'மன்மோகன் சிங்குடன் பேச்சுவார்த்தை நடத்த கூட்டமைப்பினர் அடுத்த மாதம் இந்தியா விஜயம்?'

இலங்கையின் இனப்பிரச்சினைக்கு அரசியல் தீர்வு காண்பது தொடர்பில் இந்திய பிரதமர் மன்மோகன் சிங்குடன் பேச்சுவார்த்தை நடத்துவதற்கு தமிழ்த் தேசியக் கூட்டமைப்பின் உயர்மட்டக் குழுவினர் எதிர்வரும் பெப்ரவரி மாதத்தில் இந்தியாவுக்கு விஜயம் செய்யவுள்ளதாக அக்கட்சியின் வட்டாரங்கள் தெரிவிக்கின்றன.

இலங்கைக்கு இவ்வாரம் விஜயம் செய்திருந்த இந்திய வெளிவிவகார அமைச்சர் எஸ்.எம்.கிருஷ்ணாவுடன் தமிழ்த் தேசியக் கூட்டமைப்பினர் சந்தித்து இலங்கையின் இனப்பிரச்சினைக்கான அரசியல் தீர்வு தொடர்பில் பேச்சுவார்த்தை நடத்தியிருந்தனர்.

இப்பேச்சுவார்த்தையின்போது இந்தியப் பிரதமர் மன்மோகன் சிங்கை தாம் சந்திக்க வேண்டும் என்று தமிழ்த் தேசியக் கூட்டமைப்பினர் கோரிக்கை ஒன்றை முன்வைத்ததையடுத்தே, இத்தீர்மானம் எடுக்கப்பட்டுள்ளதாகத் தெரிய வருகின்றது.

இவ்விஜயத்தின் போது இந்திய உயர் அதிகாரிகள் பலரை தமிழ்த் தேசியக் கூட்டமைப்பினர் சந்தித்து பேச்சுவார்த்தை நடத்துவார்கள் என எதிர்பார்க்கப்படுகின்றது.

தமிழ்த் தேசியக் கூட்டமைப்பின் உயர் மட்டக் குழுவினர் கடந்த வருடம் அமெரிக்கா, கனடா மற்றும் பிரித்தானியா ஆகிய நாடுகளுக்கு விஜயம் செய்திருந்தமையும், ஆபிரிக்க தேசிய காங்கிரஸின் நூற்றாண்டு விழாவில் இம்மாதம் கலந்து கொண்டிருந்தனர்.

இலங்கையின் இனப்பிரச்சினைக்கான அரசியல் தீர்வு தொடர்பில் சிறிலங்கா அரசாங்கத்தின் அணுகுமுறைகள் குறித்து தமிழ்த் தேசியக் கூட்டமைப்பு அதிருப்தி கொண்டுள்ளமை குறிப்பிடத்தக்கது.

http://www.ponguthamil.com/showcontentnews.aspx?sectionid=1&contentid=ce9d40d2-74ed-4f35-bab4-08a2475a0f02

தமிழர்களை ஏமாற்று வதற்கு இந்தியா ஆடும் நாடகத்தில் இதுவும் ஒரு அங்கமே ..........

எங்களுக்கும் வேறு வழியில்லை இந்த நாடகங்களைத்தான் பார்த்து காலத்தை களிக்கவேண்டியுள்ளது

தலையைக்கொண்டு போய் மலையுடன் இடிக்கும் நிலை கூட்டமைப்புக்கு.

அது அதுதான்

அசையாது.

திருவாளர் சிங்கு ஆட்சியை தக்க வைக்க ஆடும் நாடகமா? இல்லை உண்மையிலேயே நெருங்கிவரும் சீனா தரும் பயமா? இல்லை அமெரிக்கா தரும் அழுத்தமா? பார்க்கலாம்.

ஏதுவும் இல்லை..இது கூட்டமைப்பின் வெறும்கூத்து..

அவர்கள் வருவதும் இவர்கள் செல்வதும் வழமை.

அது தான் சம்பிரதாயமாம்.

இதனால் எங்களுக்கு எதுவும் கிடைக்கப் போவதில்லை.

ஆராருக்கோ எல்லாம் சனியன் மாறிவிட்டது. ஆனால் கூட்டமைப்புக்கு இன்னமும் அதே பழைய சனியன் தான் நிற்கிறது.

கர்னாடகாவில் முதலமைச்சராக இருந்த போது செய்த நிலக்கரி சுரங்க ஊழலிலினால் தனது நாட்டில் தற்போது பெரும் சிக்கலில் மாட்டியுள்ளவரா இந்த கிருஸ்ணா?

இந்திய வெளியுறவு அமைச்சர் சரியான தெரிவுதான்,ஸ்பெக்ரம் ஊழலில் திரு ராஜா அவர்கள் சொன்னார் முதலில் பிரதமரை விசாரியுங்கள் என்று,

சிங்களத்திற்கு இவர்களை சமாளிப்பது சுலபம்,