்க முடியாத நம்பிக்கை வைத்திருந்தனர். கடைசி 2 ஓவர்களில் இந்திய அணி வெற்றிக்கு 31 ரன்கள் தேவைப்பட்டன. 49-வது ஓவரின் முதல் பந்தில் சிக்ஸர் அடித்து, தோனி ரசிகர்களை உற்சாகப்படுத்தினார்.

3-வது பந்தில் 2 ரன்கள் எடுத்து ஸ்ட்ரைக்கை தக்கவைக்க தோனி முயன்ற போது கப்திலின் டைரக்ட் ஹிட்டில் அவர் ரன்அவுட் ஆனார். தோனி 50 ரன்னில் ஆட்டமிழந்ததும் இந்திய அணியின் தோல்வி உறுதியானது. 49.3 ஓவர்களில் 221 ரன்களுக்கு ஆட்டமிழந்து 18 ரன்களில் இந்திய அணி தோல்வி அடைந்தது.

https://www.bbc.com/tamil/articles/cw0261wzk70o

[வீரப் பையன்26]

On 13/11/2023 at 07:09, vasee said:

நியுசீலாந்து அணியினை இதிய அணி லீக் ஆட்டத்தில் ஏற்படுத்திய தோல்வியினூடாக இந்தியாவிற்கு அரையிறுதியில் இலகுவான வெற்றி கிடைத்துவ்டும் என கூறுகிறார்கள்.

இந்த போட்டியினை கோலியாத், தாவீது போட்டிக்கு இணையாக கூறுகிறார்கள்.

எதிர்வரும் புதனற்று மும்பாயில் நடைபெறும் போட்டி பெரிதாக மைதான ஈரப்பதன் இருக்காது என நம்புகிறேன் (கடலினை அண்டிய நகரம் என்பதால்).

நியுசீலாந்து இடதுகை வேகப்பந்துவீச்சாளர்  ரென்ட் போல்ட்  விக்கெட்டிற்கு மேலாக வந்து வீசும் பந்துகள் இந்திய நட்சத்திர ஆரம்ப ஆட்டக்காரர்களை சிரமத்திற்குள்ளாக்கும், அவர் வழமையாக பந்தினை மட்டையின் வெளி விளிம்பிலிருந்து உள்நோக்கி திருப்பும் பந்துகளுக்கு ரோகித் சர்மா மிகவும் சிரமப்படுவார், எல் பி டபிள்யு முறையில் ஆட்டம் இழப்பார் அல்லது பந்து மட்டையின் விளிம்பில் பட்டு சிலிப்பில் பிடி கொடுத்து ஆட்டமிழப்பார்.

நாணய சுழற்சியில் வென்று நியுசிலாந்து முதலில் துடுப்பெடுத்தாடி இந்திய அணியினை மின் விளக்கு வெளிச்சத்தில் பந்து வீசினால் நியுசிலாந்திற்கான வெற்றி வாய்ப்பு அதிகம் உள்ளதாக கருதுகிறேன் (எனது கருத்து தவறாக இருக்கலாம்), ஆனால் இந்திய அணி மைதானத்தில் இறங்கி வந்து விளையாட (கோலி) முனைவார்கள் அவ்வாறான சந்தர்ப்பங்களில் நியுசிலாந்து அணியின் தலைவர் வில்லியம்சன் அகலமான சிலிப்பினை வைத்து மைதான தடுப்பில் நியுசிலாந்தின் இடதுகை வேகப்பந்து வீச்சாளர் ரென்ட் போல்டின் பந்து வீச்சினை பயன்படுத்டுவது வழமை.

இந்திய இரசிகர்கள் நினைப்பதுபோல நியுசிலாந்து ஆட்டம் இலகுவாக இருக்கபோவதில்லை என உறுதியாக நம்புகிறேன், சில வேளை இந்திய முதலாவது தோல்வியினை சந்திக்கலாம் இந்த போட்டியில், அவ்வாறு நிகழ்ந்தால் அது ஒரு ஆச்சரியமான நிகழ்வாக இருக்காது.

இந்திய அணியினரை, நியுசீலாந்து அணி தொடர்ச்சியாக நெருக்கடிக்குள் உள்ளாக்ளாக்கும் முதல் 15 ஒவர்களில் இந்திய அணியின் 3 விக்கெட்டுக்களை கைப்பற்றி அடுத்த 15 ஓவர்களின் பின்னர் லொக்கி பெர்குசனின் அளவு குறைந்த உயரமாக எழும் பந்துகளின் மூலம் இந்தியணியினரை தூக்கி அடிக்கவும், வெட்டி ஆடவும் கூக் செய்யவும் தூண்டுவதுடன் மிட்சல் சான்ட்னர் அவருக்கு துணையாக அழுத்தத்தினை பிரயோகித்து விக்கெட்டினை எடுக்க தூண்டுவார்கள் என கருதுகிறேன்.

நியுசிலாந்து அணியின் தலைவர் வில்லியம்சன் மிக திறமையாக திட்டமிட்டு அணியினை வழிநடத்தக்கூடியவர், எனது எதிர்பார்ப்பு நியுசிலாந்து அணி, இந்திய அணிக்கு அரையிறுதியில் முதலாவது தோல்வியினை கொடுப்பார்கள்.

நாளைக்கு நியுசிலாந்தை இந்தியா சிம்பிலா வெல்லும்

 

வ‌ங்க‌ளூர் மைதான‌த்தில் 400ர‌ன்ஸ்சுக்கு மேல் அடிச்சும் பாக்கிஸ்தானிட‌ம் தோத்த‌வை

 

இந்தியாவின் தொட‌க்க‌ வீர‌ர்க‌ளை அவுட் ஆக்கினானும் நிதான‌மாய் நின்று ஆட‌ கோலி இருக்கிறார்.............

 

இந்தியாவுக்கு நெருக்க‌டி கொடுக்குவில் அவுஸ்ரேலியாவால் தான் முடியும்..........

 

என‌து விருப்ப‌ம் தென் ஆபிரிக்கா அல்ல‌து நியுசிலாந் வெல்ல‌னும் என்று............நியுசிலாந் முக்கிய‌மான‌ விளையாட்டில் கோட்டை விடுவ‌து தான் வ‌ழ‌க்க‌ம்.................

[vasee]

5 hours ago, பையன்26 said:

நாளைக்கு நியுசிலாந்தை இந்தியா சிம்பிலா வெல்லும்

 

வ‌ங்க‌ளூர் மைதான‌த்தில் 400ர‌ன்ஸ்சுக்கு மேல் அடிச்சும் பாக்கிஸ்தானிட‌ம் தோத்த‌வை

 

இந்தியாவின் தொட‌க்க‌ வீர‌ர்க‌ளை அவுட் ஆக்கினானும் நிதான‌மாய் நின்று ஆட‌ கோலி இருக்கிறார்.............

 

இந்தியாவுக்கு நெருக்க‌டி கொடுக்குவில் அவுஸ்ரேலியாவால் தான் முடியும்..........

 

என‌து விருப்ப‌ம் தென் ஆபிரிக்கா அல்ல‌து நியுசிலாந் வெல்ல‌னும் என்று............நியுசிலாந் முக்கிய‌மான‌ விளையாட்டில் கோட்டை விடுவ‌து தான் வ‌ழ‌க்க‌ம்.................

இந்த தொடரின் முடிந்த போட்டிகளினடிப்படையில் நியுசிலாந்திற்கான வெற்றி வாய்ப்பு 17%, இந்தியாவிற்கான வெற்றி வாய்ப்பு 83% இருப்பதாகவே கூறுகிறார்கள் அதனை மறுக்கவில்லை.

அதனாலேயே அனைவரும் இந்தியா இலகுவாக நியுசிலாந்தினை வென்றுவிடும் என கூறுகிறார்கள்.

ஆனால் நியுசிலாந்தினை வழிநடத்தும் வில்லியம்சனின் அமைதியான சுபாவமும் அவரது களத்தடுப்பு வியூகம் (சந்தர்ப்பத்திற்கேற்றவாறு) நியுசிலாந்து முண்ணனியில் இருப்பதாகவே கருதுகிறேன்.

மறுவளமாக இந்திய அணி தலைவர் வெளியே அமைதியாக இருப்பதாக காட்டி கொண்டாலும் அவரது உணர்வுகள் அவரை இவ்வாறான முக்கிய போட்டிக:ளில் வென்றுவிடும்.

மைதானத்தில் ஈரப்பதன் இருக்கும் என கூறுகிறார்கள்(முன்னர் மைதான இரப்பதன் இருப்பதற்கான வாய்ப்பு இல்லை என தவறாக கூறிவிட்டேன்) இந்த மைதானத்தில் 320 ஓட்டங்களை முதலில் துடுப்பெடுத்தாடி நியூசிலாந்து எடுத்து விட்டால் உறுதியாக நியுசிலாந்தினால் அந்த ஓட்டத்தினை வைத்து வெற்றி பெற்றுவிடலாம்.

நாணய சுழற்சியில் வெற்றி பெறுவது நியுசிலாந்திற்கு மிக முக்கியம் போட்டியினை வெல்வதற்கு, மறுவளமாக இந்தியா நாணய சுழற்சியில் வெற்றி பெற்றாலும் மகிழ்ச்சியே ஏனெனில் இந்தியா வெற்றி பெற்றுவிடும், அதற்கான அனைத்து தகுதியும் உள்ள ஒரே அணி இந்திய அணி.

