மிகவும் ஆபத்தான வேடிக்கை ஒன்றை நிகழ்த்தி அவுஸ்திரேலியாவில் உள்ள இலங்கை தமிழர் ஒருவர் கின்னஸ் உலக சாதனை படைத்துள்ளார். தனது தலையில் உள்ள மயிரை பயன்படுத்தி நிலத்திற்கு மேல் ஒரு மீற்றர் உயரத்தில் சுமார் 23 நிமிடங்கள் மற்றும் 24 செக்கன்கள் அந்தரங்கமாக தொங்கி அவர் இந்த ஆபத்தான, வேடிக்கையான சாதனையை படைத்துள்ளார். “எனது தலைமயிர் மிகவும் வலிமையானது. காரணம் நான் இயற்கை எண்ணெய் பயன்படுத்துகிறேன்” என கின்னஸ் சாதனையை படைத்துள்ள இலங்கை பிரஜையான சுதாகரன் சிவஞானதுறை தெரிவித்துள்ளார்.

இந்த கின்னஸ் சாதனையை படைக்கும்போது தனக்கு தலையில் வலி ஏற்பட்டதாகவும் ஆனால் அது பெரிதாக இல்லை எனவும் அவர் குறிப்பிட்டுள்ளார்.

இவ்வாறானதொரு சாதனையை இதற்கு முன்னர் எவரும் படைத்திருக்கவில்லை. 57 கிலோ கிராம் நிறையுடைய சுதாகரன் சிவஞானதுறை யோகா பயிற்சிகளையும் செய்து வந்துள்ளதோடு, இந்த சாதனையை செய்ய பயிற்சி செய்தும் வந்துள்ளார்.

சுதாகரன் சிவஞானதுறை இலங்கையில் இருந்தபோது ஸ்டண்ட் முயற்சியிலும் ஈடுபட்டுள்ளார்.

இதேவேளை, இலங்கையில் இருந்த போது முகாம் ஒன்றில் தடுத்து வைக்கப்பட்டதாகவும் அங்கு வசித்தபோதே இவ்வாறு தலைமயிரை பயன்படுத்தி அந்தரத்தில் தொங்கி சாதனை படைக்க வேண்டும் என்ற அவா, ஆதங்கம் ஏற்பட்டதாகவும் சுதாகரன் சிவஞானதுறை கூறியுள்ளார்.

http://youtu.be/XMt_mPhU1Nw

http://www.saritham.com/?p=44648

சுதாகரன் சிவஞானதுரை எனது பாராட்டுகள்,

மென்மேலும் பல சாதனைபடைக்க வாழ்த்துகின்றேன்.

ப்சச்ஸ்ட்...இதெல்லாம் ஒரு சாதனையா? ஸ்ரீ லங்கா கொலைவெறி ராஜபக்ச குடும்பத்தின் மயிரில் எங்கட ஆக்கள் எத்தனை பேர் வருசக்கணக்கா தொங்கி கொண்டிருக்கினம்.

என்றாலும் சாதனைக்கு வாழ்த்துக்கள். இந்த செய்தி தமிழுக்கு நன்மை சேர்க்கும் செய்திகளில் ஒன்று. அதற்கு ஒரு பச்சை.

சுதாகரன் சிவஞானதுரை சாதனைக்கு வாழ்த்துக்கள்.

வாழ்த்துக்கள் சுதாகரன்

சாதனையா இது?

இதற்காக எவ்வளவு வேதனையைச் சுதாகரன் அனுபவித்திருப்பார்?

இருந்தாலும் சக தமிழன் என்ற முறையில் எனது வாழ்த்துக்கள்!!!

அந்தக் காலத்தில் நல்ல சுத்தமான, யாழ்ப்பாண நல்லெண்ணெய், பாவித்திருப்பார் போல!!!

சுதாகரனுக்கு பாராட்டுக்கள். மேலும் பல சாதனைகளை செய்ய வாழ்த்துக்கள்.

அவுஸ்திரெலியாவில் நான் இருந்தாலும் இவ்வளவு நாளும் இத்தமிழன் செய்த சாதனையினை எனக்கு தெரியாமல் போய்விட்டது.

சுதாகரனுக்கு வாழ்த்து(க்)கள்.

அடுத்ததாக முந்தானையில் தொங்குவதிலும் தமிழன் சாதனை படைப்பான்!

அடுத்ததாக முந்தானையில் தொங்குவதிலும் தமிழன் சாதனை படைப்பான்!

:D