இறுதி ஓவர்களில் பந்து ஈரமானால் பந்து வீசுவது கடினமாகிவிடும் அத்துடன் ஆரம்பத்தில் வேகப்பந்து வீச்சிற்கு மின்விளக்கு வெளிச்சத்தில் கை கொடுக்கும் முதல் 15 ஓவர்களை கடந்துவிட்டால் நியுசிலாந்து அணி பல இடது கை ஆட்டக்காரர்கலை கொண்ட அணி! குல்தீப், ஜடேயா ஆகிய இரண்டு இடது கை சுழற்பந்து வீரர்களும் தலா 10 ஓவர்கள் வீசியே ஆகவேண்டும் (5 பந்து வீச்சாளர்கள் கொண்ட அணியாக இந்திய அணியுள்ளது பாண்டியா இல்லாத இந்திய அணி பந்து வீச்சில் சிறிது பின்னடைவு) மொத்தமாக 20 ஓவர், இவர்களை நியுசிலாந்து அணி குறிவைக்கும் (வலது கை சுழற்பந்துவீச்சாளரான அஸ்வினை அணியில் இணைக்கமாட்டார்கள் எனவே கூறப்படுகிறது) இதனால் இரண்டாவதாக நியுசிலாந்து துடுப்பெடுத்தாடினாலும் சிலவேளை நியுசிலாந்து வெல்ல வாய்ப்புண்டு.

இலங்கையுடன் விளையாடிய இறுதிப்போட்டியில் நியுசிலாந்து பந்து வீச்சாளர்கள் சிறப்பாக வீசினார்கள் குறிப்பாக ரென்ட் போல்ட், சரியான நேரத்தில் நியுசிலாந்து அணி தனது பந்து வீச்சினை பலப்படுத்தியுள்ளது. நியுசிலாந்தின் களத்தடுப்புதான் தற்போது மிக மோசமாக உள்ளது அத்துடன் அணியின் நடுப்பகுதில் ஆடுபவர்கள் சரியாக ஆடவில்லை, இந்த ஆட்டத்தில்  நீசம், பில்ப்ஸ், சாப்மன் மூவரும் சிறப்பாக விளையாடினால் இறுதி ஓவர்களில் மிக பெரிய அளவில் ஓட்டங்களை குவிப்பார்கள்(அவர்கள் மூவரும் அவ்வகையான ஆட்டக்காரர்களே), ஒரு வேளை நியுசிலாந்து இரண்டாவதாக துடுப்பெடுத்தாட நேரிட்டால் ஆரம்ப 15 ஓவர்களுக்கு விக்கட் இழப்பின்றி குறைந்த ஓட்டங்கள் குவித்தால் இந்த நடுப்பகுதி வீரர்களின் அடித்தாடும் ஆட்டம் கை கொடுக்கும்.

முக்கியமாக சிறந்த இந்தியணியின் பந்துவீச்சினை எவ்வாறு நியுசிலாந்து எதிர்கொள்ளப்போகிறது என்பது முக்கியம் இந்தியணியுடன் தர்மசாலாவில் விளையாடிய போது ஓரளவு சுமாராகவே விளையாடியுள்ளார்கள், அந்த அணியில் வில்லியம்சன் இடம்பெறவில்லை என கருதுகிறேன்.

[கிருபன்]

INDVsNZ: மீண்டும் ஒரு வாழ்வா? சாவா? போராட்டம்: வான்கடே மைதானம் யாருக்கு சாதகம்?

 

மீண்டும் ஒரு செமி பைனலில் இந்தியா-நியூசிலாந்து அணிகள் இன்று (நவம்பர் 15) மோத போகின்றன. முன்னதாக 2019-ம் ஆண்டில் இந்தியா-நியூசிலாந்து மோதிய செமி பைனலில் இந்திய அணியை வீழ்த்தி நியூசிலாந்து அணி பைனலுக்கு முன்னேறியது. IndVsNz Rohit Sharma Kane Williamson

அந்த ஆட்டத்தின் முடிவால் உலகம் முழுவதும் உள்ள இந்திய ரசிகர்களின் இதயம் சுக்குநூறாக நொறுங்கியது. அந்த தோல்வியில் இருந்து இன்னும் கூட ரசிகர்களால் மீண்டு வர முடியவில்லை. ஒருவேளை தோனி அன்று அவுட் ஆகாமல் இருந்திருந்தால் என, இந்த உலகக்கோப்பை போட்டிகளுக்கு நடுவிலும் நினைத்து பார்க்கும் கொடூர சம்பவமாக நமக்கு அந்த தோல்வி அமைந்தது.

வாழ்க்கை ஒரு வட்டம் என்பது போல மீண்டும் ஒரு செமி பைனலில் இந்தியா-நியூசிலாந்து அணிகள் மீண்டும் ஒருமுறை இந்த உலகக்கோப்பை அரையிறுதி போட்டியில் மோதிக்கொள்ள இருக்கின்றன. லீக் சுற்று போட்டிகள் அனைத்தும் முடிவடைந்த நிலையில் இந்தியா, தென் ஆப்பிரிக்கா, நியூசிலாந்து, ஆஸ்திரேலியா ஆகிய 4 அணிகளும் அரையிறுதி போட்டிகளுக்கு முன்னேறி உள்ளன.

இதில் இன்று (நவம்பர் 15) நடைபெறும் முதல் அரையிறுதி போட்டியில் பரம வைரிகளை போல இந்தியா-நியூசிலாந்து அணிகள் மோத, நாளை  (நவம்பர் 16) நடைபெறும் அரையிறுதி போட்டியில் தென் ஆப்பிரிக்கா-ஆஸ்திரேலியா அணிகள் மோதுகின்றன.

இரண்டு முறை உலகக்கோப்பை அரையிறுதி போட்டியில் தென் ஆப்பிரிக்காவை, ஆஸ்திரேலியா அணி வீழ்த்தி இருப்பதால் அந்த அணிகள் இடையிலான அரையிறுதி போட்டியும் மிகுந்த முக்கியத்துவம் பெற்றுள்ளது. இதில் இந்தியா 9 வெற்றிகளுடனும், தென் ஆப்பிரிக்கா அணி 7 வெற்றிகளுடனும் அரையிறுதிக்கு முன்னேறியுள்ளன.

மறுபுறம் ஆஸ்திரேலியா, நியூசிலாந்து அணிகள் மற்ற அணிகள் சொதப்பியதால் மட்டுமே அரையிறுதி போட்டிக்கு முன்னேறி இருக்கின்றன. பழைய பன்னீர்செல்வமாக அந்த இரண்டு அணிகளும் இல்லை என்பதால் இந்தியா-தென் ஆப்பிரிக்கா அணிகள் இறுதிப்போட்டிக்கு முன்னேறவும் வாய்ப்புகள் அதிகம் இருக்கின்றன.

என்றாலும் கூட முக்கியமான போட்டிகளில் சொதப்பி ‘சோக்கர்ஸ்’ என்னும் பட்டத்தையும் தென் ஆப்பிரிக்கா அணி குடும்ப சொத்தாக தங்கள் வசம் வைத்திருப்பதால் அந்த அணியை நம்பி எந்தவொரு விஷயத்தையும் நம்மால் கணிக்க முடியாது.

இந்த நிலையில் இன்று (நவம்பர் 15) இந்தியா-நியூசிலாந்து அணிகள் மோதும் முதல் அரையிறுதி போட்டியை காண கோடிக்கணக்கான ரசிகர்கள் ஆவலுடன் காத்துக்கொண்டு இருக்கின்றனர். அதற்கு முன்னதாக போட்டி நடைபெறும் வான்கடே மைதானத்தில் இரண்டு அணிகளின் வெற்றி வாய்ப்பு விகிதம், பலம், பலவீனம், அதிகபட்ச மற்றும் குறைந்தபட்ச ஸ்கோர் என்ன என்பதை இங்கு நாம் விரிவாக அலசலாம்.

வெற்றி தோல்வி

நம்முடைய இந்திய அணியை பொறுத்தவரை இங்கு 21  போட்டிகளில் விளையாடி அதில் 12 போட்டிகளில் வெற்றியையும் 9 போட்டிகளில் தோல்வியையும் சந்தித்துள்ளது. அதே நேரம் நியூசிலாந்து அணி 3 போட்டிகளில் விளையாடி 2 வெற்றிகளையும் 1 போட்டியில் தோல்வியையும் சந்தித்துள்ளது. இந்திய அணி சராசரியாக 224 ரன்களை குவித்துள்ளது. நியூசிலாந்து அணியின் சராசரி 265.

அதிகபட்ச ஸ்கோர்

50 ஓவர் போட்டிகளில் இந்தியா அதிகபட்சமாக இங்கு 357/8 ரன்களை இலங்கைக்கு எதிராக (2023) குவித்து, அதில் 302 ரன்கள் வித்தியாசத்தில் வெற்றியும் பெற்றுள்ளது. இதேபோல நியூசிலாந்து அணி கனடாவுக்கு எதிராக 358/6 ரன்களை கடந்த 2011-ம் ஆண்டு குவித்து அதில் 97 ரன்கள் வித்தியாசத்தில் வெற்றியும் பெற்றுள்ளது.

குறைந்தபட்ச ஸ்கோர்

குறைந்தபட்சமாக இந்திய அணி இங்கு 1989-ம் ஆண்டு வெஸ்ட் இண்டீஸ் அணிக்கு எதிராக 165/10 எடுத்தது. அதில் வெஸ்ட் இண்டீஸ் அணி 8 விக்கெட்டுகள் வித்தியாசத்தில் இந்தியாவை வீழ்த்தியது. நியூசிலாந்து அணிக்கு எதிராக இந்த மைதானத்தில் இந்திய அணியின் குறைந்தபட்ச ஸ்கோர் 280. நியூசிலாந்து அணி 2011-ம் ஆண்டு இலங்கை அணிக்கு எதிராக எடுத்த 153/10 என்பதே, இந்த மைதானத்தில் அந்த அணியின் குறைந்தபட்ச ஸ்கோர். ஒட்டுமொத்தமாக சமீபத்திய லீக் சுற்றில் இந்தியாவுக்கு எதிராக இலங்கை எடுத்த 55/10 ரன்களே இங்கு குறைந்தபட்ச ஸ்கோர் ஆக இருக்கிறது.

அதிக ரன்கள் மற்றும் விக்கெட் வேட்டை

இந்திய அணியை பொறுத்தவரை இந்த மைதானத்தில் 1 சதம் 3 அரை சதங்களுடன் சச்சின் டெண்டுல்கர் அதிகபட்சமாக 11 போட்டிகளில் விளையாடி 455 ரன்கள்(சராசரி 41.6) குவித்துள்ளார். அதேபோல வெங்கடேஷ் பிரசாத் 6 போட்டிகளில் விளையாடி 15 விக்கெட்டுகளை (சராசரி 14.86) வீழ்த்தி இருக்கிறார்.

அதே நேரம் நியூசிலாந்து அணியின் ராஸ் டெய்லர் 3 போட்டிகளில் விளையாடி 202 ரன்கள் குவித்துள்ளார். பவுலிங்கில் டிம் சவுத்தி 3 போட்டிகளில் விளையாடி 7 விக்கெட்டுகளை வீழ்த்தி இருக்கிறார்.

இந்தியா Vs நியூசிலாந்து

ஒருநாள் போட்டிகளை பொறுத்தவரை இந்தியா-நியூசிலாந்து அணிகள் நேருக்கு நேராக இந்த மைதானத்தில் ஒருமுறை மோதின. அதில் நியூசிலாந்து அணி வெற்றி பெற்றது. இந்தியாவுக்கு எதிராக கடந்த 2017-ம் ஆண்டு நியூசிலாந்து அணி அதிகபட்சமாக 284/4 ரன்களை இங்கு குவித்துள்ளது.

வெற்றி மாலையை சூடப்போவது யார்?

புள்ளி விவரங்கள் நியூசிலாந்துக்கு சாதகமாக இருந்தாலும் கூட இந்த உலகக்கோப்பை தொடரில் இந்தியா 9 வெற்றிகளுடன் அரையிறுதி போட்டிக்கு முன்னேறியுள்ளது. அதோடு கடைசியாக தரம்சாலாவில் வைத்து நியூசிலாந்து அணியை இந்தியா தோற்கடித்துள்ளது.

எனவே இறுதியாக இன்று (நவம்பர் 15) நடைபெற இருக்கும் அரையிறுதி போட்டியில் இந்திய அணிக்கே வெற்றி வாய்ப்பு அதிகம் என்பதே கிரிக்கெட் விமர்சகர்களின் கருத்தாக உள்ளது. IndVsNz Rohit Sharma Kane Williamson

 

https://minnambalam.com/featured-article/indvsnz-semi-final-rohit-sharma-or-kane-williamson-which-skipper-won-this-match/

 

Edited November 15, 2023 by கிருபன்

[ஏராளன்]

இந்தியாவுக்கு சாதகமாக ஆடுகளம் வடிவமைப்பா? ஐ.சி.சி. என்ன செய்கிறது?

பட மூலாதாரம்,GETTY IMAGES

கட்டுரை தகவல்

• எழுதியவர், போத்திராஜ்
• பதவி, பிபிசி தமிழுக்காக
• 14 நவம்பர் 2023

ஐசிசி ஒருநாள் உலகக் கோப்பைத் தொடர் முடிவதற்கு இன்னும் 3 போட்டிகள் மட்டுமே இருப்பதால், உச்சக்கட்ட பரபரப்பை ரசிகர்கள் மத்தியில் கிளப்பியுள்ளது.

இந்திய அணி லீக் ஆட்டங்களில் தொடர்ந்து 9 போட்டிகளில் வென்று அசைக்க முடியாத அணியாக வலம் வருகிறது. 15ம்தேதி(நாளை) மும்பை வான்கடே மைதானத்தில் நடக்கும் முதல் அரையிறுதி ஆட்டத்தில் நியூசிலாந்து அணியை எதிர்கொள்கிறது இந்திய அணி.

புது சந்தேகம்

இந்திய அணியின் அபாரமான ஃபார்ம், தொடர் வெற்றிகள் ஆகியவை உலகக் கோப்பையை வெல்வதற்கான சாத்தியங்கள் இருப்பதாக கிரிக்கெட் விமர்சகர்கள் நம்புகிறார்கள். அதற்கேற்ப உள்நாட்டில் போட்டி நடப்பது, மைதானம், காலநிலை, உள்ளூர் ரசிகர்கள் ஆதரவு போன்றவை இந்திய அணிக்கு தார்மீக ரீதியாக பக்கபலமாக இருந்து வருகின்றன.

இந்திய அணியின் தொடர் வெற்றிகள் குறித்து பாகிஸ்தான் முன்னாள் வீரர் ஹசன் ராஜா சந்தேகத்தை ஐசிசி, பிசிசிஐ மீதும் எழுப்பியிருந்தார். இந்திய அணிக்காக பிரத்யேகப் பந்துகளை ஐசிசி, பிசிசிஐ வழங்குகிறது என்று சந்தேகத்தை கிளப்பியிருந்தார்.

ஆனால், இந்த குற்றச்சாட்டுக்கு பாகிஸ்தான் முன்னாள் கேப்டன் வாசிம் அக்ரம் சரியான பதிலடி கொடுத்து, எவ்வாறு பந்துகளை தேர்ந்தெடுக்கிறார்கள் என்று விளக்கமும் அளித்தார். ஐசிசி நடத்தும் போட்டிகளில் பந்துகளை ஒரு குறிப்பிட்ட அணிக்கு மட்டும் பிரத்யேகமாகத் தயாரிக்க வாய்ப்பே இல்லை, ஒருபோதும் நடக்காது என்று கிரிக்கெட் விமர்சகர்கள், வல்லுநர்கள் தெரிவித்துள்ளனர்.

பட மூலாதாரம்,GETTY IMAGES

இந்தியாவுக்கு சாதகமாக ஆடுகளம் வடிவமைப்பா?

ஆனால், ஆடுகளத்தை ஒரு குறிப்பிட்ட அணிக்கு ஏற்றது போல் மாற்ற முடியுமா என்பது கேள்வியாக இருக்கிறது. ஆடுகளத்தை எவ்வாறு வடிவமைக்கிறார்கள், எத்தனை வகையான ஆடுகளங்கள் இருக்கிறது என்பது குறித்து கிரிக்கெட் வல்லுநர்கள் தெரிவித்துள்ளனர்.

ஆனால், இதற்கு முன் நடந்த உலகக் கோப்பைத் தொடரைப் போன்று இல்லாமல் இந்த உலகக் கோப்பைத் தொடரில் பல போட்டிகளில் 400 ரன்களுக்கு அணிகள் குவித்து வருகின்றன. சில ஆடுகளங்கள் பேட்டர்களுக்கு சாதகமாகவும், பந்துவீச்சாளர்களுக்கு ஒத்துழைத்தும் இருக்கின்றன.

ஆடுகளம் வடிவமைப்பில் குறிப்பிட்ட அணிக்கு ஏற்றது போல் எப்படிப்பட்ட ஆடுகளத்தையும் வடிவமைக்க முடியுமா என்பது குறித்து கிரிக்கெட் வல்லுநர்கள் கருத்துத் தெரிவித்துள்ளனர்.

ஐசிசி அறிவுறுத்தலா?

உலகக் கோப்பைத் தொடங்குவதற்கு முன் இந்திய ஆடுகள வடிவமைப்பாளர்களுக்கு ஐசிசி பிட்ச் ஆலோசகர் ஆன்டி அட்கின்சன் ஆலோசனை தெரிவித்தாக ஆங்கில ஊடகங்கள் செய்தி வெளியிட்டிருந்தன.

அதில் “ 2023 உலகக் கோப்பைத் தொடருக்காக ஆடுகளங்களை “பேட்டர் பிரண்ட்லி” அதாவது பேட்டர்களுக்கு சாதகமாக வடிவமையுங்கள். அதேநேரம் ஆடுகளம் வேகப்பந்துவீச்சுக்கு சாதகமாக இருக்கும் வகையில் புற்கள் இருக்கட்டும்.

உலகக் கோப்பை நடக்கும் நேரத்தில் வடக்கு, கிழக்கு, மேற்கு மாநிலங்களில் பனிப்பொழிவு இருக்கும். அந்தப் பனிப்பொழிவில் ஆடுகளம் பாதிக்கப்படக்கூடாது என்பதற்காகவே புற்கள் இருக்குமாறு பார்த்துக்கொள்ளுங்கள்.

பனிப்பொழிவு இருந்தால் சுழற்பந்துவீச்சாளர்கள் பெரிய தாக்கத்தை ஏற்படுத்துவார்கள். சுழற்பந்துவீச்சாளர்களை மட்டும் நம்பி இருக்க வேண்டாம் என்பதற்காகவே புற்களோடு சேர்ந்த ஆடுகளத்தை அமையுங்கள், நடுநிலையான ஆடுகளத்தை அமையுங்கள்” எனக் கேட்டுக்கொண்டதாக செய்திகள் வெளியானது.

 

பட மூலாதாரம்,GETTY IMAGES

சராசரி ரன் குவிப்பு

2011ம் ஆண்டு உலகக் கோப்பையில் ஒரு அணியின் சராசரி ரன் குவிப்பு 249 ஆக இருந்ததுதான் குறைந்தபட்சமாகும். 2015ம்ஆண்டு உலகக் கோப்பையில் சராசரி ரன் குவிப்பு 275 ஆகவும், 2019ம் ஆண்டில் ஒரு அணியின் சராசரி ரன் குவிப்பு 276 ஆகவும் இருந்தது. இந்த சராசரியைவிட அதிகமாக இருக்குமாறும், ரசிகர்கள் அதிக அளவு வர வேண்டும் என்பதற்காகவே இந்த உலகக் கோப்பையில் பேட்டர்களுக்குச் சாதகமாக ஆடுகளம் வடிவமைக்க ஐசிசி ஆலோசனைத் தெரிவித்ததாக செய்திகள் வெளியாகின.

ஐ.சி.சி. என்ன செய்கிறது?

உலகக் கோப்பை போன்ற சர்வதேச போட்டித் தொடர் நடக்கும் முன் ஆடுகளத்தை ஐசிசி சார்பில் ஒரு குழு பார்வையிட்டு பின்புதான் அந்த ஆடுகளம் போட்டிக்கு தயாராகும். அது டெஸ்ட், ஒருநாள், டி20 போட்டியாக இருந்தாலும் இதே நடைமுறைதான் இருக்கும்.

அது மட்டுமல்லாமல் போட்டித் தொடர் நடந்து முடிந்தபின் ஆடுகளம் குறித்து ஐசிசி மேட்ச் ரெப்ரி களத்தை மதிப்பிட்டு தரவரிசை அளிப்பார். அதில் ஆடுகளத்தின் சிறப்பு, குறைபாடுகள், செய்ய வேண்டிய திருத்தங்கள், எதிர்காலத்தில் எப்படி வடிவமைக்க வேண்டும் என்பதை குறிப்பிட்டு தரமதிப்பு வழங்குவார்.

ஒருவேளை ஆடுகளம் மோசமாக பராரிக்கப்பட்டு, தரமற்ற வகையில் இருந்தால், அது குறித்து தொடர்புடைய நாட்டின் கிரிக்கெட் வாரியத்திடம் கேள்வி எழுப்பப்பட்டு, ஐசிசியின் தர நிர்ணயத்துக்கும் குறைவாக ஆடுகளம் பராமரிக்கப்பட்டது, தயாரிக்கப்பட்டது என்று விளக்கம் கோரப்படும்.

 

பட மூலாதாரம்,GETTY IMAGES

6 விதமான ரேங்க்

ஒருவேளை ஆடுகளம் தரமற்றதாக இருந்து, விளையாடுவதற்கு தரமற்றதாக இருந்தால், மோசமான ஆடுகளம், விளையாடத் தகுதியற்றது என்று ஐசிசி சார்பில் அறிவிக்கப்படும்.

ஆடுகளத்தின் தரத்தை உறுதி செய்ய ஐசிசி சார்பில் 6 விதமான அளவுகோல்கள் வைக்கப்பட்டுள்ளன. “ வெரி குட், குட், ஆவரேஜ்(சராசரி), பிலோ ஆவரேஜ்(சராசரிக்கும் குறைவு), பூர்(மோசம்), அன்பிட்(தகுதியற்றது) என்று பிரிக்கப்படும்.

செயற்கை ஆடுகளங்கள்

இப்போதுள்ள நவீன தொழில்நுட்பம் வளர்ந்துள்ள காலத்தில், ஒருநாள் மற்றும் டி20 போட்டிகளில் ‘ஹைபிரிட் பிட்ச்சுகள்’ பயன்படுத்தப்படுகின்றன. இந்த ஆடுகளத்தை பயன்படுத்தும் முன் இரு அணிகளிடம் ஒப்புதல் பெறப்பட்டபின்புதான் பயன்படுத்தப்படும். இந்த ஹைபிரிட் பிட்சுகள் என்பது செயற்கை புற்கள்(ஃபைபர்) மூலம் தயாரிக்கப்பட்டவை.

ஆடுகளங்களின் வகைகள் பற்றி தெரியுமா?

கிரிக்கெட் விளையாட்டைப் பொறுத்தவரை அனைத்து நாடுகளிலும் ஒரே மாதிரியான ஆடுகளங்கள் பயன்படுத்தப்படுவதில்லை. ஒவ்வொரு நாட்டின் மண்ணுக்கு ஏற்ற ஆடுகளங்கள் வடிவமைக்கப்படுகின்றன.

‘கிரீன் டாப்’, ‘க்ரீன் பிட்ச்’, ‘க்ரீன் சீமர்’, ‘க்ளே பிட்ச்’, ‘டஸ்டி பிட்ச்’, ‘ஸ்டிக்கி விக்கெட்’ என ஆடுகளங்களின் வகைகள் பிரிக்கப்படுகின்றன.

இதில் அதிகமான புற்கள் வளர்ந்த அல்லது ஈரப்பதம் மிகுந்த ஆடுகளங்கள் க்ரீன் டாப், க்ரீன் பிட்ச், அல்லது க்ரீன் சீமர் என்று பிரிக்கபப்டும். இந்த வகை ஆடுகளங்கள் பேட்டர்களைவிட பந்துவீச்சாளர்களுக்கு அதிகம் ஒத்துழைக்கும். புற்கள் ஆடுகளத்தில் இருப்பதால், பந்தை நன்றாக ஸ்விங்செய்ய முடியும். இதுபோன்ற ஆடுகளங்கள் ஆஸ்திரேலியா, தென் ஆப்பிரிக்கா, நியூசிலாந்தில் அதிகம் இருக்கும், கிளப் போட்டிகள், கவுன்டி போட்டிகளில் அதிகம் பயன்படுத்தப்படும்.

ஸ்டிக்கி விக்கெட்(விக்கெட் என்றால் ஆடுகளம்) என்பது சற்று ஈரப்பதத்துடன், சிறிது நேரத்தில் காயும் விதத்தில் இருக்கும். சூரிய ஒளிஆடுகளத்தில் பட்டதும் ஆடுகளத்தின் தன்மை மாறி, சுழற்பந்துவீச்சாளர்களுக்கும், ஸ்லோ பவுலர்களுக்கும் ஒத்துழைக்கும்.

‘டஸ்டி பிட்ச்’ என்பது, ஈரப்பதம் இல்லாமல் வறண்ட தன்மையுடன் இருக்கும், இந்த வகை ஆடுகளங்களில் சுழற்பந்துவீச்சு நன்றாக எடுபடும். இந்தியாவில் நடக்கும் டெஸ்ட் போட்டிகளில் பெரும்பாலும் இதுபோன்ற ஆடுகளங்கள்தான் பயன்படுத்தப்படும். முதலிரு நாட்கள் பேட்டர்களுக்கும், அடுத்தடுத்த நாட்களில் சுழற்பந்துவீச்சாளர்கள் கை ஒங்கியிருக்குமாறு வடிவமைக்கப்படும்.

ஆனால், நவீன கால கிரிக்கெட்டில் ஆடுகளங்கள் மழை மற்றும் பனிப்பொழிவிலிருந்து பாதுகாக்கப்படுகிறது. இதுபோன்ற ஸ்டிக்கி பிட்சுகள் பெரும்பாலும் முதல்தரக் கிரிக்கெட்டில்கூட வருவதில்லை.

 

பட மூலாதாரம்,GETTY IMAGES

கேப்டனால் என்ன செய்ய முடியும்?

ஒரு போட்டியின் போது பேட்டிங் செய்யும் அணியின் கேப்டன் கேட்டுக்கொண்டால், ஆடுகளத்தில் ரோலர் பயன்படுத்தி அழுத்தம் கொடுக்க முடியும். ஒவ்வொரு இன்னிங்ஸ் தொடங்குவதற்கு முன்பும் இந்த ரோலர் பயன்பாடு என்பது 7 நிமிடங்களுக்குள் மட்டுமே இருக்க வேண்டும். டாஸ் முடிவு அறிந்தபின் போட்டி தொடங்க தாமதம் ஆனாலும், பேட்டிங் செய்யும் அணியின் கேப்டன் கேட்டுக்கொண்டால் ஆடுகளத்தில் 7 நிமிடங்களுக்கு மிகாமல் ரோலர் மூலம் அழுத்தம் தரலாம். ஆனால் போட்டி தொடங்கிவிட்டால், ரோலர் மூலம் ஆடுகளத்தில் அழுத்தம் தர முடியாது.

ஒரு ரோலருக்கு மேல் இருக்கும்பட்சத்தில் இரு ரோலர்களையும் பயன்படுத்தி ஆடுகளத்தில் அழுத்தம் கொடுக்கலாமா என்பதை பேட்டிங் செய்யும் கேப்டன் முடிவு செய்வார்.

ஆடுகளத்தில் ரோலர் பயன்படுத்துவது என்பது போட்டியின் முடிவில் தாக்கத்தை ஏற்படுத்தக்கூடியது. ஆடுகளத்தில் ரோலர் பயன்படுத்துவது சில நேரங்களில் பேட்டிங் செய்யும் அணிக்கும், சில நேரங்களில் பந்துவீசும் அணிக்கும் பலன் அளிக்கலாம்.

இதில் அதிக அழுத்தம் தரும் ரோலர்கள்(ஹெவி ரோலர்) பயன்படுத்தும் முறை முன்பு இருந்து, ஆனால் அது தடை செய்யப்பட்டுவிட்டது. இந்த ஹெவி ரோலர்கள் மூலம் ஆடுகளத்தில் அழுத்தம் கொடுத்தால் தட்டையாக மாறிவிடும், இதனால் டெஸ்ட் போட்டிகளில் முடிவு கிடைக்காமல் டிரா ஆவதற்கு வாய்ப்பு அதிகம், பேட்டர்களுக்கு சாதகமாக மாறிவிடும்.

பட மூலாதாரம்,GETTY IMAGES

ஆடுகளத்தின் தன்மை மாறுபடுமா

இந்தியாவில் பல்வேறு மாநிலங்களில் உள்ள ஆடுகளங்களும் ஒவ்வொரு விதமான தன்மையை வெளிப்படுத்துபவை. சென்னை, லக்னோ ஆடுகளங்களில் களிமண் பயன்படுத்தப்பட்டுள்ளது. கொல்கத்தா, மும்பையில் ஆடுகளங்கள் வேறு மாதிரியாக இருக்கும். அந்தந்த மாநிலங்களில் இருக்கும் இயற்கையான மண்ணுக்கு ஏற்ப ஆடுகளம் எதிர்வினையாற்றும்.

ஆடுகளத்தின் தன்மையை வைத்துதான் ஓர் அணியில் ப்ளேயிங் லெவன் வீரர்களையே தேர்ந்தெடுக்க முடியும். கடும் வெப்பமாக, ஆடுகளம் காய்ந்த தன்மையுடன், வறண்டதாக இருந்தால் பேட்டர்களுக்கு சாதகமாக இருக்கும், சுழற்பந்துவீச்சாளர்களை அதிகமாகச் சேர்க்கலாம்.

இதேபோல் ஒவ்வொரு மண்டலத்தில் இருக்கும் ஆடுகளங்களின் தன்மைக்கு ஏற்ப பேட்டர்கள் மற்றும் பந்துவீச்சாளர்களின் ஆதிக்கம் மேலோங்கி இருக்கும். ஆடுகளத்தின் தன்மை மாறுவதற்கு ஏற்ப போட்டியின் முடிவுகளும் மாறக்கூடும்.

மோசமான ஆடுகளம் பற்றி ஐசிசி என்ன சொல்கிறது?

ஒரு ஆடுகளம் மோசமான ஆடுகளம் என்று ஐசிசி முத்திரை குத்துவதற்கு முக்கிய அளவு கோலை வைத்துள்ளது. அதில் முக்கியமானது அந்த ஆடுகளம் பந்துவீச்சாளர்கள், பேட்டர்களுக்கு சமமான போட்டியை உருவாக்குவதாக இருக்க வேண்டும். அவ்வாறு பந்துவீச்சாளர்கள், பேட்டர்களுக்கு சமமான போட்டியை உருவாக்கவில்லை என்றால் அது மோசமான ஆடுகளமாகும்.

அதாவது ஆடுகளம் பேட்டர்களுக்கு அதிகளவு ஒத்துழைத்து, பந்துவீச்சாளர்கள் பந்துவீச்சு எடுபடாமல், விக்கெட் வீழ்த்த முடியாமல் சிரமப்பட்டால் அல்லது பந்துவீச்சாளர்களுக்கு அதிகமாக ஒத்துழைத்து, பேட்டர்கள் ரன்கள் சேர்க்க முடியாத வகையில் கடினமாக இருந்தால், அந்த வகை ஆடுகளம் மோசமானது என்று ஐசிசி வரையரை செய்துள்ளது.

அதுபோல, ஒரு ஆடுகளம் சுழற்பந்துவீச்சுக்கு அதிகமாக ஒத்துழைத்தாலும், சுழற்பந்துவீச்சை ஆடமுடியாத வகையில் பேட்டர்களுக்கு கடினமாக இருந்தாலும் அந்த வகை ஆடுகளம் மோசமானது என்று ஐசிசி அறிவித்துள்ளது.

 

பட மூலாதாரம்,GETTY IMAGES

ஆடுகளத்தை சார்பாக வடிவமைக்கலாமா?

ஆடுகளத்தை ஒரு அணிக்கு சார்பாக மாற்ற முடியுமா என்பது குறித்து பிசிசிஐ ஆடுகள மேற்பார்வையாளர் சமந்தர் சிங் சவுகான் ஆங்கில நாளேட்டுக்கு அளித்த பேட்டியில் “ என்ன மாதிரியான போட்டி நடக்கப்போகிறது அதாவது டி20, ஒருநாள், டெஸ்ட் போட்டியைப் பொறுத்து ஆடுகளம் தயார் செய்யலாம். டி20 போட்டிகளுக்கு ஆடுகளம் பேட்டர்களுக்கு சாதகமாக வடிவமைப்போம், மற்ற போட்டிகளுக்கு பிசிசிஐ அறிவுரைப்படி செயல்படுவோம்.

ஒரு மேற்பார்வையாளர் தங்களுடைய அணியின் பலம் என்னவென்று தெரிந்திருத்தல் அவசியம். ஆஸ்திரேலியாவில் ஆடுகளங்கள் வேகப்பந்துவீச்சுக்கு சாதகமாக இருக்கும். அங்கு ஆடுகளத்தில் 8 முதல்10 செ.மீ வரை புற்கள் வளர்ந்திருக்கும். இந்தியாவில் சுழற்பந்துவீச்சுக்கு ஏற்றார்போல் ஆடுகளம் மாற்றப்படும்.

ஆடுகளம் அமைக்க பயன்படுத்தப்படும் கறுப்பு, சிவப்பு மண் தாக்கத்தை ஏற்படுத்தும். களி மண், மணல் எவ்வாறு கலக்கிறோம் என்பதைப் பொறுத்து ஆடுகளம் தன்மை மாறுபடும். அதிகளவு களி மண், குறைவாக மண் சேர்க்கப்பட்டிருந்தால் பந்து நன்றாக பவுன்ஸ்ஆகும், ஆஸ்திரேலியாவில் இதுபோன்ற ஆடுகளங்கள் அதிகம். ஆனால், சிவப்பு நிற மண்ணில் அதிக மணல் சேர்க்கப்படும்போது ஆடுகளம் விரைவாக உலர்ந்து, தூசி எழும்பும். அப்போது வேகப்பந்துவீச்சுக்கு ஒத்துழைக்காமல், சுழற்பந்துவீச்சுக்கு ஒத்துழைக்கும்.” என்று தெரிவித்தார்.

"ஒரு சார்பாக ஆடுகளத்தை வடிவமைக்கலாம்"

ஆடுகளத்தை ஒரு சார்பாக வடிவமைக்கலாமா என்பது குறித்து விளையாட்டுத்துறையின் மூத்த பத்திரிகையாளர் ஆர் முத்துக்குமார் பிபிசி செய்திகளுக்கு அளித்த பேட்டியில் “ ஆடுகளத்தை ஒரு அணிக்கு சார்பாக வடிவமைக்க முடியும். உதாரணமாக கடந்த 1997-98 ஆஸ்திரேலிய டெஸ்ட் சீரிஸில் சென்னையில் நடந்த ஆட்டத்தில் இந்திய அணியில் சச்சின் டெண்டுல்கர் 155 ரன்கள் சேர்த்து அணியை வெல்ல வைத்தார்.

அந்த ஆடுகளம் ஆஸ்திரேலியாவின் ஷேன் வார்னுக்கு சாதகமாக இருக்கக்கூடாது என்பதற்காக அவர் பந்துவீசும் அரவுண்ட் ஸ்டிக் பகுதியிலிருந்து பேட்டர்களின் இடது கால்பகுதியில் பந்து பிட்ச் ஆகும் இடத்தை ஈரப்பதத்துடன் பார்த்துக் கொண்டார்கள். ஈரப்பதம் அதிகமாக இருந்தால், பந்து டர்ன் ஆகாது, சுழற்பந்துவீச்சுக்கு ஒத்துழைக்காது என்பதால் இவ்வாறு ஆடுகளம் மாற்றப்பட்டதாக குற்றச்சாட்டு எழுந்தது.

சமீபத்தில் 2021ம் ஆண்டில் இங்கிலாந்து –இந்தியா இடையிலான டெஸ்ட் தொடரில்கூட அகமதாபாத்தில் நடந்த டெஸ்ட் போட்டிகள் நடந்த ஆடுகளங்கள் அனைத்தும் இந்திய அணிக்குச் சார்பாக சுழற்பந்துவீச்சுக்கு மட்டும் ஒத்துழைக்கும் வகையில் அமைக்கப்பட்டதாக குற்றச்சாட்டு எழுந்தது. அக்ஸர் படேல், அஸ்வின் மட்டுமே விக்கெட்டுகளை அள்ளினர். ஆக ஆடுகளத்தை ஒரு அணிக்கு சார்பாக மாற்ற முடியும்” எனத் தெரிவித்தார்.

"ஒவ்வொரு மண்ணுக்கும் தன்மை மாறுபடும்"

இந்தியாவில் உள்ள ஆடுகளங்கள் தன்மை குறித்து முத்துக்குமார் பேசுகையில் “ இந்தியாவில் ஒவ்வொரு மைதானத்துக்கும் ஒரு தன்மை இருக்கிறது. களிமண் ஆடுகளம், செம்மண் ஆடுகளம் என வகைகள் இருக்கிறது. ஆடுகளங்கள், அந்தந்த மண்ணின் தன்மைக்கு ஏற்றார்போல், ஒரு அணியின் சுழற்பந்துவீச்சுக்கு சாதகமாக, பேட்டிங்கிற்கு சாதகமாக, வேகப்பந்துவீச்சுக்கு சாதகமாகக்கூட மாற்றலாம். ஆடுகளத்தை வறண்ட தன்மையுடன் பராமரித்தால் சுழற்பந்துவீச்சுக்கு ஒத்துழைக்கும், ஆடுகளத்தை ஈரப்பதத்துடன் வைத்திருந்தால் பந்து மெதுவாக வரும், புற்கள் வைத்திருந்தால் வேகப்பந்துவீச்சுக்கும், ஸ்விங் செய்யவும் ஏதுவாக இருக்கும்.

ஆகவே ஒரு அணியின் வலிமையைப் பொறுத்து ஆடுகளத்தை எப்படி வேண்டுமானாலும் மாற்றலாம். ஐசிசி சார்பில் ஆடுகள மேற்பார்வையாளர்கள் வந்து ஆடுகளத்தை பரிசோதித்தால் ஆடுகளத்தை நடுநிலையுடன் பராமரிக்கலாம். ஆனால், உலகக் கோப்பையில் இது நடக்கிறதா எனத் தெரியவில்லை”எனத் தெரிவித்தார்.

 

படக்குறிப்பு,

முத்துக்குமார், விளையாட்டுத்துறையின் மூத்த பத்திரிகையாளர்

"இந்திய அணியை குறைத்து மதிப்பிடக் கூடாது"

இந்திய அணிக்கு சாதகமாக ஆடுகளங்கள் மாற்ற முடியுமா என்பது குறித்து முத்துக்குமார் பேசுகையில் “ ஒரு குறிப்பிட்ட அணிக்குச் சாதகமாக ஆடுகளத்தை மாற்றி அமைக்க முடியும். ஆனால், உலகக் கோப்பையில் இந்திய அணி பெற்ற வெற்றியை ஆடுகளத்தின் சார்போடு தொடர்புபடுத்தக்கூடாது.

ஆடுகளத்தை இந்திய அணிக்குச் சாதகமாக உருவாக்கப்படுகிறது என்ற வாதத்தை வைத்து இந்திய அணியின் ஒட்டுமொத்த திறமையை குறைத்து மதிப்பிடக் கூடாது. இப்போதுள்ள இந்திய அணி வேகப்பந்துவீச்சுக்கு சாதகமான ஆஸ்திரேலிய, நியூசிலாந்து ஆடுகளங்களில் கூட சிறப்பாக ஆடக்கூடியது. எந்த அணியையும் வீழ்த்தக்கூடிய வலிமையுடையது. ஆதலால், ஆடுகளத்தின் தன்மையை இந்திய அணியின் வெற்றியோடு நான் தொடர்புபடுத்தவில்லை.

ஆடுகளத்தை ஒரு அணிக்குச் சாதகமாக உருவாக்கலாம் என்ற வாதம் வேறு, இந்திய அணி தற்போது 9 வெற்றிகளுடன் அரையிறுதிக்கு சென்றுள்ள வாதம் வேறு” எனத் தெரிவித்தார்.

https://www.bbc.com/tamil/articles/cw42nv79z42o

[ஏராளன்]

1st Semi-Final (D/N), Wankhede, November 15, 2023, ICC Cricket World Cup

 

India                   (31/50 ov) 221/1

New Zealand

India chose to bat.

Current RR: 7.12   • Last 5 ov (RR): 40/0 (8.00)

Live Forecast:IND 369

[வீரப் பையன்26]

14 hours ago, vasee said:

இந்த தொடரின் முடிந்த போட்டிகளினடிப்படையில் நியுசிலாந்திற்கான வெற்றி வாய்ப்பு 17%, இந்தியாவிற்கான வெற்றி வாய்ப்பு 83% இருப்பதாகவே கூறுகிறார்கள் அதனை மறுக்கவில்லை.

அதனாலேயே அனைவரும் இந்தியா இலகுவாக நியுசிலாந்தினை வென்றுவிடும் என கூறுகிறார்கள்.

ஆனால் நியுசிலாந்தினை வழிநடத்தும் வில்லியம்சனின் அமைதியான சுபாவமும் அவரது களத்தடுப்பு வியூகம் (சந்தர்ப்பத்திற்கேற்றவாறு) நியுசிலாந்து முண்ணனியில் இருப்பதாகவே கருதுகிறேன்.

மறுவளமாக இந்திய அணி தலைவர் வெளியே அமைதியாக இருப்பதாக காட்டி கொண்டாலும் அவரது உணர்வுகள் அவரை இவ்வாறான முக்கிய போட்டிக:ளில் வென்றுவிடும்.

மைதானத்தில் ஈரப்பதன் இருக்கும் என கூறுகிறார்கள்(முன்னர் மைதான இரப்பதன் இருப்பதற்கான வாய்ப்பு இல்லை என தவறாக கூறிவிட்டேன்) இந்த மைதானத்தில் 320 ஓட்டங்களை முதலில் துடுப்பெடுத்தாடி நியூசிலாந்து எடுத்து விட்டால் உறுதியாக நியுசிலாந்தினால் அந்த ஓட்டத்தினை வைத்து வெற்றி பெற்றுவிடலாம்.

நாணய சுழற்சியில் வெற்றி பெறுவது நியுசிலாந்திற்கு மிக முக்கியம் போட்டியினை வெல்வதற்கு, மறுவளமாக இந்தியா நாணய சுழற்சியில் வெற்றி பெற்றாலும் மகிழ்ச்சியே ஏனெனில் இந்தியா வெற்றி பெற்றுவிடும், அதற்கான அனைத்து தகுதியும் உள்ள ஒரே அணி இந்திய அணி.

இறுதி ஓவர்களில் பந்து ஈரமானால் பந்து வீசுவது கடினமாகிவிடும் அத்துடன் ஆரம்பத்தில் வேகப்பந்து வீச்சிற்கு மின்விளக்கு வெளிச்சத்தில் கை கொடுக்கும் முதல் 15 ஓவர்களை கடந்துவிட்டால் நியுசிலாந்து அணி பல இடது கை ஆட்டக்காரர்கலை கொண்ட அணி! குல்தீப், ஜடேயா ஆகிய இரண்டு இடது கை சுழற்பந்து வீரர்களும் தலா 10 ஓவர்கள் வீசியே ஆகவேண்டும் (5 பந்து வீச்சாளர்கள் கொண்ட அணியாக இந்திய அணியுள்ளது பாண்டியா இல்லாத இந்திய அணி பந்து வீச்சில் சிறிது பின்னடைவு) மொத்தமாக 20 ஓவர், இவர்களை நியுசிலாந்து அணி குறிவைக்கும் (வலது கை சுழற்பந்துவீச்சாளரான அஸ்வினை அணியில் இணைக்கமாட்டார்கள் எனவே கூறப்படுகிறது) இதனால் இரண்டாவதாக நியுசிலாந்து துடுப்பெடுத்தாடினாலும் சிலவேளை நியுசிலாந்து வெல்ல வாய்ப்புண்டு.

இலங்கையுடன் விளையாடிய இறுதிப்போட்டியில் நியுசிலாந்து பந்து வீச்சாளர்கள் சிறப்பாக வீசினார்கள் குறிப்பாக ரென்ட் போல்ட், சரியான நேரத்தில் நியுசிலாந்து அணி தனது பந்து வீச்சினை பலப்படுத்தியுள்ளது. நியுசிலாந்தின் களத்தடுப்புதான் தற்போது மிக மோசமாக உள்ளது அத்துடன் அணியின் நடுப்பகுதில் ஆடுபவர்கள் சரியாக ஆடவில்லை, இந்த ஆட்டத்தில்  நீசம், பில்ப்ஸ், சாப்மன் மூவரும் சிறப்பாக விளையாடினால் இறுதி ஓவர்களில் மிக பெரிய அளவில் ஓட்டங்களை குவிப்பார்கள்(அவர்கள் மூவரும் அவ்வகையான ஆட்டக்காரர்களே), ஒரு வேளை நியுசிலாந்து இரண்டாவதாக துடுப்பெடுத்தாட நேரிட்டால் ஆரம்ப 15 ஓவர்களுக்கு விக்கட் இழப்பின்றி குறைந்த ஓட்டங்கள் குவித்தால் இந்த நடுப்பகுதி வீரர்களின் அடித்தாடும் ஆட்டம் கை கொடுக்கும்.

முக்கியமாக சிறந்த இந்தியணியின் பந்துவீச்சினை எவ்வாறு நியுசிலாந்து எதிர்கொள்ளப்போகிறது என்பது முக்கியம் இந்தியணியுடன் தர்மசாலாவில் விளையாடிய போது ஓரளவு சுமாராகவே விளையாடியுள்ளார்கள், அந்த அணியில் வில்லியம்சன் இடம்பெறவில்லை என கருதுகிறேன்.

நேற்று சொன்ன‌து போல்
நியுசில்லாந்தை சிம்பிலா ம‌ட‌க்க‌ போகுது 
ரோகித் ச‌ர்மா அவுட் ஆன‌தும் கோலி வ‌ந்த‌ உட‌னே அடிச்சு ஆடி ச‌த‌த்தையும் அடிச்சு விட்டார்......... போர‌ போக்கை பார்த்தால் 380 ர‌ன்ஸ்ச‌ தாண்டுவின‌ம் போல் இருக்கு..........நீங்க‌ள் சொன்ன‌ நொயுசிலாந் வேக‌ ப‌ந்து வீச்சாள‌ரின் ப‌ந்துக்கு தொட‌க்க‌ம் முத‌லே அடிச்சு ஆட‌ தொட‌ங்கிட்டின‌ம்

அவ‌ரின் ப‌ந்து வீச்சு இன்று எடுப‌ட‌ வில்லை............உந்த‌ பெரிய‌ ஸ்கோரை நியுலாந் வீர‌ர்க‌ளால் அடிச்சு ஆடி வெல்ல‌ முடியாது ச‌கோ

[ஏராளன்]

ரோகித், கோலி புதிய சாதனை - நியூசிலாந்துக்கு எதிராக இந்தியா அதிரடி தொடக்கம்

பட மூலாதாரம்,GETTY IMAGES

15 நவம்பர் 2023, 10:37 GMT

புதுப்பிக்கப்பட்டது 36 நிமிடங்களுக்கு முன்னர்

உலகக்கோப்பை அரையிறுதி ஆட்டத்தில இந்திய அணி் நியூசிலாந்துடன் பலப்பரீட்சை நடத்தி வருகின்றன. முதலில் பேட் செய்து வரும் இந்திய அணி அதிரடியாக ரன்களை குவித்து வருகிறது. கேப்டன் ரோகித் சர்மா புதிய சாதனை ஒன்றை படைத்துள்ளார். மைதானத்தில் குவிந்துள்ள பல ஆயிரம் ரசிகர்கள் இந்திய வீரர்களை உற்சாகப்படுத்தி ஆரவாரம் செய்து வருகின்றனர்.

இந்தியா டாஸ் வென்று முதல் பேட்டிங்

இந்தியாவில் கடந்த ஒன்றரை மாதங்களாக நடைபெறும் உலகக்கோப்பை கிரிக்கெட் தொடர் இறுதிக்கட்டத்தை எட்டிவிட்டது. மும்பை வான்கடே மைதானத்தில் நடைபெறும் முதல் அரையிறுதி ஆட்டத்தில் இந்தியா - நியூசிலாந்து அணிகள் மோதுகின்றன.

டாஸ் வென்ற இந்திய அணி முதல் பேட்டிங் செய்து வருகிறது. கேப்டன் ரோகித் சர்மா - சுப்மான் கில் ஜோடி அதிரடி தொடக்கம் தந்தது. குறிப்பாக, கேப்டன் ரோகித் சர்மாவின் ஆட்டத்தில் அனல் பறந்தது. பவுண்டரி, சிக்சர்களை அநாயசமாக அவர் விளாசினார்.

கெயில் சாதனையை தகர்த்த ரோகித்

டிரன்ட் போல்ட் வீசிய 5வது ஓவரில் சிக்ஸர் விளாசியதன் மூலம் ஒட்டுமொத்த உலகக்கோப்பைத் தொடர்களில் 50 சிக்ஸர்களை எட்டி அவர் எட்டினார். இதன் மூலம் உலகக்கோப்பையில் அதிக சிக்சர்களை விளாசியவர் என்ற கிறிஸ் கெயிலின் சாதனையை ரோகித் சர்மா முறியடித்தார். கிறிஸ் கெயில் 49 சிக்சர்களுடன் இதுவரை முதலிடத்தில் இருந்தார். உலகக்கோப்பைத் தொடரில் 27 இன்னிங்ஸ்களில் இந்த சாதனையை ரோகித் சர்மா எட்டியுள்ளார். 3வது இடத்தில் உள்ள மேக்ஸ்வெல்(43), டி வில்லியர்ஸ், டேவிட் வார்னர்(37) சிக்ஸர்கள் அடித்துள்ளனர்.

 

பட மூலாதாரம்,GETTY IMAGES

ரோகித் அவுட், கோலி - கில் அபாரம்

தொடக்கம் முதலே அதிரடியாக விளையாடி வந்த கேப்டன் ரோகித் சர்மா அரைசதத்தை நெருங்கிய நிலையில் அவுட்டாகி ரசிகர்களுக்கு ஏமாற்றம் அளித்தார். டிம் சவுத்தீ பந்துவீச்சில் கேன் வில்லியம்சனிடம் கேட்ச் கொடுத்து வெளியேறிய அவர் 29 பந்துகளில் 47 ரன்கள் சேர்த்தார். அதில் 4 பவுண்டரிகளும், 4 சிக்சர்களும் அடக்கம்.

ரோகித் அவுட்டைத் தொடர்ந்து நட்சத்திர வீரர் விராட் கோலி ரசிகர்களின் பலத்த கரகோஷங்களுக்கு இடையே உள்ளே வந்தார். ஒருமுனையில் கோலி நிதானமாக ஆட, மறுமுனையில் மற்றொரு தொடக்க வீரரும், ஐ.சி.சி. ஒருநாள் தரவரிசையில் முதலிடத்தில் இருப்பவருமான சுப்மான் கில் அதிரடிக்கு மாறினார்.

நியூசிலாந்து அணியின் வேகப் பந்துவீச்சிலும், சுழற்பந்துவீச்சிலும் அவர் சிக்சர்களை விரட்டினார். அபாரமாக ஆடிய அவர் 41 பந்துகளில் அரைசதம் கடந்தார். ரோகித் களத்தில் இருந்தவரை நிதானம் காட்டிய கில், அவர் அவுட்டான பின்னர் அதிரடிக்கு மாறினார். அரைசதத்தில் கடைசி 39 ரன்களை 27 பந்துகளில் அவர் எடுத்தார்.

பட மூலாதாரம்,GETTY IMAGES

சுப்மான் கில் தசைப்பிடிப்பால் வெளியேற்றம்

அரைசதம் கடந்த பின்னரும் நியூசிலாந்து பந்துவீச்சாளர்களுக்கு சிம்மசொப்பனமாக திகழ்ந்த சுப்மான் கில் பந்துகளை அடிக்கடி பவுண்டரி எல்லைக்கு விரட்டியபடி இருந்தார். இதனால் இந்திய அணியின் ரன் ரேட் 6-க்கும் அதிகமாகவே தொடர்ந்து இருந்து வந்தது.

கில் அதிரடி காட்டியதால் மறுமுனையில், நட்சத்திர வீரர் விராட் கோலி ரன் ரேட் பற்றிய நெருக்கடி ஏதும் இன்றி களத்தில் காலூன்ற போதிய அவகாசம் எடுத்துக் கொள்ள முடிந்தது. இந்த ஜோடி 100 ரன்களை கடந்த நிலையில், எதிர்பாராத விதமாக தசைப்பிடிப்பால் சுப்மான் கில் களத்தை விட்டு வெளியேற வேண்டிய நிலை ஏற்பட்டது. அவர் 65 பந்துகளில் 3 சிக்சர் 8 பவுண்டரிகளுடன் 79 ரன்களை சேர்த்திருந்தார். அப்போது இந்திய அணி 22.2 ஓவர்களில் ஒரு விக்கெட் இழப்பிற்கு 164 ரன்கள் எடுத்திருந்தது.

 

பட மூலாதாரம்,GETTY IMAGES

கில் வெளியேறிய பிறகு ஸ்ரேயாஸ் களமிறங்கி, கோலியுடன் ஜோடி சேர்ந்து ஆடி வருகிறார். இருவரின் சிறப்பான ஆட்டத்தால் 28-வது ஓவரில் இந்திய அணி 200 ரன்களை எட்டியது.

சுயநலம் கருதாத ரோகித் சர்மா

ரோகித் சர்மா இந்த உலகக் கோப்பைத் தொடரில் 550 ரன்கள் குவித்துள்ளார். இதில் 226 ரன்கள் கடந்த 10 போட்டிகளில் முதல் 20 பந்துகளில் சேர்க்கப்பட்டவை. அரைசதம் அடிக்க வேண்டும் என்ற சுயநலத்துடன் ஆடாத ரோஹித் சர்மா, அணியின் ஸ்கோர் உயர்வுக்காக மட்டுமே கவனம் செலுத்தி பேட் செய்துள்ளார்.

இதனால்தான், இந்த உலக் கோப்பைத் தொடரில் 4 முறை 40ரன்களுக்கு மேல் ரோகித் சர்மா ஆட்டமிழந்துள்ளார். இந்த உலகக் கோப்பைத் தொடரில் மட்டும் ரோகித் சர்மா 40க்கும் அதிகமான ரன்களை பவர்ப்ளே ஓவரில் 5 முறை விளாசியுள்ளார். இதில் ரோகித்தின் ஸ்ட்ரைக் ரேட் 120க்கும் அதிகமாகும். 1999ம் ஆண்டு உலகக் கோப்பையில் பிரன்டம் மெக்கலம் மட்டுமே முதல் 10 ஓவர்களில் அதிரடி ஆட்டத்தை வெளிப்படுத்தினார், 2015ம் ஆண்டிலிருந்து மெக்கலம் ஃபார்முலாவை பல நாட்டு பேட்டர்களும் பின்பற்றத் தொடங்கினர்.

சச்சின் கண் முன்னே அவரது சாதனைகளை தகர்த்த கோலி

ரவீந்திரா வீசிய 14-வது ஓவரில் விராட் கோலி பவுண்டரி அடித்தபோது புதிய மைல்கல்லை எட்டினார். 2023 உலகக் கோப்பைத் தொடரில் 600 ரன்களை எட்டிய 3வது இந்திய பேட்டர் என்ற பெருமையை விராட் கோலி பெற்றார்.

ரவீந்திரா வீசிய 27-வது ஓவரில் ஸ்ரேயாஸ் ஒரு சிக்ஸரும், பவுண்டரியும் விளாசினார். அந்த ஓவரின் கடைசிப்பந்தில் கோலி ஒரு ரன் எடுத்து 72-வது அரைசதத்தை கோலி நிறைவு செய்தார். உலகக் கோப்பை நாக்அவுட் அவுட் சுற்றில் கோலி அடித்த முதல் அரைசதமாகும்.

விராட் கோலி இந்த உலகக் கோப்பைத் தொடரில் ஒரு ரன், 2 ரன்கள், 3 ரன்கள் என ஓடியே 370 ரன்கள் சேர்த்துள்ளார். இவருக்கு அடுத்தாற்போல் ரச்சின் ரவீந்திரா 255 ரன்கள் ஓடியே சேர்த்துள்ளார். இந்த உலகக் கோப்பைத் தொடரில் கோலி 10 போட்டிகளில் 8-வது முறையாக 50க்கும் மேற்பட்ட ரன்களைக் குவித்துள்ளார்.

ஒரு உலகக் கோப்பையில் அதிகபட்ச ரன்கள் சேர்த்த இந்தியபேட்டர்கள் வரிசையில் சச்சின் டெண்டுல்கரின் 673 ரன்கள் சாதனையை விராட் கோலி முறியடித்தார்.

அபாரமாக ஆடிய விராட் கோலி 106 பந்துகளில் 50-வது சதத்தை பதிவு செய்து சச்சினின் சாதனையை முறியடித்தார். ஒருநாள் போட்டிகளில் சச்சின் 49-வது சதம் அடித்திருந்த நிலையில் அதை விராட் கோலி முறியடித்து 50-வது சதத்தை எட்டினார். சதம் அடித்தவுடன் ஆர்ப்பரித்த கோலி, தனது ஹெல்மெட்டை கழற்றி அரங்கில் இருந்த சச்சின் டெண்டுல்கருக்கு தலைவணங்கி வணக்கம் செலுத்தினார்.

பட மூலாதாரம்,GETTY IMAGES

இது நடக்குமா?

இந்திய அணி ஒருநாள் போட்டிகளில் முதல் 10 ஓவர்களில் 60 அல்லது அதற்கு மேற்பட்ட ரன்களைச் சேர்த்த போட்டிகளில் எல்லாம் இந்திய அணியின் வெற்றி சதவீதம் 91 ஆகஇருந்துள்ளது. 2022 முதல் 22 ஒருநாள் போட்டிகளில் ஆடி, 20 போட்டிகளில் இந்திய அணி முதல் 10ஓவர்களில் 60 ரன்களுக்கு மேல் சேர்த்து வெற்றி பெற்றுள்ளது.

https://www.bbc.com/tamil/articles/c51egyyee72o

[வீரப் பையன்26]

14 hours ago, vasee said:

இந்த தொடரின் முடிந்த போட்டிகளினடிப்படையில் நியுசிலாந்திற்கான வெற்றி வாய்ப்பு 17%, இந்தியாவிற்கான வெற்றி வாய்ப்பு 83% இருப்பதாகவே கூறுகிறார்கள் அதனை மறுக்கவில்லை.

அதனாலேயே அனைவரும் இந்தியா இலகுவாக நியுசிலாந்தினை வென்றுவிடும் என கூறுகிறார்கள்.

ஆனால் நியுசிலாந்தினை வழிநடத்தும் வில்லியம்சனின் அமைதியான சுபாவமும் அவரது களத்தடுப்பு வியூகம் (சந்தர்ப்பத்திற்கேற்றவாறு) நியுசிலாந்து முண்ணனியில் இருப்பதாகவே கருதுகிறேன்.

மறுவளமாக இந்திய அணி தலைவர் வெளியே அமைதியாக இருப்பதாக காட்டி கொண்டாலும் அவரது உணர்வுகள் அவரை இவ்வாறான முக்கிய போட்டிக:ளில் வென்றுவிடும்.

மைதானத்தில் ஈரப்பதன் இருக்கும் என கூறுகிறார்கள்(முன்னர் மைதான இரப்பதன் இருப்பதற்கான வாய்ப்பு இல்லை என தவறாக கூறிவிட்டேன்) இந்த மைதானத்தில் 320 ஓட்டங்களை முதலில் துடுப்பெடுத்தாடி நியூசிலாந்து எடுத்து விட்டால் உறுதியாக நியுசிலாந்தினால் அந்த ஓட்டத்தினை வைத்து வெற்றி பெற்றுவிடலாம்.

நாணய சுழற்சியில் வெற்றி பெறுவது நியுசிலாந்திற்கு மிக முக்கியம் போட்டியினை வெல்வதற்கு, மறுவளமாக இந்தியா நாணய சுழற்சியில் வெற்றி பெற்றாலும் மகிழ்ச்சியே ஏனெனில் இந்தியா வெற்றி பெற்றுவிடும், அதற்கான அனைத்து தகுதியும் உள்ள ஒரே அணி இந்திய அணி.

இறுதி ஓவர்களில் பந்து ஈரமானால் பந்து வீசுவது கடினமாகிவிடும் அத்துடன் ஆரம்பத்தில் வேகப்பந்து வீச்சிற்கு மின்விளக்கு வெளிச்சத்தில் கை கொடுக்கும் முதல் 15 ஓவர்களை கடந்துவிட்டால் நியுசிலாந்து அணி பல இடது கை ஆட்டக்காரர்கலை கொண்ட அணி! குல்தீப், ஜடேயா ஆகிய இரண்டு இடது கை சுழற்பந்து வீரர்களும் தலா 10 ஓவர்கள் வீசியே ஆகவேண்டும் (5 பந்து வீச்சாளர்கள் கொண்ட அணியாக இந்திய அணியுள்ளது பாண்டியா இல்லாத இந்திய அணி பந்து வீச்சில் சிறிது பின்னடைவு) மொத்தமாக 20 ஓவர், இவர்களை நியுசிலாந்து அணி குறிவைக்கும் (வலது கை சுழற்பந்துவீச்சாளரான அஸ்வினை அணியில் இணைக்கமாட்டார்கள் எனவே கூறப்படுகிறது) இதனால் இரண்டாவதாக நியுசிலாந்து துடுப்பெடுத்தாடினாலும் சிலவேளை நியுசிலாந்து வெல்ல வாய்ப்புண்டு.

இலங்கையுடன் விளையாடிய இறுதிப்போட்டியில் நியுசிலாந்து பந்து வீச்சாளர்கள் சிறப்பாக வீசினார்கள் குறிப்பாக ரென்ட் போல்ட், சரியான நேரத்தில் நியுசிலாந்து அணி தனது பந்து வீச்சினை பலப்படுத்தியுள்ளது. நியுசிலாந்தின் களத்தடுப்புதான் தற்போது மிக மோசமாக உள்ளது அத்துடன் அணியின் நடுப்பகுதில் ஆடுபவர்கள் சரியாக ஆடவில்லை, இந்த ஆட்டத்தில்  நீசம், பில்ப்ஸ், சாப்மன் மூவரும் சிறப்பாக விளையாடினால் இறுதி ஓவர்களில் மிக பெரிய அளவில் ஓட்டங்களை குவிப்பார்கள்(அவர்கள் மூவரும் அவ்வகையான ஆட்டக்காரர்களே), ஒரு வேளை நியுசிலாந்து இரண்டாவதாக துடுப்பெடுத்தாட நேரிட்டால் ஆரம்ப 15 ஓவர்களுக்கு விக்கட் இழப்பின்றி குறைந்த ஓட்டங்கள் குவித்தால் இந்த நடுப்பகுதி வீரர்களின் அடித்தாடும் ஆட்டம் கை கொடுக்கும்.

முக்கியமாக சிறந்த இந்தியணியின் பந்துவீச்சினை எவ்வாறு நியுசிலாந்து எதிர்கொள்ளப்போகிறது என்பது முக்கியம் இந்தியணியுடன் தர்மசாலாவில் விளையாடிய போது ஓரளவு சுமாராகவே விளையாடியுள்ளார்கள், அந்த அணியில் வில்லியம்சன் இடம்பெறவில்லை என கருதுகிறேன்.

397 இது இமைய‌ம‌லை இல‌க்கு

இதை இந்திய‌ன்ட‌ ப‌ந்து வீச்சுக்கு நியுசிலாந் வெல்ல‌ வாய்ப்பு மிக மிக‌ குறைவு

[nunavilan]

NZ  5 ஓவருக்கு 30 ஓட்டங்கள். நல்ல தொடக்கம். பார்க்கலாம். 

[நிழலி]

இறுதி நேரத்தில் pitch இனை மாற்றி இந்தியா தனக்கு சாதகமாக நடந்து கொண்டதாக குற்றச்சாட்டு எழுந்துள்ளது. புதிய pitch ஒன்றினை கொடுக்காமல் ஏற்கனவே இரண்டு முறை விளையாடிய pitch இனை இறுதி நேரத்தில் தெரிவு செய்தது சர்ச்சைக்கு உள்ளாகியுள்ளது.

https://www.theguardian.com/sport/2023/nov/15/india-accused-over-pitch-switch-for-new-zealand-cricket-world-cup-semi-final

 

[வீரப் பையன்26]

24 minutes ago, நிழலி said:

இறுதி நேரத்தில் pitch இனை மாற்றி இந்தியா தனக்கு சாதகமாக நடந்து கொண்டதாக குற்றச்சாட்டு எழுந்துள்ளது. புதிய pitch ஒன்றினை கொடுக்காமல் ஏற்கனவே இரண்டு முறை விளையாடிய pitch இனை இறுதி நேரத்தில் தெரிவு செய்தது சர்ச்சைக்கு உள்ளாகியுள்ளது.

https://www.theguardian.com/sport/2023/nov/15/india-accused-over-pitch-switch-for-new-zealand-cricket-world-cup-semi-final

 

இது கிரிக்கேட் விதிமுறைக்கு முற்றிலும் எதிரான‌ செய‌ல் 😡

[ஏராளன்]

India                             397/4

New Zealand                  (30/50 ov, T:398) 199/2

New Zealand need 199 runs from 20 overs.

Current RR: 6.63  • Required RR: 9.95  • Last 5 ov (RR): 38/0 (7.60)

Win Probability:NZ 11.83% • IND 88.17%

[ஈழப்பிரியன்]

8 minutes ago, ஏராளன் said:

India                             397/4

New Zealand                  (30/50 ov, T:398) 199/2

New Zealand need 199 runs from 20 overs.

Current RR: 6.63  • Required RR: 9.95  • Last 5 ov (RR): 38/0 (7.60)

Win Probability:NZ 11.83% • IND 88.17%

நியூசிலாந்து வெல்லுது

பைனலுக்கு போகுது.